രാവിലെ 8 മണി ആയപ്പോൾ വന്നു നിൽക്കാൻ തുടങ്ങിയതാ . അഞ്ചുമിനിറ്റ് കഴിഞ്ഞിട്ടും എറണാകുള ത്തേക്ക് ഒരു ബസ് പോലും കണ്ടില്ല. ഇനി എങ്ങാനും ബസ് സമരം വല്ലതുമാണോ .ഏയ് അങ്ങനെ ആണേൽ വാർത്തയിൽ കണ്ടേനെ . 11 മണിക്കാണ് ഇന്റർവ്യൂ . സമയത്തിനു എത്തുമോ ആവോ . ഇങ്ങനെ ഓരോന്നു ആലോചിച്ചു നിന്നപ്പോഴാണ് ദേ വരുന്നു ബസ്. ദൈവമേ നീ എന്റെ വിളി ഇത്ര പെട്ടന്ന് കേട്ടോ . ബസ് വന്നു നിർത്തിയപ്പോഴാണ് എന്റെ സർവ്വ കിളിയും പറന്നു പോയത്. ഇതിൽ എനിക്ക് കാലു കുത്താൻ പോലും സ്ഥലമില്ലല്ലോ. എങ്ങനെ എങ്കിലും പോകാം എന്നു വെച്ചാലും അവിടെ എത്തുമ്പോൾ എന്റെ ഷർട്ട് ഒരു പരിവം ആകുo. അങ്ങനെ ഒരു കോലത്തിൽ ഞാൻ കമ്പിനിയിലേക്ക് കേറി ചെന്നാൽ കണ്ടപാടെ അവർ എന്നെ പറഞ്ഞു വിടും. ഇനി എന്തു ചെയ്യാനാണ്. അടുത്ത ബസ് നോക്കി നിക്കുന്ന സമയം കൊണ്ട് ലിഫ്ട് അടിച്ചു പോകാം . സമയം പൊയി കൊണ്ടിരിക്കന്നത് അല്ലാതെ ഒരുത്തനും വണ്ടി നിർത്തുന്നില്ലല്ലോ. ഞാൻ ഇന്ന് ഇന്റർവ്യൂനു പോയത് തന്നെ. രാവിലെ തൊട്ട് നല്ല കഴുത്ത് വേദന ഉള്ളതു കൊണ്ട് അങ്ങോട്ടും ഇങ്ങോട്ടും കഴുത്ത് തിരിച്ചു വേദന മാറ്റാൻ നോക്കിയപ്പോ ദേ നമ്മുടെ ശിഷ്യന്റെ ബൈക്ക് . ബൈക്ക് അവന്റെ ആണെല്ലോ ഇനി അതിൽ ഇരിക്കുന്നത് അവനാണോ . ഏതോ ഒരുത്തി ആയിട്ട് നല്ല സംസാരത്തിൽ ആണല്ലോ. ഏതായാലും വിളിച്ചു നോക്കാം. ഡാ കോഴി. ആ തിരിഞ്ഞല്ലോ. ദത് ലവൻ തന്നെ നമ്മുടെ ചങ്ക് അനൂപ്. നേരേ അവന്റെ അടുത്തോട്ട് നടന്നു. ഡാ കോഴിക്കൂട്ട നിന്നെ കാണാൻ ഇല്ലല്ലോ. ഗുരുവേ നീയാ. നിന്നെയും കാണാൻ ഇല്ലല്ലോ. (അനൂപ് ) ഡാ നിന്റെ കൂടെ നിന്നത് പരിചയകാർ ആരും അല്ലല്ലോ അല്ലേ. എയ് അല്ല അതിനെ രണ്ടു ദിവസം ആയി കാണാൻ തുടങ്ങിയിട്ട് .ഇന്നു ചെന്ന് മുട്ടിയപ്പോഴാണ് നീ നശിപ്പിച്ചത്. ആ പഴയ സ്വഭാവം ഒന്നും മാറ്റിയില്ല അല്ലേടാ . അങ്ങനെ ഒന്നും ഇല്ല .അല്ലേലും നീ അല്ലേ എന്റെ കോഴിതരത്തിലെ ഗുരു അങ്ങനെ അങ്ങു മോശമായി പോകുമോ. അല്ല ഈ രാവിലെ തന്നെ നീ എങ്ങോട്ടാ ജോലിക്കു പോണില്ലേ ഇന്ന് . (അനുപ് ) ഞാൻ ഒരു ഇന്റർവ്യൂന് പോകുവാ എറണാകുളത്തേക്ക് . ഞാൻ അങ്ങോട്ടാ നീ കേറിക്കോ . മ്മ് നിന്നെ കണ്ടതു നന്നായി അല്ലേൽ പെട്ടേനെ ബസ് ഒന്നും കാണുന്നില്ല. വരുന്നതലിൽ കാലു കുത്താൻ ഇടമില്ല. നീ വണ്ടി എടുക്ക് പോകാം . അല്ല നീ ഇപ്പോൾ എന്തു ചെയ്യുവാ . ഞാൻ ഒരു കാറിന്റെ ഷോറുമിൽ കയറി പറ്റി .