*📖നേർവായന*
എപ്പിസോഡ് : 1346
ഇന്നത്തെ വിഷയം:
നോമ്പ് : സുപ്രധാനമായ പത്ത് കാര്യങ്ങൾ
▪️ ഭാഗം - 05
➖➖➖➖➖➖➖➖➖
🔲റമദാനിലെ ഓരോ ദിവസവും രാത്രിയിൽ തന്നെ (ഫജറിന് മുമ്പ്) നിയ്യത്ത് വെക്കണോ അതോ മാസത്തിൻ്റെ ആദ്യത്തിൽ ഒരൊറ്റ നിയ്യത്ത് മതിയോ എന്നതിൽ പണ്ഡിതന്മാർക്ക് അഭിപ്രായവ്യത്യാസമുണ്ട്. സൂക്ഷ്മതക്ക് നല്ലത് ഓരോ ദിവസവും രാത്രി നിയ്യത്ത് കരുതുന്നതാണ്. “നാളെ ഞാൻ നോമ്പെടുക്കുന്നു” എന്ന മനസ്സിൻ്റെ കരുതലാണ് നിയ്യത്ത്. അത്താഴം കഴിക്കുന്നത് തന്നെ നോമ്പെടുക്കാനുള്ള ഉദ്ദേശമാണല്ലോ. നാവുകൊണ്ട് ഉച്ചരിക്കേണ്ടതില്ല (ബിദ്അത്താണത്).
നബി ﷺ പറഞ്ഞു:
مَنْ لَمْ يُجْمِعِ الصِّيَامَ قَبْلَ الْفَجْرِ فَلَا صِيَامَ لَهُ.
ഫജറിന് മുമ്പായി നോമ്പിനെ (നിയ്യത്തിലൂടെ) ഉറപ്പിക്കാത്തവന് നോമ്പില്ല. [അബൂദാവൂദ്: 2454]
പത്താം വിഷയം: നോമ്പിൻ്റെ സുന്നത്തുകളും മര്യാദകളും (سنن الصيام وآدابه)
1. അത്താഴം കഴിക്കൽ (السحور):
قَالَ النَّبِيُّ صلى الله عليه وسلم : تَسَحَّرُوا فَإِنَّ فِي السَّحُورِ بَرَكَةً
നബി ﷺ പറഞ്ഞു: നിങ്ങൾ അത്താഴം കഴിക്കുക, നിശ്ചയം അത്താഴത്തിൽ ബർക്കത്തുണ്ട്. [ബുഖാരി: 1923]
➖➖➖➖➖➖➖➖
Join Our WhatsApp Group:
https://qr1.be/4M9V
➖➖➖➖➖➖➖➖
അത്താഴം കഴിക്കുന്നത് ഫജറിനോട് അടുപ്പിച്ച് വൈകിപ്പിക്കുന്നതാണ് സുന്നത്ത്.
2. നോമ്പ് തുറക്കാൻ ധൃതി കാണിക്കൽ: സൂര്യൻ അസ്തമിച്ചാൽ ഉടനെ നോമ്പ് തുറക്കണം. നബി ﷺ പറഞ്ഞു:
لاَ يَزَالُ النَّاسُ بِخَيْرٍ مَا عَجَّلُوا الْفِطْرَ
നോമ്പ് തുറക്കാൻ ധൃതി കാണിക്കുന്ന കാലത്തോളം ജനങ്ങൾ നന്മയിലായിരിക്കും. [ബുഖാരി: 1957]
3. ഈത്തപ്പഴം കൊണ്ട് നോമ്പ് തുറക്കൽ: ഈത്തപ്പഴം (റൂത്വബ് അല്ലെങ്കിൽ തംറ്) കൊണ്ട് തുറക്കുന്നതാണ് ഉത്തമം. അതില്ലെങ്കിൽ വെള്ളം.
➖➖➖➖➖➖➖➖
Subscribe Our YouTube Channel:
https://www.youtube.com/c/WisdomMediaChannel
➖➖➖➖➖➖➖➖
4. അവയവങ്ങളെ സൂക്ഷിക്കൽ: വിശപ്പും ദാഹവും സഹിക്കൽ മാത്രമല്ല നോമ്പ്. കണ്ണ്, കാത്, നാവ് എന്നിവയെ ഹറാമുകളിൽ നിന്ന് തടയണം. നബി (ﷺ) പറഞ്ഞു:
مَنْ لَمْ يَدَعْ قَوْلَ الزُّورِ وَالْعَمَلَ بِهِ وَالْجَهْلَ فَلَيْسَ لِلَّهِ حَاجَةٌ أَنْ يَدَعَ طَعَامَهُ وَشَرَابَهُ
ആരെങ്കിലും കളവായ വാക്കും പ്രവൃത്തിയും അവിവേകവും ഉപേക്ഷിക്കുന്നില്ലെങ്കിൽ, അവൻ തൻ്റെ ഭക്ഷണവും പാനീയവും ഉപേക്ഷിക്കുന്നതിൽ അല്ലാഹുവിന് യാതൊരു ആവശ്യവുമില്ല. [ബുഖാരി: 6057]
5. തർക്കങ്ങൾ ഒഴിവാക്കൽ: ആരെങ്കിലും നോമ്പുകാരനെ ചീത്തവിളിച്ചാൽ “ഞാൻ നോമ്പുകാരനാണ്” (إِنِّي صَائِمٌ) എന്ന് പറഞ്ഞ് ഒഴിഞ്ഞുമാറണം.
➖➖➖➖➖➖➖➖
Like and Follow
Our Facebook page:
https://www.facebook.com/WisdomMediaChannel/
➖➖➖➖➖➖➖➖
قَالَ أبُو عبدِ الله جَابِرُ بنُ عبدِ الله رضي الله عنهما :إذَا صُمْتَ فَليَصُمْ سَمْعُكَ وَبَصَرُكَ وَلِسَانُكَ عَنِ الكَذِبِ وَالمَحَارِمِ وَدَعْ أذَى الجَارِ وليَكُنْ عَلَيكَ وَقَارٌ وَسَكِينَةٌ يَوْمَ صَوْمِكَ وَلا تَجْعَلْ يَوْمَ صَوْمِكَ وَيَوْمَ فِطْرِكَ سَوَاءً
ജാബിർ رَضِيَ ٱللّٰهُ عَنْهُ പറഞ്ഞു: നീ നോമ്പെടുത്താൽ നിൻ്റെ ചെവിയും കണ്ണും നാവും കളവിൽ നിന്നും പാപങ്ങളിൽ നിന്നും നോമ്പെടുക്കട്ടെ. അയൽവാസിയെ ഉപദ്രവിക്കരുത്. നോമ്പുള്ള ദിവസം നിനക്ക് ഗാംഭീര്യവും അടക്കവും ഉണ്ടായിരിക്കണം. നോമ്പുള്ള ദിവസവും ഇല്ലാത്ത ദിവസവും ഒരുപോലെയാകരുത്. [مصنف ابن أبي شيبة (2/271)]
➖➖➖➖➖➖➖➖➖
Source: Kanzul uloom
#WisdomReels #WisdomIslam #peaceradio #harisbinsaleem
