എന്നിലെ റൂഹായവന് ഒരുകുറിമാനം .. 💞 മനസ്സിന്റെ മണിവാതിൽ മുട്ടിവിളിക്കുന്ന സുബ്ഹിബാങ്കിന്റെ ഈണം പോലൊരു പ്രണയം നിറച്ചവനെ.. എന്റെ പ്രിയപ്പെട്ട റൂഹായവനെ ...... മുഹബത്തിന്റെ ഈരടികൾ കൊണ്ട് ഞാനെന്റെ തസബീഹ് മാലയിൽ വിരൽ ചലിപ്പിച്ചു നിനക്കുള്ള ദിക്ക്റുകൾ ചൊല്ലട്ടെ ... സുബർകത്തിൻ പരിമളം ചുമന്നൊരു കാറ്റിന്റെ കൈകളെ ഹംസമാക്കി കസ്തൂരി മണമുള്ള എന്റെ ഇഷ്കിൻ ചന്തം നിനക്കായ് കൊടുത്തയക്കട്ടെ ... ലൈലാ മജനുവിന്റെ ഈരടികൾ കോർത്തുവെച്ചൊരു ഇശൽ നാദം നിനക്കായ് മൊഴിഞ്ഞു വെക്കട്ടെ .. അർസിന്റെ തണൽ കൊണ്ടൊരു ഖല്ബിലെ പൂന്തോപ്പ് നിനക്കായ് തുറന്നു വെക്കുന്നു.. റൂഹേ.. നിന്നോട് തോന്നിയ ഹുബ്ബും ഉൻസും ഇന്നെന്നിൽ മുഹബത്തിന്റെ കൊടും കാറ്റ് നിറച്ചെന്നെയൊരു ഹൂറിയായി മാറ്റിയിരിക്കുന്നു റൂഹേ .. നിന്റെ ഇഷ്‌കിനെ എന്നിലേക്കൊരു ഇബാദത്തതായി ചൊരിയുമെങ്കിൽ മൗത്തോളം ഞാൻ നിന്നെ ഇടം നെഞ്ചിൽ മിടിക്കുന്ന ദിക്ക്റോളം ചേർത്തുവെക്കാം .... എന്റെ തസബീഹിലെ ഇസ്‌മാക്കി മാറ്റി റൂഹേ എന്ന് ഉരുവിട്ടുകൊണ്ടിരിക്കുന്നുണ്ടിന്ന് ഞാൻ.... എന്റെ മുസല്ലയിലേക്ക് ചായം തേക്കാതെ വരച്ചുവെക്കുന്നൊരു സൂറായത്ത് ആയവനെ ഖബർ മണ്ണിന്റെ മണം പറയുന്ന മലക്കിന്റെ വരവോളം ഞാൻ നിന്നെ ഖൽബിൽ ചുമന്നിടട്ടെ ... ദുനിയാവിന്റെ വിരുന്നൂട്ടൽ കഴിഞ്ഞു മഹ്ശറയിൽ വരിനിൽക്കുമ്പോൾ നീയെന്റെ കണ്മുന്നിൽ വന്നുനിൽക്കുമെങ്കിൽ ഇരുലോക നാഥനോട് ഞാൻ പറഞ്ഞുവെക്കാം ഹൗള്ർ കൗസർ കുടിച്ചു ജന്നാത്തിന്റെ സ്വർണ്ണവാതിൽ കടന്നു ആ മണിയറയിൽ എനിക്ക് മൂടിപ്പുതക്കാനുള്ള പുതപ്പായി ഇവനെ നൽകുമോ റബ്ബേ എന്ന് ..🤲🤲 എന്നിലെ റൂഹായവനെ ... ഞാനെന്റെ റൂഹിൽ ചേർത്തുവെച്ച ഇഷ്‌ക് നിറച്ച ഇശൽ മൂളുന്ന ഒരു ചുംബനം നിനക്കായി പകർന്നു വെക്കുന്നു ..😘 ചൊല്ലി മതിവരാത്ത ദിക്റുകൾ പോലെ പാതിയിൽ മടക്കി വെക്കുന്നു ഞാനീ കുറിമാനം..... അക്ഷരങ്ങളെ പ്രണയിച്ചവൾ ... ❣️❣️🕊️✍️ #❤ സ്നേഹം മാത്രം 🤗 #📝 ഞാൻ എഴുതിയ വരികൾ