ഋതുഭേദങ്ങൾ ഭാഗം 2 വിശ്വന്റെ ചോദ്യത്തിന് മുന്നിൽ പല്ലവി ഒന്ന് പതറി. അവൾ ദേവന്റെ മുഖത്തേക്ക് നോക്കി. ദേവൻ അവൾക്ക് ധൈര്യം പകരാൻ കണ്ണുകൾ കൊണ്ട് ആംഗ്യം കാണിച്ചു…. "അങ്കിൾ... ഞാൻ ജനിച്ചു വളർന്നത് നഗരത്തിലാണെങ്കിലും അച്ഛനും അമ്മയും എന്നെ പഠിപ്പിച്ചത് നമ്മുടെ സംസ്‌കാരത്തെയും മുതിർന്നവരെ ബഹുമാനിക്കാനുമാണ്. ഈ വീടിന്റെ രീതികൾ പഠിച്ചെടുക്കാൻ ഞാൻ പരമാവധി ശ്രമിക്കാം." പല്ലവി പറഞ്ഞു… വിശ്വൻ മറുപടിയൊന്നും പറഞ്ഞില്ല. അദ്ദേഹം ഭക്ഷണം കഴിച്ച് എഴുന്നേറ്റു പോയി. സാവിത്രി പല്ലവിയുടെ അരികിൽ വന്ന് ആശ്വസിപ്പിച്ചു…. "മോളൊന്നും വിചാരിക്കരുത്. ഏട്ടൻ കുറച്ച് കണിശക്കാരനാണ്. പക്ഷേ ഉള്ളിൽ നിറയെ സ്നേഹം ആണ്... പണ്ട് ഒരു അനുഭവം ഉള്ളതുകൊണ്ടാണ് ഇങ്ങനെ പെരുമാറുന്നത്.".... "അമ്മേ... ആ പഴയ കഥ ഇവിടെ ഇപ്പൊ എടുത്തിടല്ലേ.. ഏട്ടാ നീ വാ... നമുക്ക് കുറച്ച് കാര്യങ്ങൾ സംസാരിക്കാനുണ്ട്." അരുൺ സാവിത്രിയോട് പറഞ്ഞിട്ട് ദേവനെ വിളിച്ചു കൊണ്ട് പോയി… അന്ന് രാത്രി ഉമ്മറത്തെ ചാരുകസേരയിൽ കിടക്കുകയായിരുന്നു വിശ്വൻ. ആകാശം വീണ്ടും കറുത്തിരുണ്ടു. ദേവൻ അങ്ങോട്ട് പതുക്കെ നടന്നുചെന്നു…. "അച്ഛാ... ഉറങ്ങിയില്ലേ"... "ഇല്ല. മനസ്സ് അസ്വസ്ഥമാകുമ്പോൾ എനിക്ക് ഉറക്കം വരില്ല. ദേവാ... നീ എന്തിനാണ് അവളെ കൂടെ കൂട്ടിയത്.. ഒരു ഫോൺ വിളിച്ച് പറയാമായിരുന്നില്ലേ"... "അച്ഛാ പല്ലവി.. വെറുമൊരു പെൺകുട്ടിയല്ല. എന്റെ പ്രതിസന്ധികളിൽ എന്നെ താങ്ങി നിർത്തിയത് അവളാണ്. അവളെ ഒന്ന് മനസ്സിലാക്കാൻ അച്ഛൻ ശ്രമിക്കണം."... "മനസ്സിലാക്കാൻ എളുപ്പമാണ്. പക്ഷേ ജീവിതം അതല്ല. നാളെ രാവിലെ അവളുടെ വീട്ടുകാരെ വിളിപ്പിക്കണം. എനിക്ക് അവരോട് സംസാരിക്കണം."....