ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/6de41z8?d=n&ui=v64j8rk&e1=cPart 18മറ്റാരുടെയും കണ്ണിൽ പെടാതെ മനു ഒരു തേക്കിൻ കൂപ്പിലേക്ക് ഓടിക്കയറി. കൂപ്പിനുള്ളിലൂടെ ചെറിയ മൺവഴിയുണ്ട്. അയാളതിവേഗം ആ വഴിയിലൂടെ നടന്നു. ഈ സ്ഥലം തനിക്ക് പരിചയമൊന്നുമില്ല. ഓടി രക്ഷപ്പെട്ടു വന്നത് ഇവിടെയായിപ്പോയി. ജീവിതത്തോട് അടങ്ങാത്ത ആഗ്രഹമൊന്നുമില്ല. പക്ഷേ അവളുടെ ജീവനെടുക്കണം. എന്നിട്ട് താൻ ജയിലിലേക്ക് തന്നെ പോകും. തന്നെ മോഹിപ്പിച്ച് ചതിച്ച അവളെ വെറുതെ വിടില്ല. നടന്നു നടന്നയാളുടെ കാലുകൾ കുഴഞ്ഞു. എങ്കിലും അയാൾ നടത്തം നിർത്തിയില്ല. കുറെ കൂടി ഉള്ളിലേക്ക് ചെന്നപ്പോൾ ആ വഴി രണ്ടായി പിരിഞ്ഞു വലത്തോട്ടുള്ള വഴിയിലൂടെ കുറെ ദൂരം മുന്നോട്ടനടന്നപ്പോൾ നാലഞ്ച് ചെറിയ വീടുകൾ കാണുമാറായി. തേക്കിൻ കൂപ്പിന്റെ അതിർത്തി എന്നോണം കരിങ്കൽ കാലുകൾ കുഴിച്ചിട്ടിട്ടുണ്ട്. അതിനപ്പുറത്താണ് ആളുകൾ താമസിക്കുന്നത്. ചെറിയ വീടുകളാണ്.ഇവിടെ താമസിച്ചിരുന്ന ആളുകൾക്ക് ഒരുപക്ഷേ ഇവിടം വിട്ടു പോകാൻ ഇഷ്ടമില്ലാത്തതുകൊണ്ട് മാത്രം ഇപ്പോഴും തുടരുന്നതാവാം. അയാൾ ആദ്യം കണ്ട വീട്ടിലേക്ക് ചെന്നു. അപ്പോഴാണ് പഴുത്ത വാഴക്കുലയും ചുമലിൽ വച്ച്‌ എഴുപത് വയസ്സോളം പ്രായം തോന്നുന്ന ഒരാൾ മുറ്റത്തേക്ക് കയറി വന്നത്. ആരാ..എന്താ ??അയാൾ ചോദിച്ചു. ഞാൻ വഴിതെറ്റി വന്നതാ, ഇത് ഏതാ സ്ഥലം ?? മനു ചോദിച്ചു. നിങ്ങൾക്ക് എങ്ങോട്ടാണ് പോകേണ്ടത്?? വൃദ്ധൻ ചോദിച്ചു. എനിക്ക് മുകളേലെ കരുണാകരൻ ചേട്ടന്റെ വീട്ടിലേക്കാണ് പോകേണ്ടത്. പെട്ടെന്ന് വായിൽ തോന്നിയ ഒരു പേര് മനു പറഞ്ഞു. അങ്ങനെ ഒരാൾ ഇവിടെ താമസം ഇല്ലല്ലോ. ഒരു ഓട്ടോറിക്ഷക്കാരനാണ് തേക്കിൻകൂപ്പിന് അപ്പുറത്ത് ഇറക്കിവിട്ടത്. ഇവിടെ എവിടെയോ ആണ് വീടെന്നാണ് അയാൾ പറഞ്ഞത്. എനിക്ക് സ്ഥലമത്ര പരിചയമില്ല.