📖നേർവായന എപ്പിസോഡ് : 1324 ഇന്നത്തെ വിഷയം: ലൈലത്തുല്‍ മുബാറക ബറാഅത്ത് രാവോ? ▪️ ഭാഗം - 03 ➖➖➖➖➖➖➖➖➖ 🔲തുട൪ന്ന് തൊട്ടടുത്ത വചനമായ فِيهَا يُفْرَقُ كُلُّ أَمْرٍ حَكِيمٍ എന്ന വചനം വിശദീകരിക്കവെ അദ്ദേഹം എഴുതി: وقال القاضي أبو بكر بن العربي : وجمهور العلماء على أنها ليلة القدر . ومنهم من قال : إنها ليلة النصف من شعبان ، وهو باطل لأن الله تعالى قال في كتابه الصادق القاطع : شهر رمضان الذي أنزل فيه القرآن فنص على أن ميقات نزوله رمضان ، ثم عين من زمانه الليل هاهنا بقوله : في ليلة مباركة فمن زعم أنه في غيره فقد أعظم الفرية على الله ، وليس في ليلة النصف من شعبان حديث يعول عليه لا في فضلها ولا في نسخ الآجال فيها فلا تلتفتوا إليها . ➖➖➖➖➖➖➖➖ Join Our WhatsApp Group: https://qr1.be/4M9V ➖➖➖➖➖➖➖➖ ഖാളി അബൂബക്ക൪ ബ്നു അറഹി പറഞ്ഞു: ഭൂരിഭാഗം ഉലമാക്കളും അത് (ലൈലത്തുല്‍ മുബാറക എന്നത്) ലൈലത്തുല്‍ ഖദ്‌റാണ് എന്ന അഭിപ്രായക്കാരാണ്. അത് ശഅബാന്‍ പതിനഞ്ചാം രാവാണെന്ന് പറഞ്ഞവരുമുണ്ട്. (എന്നാല്‍) അത് (ആ അഭിപ്രായം) ബാത്വില്‍(അസത്യം) ആകുന്നു. എന്തുകൊണ്ടെന്നാല്‍ അല്ലാഹു തആല സത്യസന്ധവും ഖണ്ഢിതവുമായ തന്റെ ഗ്രന്ഥത്തില്‍ ഖു൪ആന്‍‌ അവതരിപ്പിക്കപ്പെട്ട മാസമാകുന്നു റമദാന്‍ എന്ന് സൂറത്തുല്‍ ബഖറയില്‍ പറഞ്ഞിട്ടുണ്ട്. അപ്പോള്‍ ഖു൪ആനിന്റെ അവതരണമുണ്ടായ നിശ്ചിത സമയം റമദാനാകുന്നുവെന്ന് അവന്‍(അല്ലാഹു) ഖണ്ഢിതമായി പറഞ്ഞിരിക്കുകയാണ്. പിന്നീട് ഇവിടെ സൂറത്തുല്‍ ദുഖാനില്‍ അനുഗ്രഹീത രാത്രി എന്ന തന്റെ വാക്കുകൊണ്ട് അതിന്റെ അവതരണ സമയം രാത്രിയിലാണെന്നും നി൪ണ്ണയിച്ചു പറഞ്ഞിരിക്കുകയാണ്. ➖➖➖➖➖➖➖➖ Subscribe Our YouTube Channel: https://www.youtube.com/c/WisdomMediaChannel ➖➖➖➖➖➖➖➖ അതിനാല്‍, ആരെങ്കിലും അത് (ലൈലത്തുല്‍ മുബാറക ) (റമളാനിലെ ലൈലത്തുല്‍ ഖദ്൪ അല്ലാത്ത) മറ്റൊരു രാത്രിയിലാണെന്ന് ജല്‍പ്പിച്ചാല്‍ അവന്‍ അല്ലാഹുവിന്റെ മേല്‍ ഗുരുതരമായ കള്ളം ആരോപിച്ചിരിക്കുന്നു. ശഅബാന്‍ പതിനഞ്ചിന്റെ ശ്രേഷ്ടതയെ കുറിച്ചോ അന്നേ ദിവസം ഓരോരുത്തരുടെയും അവധികള്‍ അല്ലാഹുവില്‍ നിന്നും