വിധേയൻ #കവിത വിരസമായ ദിനവും വിരഹമായ കണ്ണീരും എൻ ഹൃത്തടത്തിൽ വിജനമായ അഗ്നിപർവതം പണിയുന്നു...! ഓരോ നിനവിലും കിനാവു നെയ്ത കവിയരങ്ങിൽ അക്ഷരപ്പൂക്കൾ വാടിക്കരിഞ്ഞപ്പോൾ എൻ ഹൃദ്യമാം താഴ് വരയും മരുഭൂവിന്റെ ആർത്തനാദം മുഴക്കീടുന്നു...!! നേർത്തു നേർത്തി - ല്ലാതായ വസന്തരതിയിൽ ആനന്ദിച്ചാറാടിയ നിമിഷങ്ങളെ പ്രതി ഇനിയൊരു ജന്മം പൂത്തുലയാൻ എൻ ഹൃതനാളുകളെ എങ്ങനെ ഞാൻ ജീവാക്ഷരമാക്കീടേണം... ഇനിയൊരു മഴയുടെ പ്രണയസംഗീതത്തിൽ നൃത്തമാടാൻ ഞാൻ ഏത് കുളിരിൻ ചിലങ്കയണിഞ്ഞീടേണം... സർവം മലീമസമായൊരു ജീവശ്വാസത്തിലെന്തു ധ്യാനിയായി മാറീടേണം ഞാൻ... ഒരു മൂകസാക്ഷിയുടെ ആത്മനൊമ്പരവും ഒരു വിധേയന്റെ കയ്പ്പുനീരും മേലങ്കിയായണിഞ്ഞിടും നാൾ വരെ...? ✍️സൈഫുദ്ദിൻ റോക്കി