ചെങ്കൽ ചൂള...(26) റൗഡി വാസു ദിവസവും മൂന്ന് നേരം ഇഷ്ടാനുസരണം ആവശ്യമുള്ള ഭക്ഷണം കഴിച്ചു കൊണ്ടിരുന്നു. ഓരോ ദിവസവും കഴിയുന്തോറും ഇതിലെന്തെങ്കിലും ചതി കാണാതിരിക്കുമോ എന്നുളള ചിന്ത വാസുവിനെ വല്ലാതെ മദിച്ചു കൊണ്ടിരുന്നു. ആഴ്ചകൾ കഴിഞ്ഞപ്പോൾ കാമിനി മറിയാമ്മേടത്തിയെ കാണാണെത്തി. കാമിനിയെ കണ്ടതും മറിയാമ്മേടത്തി ചോദിച്ചു: "എങ്ങോട്ടാടീ നീ?" "ഞാൻ മറിയാമ്മേടത്തിയെ കാണാൻ വന്നതാ..." "നിനക്കെന്താ വിശേഷം?" "എനിക്കെന്തോന്ന് വിശേഷം...ആ തടിമാടൻ തിന്ന് കൊഴുത്തല്ലേ നടക്കുന്നത്..." "ഏത് തടിമാടൻ?" "ആ റൗഡി വാസു...അല്ലാതാരാ... ഞാൻ കഷ്ടപ്പെടുന്ന കാശത്രയും ആ തടിമാടനല്ലേ തിന്ന് മുടിക്കുന്നത്...ഇപ്പോ ഇത്തിരി മിനിങ്ങിയിട്ടുണ്ട്..." "ആര്...ഞാനോ?" "ഛെ...ആ തടിമാടൻ വാസു..." "എടീ...അത് നിനക്ക് വചനം അറിയാഞ്ഞിട്ടാ... ദുഷ്ടൻ പന പോലെ തഴയ്ക്കുമെന്നാ വചനം പറയണത്...അല്പം കഴിഞ്ഞാൽ പിന്നെ അവൻ ഇല്ല...നീ അവൻ്റെ സ്ഥലം സൂക്ഷിച്ചു നോക്കും നീ അവനെ കണ്ടെത്തുകയുമില്ല എന്നാ ദൈവ വചനം...നീ അല്പം കൂടി കാത്തിരിക്ക്... എല്ലാം ശരിയാകും..." "ഇനി എന്തോന്ന് കാത്തിരിക്കാൻ...ഒരു മാസം ആകാൻ പോകുന്നു...അവനൊന്നും പററിയില്ലേൽ കാശ് മറിയാമ്മേടത്തി കൊടുക്കേണ്ടി വരും പറഞ്ഞേക്കാം". "എടീ...എട്...പിടീന്നും പറഞ്ഞാലൊന്നും കാര്യം നടക്കുകേല...ഓരോന്നിനും അതിൻ്റേതായ സമയമുണ്ട്... അത് വരെ നീ ക്ഷമയോടെ കാത്തിരിക്കണം". "മറിയാമ്മേടത്തി എന്തോന്നെക്കെയാ ഈ പറയണെ? കാത്തിരുന്നാൽ മതിയെങ്കിൽ പിന്നെ ആ തടിമാടനെ ഞാൻ ദിവസവും മൂന്ന് നേരം അവൻ്റെ പളള നിറയാൻ ഞാൻ സത്ക്കരിക്കണോ?". (തുടരും) #📙 നോവൽ #📔 കഥ #💓 ജീവിത പാഠങ്ങള്‍ #💚 എന്റെ കേരളം #😋 തനി നാടൻ രുചികൾ