മനു പറഞ്ഞു. ആഹ് ഇനിയിപ്പോൾ തിരിച്ചു പോകാം. തിരിച്ചു പോകണമെങ്കിൽ ഞാൻ ഈ വന്ന വഴി മുഴുവനും തിരിച്ചു നടക്കണം അല്ലേ ??മനു ചോദിച്ചു നിങ്ങൾ ഒരു കാര്യം ചെയ്യൂ.. ഈ വഴിയെ കുറച്ച് മുന്നോട്ടു നടന്നാൽ ഒരു പുഴയുണ്ട്. പുഴയുടെ അപ്പുറവും കടന്ന് കുറച്ചുകൂടെ നടന്നാൽ മെയിൻ വഴിയാണ് അതിലെ പൊയ്ക്കോളൂ അതാണ് എളുപ്പം. മനു അയാളുടെ ചുമലിൽ ഇരിക്കുന്ന വാഴക്കുലയിലേക്ക് നോക്കി. അയാൾക്ക് നന്നായി വിശക്കുന്നുണ്ടായിരുന്നു. അവന്റെ നോട്ടം കണ്ടയാൾ ഒരു പടല പഴമുരിഞ്ഞവന് കൊടുത്തു. മനു ആർത്തിയോടെ തിന്നുന്നത് അയാൾ നോക്കി നിന്നു. നന്നായി വിശക്കുന്നുണ്ടായിരുന്നു അല്ലേ?? ഉവ്വ്.. ഇതുവഴി അങ്ങനെ ആളുകൾ വരാറൊന്നുമില്ല, ഞങ്ങൾ ഇവിടെ കുറച്ചു വീട്ടുകാർ മാത്രമേ ഉള്ളൂ. ഗവൺമെന്റ് ഞങ്ങളുടെ സ്ഥലവും ഏറ്റെടുക്കുകയാണ്. കുറച്ചുനാൾ കഴിയുമ്പോൾ ഞങ്ങളും പോകും. അയാൾ പിന്നാമ്പുറത്ത് വാഴക്കുല ഇറക്കി വെച്ചിട്ട്, മൂടിവച്ചിരുന്ന കലത്തിൽ നിന്നും ഒരു ഗ്ലാസ് വെള്ളമെടുത്ത് അവന് കൊടുത്തു. നല്ല ഉറവ വെള്ളമാണ് കുടിച്ചോളൂ. അവൻ വെള്ളം കുടിച്ചു. ശരി ഞാൻ പോട്ടെ മനുപറഞ്ഞു. ശരി. നടന്നു നടന്നവൻ പുഴയുടെ അരികിൽ എത്തി പുഴയിൽ നിന്നും കൈക്കുമ്പിളിൽ വെള്ളം കോരി മുഖം കഴുകി. എങ്ങനെയെങ്കിലും തന്റെ കൂട്ടാളികളുടെ അടുത്തെത്തണം എങ്കിൽ മാത്രമേ അവളുടെ വീടെവിടെയാണെന്ന് കണ്ടെത്താൻ കഴിയൂ.. പക്ഷേ എങ്ങനെ താൻ അവിടെയെത്തും?? തന്നെ കണ്ടാൽ ആളുകൾ തിരിച്ചറിയില്ലേ?? ജ.യിൽ ചാടിയ ആളുടെ ഫോട്ടോ ടീവി യിലും സോഷ്യൽ മീഡിയയിലും ഒക്കെ ആയിട്ടുണ്ടാകും. രണ്ടും കൽപ്പിച്ച് അയാൾ വഴിയിലേക്ക് ഇറങ്ങി. പരിസരം വീക്ഷിച്ചു ചെറിയ മൂന്നാല് കടകൾ മാത്രമേ അവിടെയുള്ളൂ. ഇടയ്ക്കിടയ്ക്ക് ഓരോ ബസ് വരുന്നുണ്ട്. പഴയ കെട്ടിടത്തിന്റെ സൈഡിൽ ബാർബർ ഷോപ്പ് ഉണ്ടെന്നുള്ളത് അയാൾ ശ്രദ്ധിച്ചു. വയസ്സായ ഒരാളാണ് ബാർബർ ധൈര്യസമേതം മനു അങ്ങോട്ട് ചെന്നു തലയൊന്നു മൊട്ടയടിക്കണം മനു പറഞ്ഞു. ഇതിനുമുമ്പ് ഈ ഭാഗത്തൊന്നും കണ്ടിട്ടില്ലല്ലോ എവിടെ ഉള്ളതാ ?? അയാൾ ചോദിച്ചു. കൂപ്പിന്റെ അടുത്തുള്ള എന്റെഒരു സ്വന്തപ്പെട്ട വീട്ടിൽ വന്നതാണ്. ഏത് വീടാ ?? ഓടിട്ട ആ പഴയ വീടിലെ... ഓഹ്..