അവിടെ ആകുമ്പോൾ അത്യാവശ്യം വായിനോട്ടം ഒക്കെ നടക്കും. (അനുപ് ) മ്മ് നടക്കട്ടേ. അല്ല നിന്റെ അച്ഛൻ അമ്മ ഒക്കെ സുഖമായി ഇരിക്കുന്നോ . അച്ഛന് ഇപ്പോ പണിക്കൊന്നും പോകുന്നില്ലടാ . ഞാൻ പോകണ്ടാ എന്നു പറഞ്ഞിരുത്തി. അവളുടെ മരണം കഴിഞ്ഞ് ഇപ്പാഴാണ്. എല്ലാരും ഓക്കെ ആയേ. (അനുപ് ) മ്മ് ആദ്യം അവൾ മരിച്ചു എന്നു കേട്ടപ്പോൾ എനിക്കും വിശ്വസിക്കാനായില്ല. എങ്ങനെ ഓടി നടന്ന കൊച്ചാ പെട്ടന്ന് അങ്ങു പോയില്ല . ഡാ നീ പുറകിൽ തന്നെ ഉണ്ടോ . കുറേ നേരം ആയല്ലോ അനക്കം ഒന്നുമില്ല. ദേ അടുത്ത ജംഗ്ഷനാണ് നിനക്ക് ഇറങ്ങാൻ ഉള്ളത്. (അനുപ് ) ആ എത്തിയോ . അപ്പോ ഇന്റർവ്യൂ പൊളിച്ചടുക്കി വാ . ശരി നീ വിട്ടോ. ഞാൻ വിളിക്കാം. ദൈവമ എന്താകുമോ എന്തോ . നല്ലൊരു കമ്പിനി എനിക്ക് ഇഷ്ടായി. ഇനി അവർക്ക് എന്നെ ഇഷ്ടമായാൽ മതി ആയിരുന്നു. കേറി ചെന്നപ്പോ തന്നെ ഒരു ചുന്ദരി കൊച്ച് . ഇനി അതിനോട് തന്നെ ചോദിക്കാം ഇന്റർവ്യൂ എവിടെ വെച്ചാണെന്ന് . ഹായ് ഇന്റർവ്യൂന് വന്നതാണോ . ആണെങ്കിൽ അവിടെ കാത്തിരുന്നോളു. വിളിക്കാം. അങ്ങനെ എന്റെ ഊഴത്തിനായി കാത്തിരുന്നു. എന്റെ പേര് വിളിച്ചതും അകത്തു കയറി. ഇറങ്ങിയപ്പോ ഒരു കോടിശ്വരൻ പരിപാടി കണ്ട് ഇറങ്ങിയ സുഖം. പിന്നെ നേരെ അടുത്ത ബസ് പിടിക്കാൻ പുറത്തേക്ക് ഇറങ്ങി. അപ്പോഴാണ് അനൂപിന്റെ കോൾ . ഹലോ എങ്ങനെ ഉണ്ടായിരുന്നു. (അനുപ് ) കുഴപ്പം ഇല്ലായിരുന്നു. അവർ വിളിക്കാന്നു പറഞ്ഞിട്ടുണ്ട്. ഡാ ഞാൻ പിന്നെ വിളിക്കാം. 12 മണിക്കാ ട്രയിൻ . ഇനി അത് കിട്ടുമോ ഇല്ലയോന്നു അറിയില്ല. നീ അജിത്തിന്റെ വീട്ടിലേക്ക് ആണോ നേരേ പോകുന്നേ. (അനുപ് ) മ്മ്. ഞാൻ പിന്നെ വിളിക്കാം. പിന്നെ എങ്ങനെയൊക്കെയോ ഒടി ബസിൽ കയറി. ഓടിപിടിച് ചെന്ന് ടിക്കറ്റ് എടുത്തു. അപ്പോഴാ അറിയുന്നേ ട്രയിൻ അര മണിക്കൂർ വൈകിയാണ് വരുന്നത്. പിന്നെ പ്രതി ലിപിയിൽ ചെറിയ ഒരു കഥയും വായിച്ചു ഇരുന്നു. അരമണിക്കൂർ ആയി കൃത്യസമയത്ത് തന്നെ ട്രയിൻ വരുന്നുണ്ടല്ലോ. ഇതെന്താ ട്രയിൻ ഇങ്ങനെ പതുക്കെ വരുന്നത്. അല്ലെങ്കിലേ വൈകിയാണ് വരുന്നത്. അതിന്റെ ഇടയിലാ ആമ നിരങ്ങുന്ന പോലെ വരുന്നത്. അത് കണ്ടു നിക്കാൻ പറ്റുന്നില്ലെങ്കിൽ താൻ പോയി തള്ളി കൊടുക്കടോ . ഏഹ് ഇത് ഏതാ ഒരു അപശബ്ദം . തിരിഞ്ഞു നോക്കിയപ്പോ ഒരുത്തി ഒരു ലോഡ് പുചവും വാരിവിതറി നിൽക്കുന്നു. അവളെ തിരിച്ചു പുചിക്കുന്നതിനു മുമ്പ് ട്രയിൻ എത്തി. അതുകൊണ്ട് ഞാൻ രക്ഷപ്പെട്ട് ഇല്ലേൽ അവളെന്നെ പുച്ഛിച്ച് കൊന്നേനേ. നേരെ ഒരു ആളില്ലാത്ത ബോഗിയിലക്ക് നടന്നു. മഴ പെയ്ത കൊണ്ട് സീറ്റിലെല്ലാം വെള്ളം . വെള്ളമില്ലാത്ത ഒരു സീറ്റില് ചെന്നിരുന്നപ്പോ ദാ വരുന്നു നേരത്തെ കണ്ട കുരിപ്പ്. ആരോ ആയി ഫോണിൽ സംസാരിച്ചാണ് വരവ്. ഹലോ ചേട്ടാ ഞാൻ ഇറങ്ങി കേട്ടോ . തിരുവനന്തപുരത്ത് എത്താറാകുമ്പോൾ വിളിക്കാം. ദൈവമേ ഞാൻ പെട്ട് . ഫോണിലും ചാർജ് ഇല്ല . കൈയിൽ ഒരു ബുക്ക് കൂടിയില്ല. ഇനി ഉള്ള അഞ്ച് മണിക്കൂർ ഇതിനോട് മിണ്ടാന്നു വെച്ചാൽ ഞാൻ ഈ ട്രയിനിനു തലവക്കുന്നതിനു തുല്യമാകും. ഇനി എന്താകുമോ എന്തോ എന്റെ കാര്യം. ഏതോ ട്രയിൻ കടന്നുപോകാനായി ഞങ്ങളുടെ ട്രയിൻ പിടിച്ചിട്ടിരിക്കുകയാണ്. ഇങ്ങനെ പോയാൽ ഞാൻ എപ്പോ തിരുവനന്തപുരത്ത് എത്താനാണോ ആവോ . ചായ ചായേ കാപ്പി. ചേട്ടാ ഒരു ചായ എടുക്കട്ടേ ചേട്ടാ ജ്യൂസ് വല്ലതും ഉണ്ടോ . അങ്ങനെ ഒരു മാങ്കോ ജ്യൂസ് മേടിച്ചു വെച്ചു. ഒരു മര്യാദയുടെ പുറത്ത് ആ കുരിപ്പിനോട് ചായ വേണോന്ന് ചോദിച്ചു. ആരു കേൾക്കാൻ ചെവിയിൽ ഹെഡ് സെറ്റും വെച്ച് പുസ്തക വായനയിലല്ലേ . ഇരുപ്പു കണ്ടാ തോന്നും നാളത്തെ പരീക്ഷക്കു പഠിക്കുവാണെന്ന് . ഒടുവിൽ അപ്പുറത്ത് മറ്റൊരു ട്രയിൻ വന്നു നിന്നു . ഇത് എന്ത് കഷ്ടമാണ്. ഇത്രയും നേരം ആ ട്രയിൻ വരാൻ ആണ് ഇത് നിർത്തിയിട്ടത്. അന്നിട്ട് വന്ന പാടേ ആ ട്രയിൻ പോകുന്നു. ഡാ പൊട്ടാ ആ ട്രയിൻ അല്ല . നമ്മൾ ഇരിക്കുന്നതാ ഓടുന്നേ. ദൈവമേ ഈ കുരുപ്പ് ഇതെങ്ങനെ കേട്ടു .നേരത്തെ ചായ വേണോന്ന് ചോദിച്ചത് കേട്ടില്ല. ഇപ്പോ പറഞ്ഞത് കേട്ട്. അപ്പോൾ നേരത്തേ അവൾ കേൾക്കാത്തെ പോലെ അഭിനയിച്ചതാകും. അവളെ ഒന്നു ചിരിച്ചു കാണിച്ചിട്ട് ഞാൻ പുറത്തേക്ക് നോക്കി ഇരുന്നു. കുറച്ചു കഴിഞ്ഞ് നോക്കിയപ്പോൾ ദേ സ്വന്തമായി വാങ്ങി വെച്ചിട്ട് കുടിക്കുന്ന പോലെ എന്റെ ജ്യൂസ് എടുത്ത് കുടിക്കുന്നു. ഡീ എന്റെ ജ്യൂസ് എടുത്ത് കുടിക്കാൻ നിന്നോട് ആരാടി പറഞ്ഞേ . അയ്യോ സോറി ഞാൻ പെട്ടന്ന് . അറിയാതെ കുടിച്ചതാ . ഇന്നാ ഇത്തിരി കുടിച്ചുള്ളു. ബാക്കി എടുത്തോ. ആഹാ എന്റെ ജ്യൂസ് എടുത്ത് കുടിച്ചതും പോരാ നിന്നു പ്രസംഗിക്കുന്നോ . എനിക്ക് വേണ്ട ഇനി അത് താൻ തന്നെ കുടിച്ചോ. ഞാൻ ദേഷ്യം കൊണ്ട് ബാഗിൽ തലവെച്ച് തിരിഞ്ഞു കിടന്നു. കുറച്ചുനേരം കഴിഞ്ഞ് ഒരു ഇടി മുതുകത്ത് വീണപ്പോഴാണ് ഞാൻ കണ്ണു തുറന്നത്. ഡോ എന്റെ വായിക്കാനുള്ള മൂഡും കളഞ്ഞ് എന്നെ പോസ്റ്റ് ആക്കിയിട്ട് താൻ കിടന്നു ഉറങ്ങുന്നോ . തനിക്ക് എന്താടോ വല്ല വട്ടുണ്ടോ തമ്മിൽ കണ്ടപ്പോ തൊട്ട് എന്നെ വെറുപ്പിക്കുവാണല്ലോ. ആ കുറച്ച് വട്ട് ഉണ്ടെന്ന് കൂട്ടിക്കോ. പിന്നെ നമുക്ക് എന്തെലും മിണ്ടിയും പറഞ്ഞു ഇരിക്കാം. ഞാൻ എന്നെ പരിചയപ്പെടുത്താം. ഞാൻ ആതിര. വീട് തിരുവനന്തപുരത്താണ് . ഇവിടെ ഒരു ബന്ധുവിന്റെ കല്യാണത്തിന് വന്നതാണ്. പിന്നെ കസിൻസ് എല്ലാം നിർബന്ധിച്ച കൊണ്ട് ഒരാഴ്ച നിന്നു. പിന്നെ അച്ഛനു സുഖം ഇല്ലന്നു പറഞ്ഞ് വിളിച്ച കൊണ്ട് മടങ്ങുവാ . ഇത്രയും അവൾ പുറത്തു നോക്കിയാ പറഞ്ഞു കൊണ്ടിരുന്നത്. ഞാൻ എല്ലാ കേൾക്കുകയും ചെയ്തു. പക്ഷേ അവളും ആയി മിണ്ടാൻ പോയാൽ എപ്പോഴാ സ്വഭാവം മാറുന്നതെന്ന് അറിയാത്തതു കൊണ്ട് ഞാൻ ഉറങ്ങുന്ന പോലെ കിടന്നു. ഡോ താൻ എന്തു മനുഷ്യനാടോ ഞാൻ എന്നെ പറ്റി പറഞ്ഞു കൊണ്ടിരിക്കുമ്പോൾ കിടന്നു ഉറങ്ങുന്നോ . എന്റെ പൊന്നു കൊച്ചേ തനിക്ക് എന്താ വേണ്ടത്. എന്നെ ഒന്നു വെറുതേ വിടാമോ. കണ്ട അപ്പോ തൊട്ട് തുടങ്ങിയതാ വെറുപ്പിക്കാൻ . തന്റെ കൊച്ചാ . അന്നിട്ട് ഞാൻ അറിഞ്ഞില്ലല്ലോ ഇങ്ങനെ ഒരച്ഛൻ ഉള്ള കാര്യം. താൻ ഇത് എന്തൊക്കെയാ ഈ പറയുന്നേ. തനിക്ക് സത്യത്തിൽ ഭ്രാന്ത് ആണോ . ഇതുകൊണ്ട് തന്നെയാ ഞാൻ ഒന്നും മിണ്ടാൻ വരാത്തത്. അയ്യോ അങ്ങനെ പറയല്ലേ ചേട്ടാ ഞാൻ ഇനി നല്ല കുട്ടിയാ. ചേട്ടൻ പേര് , നാട് ഒക്കെ പറാ. ഇല്ലേൽ ഇനി ഉള്ള അഞ്ചു മണിക്കൂർ ഓളം നമ്മൾ പോസ്റ്റായി ഇരിക്കേണ്ടി വരും. എന്റെ പേര് ശിവ. ആലപ്പുഴയിലാണ് വീട് . ശേ അപ്പോൾ ആലപ്പുഴ വരെ ഉള്ളല്ലേ .പിന്നെ ഞാൻ കട്ട പോസ്റ്റാകുമല്ലോ. ഇല്ല .ഞാൻ ഇപ്പോൾ തിരുവനന്തപുരത്തുള്ള കൂട്ടുകാരന്റെ വീട്ടിൽ പോകുവാ . അത് ഏതായാലും നന്നായി എനിക്ക് ഒരു കൂട്ടായല്ലോ. അല്ല ചേട്ടന്റെ കല്യാണം കഴിഞ്ഞതാണോ . അത് എന്താ അങ്ങനെ ചോദിച്ചേ . എന്നെ കണ്ടാൽ പ്രായം തോന്നിക്കുമോ . ഏയ് അതല്ല ചുമ്മാ ചോദിച്ചതാ . എന്നെ കണ്ടാൽ ഒരു ചെറിയ കുട്ടിയെ പോലെ അല്ലെ തോന്നു . പക്ഷേ എന്റെ വീട്ടിലാണേൽ ഒരു കല്യാണം ഉറപ്പിച്ചെക്കുവാ . ഒരു കാശ്കാരനാ ചെക്കൻ. അതുകൊണ്ട് അച്ഛൻ എന്നൊട് അനുവാദം പോലും ചോദിക്കാതെ അത് ഉറപ്പിച്ചു. അവൾ അത് പറഞ്ഞു നിർത്തിയപ്പോൾ എന്തോ കണ്ണ് കലങ്ങി. അത് കണ്ട് ഞാൻ അറിയാതെ ചോദിച്ചു പോയി. തനിക്ക് എന്താ ആ കല്യാണം മുടക്കണം എന്നുണ്ടോ. ചേട്ടൻ എന്താ ചോദിച്ചേ ? അയ്യോ അത് ഞാൻ അറിയാതെ എന്തോ .... അല്ല ചേട്ടൻ പറഞ്ഞത് ഞാൻ കേട്ടു. പിന്നെ ഒന്നുകൂടെ ചോദിക്കാൻ കാരണം കാര്യമായിട്ട് എന്നെ സഹായിക്കുമോ എന്നറിയാനാണ്. അത് എന്താ നല്ല സമ്പത്തുള്ള വീട്ടിലെ ആലോചന അല്ലേ അന്നട്ടും തനിക്ക് ആ ബന്ധത്തോട് താൽപര്യം ഇല്ലേ . എനിക്ക് ഈ കല്യാണത്തോട് ഒട്ടും താൽപര്യം ഇല്ല . ഒന്ന് എനിക്ക് പഠിക്കണം അയാളും ആയുള്ള വിവാഹം കഴിഞ്ഞാൽ അത് നടക്കില്ല. പിന്നെ പ്രായം വെച്ചു നോക്കുവാണേൽ ഞങ്ങളെ രണ്ടു പേരേയും കണ്ടാൽ അച്ഛനും മോളും ആണന്നേ പറയു . എങ്ങനേ എങ്കിലും ഇത് ഒന്ന് മുടക്കി തരുമോ. ഈ ആഴ്ച വിവാഹനിശ്ചയം ആണ് അതു കഴിഞ്ഞ് അയാൾ തിരിച്ചു ഗൾഫിലേക്ക് പോകും .പിന്നെ ഒരു വർഷം കഴിഞ്ഞു വരുമ്പോൾ കല്യാണം അങ്ങനെയാ പറഞ്ഞു വെച്ചിരിക്കുന്നത്. ഈ നിശ്ചയം മുടക്കാൻ ഒരു വഴിയുണ്ട്. താൻ പറഞ്ഞതു വെച്ചു നോക്കുമ്പോൾ കൈയിൽ കാശ് മാത്രം കാണുള്ളു. ആളൊരു പൊട്ടൻ ആയിരിക്കും. അപ്പോ നിശ്ചയത്തിനു മുമ്പ് അയാളുമായി ഒന്നു സംസാരിക്കണം എന്നു പറഞ്ഞ് വിളിക്ക്. അന്നിട്ട് കല്യാണത്തിന്റെ തിയതി തീരുമാനിച്ചിട്ട് അറിയിച്ചാൽ മതി അല്ലാതെ ഇങ്ങനെ ചടങ്ങു നടത്തുന്നേ ഒക്കെ പഴഞ്ചൻ രീതി ആണെന്ന് പറ. ഇതൊക്കെ അയാളു സമ്മതിക്കുമോ ഏതായാലും ശ്രമിച്ചു നോക്കാം വേറെ വഴി ഇല്ലല്ലോ. ആ നീ ഒന്നു ശ്രമിച്ചു നോക്ക് ഇനി എങ്ങാനും ബിരിയാണി കിട്ടിയാലോ . പിന്നെ നിന്റെ അച്ഛൻ എന്താ ഇങ്ങനെ ഒക്കെ പെരുമാറുന്നേ . എത്ര കാശുള്ള ആൾ ആണേലും നിന്റെ ഇഷ്ടം കൂടി പരിഗണിക്കണ്ടേ കല്യാണം നടത്തുമ്പോൾ . അതിനു കാരണം വേറെ ഒന്നും അല്ല . അത് എന്റെ അച്ഛൻ അല്ല. സോറി . ഞാൻ അറിയാതെ ... ഏയ് അതിനു അച്ഛനും അമ്മയും ജീവിച്ചിരുപ്പുണ്ട്. പക്ഷേ വർഷങ്ങൾക്ക് മുമ്പ് കാണാതായി. ഇതുവരെ ഒരു വിവരവും ലഭിച്ചിട്ടില്ല. പക്ഷേ എനിക്ക് പ്രതീക്ഷ ഉണ്ട് ഒരിക്കൽ അവർ വരും എന്ന് . അത് പറഞ്ഞപ്പോൾ ഞാൻ കാണാത്ത വിധം അവൾ കണ്ണ് തുടക്കുന്നത് ഞാൻ ശ്രദ്ധിച്ചു. പിന്നെ എനിക്ക് ഒന്നും ചോദിക്കാൻ തോന്നിയില്ല. ഞാൻ ആദ്യം കണ്ടപ്പോൾ ഉള്ള ആതിര അല്ല എന്റെ മുമ്പിൽ ഇപ്പോൾ ഇരിക്കുന്നത് എന്ന് എനിക്ക് തോന്നിപ്പോയി. അല്ലെങ്കിലും ഓരോരുത്തരുടേയും മനസിൽ ഉള്ള വിഷമം നമ്മൾക്ക് അറിയാൻ സാധിക്കില്ലല്ലോ. അടുത്ത് ഇടപെട്ട് കഴിയുമ്പോൾ അല്ലേ ഉളളുകൊണ്ട് അവർ എത്ര കരയുന്നുണ്ട് എന്ന് മനസിലാകു .