*ബന്ധങ്ങളുടെ* *കഥ* #📝 ഞാൻ എഴുതിയ വരികൾ #🖋 എൻ്റെ കവിതകൾ🧾 ബന്ധങ്ങൾ പലതരം... ചിലർ പറയുന്നു — "ഉത്തമം രക്തബന്ധം" എന്ന്. എന്നാൽ ജീവിതം തെളിയിക്കുന്നു, ഹൃദയത്തിന്റെ കരുതലാണ് ബന്ധങ്ങളിൽ മഹത്തായത്. ഉമ്മയുടെ കണ്ണുനീർ, ഉപ്പയുടെ വിയർപ്പു, സഹോദരങ്ങളുടെ കളിവഴക്കും, സഹോദരിയുടെ ചിരിയും ചേർന്ന് വീട് നിറഞ്ഞു. പിന്നെ ജീവിതത്തിൽ എത്തി പാതി ജീവിതം പങ്കിടാനൊരു ഭാര്യ — അവളുടെ കണ്ണുകളിൽ പ്രതിഫലിച്ച സ്വപ്നങ്ങളിൽ നിന്നു പിറന്നവർ, മക്കൾ, രക്തത്തിന്റെ പുതുശാഖകൾ. ഇങ്ങനെ ബന്ധങ്ങൾ ചേർന്ന് ഒരു വലിയ കുടുംബം രൂപപ്പെട്ടു. ചിരികൾക്കും ആശ്വാസങ്ങൾക്കും ഒരു വീട് നിറഞ്ഞു. എന്നാൽ കാലം മാറി... കുടുംബത്തിന്റെ നാഥൻ, എല്ലാം കൊടുത്തവൻ, എല്ലാം സഹിച്ചവൻ, ഒരു മൂലയിൽ ഒറ്റപ്പെടുന്നു. അവന്റെ ശബ്ദം ആരും കേൾക്കുന്നില്ല, അവന്റെ വേദന ആരും വായിക്കുന്നില്ല. "കുടുംബം" എന്നു വിളിച്ചവർക്ക് അവൻ ഇനി ഒരു ഭാരമായി മാറി. ഒടുവിൽ... ജീവിതം മുഴുവൻ ചുമന്നു നടന്ന ആ നാഥൻ, വീട് നിറഞ്ഞ ബന്ധങ്ങളുടെ നടുവിൽ ഒറ്റപ്പെട്ട മരണമൊഴി മാത്രം കാതിൽ മുഴങ്ങിക്കൊണ്ട് മാഞ്ഞുപോകുന്നു.