33അയലത്തെ അമ്പിളി 🌜 ഉച്ചയോടടുപ്പിച്ചാണ് ഇഷാന്റെ ബൈക്കിൽ പ്രതാപൻ സ്വർണക്കടയ്ക്ക് മുന്നിൽ വന്നിറങ്ങിയത്. " ഇത് തന്നെ ആണല്ലോ അല്ലെ? " സാമാന്യം വലിപ്പമുള്ള ആ ജ്വലറി ആകമാനം ഒന്ന് നോക്കി കൊണ്ട് ഇഷാൻ പ്രതാപനോടായി ചോദിച്ചു. " സംഗീത ജ്വലേഴ്‌സ്... " പ്രതാപൻ മുഖമുയർത്തി വലിപ്പമുള്ള അക്ഷരങ്ങളിൽ എഴുതിയ ബോർഡ് അല്പം ഉറക്കെ വായിച്ചു. " ഹ്മ്.... ഇത് തന്നെ. " അയാൾ തല കുലുക്കി. " ഇത് വലിയ കട ആണല്ലോടെ? ചെറിയ ഏതെങ്കിലും കടകളിൽ കൊണ്ട് വിൽക്കുന്നതല്ലേ സെയ്ഫ്? " കടയ്ക്കുള്ളിലേക്ക് കയറാൻ മടിച്ചു കൊണ്ട് ഇഷാൻ പറഞ്ഞു. " നിനക്ക് നമ്മുടെ രംഗനെ അറിയില്ലേ? സ്റ്റീഫൻ അച്ചായന്റെ കൂടെ ഉണ്ടായിരുന്നപ്പോൾ പരിചയപ്പെട്ട? " " ഹ്മ്.... അറിയാം. " ഇഷാൻ അറിയാമെന്നത് പോലെ തലയാട്ടി. " ഹാ... അവന്റെ പരിചയക്കാരൻ ആണ് ഈ കടയുടെ ഓണർ. ആളൊരു തക്കിടാ തരികിട പാർട്ടിയാണ്. നമുക്ക് പറ്റും.... കാര്യമായിട്ടൊന്ന് പരിചയപ്പെട്ട് വച്ചേക്കാം. എപ്പോഴെങ്കിലും ഉപകാരപ്പെട്ടാലോ? അതാണ് രംഗൻ പറഞ്ഞപ്പോ ഇവിടെ തന്നെ കൊണ്ട് വന്ന് വിൽക്കാം എന്ന് ഞാൻ കരുതിയത്. " പ്രതാപൻ എന്തോ മനസ്സിൽ കണ്ടിട്ടുണ്ട്. അതാണ്‌ ചെന്നെയിൽ ആയിരുന്നവൻ ഈ സ്വർണ്ണം വിൽക്കാൻ വേണ്ടി മാത്രം കോഴിക്കോട് വരെ വന്നത്. ആളുകളെ സംസാരിച്ച് വീഴ്ച്ത്താൻ പ്രതാപനോളം മിടുക്ക് വേറെ ആർക്കും ഇല്ല എന്ന് ഇഷാൻ ഓർത്തു. അവൻ ഇന്ന് ഈ കട മുതലാളിയെ വാചകം അടിച്ചു കയ്യിൽ എടുക്കും..... അവരിരുവരും കടയ്ക്ക് ഉള്ളിലേക്ക് കയറി. " എന്താണ് സാർ വേണ്ടത്? " ഒരു സെയിൽസ് മാൻ അവരുടെ അടുത്തേക്ക് വന്ന് പുഞ്ചിരി തൂകി നിന്നു. " ഞങ്ങൾക്ക് ഈ കടയുടെ ഓണറിനെ ഒന്നു കാണണം. " ഇഷാനാണ് മറുപടി കൊടുത്തത്. " തോമസ് സാറിനെയോ? " സെയിൽസ്മാൻ അവരെ സംശയത്തോടെ നോക്കി. " അതെ... " പ്രതാപൻ തലകുലുക്കി. " സാർ വരാൻ പറഞ്ഞിട്ടുണ്ടോ? " സെയിൽസ്മാൻ പിന്നെയും സംശയിച്ചു നിന്നു. " രംഗൻ പറഞ്ഞ ആളുകൾ വന്നിട്ടുണ്ടെന്ന് പറഞ്ഞാൽ മതി. സാറിന് അറിയാം... " " ഹ്മ്... നിങ്ങൾ ഇരിക്കൂ. ഞാൻ സാറിനോട് ഒന്ന് ചോദിച്ചിട്ട് വരാം. " സെയിൽസ് മാൻ തിരിഞ്ഞു നടന്നതും പ്രതാപനും ഇഷാനും അയാൾ കാണിച്ചു കൊടുത്ത കസേരകളിലേക്ക് ഇരുന്നു. ഇതേ സമയം, ജ്വലറിയുടെ രണ്ടാം നിലയിലെ ചെയർമാന്റെ കേബിനിൽ തന്റെ മുന്നിലെ വലിയ സ്‌ക്രീനിൽ ജ്വലറിക്കുള്ളിലെ സെക്യൂരിറ്റി ക്യാമറയിലെ ദൃശ്യങ്ങൾ ലൈവായി പരിശോധിക്കുകയായുയരുന്നു പ്രതാപൻ അന്വേഷിച്ച തോമസ് മുതലാളി. വലിയ സ്ക്രീനിനെ നാലായി ഭാഗിച്ചതിൽ ഒന്നിൽ പ്രതാപന്റെയും ഇഷാന്റെയും ദൃശ്യങ്ങൾ തെളിഞ്ഞതും അയാളുടെ കണ്ണുകൾ ഒന്ന് കുറുകി. ശേഷം വിടർന്നു.... അതേ സമയം തന്നെ സെയിൽസ്മാൻ അനുവാദം ചൊദിച്ചു കൊണ്ട് കാബിനുളിലേക്ക് കടന്നു വന്നു. " സാർ... രണ്ട് പേര് സാറിനെ കാണാനായി വന്നിട്ടുണ്ട്. " അയാൾ വിനയാന്വിതനായി പറഞ്ഞു. " ആരാണ്...? " തോമസ് സ്‌ക്രീനിൽ നിന്നും കണ്ണുകൾ മാറ്റാതെ തന്നെ ചോദിച്ചു. " ഏതോ രംഗൻ പറഞ്ഞിട്ട് വന്നതാണെന്ന് പറഞ്ഞു. സാറിനെ കാണണമെന്ന്.... " " ഇവരാണോ? " സ്ക്രീനിലെ പ്രതാപന്റെയും ഇഷാന്റെയും ചിത്രത്തിലേക്ക് വിരൽ ചൂണ്ടിക്കൊണ്ട് തോമസ് തിരിഞ്ഞ് സെയിൽസ്മാനെ നോക്കി. സ്ക്രീനിലേക്ക് നോക്കിയ ശേഷം അയാൾ അതേയെന്ന് തലയാട്ടി. " വരാൻ പറഞ്ഞോ... " അനുവാദം കൊടുത്തു കൊണ്ട് തോമസ് വീണ്ടും സ്ക്രീനിലേക്ക് മുഖം തിരിച്ചു. ശേഷം ജുബ്ബയുടെ പോക്കറ്റിൽ നിന്നും മൊബൈൽ വലിച്ചെടുത്ത് ആരെയോ കോൾ ചെയ്തു. 📞 ജെയിംസൂട്ടീ..... മറുതലക്കൽ കോൾ അറ്റൻഡ് ആയതേ അയാൾ വിളിച്ചു. 📞 .... തോമാച്ചായാ പറ.... 📞 നീ ഇപ്പോ എവിടാ ? 📞 സ്റ്റേഷനില്.... 📞 ഹ്മ്.... നീ ഇന്നലെ പറഞ്ഞില്ലേ മറ്റവനെ ബാറിൽ വച്ച് കണ്ടു എന്ന്. 📞 ഹം... പക്ഷേ അവൻ ആണോന്ന് ഉറപ്പില്ല. ഞാൻ ഫോട്ടോ എടുത്തതാ... അത്രയ്ക്ക് അങ്ങോട്ട് തെളിഞ്ഞില്ല. 📞 📞 എന്നാലേ ഇനി അവനെ തിരയണ്ട. അവൻ ഇവിടെയുണ്ട്. നമ്മുടെ സ്വർണ്ണകടയില്.... 