*🌷🌷 ఫిబ్రవరి 22🌷* *అలసిన వానిని ఊరడించు మాటలు* 🍞🍞🍞🍞🍞🍞🍞🍞🍞 *సహోదరుడు భక్త సింగ్ గారి పరిచర్య నుండి సేకరించిన అనుదిన ధ్యానములు* 🍇🍇🍇🍇🍇🍇🍇🍇🍇 *"ఎవడైనను పాపము చేసిన యెడల నీతిమంతుడైన యేసు క్రీస్తు అను ఉత్తరవాది తండ్రి యొద్ద మనకున్నాడు"* *( 1 యోహాను 2:1)* మనము తిరిగి జన్మించక మునుపు, మన మనస్సాక్షి పాపముచే అపవిత్రమగును. మన ఆత్మ మృతమగును, మన ప్రాణము చీకటియగును, మరియు మన శరీరము అపవిత్రమగును. మన ప్రధాన యాజకుడుగా, ప్రభువైన యేసు క్రీస్తు మృతమైన మన ఆత్మలపై తన రక్తమును ప్రోక్షించినప్పుడు మృతమైన మన ఆత్మలు బ్రతికించబడును. మన ఆత్మలలో దైవిక జీవము ప్రవహించుటను కనుగొందుము. మనము దేవుని సన్నిధిని అనుభవించ నారంభించుదుము. మనము ఒక స్నేహితుడు తన స్నేహితునితో మాట్లాడినట్లు దేవునితో మాట్లాడుదుము. మనలోనికి పరలోక సమాధానము వచ్చుచుండుటను అనుభవించుదుము. మృతమగు మన ఆత్మ బ్రతికించ బడినప్పుడు ప్రభువు పరిశుద్ధుడై యున్న ప్రకారము పరిశుద్ధముగా ఉండవలెనను కోరిక మనకనుగ్రహించ బడును. దేవుని వాక్యము కొరకు, దేవుని ప్రజల కొరకు అధిక మగుచున్న ప్రేమను పొందగలము. అంధకారమగు మన ప్రాణము వెలిగించబడినప్పుడు దేవుని విషయములను గ్రహించుటకు, ఆయన ఉద్దేశములను తెలిసికొనుటకు దైవిక జ్ఞానము అనుగ్రహించ బడును. దైవిక ప్రేమ ద్వారా మనము అందరిని సమానముగా ప్రేమించ గలము. అపవిత్రమగు మన దేహము కూడా శుద్ధీకరించబడును. అప్పుడు మన అవయవముల ద్వారా దేవుని సేవించ గోరుదుము. మన నాలుక దేవుని స్తుతించ నారంభించును. మన కాళ్ళు చెడు స్థలములకు వెళ్ళుటకు నిరాకరించును. ఈ దేహములో ఉన్నంత కాలము మనము ప్రాచీన పాప స్వభావమును బట్టి అపవిత్ర పరచబడుదుము. మనము తిరిగి జన్మించి నప్పుడు మానవాతీతులము ఏమి కాము. ప్రాచీన పురుషుడు లేక ప్రాచీన పాప స్వభావము పదేపదే రేపుచుండును. మన హృదయములలో ద్వేషము, శత్రుత్వము, గర్వము, పేరాశ వంటి పాపములను ప్రోత్సహించుట ద్వారా ప్రాచీన స్వభావమును పోషించుదుము మరియు అపవిత్రమగుదుము. అయితే మన శుద్ధీకరణ, కడుగుదల, పవిత్రత కొరకు ప్రభువైన యేసు క్రీస్తు యొక్క ప్రశస్త రక్తమును మనము ఎడతెగక కోరుకొనవచ్చును. 1 యోహాను 2:1 లో మనము చదువుచునట్లుగా ఆయన మన ఉత్తరవాది. విజ్ఞాపన కర్త, ప్రధాన యాజకుడు. మన కొరకు ఆయన విజ్ఞాపన చేయుట ద్వారా, ఆయన రక్తముచే కడుగబడుట ద్వారా మనము పరిపూర్ణు లమగుదుము. మనము ఆయన పని చేయుటకు ఆయన కృపను, జ్ఞానమును కోరుకొనినట్లు, విశ్వాసము ద్వారా మనము ఆయన విజ్ఞాపన పరిచర్యను కోరుకొనవచ్చును. ఎంతో ప్రాముఖ్యమైన ఈ పరిచర్య ద్వారా శోధనలన్నిటిని జయించగలము. మనము ఈ లోక మోసముల నుండి తప్పించబడుదుము. మరియు ఆయన రెండవ రాకడ కొరకు సిద్ధపడుదుము. ఆయన రాకడలో మనము గొప్ప స్వాస్థ్యమును పొందుదుము. Please share 🙏Praise the LORD 🙏 #📝అనుదిన వాక్యము #⛪దేవుని వాక్యము ✝