നമ്മുടെ ദിവാകരൻ ചേട്ടന്റെ വീട്. അതെ..അതുതന്നെ. ഇവിടെയുള്ള ആരുടെയെങ്കിലും ബന്ധുവാണെന്ന് എനിക്കും തോന്നി. അല്ലാതെ വേറെ നാട്ടുകാർ ഒന്നും അങ്ങനെ ഇങ്ങോട്ട് വരാറില്ലല്ലോ ഇതൊരു ചെറിയ ഒറ്റപ്പെട്ട ഗ്രാമം അല്ലേ തലമുടി എടുത്തു കഴിഞ്ഞപ്പോൾ മീശ കൂടി എടുത്തോളൂ എന്ന് മനു പറഞ്ഞു ദിവാകരൻ മാമൻ വൈകിട്ട് ഇങ്ങോട്ട് വരുന്നുണ്ടെന്ന് പറഞ്ഞു, മാമൻ കാശ് തരും കേട്ടോ. മനു പറഞ്ഞു. അതിനെന്താ ഞാൻ പുള്ളിയുടെ കയ്യിൽ നിന്ന് വാങ്ങിക്കൊള്ളാം. പിന്നെ, മാമൻ പറഞ്ഞു ഇവിടെ നിന്നും അഞ്ഞൂറു രൂപ മേടിച്ചോളാൻ ഉവ്വോ..?? ആം.. കഴിഞ്ഞു.അയാൾ പറഞ്ഞു. മനു കണ്ണാടിയിൽ നോക്കി. ക്ലീൻ ഷേവ് ചെയ്തു തല മൊട്ടയടിച്ച രൂപം പെട്ടെന്നൊന്നും, തന്നെ ഒരാൾക്ക് കണ്ടാൽ മനസ്സിലാവില്ല. കടക്കാരൻ 500 രൂപ അയാൾക്ക് നേരെ നീട്ടി. മനുവത് വാങ്ങി. ആദ്യം വന്ന ബസിൽ കയറിപ്പറ്റി. ഏതോ വീട്ടുമുറ്റത്ത് അലക്കി വിരിച്ചിരുന്ന വസ്ത്രം മോ.ഷ്.ടിച്ച്‌ അതാണ് ധരിച്ചിരിക്കുന്നത്. ആ വസ്ത്രത്തിനുള്ളിൽ മനു പ്രായമേറിയ ഒരു മനുഷ്യനെ പോലെ തോന്നിച്ചു. ആളൊഴിഞ്ഞ നിരത്തുകളിൽ ബസ്സിറങ്ങി,, അടുത്ത ബസ്സിനു കയറി അങ്ങനെയങ്ങനെ അയാൾ തന്റെ കൂട്ടാളികളുടെ അടുത്തെത്തി. അവർക്ക് ആദ്യംമനുവിനെ കണ്ടിട്ട് മനസ്സിലായില്ല. ഞാൻ മനുവാണ്.അവൻ പറഞ്ഞു. എടാ നീ ജയിൽ ചാടിയത് അറിഞ്ഞിരുന്നു. എന്തായാലും ആർക്കും പിടികൊടുക്കാതെ രക്ഷപ്പെട്ടല്ലോ,അതുതന്നെ വലിയ കാര്യം. അവർ പറഞ്ഞു. എന്നെ ഒരുത്തി ചതിച്ചതാടാ. എനിക്ക് അവളോട് പ്ര.തികാരം ചെയ്യണം.