*సిలువపై యేసు పలికిన తొలి మాటలో ఇంత అర్థం ఉందా?* *సిలువ యొక్క విలువను అనేకమంది గుర్తించకపోవడం చాలా బాధాకరం. ఆ సిలువ వద్దనే కదా? పాపమునకు ప్రాయశ్చిత్తము జరిగింది. ఆ సిలువ వద్దే కదా? సాతానుగాడి తల విరగగొట్టబడింది. ఆ సిలువ వద్దే కదా? నరకశక్తులు జయించబడ్డాయి. ఆ సిలువ వద్దే కదా? దేవుని ఉగ్రత దహించబడింది. ఆ కల్వరి కొండపై.. సిలువపై ఆయన వ్రేలాడుతున్నప్పుడు పలికిన ఆ 7 మాటలు ఎంతో శ్రేష్టమైనవి.* *''తండ్రీ, వీరేమి చేయుచున్నారో వీరెరుగరు గనుక వీరిని క్షమించు.'' (లుకా 23:34): సాధారణంగా సిలువ వేయబడినవారు ఎంతో వేదనకు గురై భయంకరమైన దాహంతో తప్పిస్తూ, తట్టుకోలేని వేదనలతో ఉంటారు గునుక పిచ్చివారిగా మారడం, నోటికొచ్చినట్లుగా మాట్లాడటం జరుగుతుంది. అయితే అంత వేదనలో కూడా అంత శ్రమలో కూడా మన పాపములను భరించడానికి వచ్చిన ప్రభువు!! తండ్రీ, వీరేమి చేయుచున్నారో వీరెరుగరు గనుక వీరిని క్షమించు అని ప్రార్థించాడు. తనను హింసించేవారిని, తనను అవమానపరిచేవారిని, తనను ఎగతాళి చేసేవారిని ఆయన క్షమిస్తూ.. తండ్రిని క్షమించమని వేడుకున్నాడు.* *సిలువ వద్ద క్షమాపణ దొరుకుతుంది. ఎటుంటి పాపికైన సిలువలో క్షమాపణ ఉంది, ఎంత పాపినైన క్షమించడానికి యేసుక్రీస్తు సిద్ధంగా ఉన్నాడు. నీవు ఒకవేళ యేసుక్రీస్తును వద్దని తృణికరించిన వ్యక్తివైన, ఆయన ప్రేమను నెట్టివేసిన వ్యక్తివైనా, ఆయన సువార్తను చులకన చేసిన వాడివైనా, నిన్ను నీవు పాపములతో నాశనం చేసుకుంటున్న వ్యక్తివైనా.. నీ కొరకు, నీ స్థానంలో వ్రేలాడుతున్న యేసువైపు చూసి పాపిని ప్రభువా.. అని నీవు అనగలిగితే..నీ పాపములను క్షమించడానికి ప్రభువు సిద్ధంగా ఉన్నాడు. మీరేమిచేయుచున్నారో వీరెరుగరు గనుక వీరిని క్షమించుము అని ఆనాడు ప్రార్థించాడు. ఎరిగిఎరిగి చెడిపోతున్నాసరే, తెలిసి, తెలిసి ఎలాంటి నీచమైన పాపాలు చేసినా సరే, చేయుచున్నది తప్పు అని తెలిసి కూడా పాపం చేసేవారిని క్షమించే ప్రభువుగా, మనలను సహించే ప్రభువుగా.. మనం మారాలని, మనం రక్షించబడాలని నిన్ను, నన్ను రక్షించే ప్రభువుగా ఉన్నాడు.* *ఆ ఎర్రటి ఎండలో నీవు దేవుని కుమారుడు అయితే దిగిరా? నిన్ను నీవే రక్షించుకో, నీవు రాజువు కదా? అని అవమానపరుస్తూ, ఎగతాళి చేస్తున్న జనులను చూసి యేసు కోపగించలేదు, కృంగిపోలేదు కానీ, వారి కొరకు ప్రార్థించడం మనం గమనించాం. యేసు క్రీస్తు సిలువ వద్ద క్షమాపణ దొరుకుతుంది. ప్రతి పాపికి పాపక్షమాపణ పొందడానికి సిలువే మార్గం. సిలువ వద్దే పాపానికి ప్రాయశ్చిత్తం కలిగింది కనుక యేసు క్రీస్తుకు మాత్రమే పాపములను క్షమించడానికి అధికారం ఉంది.