മലക്കുകള്‍ പക൪ത്തിയെടുക്കും എന്നതിനെ കുറിച്ചോ അവലംബയോഗ്യമായ ഒറ്റ ഹദീസുമില്ല. അതിനാല്‍ അതിലേക്ക് (അത്തരം ദു൪ബലമായ റിപ്പോ൪ട്ടുകളിലേക്ക്) നിങ്ങള്‍ തിരിഞ്ഞു നോല്‍ക്കുക പോലും ചെയ്യരുത്. (തഫ്സീ൪ ഖു൪തുബി) ➖➖➖➖➖➖➖➖ Like and Follow Our Facebook page: https://www.facebook.com/WisdomMediaChannel/ ➖➖➖➖➖➖➖➖ തഫ്സീറുല്‍ കബീ൪ (റാസി) اختلفوا في هذه الليلة المباركة، فقال الأكثرون: إنها ليلة القدر، وقال عكرمة وطائفة آخرون: إنها ليلة البراءة، وهي ليلة النصف من شعبان ഈ അനുഗ്രഹീതരാത്രി ഏതാണെന്ന കാര്യത്തില്‍ അവ൪ (മുഫസ്സിറുകള്‍) ഭിന്നാഭിപ്രായത്തിലായിട്ടുണ്ട്. ബഹുഭൂപക്ഷമാളുകളും അത് ലൈലത്തുല്‍ ഖദ്റാകുന്നുവെന്നാണ് പറഞ്ഞിട്ടുള്ളത്. എന്നാല്‍ ഇക്രിമയും മറ്റൊരു വിഭാഗവും പറഞ്ഞത് അത് ലൈലത്തുല്‍ ബറാഅ എന്ന ശഅബാന്‍ പതിനഞ്ച് രാവാകുന്നുവെന്നത്രെ. പിന്നീട് അദ്ദേഹം ലൈലത്തുല്‍ ഖദ്റാണെന്ന് പറയുന്നവരുടെ അഞ്ച് തെളിവുകള്‍ വിവരിച്ച ശേഷം ഇപ്രകാരം എഴുതി. وأما القائلون بأن المراد من الليلة المباركة المذكورة في هذه الآية هي ليلة النصف من شعبان ، فما رأيت لهم فيه دليلا يعول عليه ، وإنما قنعوا فيه بأن نقلوه عن بعض الناس ، فإن صح عن رسول الله – صلى الله عليه وسلم – فيه كلام فلا مزيد عليه ، وإلا فالحق هو الأول എന്നാല്‍ ഈ ആയത്തില്‍ പറയപ്പെട്ട ലൈലത്തുല്‍ മുബാറക കൊണ്ടുള്ള ഉദ്ദേശ്യം ശഅബാന്‍ പതിനഞ്ചാം രാവാണെന്ന് പറയുന്നവ൪ക്ക് അവലംബയോഗ്യമായ ഒരു രേഖയും ഞാന്‍ കണ്ടിട്ടില്ല. ഈ വിഷയത്തില്‍ ചില ആളുകളില്‍ നിന്ന് അവ൪ ഉദ്ദരിച്ചിട്ടുള്ള ചില ഉദ്ദരണികള്‍ കൊണ്ട് അവ൪ തൃപ്തിയടയുക മാത്രമാണ് ചെയ്തിട്ടുള്ളത്. റസൂൽ ﷺ യിൽ നിന്നും ഈ വിഷയത്തില്‍ വല്ല വചനങ്ങളും സ്ഥിരപ്പെട്ടു വന്നിരുന്നുവെങ്കില്‍ അതിലുപരിയായി മറ്റൊന്നും വേണ്ടതില്ല. അതില്ലാത്ത സ്ഥിതിക്ക് ശരിയായിട്ടുള്ളത് ആദ്യം പറഞ്ഞത് – അഥവാ ലൈലത്തുല്‍ മുബാറക കൊണ്ടുദ്ദേശ്യം ലൈലത്തുല്‍ ഖദ്റാണ് എന്നത് -തന്നെയാണ്. (തഫ്സീറുല്‍ കബീ൪) ➖➖➖➖➖➖➖➖➖ Source: Kanzul uloom #peaceradio #WisdomIslam #wisdommedia #WisdomReels #harisbinsaleem