ആദ്യം അവളുടെ വീട് എവിടെയാണെന്ന് കണ്ടുപിടിക്കണം. അതൊക്കെ നമുക്ക് ചെയ്യാം. ധൈര്യമായിട്ടിരിക്ക്. പുഷ്പം പോലെ നമ്മൾ അവളെ പൊക്കും. അവന്റെ കൂട്ടാളികൾ പറഞ്ഞു. അയാൾക്ക് അല്പം സമാധാനം തോന്നി. രണ്ടുദിവസങ്ങൾ കടന്നുപോയി. അടുത്ത ദിവസം രാവിലെ സുഹൃത്ത് അവന്റെ അരികിൽ എത്തി. അവളുടെ വീട് കണ്ടുപിടിച്ചു, അവളുടെ പേര് നീ പറഞ്ഞത് ഒന്നുമല്ല . ശില്പ എന്നാണ് അവളുടെ യഥാർത്ഥ പേര്. ഇതല്ലേ ആള് ?? അയാൾ ഫോൺ ഉയർത്തി കാട്ടി. അതെ, ഇവൾ തന്നെ.മനു പറഞ്ഞു. ഞങ്ങൾ അന്വേഷിച്ചു, അവർ വേറെ എങ്ങോട്ടോ താമസം മാറിയിരിക്കുകയാണ്. അപ്പോൾ അവൾ മുൻപേ തന്നെ എല്ലാം പ്ലാൻ ചെയ്തിരുന്നു വഞ്ചകി... മനു പല്ലിറുമ്മി. 💚💚💚💚💚💚 നിതാര ഇതിനോടകം അച്ഛനോട് എല്ലാ വിവരങ്ങളും തുറന്നു പറഞ്ഞിരുന്നു. എല്ലാം കേട്ട് കഴിഞ്ഞപ്പോൾ അച്ഛൻ അവളെ ശകാരിച്ചു. ശിൽപയെക്കുറിച്ച് നീ ഒന്നും ആലോചിച്ചില്ലേ, ഇത്തരം കാര്യങ്ങൾക്കൊക്കെ അവളെ അയച്ചത് മോശമായിപ്പോയി. അവളുടെ ജീവിതം എന്താകുമെന്ന് നീ ഒട്ടും ആലോചിച്ചില്ല. നിന്നെപ്പോലെ തന്നെ ഒരു പെൺകുട്ടിയല്ലേ അവളും നിതാര തലകുനിച്ചു നിന്നു. അവരൊക്കെ വലിയ മാ.ഫിയയാണ് മോളെ, നമ്മളെ പോലെ സാധാരണക്കാർക്കൊന്നും അവരോട് ഏറ്റുമുട്ടാനാവില്ല. ഒരു കാര്യം ചെയ്യാം അവരോട് ഇങ്ങോട്ട് വരാൻ പറ മരിക്കുന്നെങ്കിൽ നമുക്കെല്ലാവർക്കും കൂടി ഒരുമിച്ച് മരിക്കാം. ഞാൻ പറയാം... അവൾ ഫോണുമായി മുകളിലെ മുറിയിലേക്ക് പോയി. നിതാര മറ്റൊരു ഫോണെടുത്തു . ശിൽപ്പയെ വിളിച്ചു. എന്താടി...ശില്പ ചോദിച്ചു. എടീ ഇങ്ങോട്ട് വരൂ.നിങ്ങൾ അവിടെ ഒറ്റയ്ക്കാണല്ലോ എന്ന് ഓർക്കുമ്പോൾ മനസ്സിൽ ഒരുതരം പേടിയാണ്. നിതാര പറഞ്ഞു. അവൻ ജയിൽ ചാടിയിട്ടുണ്ടെങ്കിൽ തീർച്ചയായും എന്നെ അന്വേഷിച്ചു കണ്ടെത്തും. അതുറപ്പാണ്. എനിക്ക് മരിക്കാൻ പേടിയില്ല. നീ എന്റെ കാര്യമോർത്തൊന്നും വിഷമിക്കേണ്ട. നീ ഇപ്പോൾ മറ്റൊന്നും പറയണ്ട അച്ഛനെയും അമ്മയെയും കൂട്ടി നീ ഇങ്ങോട്ട് വാ മ ഞാൻ വണ്ടി വിടാം. ശരി ഞങ്ങൾ വരാം. ശില്പ സമ്മതിച്ചു ശില്പയുടെ സംസാരം ശ്രദ്ധിച്ചു