📞 ങ്ങേ! 📞 രംഗൻ ഇന്നലെ പറഞ്ഞില്ലേ? അവൻ ഒരാളിനെ വിടാന്ന്... സകല കൊള്ളരുതായ്മയും കയ്യിലുള്ള ഒരുത്തനാ. നമുക്ക് ഉപകാരപ്പെടും കൂടെ കൂട്ടിക്കൊള്ളാൻ പറഞ്ഞിരുന്നില്ലേ? 📞 ഹാ... അതിന്? 📞 അവനാ ഇവൻ... 📞 ആഹാ അത് കലക്കിയല്ലോ? ജയിംസ് ഉറക്കെ ചിരിച്ചു. 📞 ഇതിപ്പോ വേട്ടക്കാരൻ കെണി വയ്ക്കും മുൻപേ ഇര ഇങ്ങോട്ട് വന്ന് ചാടിയേക്കുവാണല്ലോ? 📞 ഇതിന് പക്ഷെ ഓടിച്ചിട്ട് പിടിക്കുന്ന ആ ത്രിൽ ഇല്ലടാ.... തോമസ് സ്വരത്തിൽ നേരിയ നിരാശ കലർത്തി. അതിന് മറുപടി എന്നോണം ജയിംസ് പിന്നെയും ചിരിച്ചു. 📞 അവൻ ഒറ്റക്കാണോ? 📞 അല്ല... വേറെ ഒരുത്തനും കൂടെ ഉണ്ട്. എനിക്ക് ഇവനെ മാത്രം മതി. കുറച്ചു കാര്യമായിട്ട് അവനെ എനിക്കൊന്ന് പരിചയപ്പെടണം. അതിന്റെ പേരില് പിന്നെ കേസിനും വക്കാണത്തിനും ഒന്നും എനിക്ക് മേല... അതിന് എന്നാടാ ഒരു വഴി? 📞 അവരെന്തിനാ വന്നത്? തോമച്ചായനെ കാണാനോ? അതോ? 📞 എന്തോ സ്വർണ്ണം വിക്കാനോ മറ്റോ ആണെന്നാ രംഗൻ പറഞ്ഞത്. 📞 ആഹാ... എന്നാപ്പിന്നെ അച്ചായന് അവനെ പഞ്ചറാക്കാനുള്ള വേദി ഞാൻ ഇവിടെ സ്റ്റേഷനുള്ളിൽ തന്നെ ഒരുക്കി തരാം. 📞 അതെങ്ങനെ? തുടർന്ന് ജയിംസ് പറഞ്ഞത് കേട്ട് തോമസിന്റെ ചുണ്ടിൽ ഒരു ചിരി വിരിഞ്ഞു. 📞 ജയിംസേ... അവനിനി പുറം ലോകം കാണരുത്. 📞 ഇല്ലാന്നേ... ഇത് ഞാൻ നിങ്ങക്ക് തരുന്ന ഉറപ്പാ... 📞 അപ്പൊ ശെരി. ഞാൻ വിളിക്കാം. 📞 ഞാൻ ഇവിടെ ജീപ്പും റെഡിയാക്കി കാത്ത് നിൽക്കാം. നിങ്ങടെ ഫോൺ കാളിനായി.... തോമസ് കാൾ കട്ടാക്കിയതും ഡോറിൽ മുട്ട് കേട്ടു. " കേറി വാടോ.... " തോമസ് അത് പറഞ്ഞതും സെയിൽസ്മാനും അയാൾക്ക് പിറകെ പ്രതാപനും ഇഷാനും റൂമിലേക്ക് കടന്ന് വന്നു. 🌜 🌜 🌜 🌜 🌜 ബാക്കി നാളെ.... തോമസും ജയിസും ആരാണെന്നും അവർക്ക് പ്രതാപനോടുള്ള ദേഷ്യം എന്താണെന്നും ഒക്കെ അടുത്ത പാർട്ടിൽ പറയാം. #📚 ട്വിസ്റ്റ് കഥകൾ #💞 പ്രണയകഥകൾ #📔 കഥ #📙 നോവൽ #✍ തുടർക്കഥ