*ఆదరణ కరువైనట్లనిపిస్తుందా ?* *సమస్యల సుడిగుండాలలో పడి తిరుగుతూ, శోధన వెంబడి శోధన వెంటాడుతున్నప్పుడు, ఆదరించేవారు లేక, ఓదార్చేవారసలే లేక, నిరాశా నిస్పృహలతో నిండిన నీ జీవితంలో, ఒక్కసారి నీవు వెనక్కి తిరిగి నిశితంగా పరీశీలించ గలిగితే, కృపవెంబడి కృప నిన్ను వెంటాడుతున్నాడనే విషయం స్పష్టముగా అర్ధం చేసుకోగలవు. ఆయన దుడ్డుకర్రయు, దండమును నిన్నెప్పుడూ ఆదరిస్తూనే ఉంటాయి.* *ఆయన దుడ్డుకఱ్ఱయు, దండమును నిన్ను ఆదరించును. (కీర్తనలు 23:4)* *దుడ్డుకర్ర* ▫️దుడ్డుకర్ర దండించేది మాత్రమే కాదు. ▫️దారి చూపేది ▫️సరిచేసేది ▫️శత్రువు దరిచేరకుండా చేసేది. *కాపరి దుడ్డుకర్రను ఏయే సందర్భాలలో ఉపయోగిస్తాడు?* 1. శత్రువులు మందను వెంతాడుతున్నప్పుడు వాటినుండి మందను రక్షించడానికి. 2. కొన్ని మొండి గొర్రెలు కాపరి మాట వినకుండా మంద నుండి చెదరిపోతూ వున్నప్పుడు, *కాపరి దుడ్డి కర్రతో వాటిని దండిస్తాడు. వాటి కాలు విరగ్గొట్టి, మరల దానికి కట్టుకట్టి, కాపరి భుజాలపై దానిని మోస్తూ , మంచి చిగురిటాకులు వాటికి ఆహారంగా సమకూర్చి, వాటి గాయం తగ్గేవరకు, పరిచర్య చేస్తాడు. కాపరి ప్రేమను రుచి చూచిన ఆ గొర్రె ఎప్పటికి కాపరిని విడచి దూరంగా వెళ్ళడానికి ఇష్టపడదు.* *దేవునికి వ్యతిరేకంగా జీవిస్తున్నప్పుడు కొన్నిసార్లు దుడ్డికర్ర దెబ్బలు( శోధనలు, వేదనలు, అవమానములు) తప్పవు. అవి దేనికోసం అంటే దేవునితో ఇంకా సన్నిహిత సంబంధం కలిగియుండడానికి మాత్రమే.* *3. కొన్ని సందర్భాలలో చీకటిగుండా కాపరి మందను తీసుకొని వెళ్తున్నప్పుడు, కాపరి ఎటువైపు వెళ్తున్నాడో, గొర్రెలకు కనిపించడు. అట్లాంటప్పుడు, కాపరి దుడ్డుకర్రతో నేలమీద టక్....టక్ ....టక్ అంటూ శబ్దం చేసుకొంటూ ముందుకు వెళ్లిపోతుంటే, ఆ శబ్దాన్ని బట్టి గొర్రెలు కాపరిని అనుసరిస్తూ సాగిపోతాయి. “గొర్రెలు నా స్వరము వినును"* (యోహాను 10:27) *"గొర్రెలకు కాపరి కనిపించకపోయినా, శబ్దం వినిపిస్తుంది ముందుకు సాగిపోవడానికి. "* *" మనకు యేసయ్య కనిపించకపోయినా, ఆయనిచ్చిన వాగ్దానాలు వినిపిస్తున్నాయి ముందుకు సాగిపోవడానికి." ఆయన వాగ్ధానాలే మన జీవితాలకు చెప్పలేనంత ఆదరణ. ఊహించలేనంత ఊరట. సాగిపోదాం! ఆగిపోకుండా! అలసటలేకుండా! అద్దరి చేరువరకు!* *దండము*) ▫️గాయపరచేది కాదు ▫️సరిగా నడిపించేది ▫️ఆహారం సమకూర్చేది *కాపరి దండమును ఏయే సందర్భాలలో ఉపయోగిస్తాడు?* *( దండము అంటే ఒక పొడవాటి కర్రకు కొంకి కట్టి వుండేది.)* *1. కాపరి మందను మేపుతున్నప్పుడు ఆ మంద చెట్లు ఆకుల్ని తినడానికి అవి అందక ఇబ్బంది పడుతుంటే, కాపరి ఆ దండము సహాయంతో ఆ కొమ్మలను వాటికి అందేలా క్రిందకి లాగుతాడు. అంటే తన మందకు ఆహారం సమకూర్చడానికి కొన్నిసందర్భాలలో దండమును ఉపయోగిస్తాడు.* *2. కొన్నిసందర్భాలలో కొన్ని గొర్రెలు త్రోవ తప్పి బయటకి పోతుంటే కాపరి ఆ పొడవాటి దండమును వాటి నడుముకు వేసి బలంగా మందలోనికి లాగుతాడు. ఆ సరిచేసే క్రమంలో అనేకసార్లు వాటికి గాయాలవుతాయి. అట్లా అని గాయపరచడం కాపరి ఉద్దేశ్యం కాదు. సరిచెయ్యడమే. అట్లా అని చెప్పి గాయపడిని వాటిని అట్లానే వుండనియ్యడు. వాటికి కట్టుకట్టి, పరిచర్య చేస్తాడు.* *కొన్ని సందర్భాలలో మనలను దేవుడు సరిచేసే క్రమంలో కొన్ని శోధనలు, ఇరుకులు, ఇబ్బందులు రావడం సహజమే. అట్లా అని దేవుడు విడచిపెట్టినట్లు కాదు. ఆ శోధనలలో తిరిగి ఆదరిస్తాడు. విజయాన్నిస్తాడు. ఆ దండమును దేవుడు మన మీద ప్రయోగిస్తే అది మేలుకేగాని, కీడుకు కాదు. అట్లాంటి ఇబ్బందికర పరిస్తితులను మనము ఎదుర్కొంటున్నప్పుడు, ఒక్కసారి ఆలోచిద్దాం. ఎక్కడ తప్పిపోయామో పరీక్షించుకుందాం.* *ఆ చిన్న కుమారుడు పందుల పొట్టు తినే పరిస్తితికి చేరుకున్నప్పుడు అతడు ఆలోచించ గలిగాడు. ఎక్కడ తప్పిపోయాను అని. ఎక్కడ తప్పిపోయాడో అర్ధమయ్యింది. మరల తిరిగి అక్కడకే పయనం సాగిస్తున్నాడు. తప్పిపోయిన మనం తిరిగి తండ్రి దగ్గరికి చేరాలి. పయనమవుదాం! ఆగిపోకుండా సాగిపోదాం! అలసటలేకుండా! అద్దరి చేరువరకు! మన కోసం ప్రాణం పెట్టిన ఆ నిజమైన మంచి కాపరి కృప మనకు తోడుగా ఉండును గాక! ఆమెన్!* ✍️ బ్రదర్. సుధాకర్ బాబు కోన ************************************** #✝️Jesu✝️ #jesu #యేసు ప్రభువు #✝️తెలుగు క్రైస్తవ వాట్సాప్ స్టేటస్ ⛪️💒 #JESU I LOVE YOU JESUS #i love jesu