അസ്ഥിക്കൂടങ്ങളുടെ നാട് (215) കോടതിയിൽ അവറാച്ചൻ്റെ കേസ് വാദം തുടങ്ങി. മറിയാമ്മയ്ക്ക് വേണ്ടി മറിയാമ്മയും, അവറാച്ചന് വേണ്ടി പാറപ്പുറത്ത് തമ്പിയും ഹാജരായി. വാദം തുടങ്ങുന്നതിന് മുമ്പായി രണ്ടു പേരോടും അവരവരുടെ മതഗ്രന്ഥങ്ങളിൽ കൈവച്ച് സത്യം ചെയ്യാൻ കോടതി ആവശ്യപ്പെട്ടു. മറിയാമ്മ ബൈബിളിൽ കൈവച്ച് സത്യം ചെയ്തു. അവറാച്ചനോട് കോടതി: "താങ്കളും ക്രിസ്ത്യാനിയാണല്ലോ... ബൈബിളിൽ കൈവച്ചല്ലേ താങ്കൾ സത്യം ചെയ്യുന്നത്?" പാറപ്പുറത്ത് തമ്പി: "മതം മനുഷ്യ സൃഷ്ടിയാണ്. ഈ മനുഷ്യരുടെ സൃഷ്ടികളിൽ നാം വിശ്വസിക്കുന്നില്ല... ആയതിനാൽ നാം മൂന്ന് മതഗ്രന്ഥങ്ങളിലും സത്യം ചെയ്യാൻ ആഗ്രഹിക്കുന്നു". അതിന് കോടതി: "ആ കീഴ് വഴക്കം കോടതിക്കില്ല... താങ്കളുടെ പേര് എന്താണ്?" "അവറാച്ചൻ" "അപ്പോൾ താങ്കൾ ക്രിസ്ത്യാനിയല്ലേ?" "ക്രിസ്ത്യൻ മതം ക്രിസ്ത്യാനികളുടേതാണ്. എനിക്ക് ക്രിസ്ത്യൻ പേരിട്ടത് ഞാനല്ല... എൻ്റെ മാതാപിതാക്കളാണ്. എൻ്റെ മാതാപിതാക്കളുടെ മതത്തിൽ നാം വിശ്വസിക്കുന്നില്ല. നമുക്ക് ഒരേ ഒരു മതമേയുളളൂ... അതാണ് മനുഷ്യ ജാതി. നാം മതങ്ങളിൽ വിശ്വസിക്കുന്നില്ല. നാം നിരീശ്വരവാദിയാകുന്നു. അതുകൊണ്ട് മതഗ്രന്ഥങ്ങളിൽ കൈവച്ച് സത്യം ചെയ്യേണ്ടത ആവശ്യം വരുന്നില്ല. അതിന് കാരണം നാം പറയാൻ പോകുന്നത് സത്യം മാത്രമാകുന്നു. ഈ നില്ക്കുന്നത് എൻ്റെ സഹധർമിണിയായ എൻ്റെ സ്വന്തം ഭാര്യയാകുന്നു. ആ നില്ക്കുന്നത് എൻ്റെ മക്കളാകുന്നു. ഞാൻ അവറാച്ചനാകുന്നു. ഇത് സത്യമാകുന്നു. അടിയന് വേറൊന്നും സത്യം ചെയ്യാനില്ല". അതിന് മറിയാമ്മ: I objection my honour...ഇതിയാൻ എൻ്റെ ഭർത്താവ് അവറാച്ചനല്ല... ഇതിയാൻ എൻ്റെ ഭർത്താവ് അവറാച്ചൻ്റെ വേഷം ധരിച്ച് വന്നവനാണ്. അതാണ് ഇതിയാൻ ബൈബിളിൽ കൈ വച്ച് കളള സത്യം ചെയ്യാത്തത്. ബൈബിളിൽ കൈ വച്ച് കളള സത്യം ചെയ്താൽ ഇതിയാൻ്റെ കൈ പൊളളും". അതിന് പാറപ്പുറത്ത് തമ്പി: "I objection my honour... അങ്ങനെയാണെങ്കിൽ ബൈബിൾ കൊണ്ട് വരട്ടെ...ഞാൻ കൈ വച്ച് സത്യം ചെയ്താൽ കൈ പൊളളില്ലെന്ന് ഞാൻ ഇപ്പോൾ തന്നെ തെളിയിച്ചു കാണിച്ചു തരാം" #📙 നോവൽ #📔 കഥ #🧟 പ്രേതകഥകൾ! #🍲 ഇന്നത്തെ രുചി "