നിൽക്കുകയായിരുന്നു അവളുടെ അച്ഛനും അമ്മയും. ആരാ വിളിച്ചത്?? നിതാര. നമ്മളോട് അങ്ങോട്ട് ചെല്ലാൻ പറഞ്ഞു നമുക്ക് അങ്ങോട്ട് പോകാം മോളെ എനിക്കെന്താ വല്ലാത്ത ഭയമാണ് ശിൽപയുടെ അമ്മ പറഞ്ഞു. അല്പസമയം കഴിഞ്ഞപ്പോൾ നിതാര അയച്ച കാർ അവരുടെ വീടിനു മുൻപിൽ വന്നു നിന്നു. അവർ കയറി. അൽപദൂരം മുന്നോട്ട് പോയപ്പോഴേക്കും അവരുടെ പിന്നാലെ മറ്റൊരു കാർ അവരെ ഫോളോ ചെയ്യുന്നുണ്ടായിരുന്നു ആരോ നമ്മളെ ഫോളോ ചെയ്യുന്നുണ്ട് അച്ഛാ ശില്പ പറഞ്ഞു. ശരിയാണ് മോളെ. തന്റെ മകളെ എങ്ങനെ രക്ഷിക്കാം എന്ന ചിന്തയിലായിരുന്നു അച്ഛന്റെ. തനിക്ക് ആണും പെണ്ണുമായിട്ട് ഇവൾ ഒരാളെ ഉള്ളൂ.. ശില്പ തിരിഞ്ഞുനോക്കി, ആ കാർ പിന്നാലെ തന്നെയുണ്ട്. അല്പം കൂടെ മുന്നോട്ടു പോയപ്പോൾ പിന്നിൽ വന്നിരുന്ന കാർ പെട്ടെന്ന് അവരുടെ കാറിന് മുന്നിൽ കയറി അവർക്ക് തടസ്സമായി നിന്നു പെട്ടെന്നായതുകൊണ്ട് അവർ വല്ലാതെ നടുങ്ങിപ്പോയി. അവരുടെ കാറിന് വിലങ്ങനെ നിർത്തിയിരുന്ന വാഹനത്തിന്റെ ഡോർ തുറന്ന് ഒരു മനുഷ്യൻ ഇറങ്ങി. അയാൾ മുഖം മറച്ചിട്ടുണ്ടായിരുന്നു അയാൾ അവരുടെ കാറിന്റെ അടുത്തേക്ക് വന്നു. പിന്നിൽ നിതാര ഇരിക്കുന്ന ഡോറിന് അരികിലേക്ക് വന്ന് മുഖം മറച്ചിട്ട തുണി പതിയെ മാറ്റി ഡാനി... ആഹ്..ആശ്വാസമായി.. ശില്പ നെഞ്ചിൽ കൈ ചേർത്തു. നിങ്ങൾ വേഗം ഇറങ്ങി ആ കാറിൽ കയറൂ..അയാൾ ചുറ്റിലും നോക്കിക്കൊണ്ട് പറഞ്ഞു. അച്ഛാ നമുക്ക് ഇറങ്ങാം. ശില്പ പറഞ്ഞു. ഇതാരാ ?? അച്ഛൻ ചോദിച്ചു. ഇത് ഡാനി ആണ്. ബാക്കി കാര്യങ്ങളൊക്കെ ഞാൻ പിന്നെ പറയാം അച്ഛന്റെ മുഖഭാവം കണ്ടപ്പോൾ അവൾക്ക് മനസ്സിലായി അച്ഛന് അയാളെ വിശ്വാസമില്ലെന്ന്. നമുക്ക് നിതാരയുടെ വീട്ടിലേക്ക് തന്നെ പോയാൽ മതി. അച്ഛൻ പറഞ്ഞു ഡാനി നമ്മുടെ നല്ലതിനുവേണ്ടി മാത്രമേ പറയൂ... നമുക്ക് ഡാനി പറയുന്നത് പോലെ ചെയ്യാം വേണ്ട. ഇക്കാര്യത്തിൽ അച്ഛൻ പറയുന്നത് അനുസരിച്ചേ പറ്റൂ. നമുക്കിപ്പോൾ നിതാരയുടെ അടുത്തേക്ക് തന്നെ പോകാം ശില്പ നിസ്സഹായതയോടെ ഡാനിയേ നോക്കി. സാരമില്ലെന്ന് അയാൾ കണ്ണടച്ചു കാണിച്ചു. അയാൾ വന്ന വണ്ടിയിൽ തന്നെ കയറി ആ വാഹനം മുന്നോട്ട് പോയി ഡാനി പറഞ്ഞത് അനുസരിച്ചാൽ മതിയായിരുന്നു അതായിരുന്നു കൂടുതൽ നല്ലത് ശില്പ പറഞ്ഞു. എനിക്ക് ഇയാളെ പരിചയമില്ലല്ലോ. പിന്നെ ഞാൻ എങ്ങനെയാണ് അയാളെ വിശ്വസിക്കുക.?? വിശ്വനാഥനെയും നിതാരയെയും പരിചയമെങ്കിലും ഉണ്ടല്ലോ അതുകൊണ്ടാണ് ഞാൻ പറഞ്ഞത് ശരി എങ്കിൽ നിതാരയുടെ വീട്ടിലേക്ക് തന്നെ പോകാം. അവരുടെ വണ്ടി നിതാരയുടെ വീട് ലക്ഷ്യമാക്കി നീങ്ങി. അവരെ കാത്തുനിൽക്കുകയായിരുന്നു നിതാര കൂടെ വിശ്വനാഥനും ഞങ്ങൾ പേടിച്ചിരിക്കുകയായിരുന്നു..വിശ്വനാഥൻ പറഞ്ഞു. ഒന്നുമുണ്ടായില്ല അവർ പറഞ്ഞൂ അകത്തേക്ക് വരൂ...വിശ്വനാഥൻ ശില്പയുടെ അച്ഛനെയും അമ്മയെയും അകത്തേക്ക് ക്ഷണിച്ചു എന്റെ മകൾ കാരണമാണ് ഇങ്ങനെയൊക്കെ സംഭവിച്ചത് എന്ന് എനിക്ക് അറിയാം. അതുകൊണ്ട് നിങ്ങളെ സംരക്ഷിക്കേണ്ടത് എന്റെയും കൂടി കടമയാണ് വിശ്വനാഥൻ പറഞ്ഞു ഹേയ് ... അതൊന്നും സാരമില്ല. എന്തായാലും നമ്മുടെ കുട്ടികൾ നല്ലൊരു കാര്യമാണ് ചെയ്തത്... അതൊക്കെ ശരിതന്നെ,പക്ഷേ ഇത് ഇങ്ങനെ ആയിരുന്നില്ല കൈകാര്യം ചെയ്യേണ്ടിയിരുന്നത്. ഇനിയിപ്പോൾ വരുന്നിടത്ത് വച്ചു കാണാം എന്താണ് സംഭവിക്കുക എന്ന് നോക്കാം. 🍀🍀🍀 മനുവിന്റെ സുഹൃത്തുക്കൾ പല വഴിയിൽ നിന്നും കാര്യങ്ങൾ മനസ്സിലാക്കുന്നുണ്ടായിരുന്നു. അങ്ങനെയാണ് നിതാര ശില്പയുടെ സുഹൃത്താണെന്ന് അവർ കണ്ടെത്തിയത്. മനുവിന് നിതാരയുടെ വീട് അറിയാമായിരുന്നു. ശില്പയെ ഒരുതരത്തിലും വെറുതെ വിടാൻ പാടില്ല. അന്ന് രാത്രിയിൽ തന്നെ അയാൾ നിതാരയുടെ വീട്ടിലേക്ക് പോകാം, എന്ന് തീരുമാനിച്ചു അല്ലെങ്കിലും പകൽ വെളിച്ചത്തിൽ തനിക്ക് ഇറങ്ങി നടക്കാൻ സാധിക്കില്ല. താൻ പിടിക്കപ്പെട്ടേക്കാം. ജയിൽ ചാടിയ ഒരു മനുഷ്യനെത്ര നാളാണ് ഒളിച്ചു താമസിക്കാനാകുന്നത്?? താൻ പിടിക്കപ്പെടുമെന്ന് ഉറപ്പാണ്. അതിനുമുമ്പ് അവളുടെ കഥ കഴിക്കണം. അയാൾ നിതാരയുടെ വീട്ടിലേക്ക് പുറപ്പെട്ടു. നിതാരയുടെ വീടിനു മുൻപിൽ വിശ്വനാഥൻ നിർത്തിയിരിക്കുന്ന കാവൽക്കാരുണ്ട്. മനു ഒന്ന് ചിരിച്ചു.