11 வருட மெமரி...
துலாம், தனுசுக்கு ஹம்ஸ யோகம். #adityaguruji #gurujiarticle
ஜோதிடக்கலை அரசு ஆதித்யகுருஜி
கைப்பேசி : +91 8681 99 8888
உங்கள் ஜாதகம் யோகஜாதகமா-19
துலாம் மற்றும் தனுசு லக்னங்களுக்கு குருபகவான் தரும் ஹம்சயோகம் அளிக்கும் பலன்களை இப்போது பார்ப்போம்.....
துலாம் :
துலா லக்னத்திற்கு குரு ஆதிபத்திய விசேஷமின்றி உபசய ஸ்தானமும், கேந்திரமுமான பத்தாமிடத்தில் உச்சம் பெற்று ஹம்சயோகம் தருவார்.
இந்த இடத்தில உச்சம் பெறும் குரு கெடாமல் இருந்தால் ஜாதகரை அரச அடிமையாக கௌரவமான பதவியில் அதாவது ஐஏஎஸ், வருமான வரித்துறை, வங்கிகளில் உயர்பதவி, தனியார் துறையில் நிர்வாக இயக்குநர் போன்ற உயர் பதவிகளில் வைத்திருப்பார்.
பொதுவாக துலா லக்னத்திற்கு குரு கொடிய பாவி ஆவதால் பதினொன்றாம் இடத்தைத் தவிர (ஆறாமிடத்திற்கு ஆறில் மறைந்து) அவர் வேறு எங்கு இருப்பினும் நல்லதல்ல.
ஆறாமிடத்திற்கு குரு அதிபதியாகி பத்தில் உச்சம் பெற்று ஆறாம் இடத்தைப் பார்ப்பதால், என்னதான் பணம், கௌரவம் ஆகியவற்றைத் தந்தாலும் கூடவே தசை முழுவதும் ஏதாவது ஒருவகையில் தலைவலியையும் தருவார். சில நிலைகளில் இங்கே உச்சம் பெற்ற குரு அவரது தசையில் ஜாதகரை மோசடியில் சம்பந்தப்படுத்தி சிறைக்கு அனுப்புவார்.பொதுவாக இங்கிருக்கும் குரு நிம்மதியற்ற நிலையை உண்டு பண்ணுவார். பிறருக்கு உதவி செய்து அதன் மூலம் சிக்கலுக்கு ஆளாகும் அமைப்பையும் தருவார்.
தனுசு :
தனுசிற்கு குரு லக்னாதிபதியாகவும், நான்காமிட சுகாதிபதியாகவும் ஆவதால் முழுமையான ஹம்சயோகம் கிடைக்கும்.
லக்னத்தில் குரு ஆட்சி பெற்று அமர்ந்து, திக்பலமும் பெறுவார். பாக்யாதிபதி சூரியனின் உத்திராடம் ஒன்றாம் பாதத்தில் அமர்ந்தால் வர்க்கோத்தமும் பெற்று இன்னும் வலுவாகி தனது தசையில் ஜாதகரை குபேரனும், நல்ல குணவானும் ஆக்குவார்.
அருமையான வாழ்க்கைத் துணை, அற்புதமான குழந்தைகள், கௌரவமான வழியில் நீடித்த வருமானம் உள்ளிட்ட உலகின் நியாயமான இன்பங்கள் அனைத்தையும் முறையான வழிகளில் ஜாதகருக்கு கிடைக்கச் செய்வார்.
நான்காமிட மீனத்தில் குரு ஆட்சி பெறுவது சிறிது கேந்திராதிபத்திய தோஷம் எனினும், லக்னாதிபதி ஆவதால் பெரிதாகப் பாதிக்காது. உயர் படிப்பு, குறைவற்ற செல்வம், தாயார்வழி நன்மை, அன்பு, நல்ல இல்லம், நற்பண்பு ஆகியவற்றைத் தருவார்.
இங்கு பலம் பெறும் குரு பத்தாமிடத்தைப் பார்ப்பார் என்பதால் நிலையான வேலை, தொழில், ஜீவனாதிபதியான புதனின் காரகத்துவங்களில் அமையும். ஜாதகர் ஒரு பிறவி ஜீனியஸாக இருப்பார்.
நாளை மகரம் மீனம் லக்னங்களுக்கு குருபகவான் தரும் ஹம்சயோகத்தைப் பார்ப்போம்
(அக் 23-28, 2011 திரிசக்தி ஜோதிடம் வார இதழில் வெளிவந்தது.)
அலுவலக நேரம்: 10:00 AM - 6:00 PM
தொடர்பு எண்கள் - செல்:8681998888, 8870998888, 8428998888, 7092778888, 044-24358888, 044-48678888
குருஜி அவர்களின் கட்டுரை மற்றும் ராசிபலன்களை whatsapp ல் பெற 8428 99 8888 என்ற எண்ணிற்கு தகவல் தரவும். #✡️ராசிபலன் #🔯இந்த ராசிகளுக்கு அதிர்ஷ்டம்🌠 #🔍ஜோதிட உலகம் 🌍
