ମଧ୍ୟପ୍ରାଚ୍ୟରେ ଥମିବା ବଦଳରେ ଆହୁରି ଭୟଙ୍କର ହେଉଛି ମହାଯୁଦ୍ଧ। ଇସ୍ରାଏଲ ଆଟାକର ଜୋରଦାର କାଉଣ୍ଟର ଆଟାକ୍ କରୁଛି ଇରାନ୍। ଗତକାଲି ଇସ୍ରାଏଲର ପୋର୍ଟ ସିଟି ହାଇଫାରେ ଏକ ତୈଳ ବିଶୋଧନାଗାରେ ମିସାଇଲ୍ ମାଡ଼ କରିଛି ଇରାନ୍।ଇସ୍ରାଏଲର ଡିଫେନ୍ସ ସିଷ୍ଟମ ଆକାଶମାର୍ଗରେ କ୍ଷେପଣାସ୍ତ୍ରକୁ ପ୍ରତିହତ କରିଥିଲେ ବି ଏହାର ଭଗ୍ନ ଅଂଶ ଇନ୍ଧନ ଟ୍ୟାଙ୍କର ଉପରେ ପଡ଼ିଥିଲା। ଫଳରେ ରିଫାଇନାରୀ ପରିସରରେ ଭୟଙ୍କର ଅଗ୍ନିକାଣ୍ଡ ହୋଇଥିଲା। ଏଥିରେ ଏକ ଇନ୍ଧନ ଟ୍ୟାଙ୍କର ଓ ଶିଳ୍ପ ଭିତ୍ତିଭୂମି କ୍ଷତିଗ୍ରସ୍ତ ହୋଇଛି।ଇସ୍ରାଏଲ ଶକ୍ତି ମନ୍ତ୍ରୀ କହିଛନ୍ତି ଉତ୍ପାଦନ କେନ୍ଦ୍ରଗୁଡ଼ିକର କୌଣସି ବଡ଼ ଧରଣର କ୍ଷତି ହୋଇନାହିଁ। ଦେଶରେ ତୈଳ ଯୋଗାଣ ବାଧାପ୍ରାପ୍ତ ହେବ ନାହିଁ। ଯୁଦ୍ଧର ମାସେ ଭିତରେ ଦ୍ବିତୀୟ ଥର ପାଇଁ ହାଇଫା ତୈଳ ବିଶୋଧନାଗାରରେ ଇରାନ ମିସାଇଲ୍ ମାଡ଼ କରିଛି। ହାଇଫା ବିଶୋଧନାଗାର ହେଉଛି ଇସ୍ରାଏଲର ସବୁଠାରୁ ବଡ଼ ତୈଳ ବିଶୋଧନାଗାର। ଏହା ଦେଶର ଆଭ୍ୟନ୍ତରୀଣ ବଜାର ପାଇଁ ଆବଶ୍ୟକ ହେଉଥିବା ପେଟ୍ରୋଲ, ଡିଜେଲ, ବିମାନ ଇନ୍ଧନ ଓ ଅନ୍ୟାନ୍ୟ ପେଟ୍ରୋକେମିକାଲ୍ ଉତ୍ପାଦର ଏକ ବଡ଼ ଅଂଶ ଯୋଗାଇଥାଏ। ଏହା ନଷ୍ଟ ହେଲେ ଦେଶର ଶକ୍ତି ଆବଶ୍ୟକତାର ମେରୁଦଣ୍ଡ ଦୋହଲିଯିବ। #🔥ଭୟଙ୍କର ମିସାଇଲ ମାଡ଼ : ଜଳିଲା ତେଲ ଭଣ୍ଡାର🛢️