#🙋‍♀️ എൻ്റെ സ്റ്റാറ്റസുകൾ #🗳️ രാഷ്ട്രീയം #💓 ജീവിത പാഠങ്ങള്‍ #🌞 ഗുഡ് മോണിംഗ് സ്കൂളുകളിൽ അടിമുടി മാറ്റങ്ങൾ ലക്ഷ്യമിട്ടുള്ള പുതിയ നിർദ്ദേശങ്ങൾ വിദ്യാഭ്യാസ മന്ത്രി വി. ശിവൻകുട്ടി മുന്നോട്ടുവെച്ചു. സ്കൂൾ കെട്ടിട നിർമ്മാണം മുതൽ ക്ലാസ് മുറികളിലെ രീതികളിൽ വരെ വലിയ മാറ്റങ്ങളാണ് വരുന്നത്.* പ്രധാന നിർദ്ദേശങ്ങൾ ഇവയാണ്: ✅ അവധി ദിവസങ്ങളിൽ ക്ലാസ് പാടില്ല: വിദ്യാർത്ഥികൾക്ക് വിശ്രമം ഉറപ്പാക്കാൻ അവധി ദിവസങ്ങളിലെ ക്ലാസുകൾ ഒഴിവാക്കണം. ✅ അധ്യാപകർക്ക് സമ്മാനം വേണ്ട: അധ്യാപകർ തങ്ങളുടെ ജന്മദിനത്തിൽ കുട്ടികളിൽ നിന്നും ഗിഫ്റ്റുകൾ വാങ്ങാൻ പാടില്ല. ✅ പുതിയ സ്കൂൾ കെട്ടിടങ്ങൾ ഹൈടെക് ആവണം: ഇനി നിർമ്മിക്കുന്ന സ്കൂൾ കെട്ടിടങ്ങളിൽ ലിഫ്റ്റ്, ഫാൻ, എസി എന്നിവ നിർബന്ധമായും ഉണ്ടായിരിക്കണം. ✅ ബാക്ക് ബെഞ്ചേഴ്സ് വേണ്ട: ക്ലാസുകളിൽ 'ബാക്ക് ബെഞ്ചേഴ്സ്' എന്ന രീതി ഒഴിവാക്കണം. എല്ലാ കുട്ടികൾക്കും തുല്യ പരിഗണന ലഭിക്കണം. ✅ ഭരണഘടനാ ആമുഖം: സ്കൂളുകളിലെ സ്പെഷ്യൽ അസംബ്ലിയിൽ ഭരണഘടനയുടെ ആമുഖം വായിക്കണം. ✅ കുട്ടികൾക്ക് ഇൻഷുറൻസ്: 1 മുതൽ 12 വരെ ക്ലാസുകളിലെ കുട്ടികൾക്കായി ഈ അധ്യയന വർഷം തന്നെ ഇൻഷുറൻസ് പദ്ധതി നടപ്പിലാക്കും. ✅ പഴയ വിദ്യാർത്ഥി സംഘടനകൾക്ക് ബൈ-ലോ: പൂർവ്വ വിദ്യാർത്ഥി സംഘടനകളുടെ പ്രവർത്തനം കാര്യക്ഷമമാക്കാൻ പുതിയ ബൈ-ലോ കൊണ്ടുവരും.