രുദ്രദൃഷ്ടി ഭാഗം 24 ധനുഷിന്റെ നീലക്കണ്ണുകളിൽ ക്രോധം അഗ്നിയായി പടർന്നു. ഛായാപുരുഷന്റെ മായയിൽ അകപ്പെട്ട അവൻ തന്റെ കൈകളിൽ ഒരു നീല വെളിച്ചം ആവാഹിച്ചു. കാശിയിലെ ജനക്കൂട്ടം മഠത്തിന് പുറത്ത് അലറുന്നുണ്ടായിരുന്നു. പക്ഷേ അകത്ത് നടക്കുന്നത് അതിലും ഭീകരമായ ഒന്നായിരുന്നു. ധനുഷ് തന്റെ കൈകൾ ആകാശത്തേക്ക് ഉയർത്തി. അവന്റെ നീലക്കണ്ണുകളിൽ നിന്ന് പുറപ്പെട്ട രശ്മികൾ മഠത്തിന്റെ ചുവരുകൾ പിളർത്തി…. "അച്ഛാ അങ്ങ് ദുർബലനാണ്.. ഈ മനുഷ്യർ നമ്മളെ കല്ലെറിയുമ്പോൾ അങ്ങ് ധർമ്മത്തെക്കുറിച്ച് സംസാരിക്കുന്നു. ഞാൻ ഇവർക്ക് അന്ത്യം കുറിക്കും" ധനുഷ് ഇന്ദ്രജിത്തിന് നേരെ കുതിച്ചു…. കാഴ്ചയില്ലാത്ത ഇന്ദ്രജിത്ത് അനങ്ങിയില്ല. അവൻ തന്റെ ശൂലം പ്രതിരോധത്തിനായി പോലും ഉയർത്തിയില്ല… "ധനൂ നീ ആക്രമിക്കുന്നത് എന്നെയല്ല നിന്റെ ഉള്ളിലെ നന്മയെയാണ്. ഛായാപുരുഷൻ നിന്റെ കോപത്തെയാണ് ഭക്ഷിക്കുന്നത്".... ധനുഷിന്റെ നീല ജ്വാലകൾ ഇന്ദ്രജിത്തിന്റെ ശരീരത്തിൽ തട്ടി. ഇന്ദ്രജിത്തിന്റെ വസ്ത്രങ്ങൾ കരിഞ്ഞു, അവന്റെ ദേഹത്ത് മുറിവുകൾ ഉണ്ടായി. പക്ഷേ അവൻ ഒരടി പോലും പിന്നോട്ട് മാറിയില്ല. സ്നേഹത്തിന്റെ കരുത്തുകൊണ്ട് അവൻ മകന്റെ ക്രോധത്തെ നേരിട്ടു….. ഇന്ദ്രജിത്ത് ദുർബലനാകുന്നത് കണ്ട ഛായാപുരുഷൻ ധനുഷിന്റെ പുറകിൽ നിന്ന് അദൃശ്യമായി അവന്റെ ഉള്ളിലേക്ക് പ്രവേശിക്കാൻ തുടങ്ങി... ധനുഷിന്റെ മുഖം വികൃതമായി. അവന്റെ പല്ലുകൾ നീണ്ടു നഖങ്ങൾ കറുത്ത നിറമായി. അവൻ ഒരു രാക്ഷസനെപ്പോലെ അലറാൻ തുടങ്ങി….. "ഇന്ദ്രജിത്ത് നിന്റെ മകൻ ഇപ്പോൾ എന്റെ വശത്താണ്.. അവന്റെ വജ്രദൃഷ്ടി ഉപയോഗിച്ച് ഞാൻ ഈ ലോകത്തെ ഇരുട്ടിലാക്കും".. ഛായാപുരുഷന്റെ ശബ്ദം ധനുഷിന്റെ തൊണ്ടയിലൂടെ പുറത്തുവന്നു….. രുദ്രാവതി ഇത് കണ്ട് നിലവിളിച്ചു. അവൾ തന്റെ ഗംഗാ ചൈതന്യം ഉപയോഗിച്ച് ധനുഷിനെ തണുപ്പിക്കാൻ ശ്രമിച്ചു…. "ധനൂ... നിന്റെ ഉള്ളിലെ അമ്മയെ ഓർക്കൂ.. നീ ഞങ്ങളുടെ പ്രാർത്ഥനയാണ്"... അവൾ നിലവിളിച്ചു… ധനുഷ് തന്റെ അന്തിമ ആയുധമായ വജ്രദൃഷ്ടി ഇന്ദ്രജിത്തിന് നേരെ തൊടുത്തുവിട്ടു. അത് പ്രപഞ്ചത്തെപ്പോലും ഭസ്മമാക്കാൻ ശേഷിയുള്ള വെളിച്ചമായിരുന്നു. എന്നാൽ ആ നിമിഷം ഇന്ദ്രജിത്ത് തന്റെ ജ്ഞാനദൃഷ്ടി പൂർണ്ണമായി തുറന്നു…. ഇന്ദ്രജിത്തിന്റെ നെറ്റിയിലെ അടയാളം സൂര്യനെപ്പോലെ ജ്വലിച്ചു. വെളിച്ചവും വെളിച്ചവും തമ്മിലുള്ള ആ വലിയ കൂട്ടിയിടിയിൽ മഠം മുഴുവൻ കുലുങ്ങി. പക്ഷേ ഇന്ദ്രജിത്ത് കണ്ടത് ധനുഷിനെ അല്ല അവന്റെ ഉള്ളിൽ ഒളിച്ചിരിക്കുന്ന ഛായാപുരുഷനെയാണ്….. "നിഴലുകൾക്ക് വെളിച്ചത്തിൽ സ്ഥാനമില്ല" ഇന്ദ്രജിത്ത് തന്റെ ശൂലം ധനുഷിന്റെ നെഞ്ചിന് നേരെ എറിഞ്ഞു….. രുദ്രാവതി തകർന്നുപോയി. "വേണ്ട" അവൾ അലറി. പക്ഷേ ആ ശൂലം ധനുഷിനെ മുറിവേല്പിച്ചില്ല. അത് ധനുഷിന്റെ ശരീരത്തിലൂടെ ഒരു വെളിച്ചം പോലെ കടന്നുപോയി അവന്റെ പിന്നിൽ ഒളിച്ചിരുന്ന ഛായാപുരുഷന്റെ ഹൃദയത്തിൽ കൃത്യമായി തറച്ചു. ഛായാപുരുഷൻ ഒരു ദയനീയ നിലവിളിയോടെ വായുവിൽ അലിഞ്ഞുപോയി….. മായ മാറിയതോടെ ധനുഷ് തളർന്നു താഴെ വീണു. അവന്റെ കണ്ണുകളിലെ ആ നീലക്കണ്ണുകൾ സാധാരണ നിലയിലായി. അവൻ കരഞ്ഞുകൊണ്ട് ഇന്ദ്രജിത്തിന്റെ പാദങ്ങളിൽ വീണു…. "അച്ഛാ... എന്നോട് ക്ഷമിക്കൂ. ഞാൻ വഴിതെറ്റിപ്പോയി."... ഇന്ദ്രജിത്ത് അവനെ പിടിച്ചെഴുന്നേൽപ്പിച്ചു. "ധനൂ.. നിന്റെ ശക്തി വജ്രത്തേക്കാൾ കഠിനമാണ്. പക്ഷേ അത് വിനയത്തിന്റെ നൂലിൽ കോർത്താൽ മാത്രമേ ലോകത്തിന് ഉപകരിക്കൂ."... പുറത്ത് ജനക്കൂട്ടം ശാന്തരായി. അവർക്ക് തങ്ങളെ ബാധിച്ച ഭ്രമം നീങ്ങിയതുപോലെ തോന്നി. അവർ മഠത്തിന് മുന്നിൽ തലകുനിച്ചു നിന്നു….. ഇന്ദ്രജിത്തും രുദ്രാവതിയും ധനുഷിനെ നടുവിൽ നിർത്തി ഗംഗാതീരത്തേക്ക് നടന്നു. ഒരു തലമുറയിൽ നിന്ന് അടുത്ത തലമുറയിലേക്ക് കാലഭൈരവന്റെ കാവൽ കൈമാറപ്പെട്ടിരിക്കുന്നു. ധനുഷ് ഇപ്പോൾ അവരുടെ മാത്രം മകനല്ല.. അവൻ വരാനിരിക്കുന്ന പുതിയ പോരാട്ടങ്ങളുടെ നായകനാണ്…. തുടരും… ✍️സന്തോഷ്‌ ശശി…. #📙 നോവൽ #കഥ,ത്രില്ലെർ,ഹൊറർ #💞 പ്രണയകഥകൾ #✍ തുടർക്കഥ #📔 കഥ