പിന്നെ കുറച്ചുനേരം നീണ്ട മൗനം ആയിരുന്നു. അതിനെ മുറിക്കാൻ എന്നോണം അവൾ വീണ്ടും തുടർന്നു. എന്റെ ഓർമ്മ വെച്ച നാളു മുതൽ ഞാൻ വല്യച്ചന്റെ കൂടെ ആയിരുന്നു. നാട്ടുകാരുടെ മുമ്പിൽ അവർ ദൈവതുല്യർ ആയിരുന്നു. കാരണം അനിയൻ കാണാതായതിനെ തുടർന്ന് ഒറ്റക്കായ അനിയന്റെ മകളെ വളർത്തുകയും പഠിപ്പിക്കാൻ വിടുകയും ഒക്കെ ചെയ്യുന്നു. മക്കൾ ഇല്ലാത്ത അവർ എന്നെ സ്വന്തം മകളായി തന്നെ കണ്ടു. പക്ഷേ ഞാൻ അഞ്ചാം ക്ലാസിൽ പഠിക്കുമ്പോൾ അവർക്ക് ഒരു ആൺകുട്ടി ഉണ്ടായി. അതോടെ എന്റെ ജീവിതം മാറാൻ തുടങ്ങി. എനിക്ക് അവിടെ ഒരു വേലകാരിയുടെ പരിഗണന പോലും തരാതെ ആയി . അച്ഛന്റെ സ്വത്ത് മോഹിച്ചു മാത്രം എന്നെ പഠിപ്പിക്കാൻ വിട്ടു. അതും എല്ലാ ദിവസവും വിടാതെ ആയി . രാവിലെ എല്ലാ പണിയും തീർത്താൽ പഠിക്കാൻ പോകാം പിന്നെ വന്നിട്ടു ബാക്കി ജോലികൾ ചെയ്യണം. ഒരു കുട്ടി അനുഭവിക്കാൻ പാടില്ലാത്ത ഒരു ബാല്യകാലം . എവിടെ എങ്കിലും ഓടി പോയാലോ എന്നു വരെ ചിന്തിച്ചു. പക്ഷേ എന്നെങ്കിലും ഒരു ദിവസം അച്ഛനും അമ്മയും തിരിച്ചു വന്നാലോ എന്നു കരുതി ഞാൻ പിടിച്ചു നിന്നു. അപ്പോൾ എല്ലാം എനിക്ക് ജീവിക്കാൻ ഒരു പ്രചോദനം തന്നത് അവിടെ വീട്ടുജോലിക്കായി വരുന്ന ചേച്ചി ആയിരുന്നു. അവർ എന്നെ ഒരു മകളെ പോലെ കണ്ടു. എനിക്ക് ഒരു അമ്മയുടെ വാത്സല്യം എല്ലാം അവരിൽ നിന്നു വീണ്ടും കിട്ടി തുടങ്ങി.അവരുടെ മകനും ഇടക്ക് അവിടെ വരുമായിരുന്നു. എന്നെ സ്വന്തം അനിയത്തി ആയ കണ്ടിരുന്നേ. ചേട്ടന്റെ പേര് അരവിന്ദ് എന്നായിരുന്നു. ഞാൻ ഏട്ടായി എന്നാ വിളിക്കാറുളളത്. അങ്ങനെ ഞാനും ഏട്ടായും കൂടെ വല്യച്ഛൻ ഒക്കെ പുറത്തു പോകുമ്പോൾ പാടത്തോട്ട് പോകും. തോട്ടിൽ നിന്നും മീൻ ഒക്കെ പിടിക്കും. പിന്നെ ഏട്ടായി ടെ വീട്ടിൽ പോയി അമ്മ ഉണ്ടാക്കി തരുന്നെ ഒക്കെ കഴിച്ച് വല്യച്ഛൻ വരുന്നതിനു മുമ്പ് വീട്ടിലേക്ക് മടങ്ങും. അങ്ങനെ ആ വലിയ ദുഖങ്ങൾക്ക് ഇടയിലും ഇത് പോലെയുള്ള ചെറിയ സന്തോഷ നിമിഷങ്ങൾ ദൈവം സമ്മാനിച്ചു. ഒടുവിൽ എന്റെ പത്താം ക്ലാസിലെ പരീക്ഷയുടെ സമയത്ത് എന്നെ ഒരു വാക്കുപോലും പഠിക്കാൻ സമ്മതിക്കാതെ ഓരോ ജോലികൾ ചെയ്യിച്ചോണ്ടിരുന്നു. അവിടെയും ഏട്ടായി തന്നെ താങ്ങായി. കുടുംബ പ്രാരാപ്തം കൊണ്ട് പത്താം ക്ലാസ് പാസായിട്ടും തുടർന്ന് പഠിക്കാൻ പറ്റാത്ത ഏട്ടായി എന്നെ പഠിപ്പിക്കാനായി കൂടെ നിന്നു . അങ്ങനെ പരീക്ഷ ഒക്കെ നന്നായി എഴുതി അവധികാലമായി. എല്ലാ കുട്ടികളും ഏറെ സന്തോഷിക്കുന്ന ദിനങ്ങൾ പക്ഷേ എനിക്കത് ദുരിത ദിനങ്ങളായിരുന്നു. അങ്ങനെ ഒരു ദിവസം കിടക്കാൻ പോകുന്നതിനു ഇടയിലാണ് ഞാൻ വല്യച്ഛന്റെ സംസാരം കേൾക്കുന്നത് എന്റെ പഠിത്തം പത്താം ക്ലാസ് കൊണ്ട് നിർത്തുവാണെന്ന് . പെട്ടന്ന് കേട്ടത് വിശ്വസിക്കാനാവാതെ ഞാൻ അങ്ങനെ നിന്നു പോയി. അന്നു രാത്രി മുഴുവൻ ഞാൻ കരഞ്ഞ് തീർത്തു. കാരണം എനിക്ക് പഠിക്കാൻ അത്ര ഇഷ്ടമായിരുന്നു. പിന്നെ അവധിക്കാല യാത്രകൾ ആഘോഷിക്കാനായി വല്യച്ഛനും വല്യമ്മയും അനിയനും കൂടി യാത്രയായി . എന്നെ നോക്കാനും രാത്രി കൂട്ടുകിടക്കാനും പണിക്കു വരുന്ന ചേച്ചിയെ ഏൽപ്പിച്ചു.അതോടെ എന്റെ സന്തോഷദിനങ്ങൾ വീണ്ടും എത്തി. പിന്നെ അവർ ഇല്ലാത്ത രണ്ടാഴ്ച എനിക്ക് സ്വർഗ തുല്യമായിരുന്നു. ഞാനും ഏട്ടായും കൂടെ പകൽ എല്ലാം പാടത്തും പറമ്പിലും തോട്ടിലും ഒക്കെ നടക്കും. വൈകുന്നേരം ആകുമ്പോൾ കുറച്ചു കയറ്റം കേറി കഴിഞ്ഞാൽ ഒരു മലമുകളിൽ എത്തും അവിടെ ഒരു പാറ പുറത്തുപോയി ഞങ്ങൾ അങ്ങനെ ഇരിക്കും. മലകേറുന്ന കൂട്ടത്തിൽ മാങ്ങയോ പേരക്കയോ ഒക്കെ പറിച്ചോണ്ട് പോയി അവിടെ ആ പ്രകൃതി ഭംഗി ആസ്വദിച്ച് ഇരുന്ന് കഴിക്കും. ആ കഴിക്കുന്ന കാര്യം പറഞ്ഞപ്പോഴാ എനിക്ക് വിശക്കുന്നു. ആലപ്പുഴ എത്തി ഇപ്പോ .ഞാൻ എന്തെങ്കിലും കഴിക്കാൻ വാങ്ങീട്ടു വരട്ടേ. ഏയ് എനിക്ക് ഒന്നും വേണ്ട ശിവ വിശക്കുന്നില്ല. അതൊന്നും പറഞ്ഞിട്ട് കാര്യമില്ല. ഞാൻ വല്ലതും വാങ്ങിട്ട് വരും കഴിച്ചോണം . മമ്. പോയിട്ട് വാ. ഒരു മങ്ങിയ ചിരിയോടെ അവൾ പറഞ്ഞു നിർത്തി. ഞാൻ ഭക്ഷണം വാങ്ങി വന്നു. പിന്നെ ഞങ്ങൾ കഴിക്കാൻ തുടങ്ങി. അവളുടെ മനസ് ഇപ്പോഴും ഓർമ്മകളിൽ ആണ് . ഭക്ഷണത്തിൽ കൈ ഇട്ടു ഇളക്കുന്നതല്ലാതേ കഴിക്കുന്നില്ല. ഇനി എന്നോട് പഴയ കാര്യങ്ങൾ പറഞ്ഞാൻ മനസിലേ ഭാരം കുറയുമെങ്കിൽ അങ്ങനെ ആകട്ടേ എന്നു ഞാനും കരുതി. ആതിരേ അപ്പോ നമ്മൾ എവിടെയാ പറഞ്ഞു നിർത്തിയേ . ആ വാക്കുകൾ അവളുടെ മുഖത്ത് വീണ്ടും ഒരു ഉൽസാഹം കൊണ്ട് വന്നു. അവൾ വീണ്ടും ഓർമ്മകൾ പറഞ്ഞു തുടങ്ങി. അങ്ങനെ ഞാനും ഏട്ടനും സന്തോഷിച്ചു നടന്നു. ഒടുവിൽ വല്യച്ഛൻ യാത്ര കഴിഞ്ഞ് തിരിച്ച് എത്തി. പിന്നെ കുറച്ച് ദിവസങ്ങൾക്ക് അകം പത്താം ക്ലാസിന്റെ റിസൾട്ടും വന്നു. എനിക്ക് നല്ല മാർക്ക് ഉണ്ടെന്നും പ്ലസ് വണ്ണിനു പെട്ടന്ന് തന്നെ അഡ്മിഷൻ കിട്ടുമെന്നു ഏട്ടൻ വന്നു പറഞ്ഞു. പക്ഷേ ഈ വാർത്ത കേട്ടതും സങ്കടവും സന്തോഷവും എനിക്ക് ഒരുമിച്ചാണ് ഉണ്ടായത്. പിന്നെ വല്യച്ഛൻ പഠിച്ചതു ഒക്കെ മതി എല്ലാം നിർത്തി അടങ്ങി വീട്ടിൽ ഇരുന്നോണം എന്നു പറഞ്ഞു. പക്ഷേ ഏട്ടൻ പഞ്ചായത്തു മെമ്പറും ആയി കാര്യങ്ങൾ സംസാരിച്ചു. ഇത്രയും മാർക്ക് ഉള്ള ഒരു കുട്ടിയെ എന്തു കാരണത്താലും പഠിക്കാതെ ഇരിക്കാൻ സമ്മതിക്കില്ല എന്നു പറഞ്ഞ് പ്രശ്നം വഷളായി . അവസാനം മെമ്പർ എന്നെ ഒരു ഹോസ്റ്റലിൽ നിർത്തി പഠിപ്പിച്ചു. അങ്ങനെ സ്കോളർഷിപ്പോടെ ഞാൻ പ്ലസ് ടു പഠിച്ചിറങ്ങി. സ്കോളർഷിപ്പ് കിട്ടയതുക കൊണ്ട് എട്ടന്റെ പഠനം മുന്നോട്ടു കൊണ്ടുപോകാൻ ശ്രമിച്ചു. പക്ഷേ പണിക്കു പോയി കുടുംബം പോറ്റണ്ടതിനാൽ ഏട്ടൻ വിസമ്മതിച്ചു. പക്ഷേ 18 വയസു ആയതിനാൽ എന്റെ സ്വത്ത് എല്ലാം എനിക്ക് ഉപയോഗിക്കാമല്ലോ. അങ്ങനെ ഏട്ടന്റെ കുടുംബ ചിലവ് ഞാൻ നോക്കി. കുറേ എതിർത്തെങ്കിലും എന്റെ സങ്കടം കണ്ട് ഏട്ടൻ സമ്മതിച്ചു. അങ്ങനെ ഇപ്പോൾ ഡിഗ്രിക്ക് പഠിക്കുവാ ഏട്ടൻ ബാക്കി സമയം കിട്ടുന്ന പണിക്കും പോകുന്നു. പ്ലസ് ടു കഴിഞ്ഞ് പിന്നെ ഇന്നുവരെ വല്യച്ഛനും വല്യമ്മയും എന്നോട് ദേഷ്യപ്പെട്ടിട്ടില്ല. വേലകാരിയുടെ പരിഗണന പോലും ഇല്ലാതിരുന്ന ആ വീട്ടിൽ ഞാൻ വീണ്ടും അവരുടെ മകളായി. കാരണം എന്നോട് ഉള്ള സ്നേഹം കൊണ്ടല്ലാ. എന്റെ സ്വത്ത് കണ്ടുമാത്രമാണ്. പിന്നെ ഈ ആലോചനയും അതിന്റെ ഒരു ഭാഗമാണ്.എന്നെ കെട്ടാൻ പോകുന്നത് വല്യമ്മയുടെ ഏതോ ബന്ധു കൂടി ആണെന്ന് കേട്ടിരുന്നു. തന്റെ ജീവിതം ഒക്കെ കാണുമ്പോൾ ഞാൻ ഒക്കെ എന്തു ഭാഗ്യവാനാടോ . ഇതിന്റെ ഒക്കെ മുമ്പിൽ എന്റെ പരിഭവങ്ങൾക്ക് പോലും സ്ഥാനമില്ല. എന്റെ ശിവ ഇനി അത് പറഞ്ഞ് സെന്റി ആക്കണ്ട . എനിക്ക് അത് ഇഷ്ടമല്ല. എന്റെ ജീവത കഥ ഞാൻ ആരോടും പറഞ്ഞിട്ടില്ല. തന്നോട് എന്തോ പറയണം എന്ന് തോന്നി. ദേ ഏതായാലും തിരുവനന്തപുരം എത്താറായി ബാഗ് ഒക്കെ എടുക്ക്. തന്റെ കഥ കേട്ട് സമയം പോയതറിഞ്ഞില്ല. ഇത്ര പെട്ടന്ന് സ്ഥലം എത്തിയോ . പിന്നെ ഞാൻ ഒരു കാര്യം ചോദിക്കുന്ന കൊണ്ട് വേറോന്നും വിചാരിക്കരുത്. ശിവേടെ നമ്പർ തരുമോ. ഓ ഇതാണോ ഇത്ര വളച്ചുകെട്ടി ചോദിച്ചത്. ഇത് ചോദിക്കുന്നതിൽ എന്താ തെറ്റ്. പക്ഷേ ഞാൻ തരില്ല അത് എന്താ എന്നെ വിശ്വാസം ഇല്ലേ . അതല്ല. നമ്മൾ അവിചാരിതമായി കണ്ടുമുട്ടി ഇത്രയും സംസാരിച്ചു. ഇനി വിധി ഉണ്ടേൽ വീണ്ടും കണ്ടുമുട്ടുമോ എന്ന് നോക്കാം. താൻ എന്താ കളിക്കുവാണോ . അതേ . ഇത് ഒരു കളിയായി കൂട്ടിക്കോ. നാളെ ഞാൻ രാവിലെ തൊട്ട് വൈകുന്നേരം വരെയുള്ള സമയത്ത് എപ്പോൾ എങ്കിലും മൃഗശാലയിൽ വരും താനും പോരടോ . വിധി ഉണ്ടേൽ വീണ്ടും കാണാം. അത്രയും പറഞ്ഞ് ഞാൻ എന്റെ വഴിക്കും അവൾ അവളുടെ വഴിക്കും പോയി. ഒരിക്കൽ കൂടി കാണുമെന്ന പ്രതീക്ഷയിൽ .. 📖 കഥയുടെ ബാക്കി ഭാഗങ്ങൾ ഇവിടെ വായിക്കാം: 👉 https://share.aksharathalukal.in/s/51632/view വായിച്ചിട്ട് അഭിപ്രായം പറയണേ 🥰 #💞 പ്രണയകഥകൾ #📔 കഥ #📙 നോവൽ