ഓം ശ്രീനാരായണ പരമഗുരവേ നമഃ ✨🙏🏻✨ ✨ശുഭദിനം ✨ സുപ്രഭാതം✨ കാളിനാടകം മന്ത്രം 11 പിടിക്കുള്ളടക്കിക്കൊടുക്കും വയറ്റി- ന്നടിക്കോമനപ്പൂമണിപ്പട്ടുടുത്ത- മ്മുടിച്ചിക്കു കച്ചപ്പുറം വച്ചിറുക്കി- ക്കടിക്കാമവണ്ടിക്കുടത്തീന്നിഴിഞ്ഞ- ത്തുടക്കാമ്പു തുമ്പിക്കരശ്രീ നമിക്കും. അനംഗന്റെ തൂണിരമോടേറ്റു തമ്മിൽ പിണക്കം തുടങ്ങിജ്ജയിക്കുന്നപൊന്നു- ങ്കണങ്കാലടിക്കച്ഛപം തോറ്റു തോയേ തപസ്സിന്നു പോകുന്ന പാദാഗ്രശോഭം കണങ്കാലടിത്താമരപ്പൂവിലോലം കളിക്കുന്ന പൂന്തേൻ നുകർന്നാത്തമോദം വിളങ്ങുന്ന ദേവാംഗനാഗാനമേളം 🔥 ഭാവാർത്ഥം 🔥 കൈപ്പിടിയിൽ ഒതുങ്ങത്തക്കവിധം തനുവായ വയറ്റിൻ്റെ താഴെയായി മനോഹരവും പൂവുപോലെ മൃദുവുമായ രത്നനിറമുള്ള പട്ടുടുത്ത് ആ പട്ടിന്റെ കൂട്ടിക്കെട്ടിനെ കച്ചപ്പുറമെന്ന ആഭരണം കൊണ്ട് ഒന്നുകൂടി ശക്തിപ്പെടുത്തി ദേവി വിളങ്ങുന്നു. അരക്കെട്ടിന്റെ പിൻഭാഗമാകുന്ന കാമരഥചക്രത്തിന്റെ കുടത്തിൽനിന്നും ഇഴുകി ഇറങ്ങുന്നതുപോലെ കാണപ്പെടുന്ന ദേവിയുടെ തുടക്കാമ്പുകൾ കണ്ടാൽ ആനയുടെ തുമ്പിക്കയ്യുടെ ശോഭപോലും കുമ്പിട്ടു കൂപ്പും. കാമദേവൻ്റെ ആവനാഴിയോടെതിർത്തു തമ്മിൽ മത്സരിച്ചു ജയം നേടുന്ന മനോഹരമായ കണങ്കാൽ പ്രദേശം മത്സരത്തിൽ ആമ പരാജയപ്പെട്ടു വെള്ളത്തിനടിയിൽപോയി തപസ്സുചെയ്യാനിടയാക്കുന്ന പാദത്തിന്റെ പുറവടിയുടെ ഭംഗി കാലിൻ്റെ അഗ്രഭാഗമാകുന്ന താമരപ്പൂവുകൊണ്ട് ഇളകി നൃത്തം വയ്ക്കുന്നവരും അതിൻ്റെ സൗന്ദര്യമാകുന്ന പൂന്തേൻ കുടിച്ച് ആനന്ദത്തിൽ മുഴുകുന്നവരുമായ ദേവസ്ത്രീകളാകുന്ന വണ്ടുകളുടെ സംഗീതമേളം ഇവ യൊക്കെ ദേവിയുടെ പ്രഭാവത്തെ വർധിപ്പിക്കുന്നു. (പ്രൊഫ. ജി. ബാലകൃഷ്ണൻ നായർ സാറിന്റെ ശ്രീനാരായണഗുരുദേവ കൃതികൾ സമ്പൂർണ്ണ വ്യാഖ്യാനത്തിൽ നിന്നും) ഗുരു ഓം ✨🔥🪴🔥✨ #ശ്രീനാരായണഗുരുദേവൻ #ശ്രീനാരായണഗുരു🙏 #ശ്രീനാരായണ ഗുരുദേവൻ #ശ്രീനാരായണഗുരു ജയന്തി# ഗുരുവേ ശരണം🙏🙏🙏🌹💖 #ശ്രീനാരായണഗുരു