വിശ്വന്റെ വാക്കുകളിൽ ഉറച്ച തീരുമാനമുണ്ടായിരുന്നു. പിറ്റേന്ന് രാവിലെ തന്നെ പല്ലവിയുടെ അച്ഛൻ ശങ്കറും അമ്മ രമയും തറവാട്ടിലെത്തി… ശങ്കറും രമയും ഉമ്മറത്തേക്ക് കയറി വരുമ്പോൾ വിശ്വൻ പത്രം വായിച്ചിരിക്കുകയായിരുന്നു. "വിശ്വനാഥാ... കുറെ കാലമായില്ലേ കണ്ടിട്ട്" ശങ്കർ ചോദിച്ചത് കേട്ട് വിശ്വൻ പത്രം താഴ്ത്തി നോക്കി. ശങ്കറെ കണ്ടതും അദ്ദേഹത്തിന്റെ മുഖത്ത് ഒരു നേരിയ പുഞ്ചിരി വിരിഞ്ഞു. ഇത് കണ്ട് ദേവനും പല്ലവിയും അത്ഭുതപ്പെട്ടു…. "ശങ്കറോ.. നീയാണോ ഈ പല്ലവിയുടെ അച്ഛൻ".... "അതെ വിശ്വനാഥാ. നിന്റെ മകനാണ് ദേവൻ എന്ന് പല്ലവി പറഞ്ഞപ്പോഴേ എനിക്ക് സന്തോഷമായി. പഴയ വൈരാഗ്യമൊക്കെ ഇപ്പോഴും മനസ്സിലുണ്ടോ".... "അതൊക്കെ പണ്ട്. പക്ഷേ കുട്ടികളുടെ കാര്യം വരുമ്പോൾ എനിക്ക് നിർബന്ധങ്ങളുണ്ട്. പല്ലവിയെ ഞങ്ങളുടെ കുടുംബത്തിന് ചേരുന്ന രീതിയിൽ മാറ്റിയെടുക്കാൻ നിനക്ക് സമ്മതമാണോ" "എന്താ വിശ്വേട്ടാ ഇങ്ങനെ പറയുന്നത്.. പല്ലവി പാവമാണ്. അവൾക്ക് ഈ വീട് ഒരു സ്വർഗ്ഗമായിരിക്കും.".. രമ പറഞ്ഞു… പെട്ടെന്നാണ് സാവിത്രി ചായയുമായി അങ്ങോട്ട് വന്നത്. ശങ്കറെ കണ്ടപ്പോൾ അവർക്കും സന്തോഷമായി. എല്ലാവരും കൂടി വിവാഹക്കാര്യങ്ങൾ സംസാരിക്കാൻ തുടങ്ങി. പക്ഷേ വിശ്വൻ ഒരു കണ്ടീഷൻ വെച്ചു. .. "കല്യാണം ഈ തറവാട്ടിൽ വെച്ച് തന്നെ നടക്കണം. ലളിതമായി മതി. ആഡംബരങ്ങൾ എനിക്ക് ഇഷ്ടമല്ല."... ഈ സമയം ദേവനും അരുണും പല്ലവിയും മുറ്റത്ത് മാറി നിന്ന് സംസാരിക്കുകയായിരുന്നു…. "നോക്കിയേ... അച്ഛൻ ചിരിക്കുന്നു.. ഇത് വലിയൊരു അത്ഭുതം തന്നെയാണ്."... അരുൺ ചിരിയോടെ ദേവനെ നോക്കി…. "എനിക്കും ആശ്വാസമായി ദേവേട്ടാ. പക്ഷേ അങ്കിളിന്റെ മനസ്സിൽ എന്തോ ഒന്നുണ്ടെന്ന് എനിക്ക് തോന്നുന്നു… പല്ലവിയുടെ സംശയം ശരിയായിരുന്നു. വിശ്വൻ ഒരു വലിയ രഹസ്യം ഉള്ളിൽ ഒളിപ്പിച്ചിരുന്നു അത് ഈ വിവാഹത്തെ ബാധിക്കുമോ എന്ന് അദ്ദേഹം ഭയപ്പെട്ടിരുന്നു…. തുടരും.. ✍️സന്തോഷ് ശശി… #💞 പ്രണയകഥകൾ #📙 നോവൽ #📔 കഥ #✍ തുടർക്കഥ #കഥ,ത്രില്ലെർ,ഹൊറർ