കുട്ടിക്കാലം മുതൽക്ക് ആളുകളുടെ കണ്ണ് വെട്ടിച്ച് എവിടെയും കയറിപ്പറ്റാൻ വിദഗ്ധമായ കഴിവുണ്ട് തനിക്ക്‌. അങ്ങനെയുള്ള തനിക്ക്‌ കാവൽക്കാർ ഒരു വിഷയമല്ല. അയാൾ ആരുടേയും കണ്ണിൽ പെടാതെ മുകൾ നിലയിലെ ബാൽക്കണിയിൽ കയറിപ്പറ്റി. ബാൽക്കണിയിലേക്ക് തുറക്കുന്ന ജനാലകളിൽ ഒരെണ്ണം അല്പം തുറന്നാണ് കിടക്കുന്നത്. അയാൾ അതുവഴി അകത്തേക്ക് നോക്കി കട്ടിലിൽ നിതാരെയും ശിൽപയും ഇരിപ്പുണ്ട്. ശില്പയെ കണ്ടതും അയാളുടെ ഉള്ളിൽ കോപം ഇരച്ചു കയറി. ഒറ്റ വെ..ട്ടിന് രണ്ട് കഷ്ണമാക്കണം വൃത്തികെട്ടവൾ അയാൾ അരയിൽ പരതി നോക്കി. ഉണ്ട് ക..ത്തി അവിടെത്തന്നെയുണ്ട്. അവളുടെ ര. ക്തം കുടിക്കാൻ കാത്തിരിക്കുന്ന പുതിയ ക..ത്തിയാണിത്. വാതിൽ ചവിട്ടി തുറക്കാൻ ശ്രമിക്കുന്നത് അബദ്ധമാണ്. അവർ രക്ഷപ്പെടും, മാത്രമല്ല ശബ്ദം കേട്ടാൽ എല്ലാവരും ഇങ്ങോട്ട് വരും. അവർ തന്നെ ആക്രമിക്കുമോ എന്നൊരു ഭയമൊന്നും തനിക്കില്ല. അവളെ എങ്ങനെയെങ്കിലും തീർക്കണം അത് മാത്രമാണ് തന്റെ ലക്ഷ്യം. അതിനുശേഷം എന്ത് നടന്നാലും സാരമില്ല അയാൾ വാതിലിന് അരികിൽ നിന്നു. എപ്പോഴെങ്കിലും അവർ വാതിൽ തുറക്കുമായിരിക്കും. അയാൾ വാതിലിന്റെ ഹാൻഡിൽ പിടിച്ചു വെറുതെ ഒന്ന് തിരിച്ചു നോക്കിയതും, വാതിൽ തുറക്കപ്പെട്ടു . അവരത് കുറ്റിയിട്ടിട്ടില്ലെന്ന് അപ്പോഴാണ് അയാൾക്ക് മനസ്സിലായത്. അയാൾ ഒറ്റച്ചാട്ടത്തിന് അകത്തു കയറി. പെട്ടെന്നുണ്ടായ ആ സംഭവത്തിൽ നിതാരയും ശിൽപയും പകച്ചു പോയി. 💛💛💛💛💛💛 തുടരും. ബാക്കി വൈകിട്ട് ഏഴു മണിക്ക് ഇടട്ടെ?? കണ്ണൂർകാരൻ ❤️❤️❤️❤️ #📔 കഥ #📙 നോവൽ #💞 പ്രണയകഥകൾ #✍ തുടർക്കഥ #📚 ട്വിസ്റ്റ് കഥകൾ