നോമ്പും കാരക്കയും കർമ്മ ശാസ്ത്ര പാഠങ്ങൾ അത്താഴം കഴിക്കുമ്പോഴും നോമ്പുതുറയുടെ സമയത്തും കാരക്ക ഉപയോഗിക്കൽ സുന്നത്താണ് . മൂന്നു കാരക്കയാണ് പൂർണ്ണമായ സുന്നത്ത് കാരക്ക ഇല്ലെങ്കിൽ മൂന്ന് ഇറക്ക് വെള്ളം കുടിക്കണം സംസമിനേക്കാൾ ഈ വിഷയത്തിൽ മുൻഗണന കാരക്കക്കാണ് തുഹ്ഫ 3 / 421 കാരക്കയും വെള്ളവും കിട്ടിയില്ലെങ്കിൽ ഉണക്കമുന്തിരി പോലെയുള്ള തീ സ്പർശിക്കാത്ത വസ്തുക്കളും മാംസം പാൽ തേൻ തീ സ്പർശനമേറ്റ പലഹാരങ്ങൾ എന്നിവയെ യഥാക്രമം മുന്തിക്കൽ സുന്നത്താണ് . ശർവാനി 3/ 423) നോമ്പുതുറ ഉളരിപ്പിക്കുന്നത് സുന്നത്താണ് റോഡിലൂടെ നടന്നുകൊണ്ടിരിക്കുമ്പോൾ ആണെങ്കിലും ഇത് സുന്നത്താണ് ഇതുകൊണ്ട് മുറുവ്വത്ത് പൊളിഞ്ഞു പോവുകയില്ല (തുഹ്‌ഫ 3/420) കാരക്കകൊണ്ട് നോമ്പ് തുറക്കൽ വളരെ ശ്രേഷ്ഠമുള്ള കാര്യമാണ് എന്നാൽ വായ വൃത്തിയാക്കി എത്തുമ്പോഴേക്ക്‌ തക്ബീറത്തുൽ ഇഹ്റാമിന്റെ ശ്രേഷ്ഠത നഷ്ടപ്പെടും എന്ന് കണ്ടാൽ വെള്ളം കൊണ്ട് നോമ്പ് തുറന്ന് ആ ശ്രേഷ്ഠത കരസ്ഥമാക്കാനാണ് ശ്രമിക്കേണ്ടത് . ശർവാനി 3/420 അത്രയും പ്രധാനപ്പെട്ടതാണ് തക്ബീറത്തുൽ ഹറാമിന്റെ ശ്രേഷ്ഠത എന്ന് പലരും മനസ്സിലാക്കാതെ പോകുന്നു നോമ്പുതുറ കാരണത്താൽ തക്ബീറത്തുൽ ഇഹ്റാമും നിസ്കാരത്തിന്റെ ജമാഅത്തും നഷ്ടപ്പെടാതിരിക്കാൻ വളരെ ശ്രദ്ധിക്കേണ്ടതാണ്. ഇബ്നു ഖാസിം 3/420 കാരക്കയ്ക്കു വേണ്ടി കാത്തുനിൽക്കുന്നതുകൊണ്ട് ജമാഅത്തോ തക്ബീറത്തുൽ ഇഹ്റാമോ നഷ്ടപ്പെടമെന്ന് കണ്ടാൽ വെള്ളം കൊണ്ട് മുറിക്കുന്നതാണ് നല്ലത്. കാരക്കയ്ക്കു വേണ്ടി കാത്തു നിൽക്കുമ്പോൾ ജമാഅത്ത് നഷ്ടപ്പെടുമെന്ന് കണ്ടാലും വെള്ളം കൊണ്ട് നോമ്പ് മുറിച്ചു ജമാഅത്തിനെ പരിഗണിക്കലാണ് നല്ലത്. തുഹ്ഫ 3/421 നോമ്പിന്റെ നിയ്യത്ത് നേരത്തെ വെച്ചിട്ടുണ്ടെങ്കിലും ഭക്ഷണത്തിനുശേഷം പുതുക്കൽ സുന്നത്താണ് അത്താഴസമയത്ത് സുഗന്ധം ഉപയോഗിക്കലും സുന്നത്തുണ്ട്. #☪ അല്ലാഹു #🛐 മുത്ത്നബി #🕋 ഇസ്ലാമിക് സ്റ്റാറ്റസ് 🟢 #🕌 റമളാൻ സന്ദേശം #🕌പുണ്യ റമളാൻ സ്റ്റാറ്റസുകൾ ☪️