മാളു വന്നിട്ട് ഒരാഴ്ചയായിട്ടും തിരിച്ചു പോകാതായപ്പോൾ രവീന്ദ്രന് ഒരു സംശയം ഇവള് തിരിച്ചു പോകുന്നതിനെ പറ്റി ഒന്നും പറഞ്ഞതുമില്ല... അവനെയിങ്ങോട്ട് കാണാനുമില്ല.. ചായ കുടി കഴിഞ്ഞ് ഉമ്മറത്തിരുന്ന് പത്രം വായിക്കുന്നതിനിടയിൽ രവീന്ദ്രൻ മോളെ വിളിച്ചു.. "മാളൂട്ടി ഇങ്ങോട്ടു ഒന്നു വന്നേ.. " എന്താ അച്ഛാ.. അനുസരണയുള്ള കൊച്ചു കുട്ടിയെപ്പോലെ അവൾ കൊഞ്ചി കൊണ്ട് ഓടി ചെന്നു.. അച്ചൻ വിളിച്ചായിരുന്നോ... രഞ്ചിത്തിനെ കണ്ടില്ലല്ലോ മോളെ... അവൾ അച്ചനു മുഖം കൊടുക്കാതെ തല കുനിച്ചു നിന്നു... സത്യം പറയു കുട്ടി അവിടെ വല്ല പ്രശ്നം ഉണ്ടായോ... പെട്ടന്നു തന്നെ അവളുടെ മുഖം ചുവന്നു തുടുത്തു. കണ്ണുകളിൽ നീർമുത്തുകൾ തളം കെട്ടി നിന്നു.. രഞ്ചിയേട്ടൻ വരില്ല അച്ഛാ.. എന്നാൽ പിന്നെ മോൾക്കങ്ങോട്ട്.. അവളുടെ കൈത്തലത്തിൽ ചേർത്തു പിടിച്ചു കൊണ്ട് മുഴുവിപ്പിക്കാതെ ആ ആൽമരം പറഞ്ഞു നിറുത്തി .. ഇല്ല അച്ഛാ... അച്ചനിനി എന്നെ നിർബന്ധിക്കരുത്, ഞാൻ ഇനി ആ നശിച്ച വീട്ടിലേയ്ക്ക് തിരിച്ചു പോകാൻ ഉദ്ദേശിക്കുന്നില്ല.... മോളേ മാളു ...!! അച്ഛൻ പറയുന്നതു കൊണ്ട് മോൾക്ക് വിഷമം ഒന്നും തോന്നരുത്. നിൻ്റെ നന്മയ്ക്കാണ് അച്ഛൻ പറയുന്നത് .. അല്ലാതെ തൻ്റെ മോള് അച്ഛൻ്റെ കൂടെ നിൽക്കുന്നതിൽ അച്ഛന് സന്തോഷമേയുള്ളൂ.. തനിച്ചാകരുത് എന്ന് മാത്രം.... നിങ്ങളുടെ വിവാഹം കഴിഞ്ഞ് അഞ്ചാറു മാസമേ ആയുള്ളൂ.. നാട്ടുകാര് അറിഞ്ഞാൽ അതുമിതു പറയും.. നിനക്കറിയാലോ.. ഇവിടുത്തെ ആൾക്കാരെ .. അച്ഛൻ ഒരു പാട് നിർബന്ധിച്ചിട്ടും വ്യക്തമായ കാരണങ്ങൾ അവൾക്ക് അവർക്ക് മുന്നിൽ തുറന്നു പറയാൻ കഴിഞ്ഞില്ല. അച്ഛൻ്റെ ശബ്ദം കടുത്തപ്പോൾ ഒന്നു പൊട്ടിക്കരയാനേ അവൾക്കു കഴിഞ്ഞുള്ളൂ.. അമ്മയുടെ ആശ്വാസവാക്കുകൾ ആ കണ്ണീർ പുഴയ്ക്ക് തടയണയിട്ടു .. നിങ്ങൾ ഏന്നാത്തിനാ മനുഷ്യാ എൻ്റെ മോളെ രാവിലെത്തന്നെ കരയിപ്പിക്കുന്നത് .. ,അവൾക്ക് അവിടെ നിക്കാൻ പാടാണേൽ പിന്നെ എന്തിനാ നിർബന്ധിച്ചു അവളെ ഉന്തി തള്ളി അങ്ങോട്ട് വിടുന്നേ... അമ്മേടെ -മോളു വിഷമിക്കണ്ട ട്ടോ.. എൻ്റെ മോളെ പഠിപ്പിച്ച് ഇത്രയും സ്വർണ്ണം കൊടുത്തയച്ചത് അവിടെ പോയി അടുക്കള പണി എടുപ്പിക്കാനല്ല... ആശ്വാസവാക്കുകൾ കേട്ടപ്പോൾ അവളുടെ മുഖവും മനസ്സും ഒന്നു പ്രസാദിച്ചു.. അമ്മയ്ക്ക് സ്നേഹമുണ്ട്.. . അവൾ മുറിയിലേയ്ക്ക് പോയ സമയത്ത് അമ്മ തൻ്റെ പരാതിപ്പെട്ടി അച്ഛൻ്റെ മുന്നിൽ തുറക്കുന്നത് അവൾ മുറിയിൽ നിന്ന് ചെറുതായി കേൾക്കുന്നുണ്ടായിരുന്നു .. നിങ്ങൾക്കിപ്പോ സമാധാനമായോ.. രാവിലെത്തന്നെ അവളെ കരയിപ്പിച്ചപ്പോൾ വലിയ കാർന്നോര് വന്നിരിക്കുന്നു. ഇന്നത്തെ കാലത്തെ കുട്ടികള് നമ്മളെപ്പോലെയല്ല.. നീ എന്തറിഞ്ഞിട്ടാ. അംബികേ കിടന്നു ചിലക്കണത്.. അമ്മയുടെയും അച്ഛൻ്റേയും സംഭാഷണങ്ങൾക്ക് കാതോർക്കാതെ അവൾ ആ കട്ടിലിൽ പോയി കിടന്നു.. മനസ്സ് ആറു മാസം പിറകോട്ട് സഞ്ചരിച്ചു .. വിവാഹം കഴിച്ചതിനു ശേഷം എന്തൊരു സ്നേഹമായിരുന്നു രഞ്ചിയേട്ടന്.. ദിവസങ്ങൾ കഴിയുന്തോറും - തൻ്റെ കുറ്റങ്ങൾ കണ്ടു പിടിക്കുന്നത് രഞ്ചിയേട്ടന് ഒരു ഹരമായിരുന്നു .. പത്താം ക്ലാസ്സിലെ വാട്സാപ്പ് ഗ്രൂപ്പിൽ രഞ്ചിയേട്ടൻ നിർബന്ധിച്ചു ചേർത്തപ്പോഴും ആ മനുഷ്യൻ്റ ഉള്ളിലുള്ള തെറ്റായ ചിന്തകൾ മനസ്സിലാക്കാൻ കഴിയാഞ്ഞത് താൻ ആ മനുഷ്യനെ അത്രയധികം സ്നേഹിച്ചതുകൊണ്ടല്ലേ .. താനില്ലാത്തപ്പോൾ തൻ്റെ കൂട്ടുകാരികളോട് വൃത്തികേട് സംസാരിച്ചതിൽ നിന്ന് ആയാൾ എന്താണ് നേടിയത് അല്പനേരത്തെ നയന സുഖമോ, അതോ ശ്രവണസുഖമോ .. .. അതെല്ലാം തമാശയായി കണ്ണടച്ചപ്പോഴും അതൊന്നും ചെയ്തത് പോരാഞ്ഞിട്ട് താനില്ലാത്ത നേരത്ത് വൃത്തികെട്ട സ്ത്രീകളെ കൂടെ.കിടത്തുന്ന ആ മനുഷ്യൻ്റെ കൂടെ ഭാവി ജീവിതം നയിക്കാൻ മാത്രം ഒരു വാടക പെണ്ണല്ല. താനെന്ന കാര്യം അയാളെ ' ഓർമ്മപ്പെടുത്തണം .. ഭാര്യമാർ ഭോഗവസ്തു മാത്രമല്ല ചോരയും , നീരും വേദനയും, നൊമ്പരങ്ങളും തിരിച്ചറിയാനുള്ള ജീവനുള്ള വസ്തുവാണെന്ന് കാണിച്ചു കൊടുക്കണം... ഇത്രയും താൻ ചെയ്തില്ലെങ്കിൽ ആണെന്ന വർഗ്ഗത്തിന് അഹങ്കാരം കൂടുകയേ ഉള്ളൂ.... അവൾ തൻ്റെ ശരീരത്തി'ലെ അവൻ്റെ ക്രൂരക്രീഡയാൽ സമ്മാനിച്ച നഖക്ഷതങ്ങളിലൂടെ വിരലോടിച്ചു... കരയാൻ കഴിയുന്നില്ല . കണ്ണുനീർ വറ്റി വരണ്ടിരിയ്ക്കുന്നു .. .. ജയിക്കാൻ വേണ്ടിയല്ല. വഴിമാറികൊടുക്കുകയാണ്.. തെറ്റുകൾ ചെയ്തു ചെയ്തു ശരിയെ തിരിച്ചറിയുന്ന ഒരു കാലം അയാൾക്ക് വിദൂരമല്ല.' കാലം കണക്കു ചോദിച്ചോളും.. മുറ്റത്ത് പോസ്റ്റുമാൻ്റെ സൈക്കിൾ വന്നു നിൽക്കുന്നത് അകത്തിരുന്നുകൊണ്ടവൾ കണ്ടു... ആ ' കത്ത് തനിക്കായിരിക്കും എന്നതിൽ അവൾക്ക് ഒട്ടും സംശയമുണ്ടായിരുന്നില്ല.. വായിച്ചു നോക്കാതെ അതിൽ കൈയ്യൊപ്പു പതിപ്പിച്ചപ്പോൾ താനൊരു യുദ്ധം. ജയിച്ച പ്രതീതിയായിരുന്നു. മനസ്സു മുഴുവൻ.. ഉള്ളു കൊണ്ട് ചിരിച്ചിട്ടിവൾ അകത്തേയ്ക്ക് നടന്നു... കാലം വിഡ്ഢിവേഷം കെട്ടിയാടുമ്പോൾ സ്നേഹത്തിനും കുടുംബ ബന്ധത്തിനും പ്രാധാന്യം നൽകാത്ത എല്ലാ ഭർത്താക്കാൻമാർക്കുമായി സമർപ്പിക്കുന്നു .. #📔 കഥ #💞 പ്രണയകഥകൾ #✍️ വട്ടെഴുത്തുകൾ