*🌷🌷 ఫిబ్రవరి 4🌷*
*అలసిన వానిని ఊరడించు మాటలు*
🍞🍞🍞🍞🍞🍞🍞🍞🍞
*సహోదరుడు భక్త సింగ్ గారి పరిచర్య నుండి సేకరించిన*
*అనుదిన ధ్యానములు*
🍇🍇🍇🍇🍇🍇🍇🍇🍇
*"నీవు నా ఆజ్ఞలను.. ఆలకించిన యెడల నీక్షేమము నదివలె.. ఉండును. (యెషయా 48:18)*
2 థెస్స 3:16లో దేవుడు తానే మీకు సమాధానము అనుగ్రహించుననియు, ప్రభువు తానే ఎల్లప్పుడూ మీతో కూడా ఉండుననియు చదువుదుము. ఈ సమాధానము ఆయన సన్నిధి నీతో కూడా ఉన్నదను గమనికను నీకు దయచేయును. నిజముగా నీవు ఆయన సన్నిధి యొక్క గమనికను కలిగియుందువు. "భయపడకుడి నేను నీతో కూడా ఉందును" అని క్రీస్తు చెప్పుచున్నాడు. ఆయన సన్నిధి యొక్క అట్టి గమనిక ఒక అద్భుతమైన విషయము.
ఫిలిప్పి 4:7 లో "సమస్త జ్ఞానమునకు మించిన దేవుని సమాధానము యేసు క్రీస్తు వలన మీ హృదయములకును మీ తలంపులకును కావలియుండును" అని చదువుదుము. ఈ సమాధానము అంతరంగములో నిన్ను బలముగా ఉంచును. నీ చుట్టూ ఒక బలమైన సైన్యమువలె దేవుని సమాధానము నీకు కావలి కాయును. అక్కడ కరువు, ఉపద్రవము, భూకంపము లేక యుద్ధము ఉన్నను నీవు భద్రముగా, క్షేమముగా ఉందువు. నీ వెంట్రుకలన్నియు లెక్కింపబడి యున్నవి, నీ కన్నీరు బుడ్డిలో ఉంచబడియున్నదనియు లేఖనము చెప్పుచున్నది. ఆయన యందు నీవు క్షే మముగా ఉందువు.
యిర్మీయా 33:6 లో "నేను దానికి ఆరోగ్యమును స్వస్థతను మరల రప్పించుచున్నాను.. వారికి సత్య సమాధానములను సమృద్ధిగా బయలుపరచెదను" అని కనుగొందుము. నిజమైన సమాధానము నీ గాయములన్నియు స్వస్థపరచును. స్నేహితులు నమ్మక ద్రోహము చేసినప్పుడు, అది చాల లోతైన, బాధాకరమైన గాయమగును. అదే రీతిగా పిల్లలు అపనమ్మకంగా ఉన్నప్పుడు, ఏ ఔషధము ద్వారా స్వస్థపరచబడని గాయమగును. అయితే ఈ సమాధానము స్నేహితులు లేక శత్రువుల ద్వారా ఏర్పడిన ప్రతి విధమైన గాయమును స్వస్థపరచును. "నీ ధర్మ శాస్త్రమును ప్రేమించువారికి ఎంతో నెమ్మది కలదు వారు తూలి తొట్రిల్లుటకు కారణమేమియు లేదు" (కీర్తనలు 119:165) ఎంతో మంది విశ్వాసులు ఎంతో సులభముగా అభ్యంతర పడుచున్నారు . వారి సమాధానము లోక సంబంధమైనది గనుక, ఆ సమాధానమును వారు పోగొట్టు కొనుచున్నారు. అయితే దేవుడిచ్చు సమాధానము దేనిని బట్టి అభ్యంతర పడదు. అది గొప్ప సమాధానము.
"ఎవని మనస్సు నీ మీద ఆనుకొనునో వానిని నీవు పూర్ణ శాంతిగలవానిగా కాపాడుదువు" (యెషయా 26:3) ఈ పూర్ణ శాంతి అన్ని పరిస్థితులలోను నీకు బలమైన విశ్వాసము నిచ్చును. నీవు దేవుని వాక్యమును, ఆయన వాగ్దానమును నమ్మవలెను" ఆ శాంతిని నీవు పొందితివా? దానిని ఎట్లు కనుగొనగలవు"? "ఆయన మన సమాధానము" (ఎఫెసీ 2:14) "ఆత్మానుసారమైన మనస్సు జీవమును సమాధానమునై యున్నది"( రోమా 8:6). దైవ స్వభావమును పొందుట ద్వారా మనము నిజమైన సమాధానమును కనుగొందుము. *మన శిక్షను తీసివేయుటకు ఆయన మరణించెను మరియు మనకు దైవ స్వభావము నిచ్చుటకు ఆయన తిరిగి లేచెను. ఆ స్వభావము నీకు సమాధానమునిచ్చును మరియు నీవు దేవునికి లోబడుట ద్వారా అది విస్తరించును. "నీవు నా ఆజ్ఞలను.. ఆలకించిన యెడల నీ క్షేమము నదివలె .. ఉండును (యెషయా 48:18)*
Please share
🙏Praise the LORD 🙏
#📝అనుదిన వాక్యము #⛪దేవుని వాక్యము ✝