* *ప్రియ చదువరీ! మరీ ఈరోజు నీవు ఏ విధంగా ప్రవర్తిస్తున్నావు నిన్ను హింసించే భర్త కొరకు నిన్ను హింసించే భార్య కొరకు , నిన్ను హింసించే బిడ్డల కొరకు, నిన్ను హింసించే అత్తామామల కొరకు, నిన్ను హింసించే నీ తోటివారి, నీ తోటి స్నేహితుల కొరకు ప్రార్థిస్తున్నావా? లేక కోపంతో ఆవేశంతో వారిని శాపనార్థాలు పెడుతున్నావా? నిన్ను హింసించే వారి కొరకు నీవు ప్రార్థిస్తున్నట్లైతే నీవు దేవుని బిడ్డవు. ఒకవేళ వారిని శపిస్తున్నట్లైతే.. నీవు సాతాను బిడ్డవని అర్థం. అలాగే కొంతమంది పనికిమాలిన వారు ఉన్నారు... ఆ వ్యక్తి పొట్టిగా, నల్లగా, అది వంకర, ఇది వంకర, అందంగా లేడు, అందంగా లేదు, పొట్టిగా ఉంది ఆమె, బక్కగా ఉన్నారు వారు, వారికి ఏమి తెలియదు, అమాయకులు, పిచ్చోళ్లు, నేను మాత్రం అందంగా, ఎత్తుగా, బలంగా, నాలో అన్నీ పార్టులు చక్కగా చూడచక్కనివిగా ఉన్నాయని ఎదుటివారిని అవహేళన చేసేవారు కూడా లేకపోలేదు. విను... నీవు ఇటువంటి స్థితి గుండా వెళ్తున్న వ్యక్తివైతే ఒకటి గమనించు.... 'దేవుడు సృష్టించిన వారినే ఆయన బిడ్డలనే నీవు బాధపెడుతూ.. చివరికి దేవడుకే కోపాన్ని పుట్టిస్తున్న వ్యక్తివని గ్రహించు. మరీ నీవు దేవుని కోపానికి తట్టుకోగలవా?* *చేసే పని పాపమని, దేవుడు శిక్షిస్తాడని తెలిసి కూడా ఇంట్లో భర్తకు, భార్యకు తెలియకుండా నీవు అక్రమ సంబంధాన్ని కొనసాగిసతున్నావా? పాపంతో నీ శరీరాన్ని పాడుచేసుకుంటున్నావా? పెళ్లికాకుండానే నీ శరీరాన్ని ఇతరులకు తాకట్టు పెడుతూ.. డబ్బులు సంపాదిస్తున్నావా? చూసేవారు ఎవరూ లేరని అడ్డు అదుపులేకుండా అడ్డగోలుగా.. అడ్డదారులు తొక్కుతూ.. నీ ఇష్టానుసారంగా జీవిస్తున్నావా? నా లాంటి పాపిని దేవుడు క్షమిస్తాడా? అని అనుకుంటున్నావా? నీవు మనస్ఫూర్తిగా ప్రభువు పాదాలపై పడి క్షమాపణ కోరి.. నూతన వ్యక్తిగా జీవిస్తే.. ఆయన నిన్ను క్షమించడానికి సిద్ధంగా ఉన్నాడు.* *సేవకుడా!! నీ సంఘాన్ని చూసి, నీ సేవ విధానం చూసి నిన్ను అవహేళన చేసే గుంపు నీ చుట్టూ తయారైందా? అలాగే నీవు సేవ అభివృద్ధిని చూసి ఓర్చుకోలేక నీ సంఘంపై, నీపై నిందలు మోపుతున్నారా? అనరాని మాటలు అంటూ నిన్ను సూటిపోటి మాటలతో కన్నీరు పెట్టిస్తున్నారా? అయితే బాధపడకు ఆనాడు సిలువపై వ్రేలాడుతూ.. వారిని క్షమించినట్లు .. ఈరోజు నీవు కూడా నిన్ను బాధపెట్టేవారిని క్షమించి.. వారిని దేవుని చేతికి అప్పగించు... అంతా దేవుడే చూసుకుంటాడు. ఒక విషయం గుర్తుపెట్టుకోండి!! హింసించే వారిని, బాధపెట్టేవారిని, హేళన చేసేవారిని నీవు క్షమించినప్పుడే నీవు ప్రశాంతంగా బ్రతుతావు అనే సత్యాన్ని గ్రహించు. ఆ రోజు యేసుక్రీస్తు ఆ శ్రమను భరించాడు కాబట్టే ఈ రోజు మనం ఆయన అడుగు జాడల్లో నడుచుకుంటూ ప్రశాంతంగా బ్రతుకుతున్నాము. అలాగే ఆయనకు వ్యతిరేకంగా జీవిస్తే అన్నీ శ్రమలే అనే వాస్తవాన్ని కూడా మర్చిపోవద్దు.!!* ********************************** *ప్రతిదినం పరిశుద్ధంగా జీవించాలని ఆశపడుతున్నారా? అయితే మీ కోసమే ఈ గ్రూప్స్...!* *WhatsApp Community - link:* https://chat.whatsapp.com/GgA4dXmexxS3aMMqqRNead *************************************** *Telegram group Link* https://t.me/+XtII92fKOXAyNWQ9 ******************************* - మీ సహోదరుడు మోషే *- (Calvary Kiranalu )* *-(📲 9550576444)* *************************************** #i love jesu #JESU I LOVE YOU JESUS #jesu #యేసు ప్రభువు #✝️Jesu✝️ #✝️తెలుగు క్రైస్తవ వాట్సాప్ స్టేటస్ ⛪️💒