ଚୈତ୍ର ପ୍ରଥମ ମଙ୍ଗଳବାର (ପ୍ରଥମ ପାଳି ଯାତ୍ରା) ଆଜି ପ୍ରଥମ ପାଳି ଚୈତ୍ର ମଙ୍ଗଳବାରରେ ଭଗବତୀ ମା ମଙ୍ଗଳାଙ୍କର କୃପା ସମସ୍ତଙ୍କ ଉପରେ ବର୍ଷିତ ହେଉ।ଜଗତଜନନୀଙ୍କ କୃପା ଲାଭ କରି ନିଜ ଜୀବନକୁ ଧନ୍ୟ କରନ୍ତୁ। 🙏🌺 ସ୍ମାର୍ତ୍ତେକର୍ମଣି କେ ରତାଃ କ୍ଷିତିତଳେ କେ ବୈଷ୍ଣବୀ କର୍ମଣି ପ୍ରାୟାକେଚନ କୌଳଧର୍ମ ନିରତାଃ କେ ଯୋଗମାର୍ଗେସ୍ଥି ତାଃ କେବା ଶୈବମତେ ମତେ ଗଣପତେ ସୌରମତେ କେ ସ୍ଥିତା କେଷାଂ ନୈବଗତି ତ୍ୱଦୀୟ କରୁଣା ମାତବିର୍ନା ଚଣ୍ଡିକେ।। ରାତ୍ର ତିନିଘଡି ଥାଇ ମନ୍ଦିର ଦ୍ବାରଫିଟା ପରେ ମଙ୍ଗଳ ଆଳତି, ଭିତର ଶୋଧ, ସ୍ନାନ, ବେଶ, ଚନ୍ଦନ ଲାଗି ପରେ ସୂର୍ଯ୍ୟପୂଜା, ବଲ୍ଲଭ ନୀତି କରାଯାଏ। ବଲ୍ଲଭ ନୀତି ପରେ ପ୍ରାରମ୍ଭିକ ସମୟରେ ସକାଳ ଧୂପ କରାଯାଏ ଏବଂ ବନ୍ଦାପନା ଆଳତୀ ପରେ ସର୍ବସାଧାରଣ ଦର୍ଶନ ପାଇଁ ସାହାଣମେଲା କରାଦିଆଯାଏ। ଏବଂ ମା ଙ୍କର ଦିବ୍ୟ ବେଶ ଦର୍ଶନ କରିବା ସହ ସୀମନ୍ତିନୀ ଗଣ ମନ୍ଦିର ବେଢାରେ ପନ୍ଥେଇ ପୂଜା କରିଥାନ୍ତି। ପ୍ରାୟତଃ ମଧ୍ୟାହ୍ନ ରେ ନେତ ଉତ୍ସବ ଅନୁଷ୍ଠିତ ହୁଏ। ମା'ଙ୍କର ସକାଳଧୂପ ପରେ ପାଟୁକା ନାଚ ପୂର୍ବରୁ ପ୍ରାୟତଃ ମଧ୍ୟାହ୍ନ ସମୟରେ ପାଳିଆ ପୂଜାପଣ୍ଡା ଏକ ପିତ୍ତଳ ଥାଳିରେ ନୂତନ ନେତ ଓ ଚକ୍ର ମାଜଣା ସାମଗ୍ରୀ ଧରି ମନ୍ଦିର କୁ ତିନିଥର ବେଢା ପରିକ୍ରମା କରିଥାନ୍ତି। ଘଣ୍ଟ, କାହାଳୀ, ମୃଦଙ୍ଗ, ଗୋପାଳମାନଙ୍କ ଲଉଡ଼ି ଖେଳ ଓ କାଳିଶୀ ମାନଙ୍କ ନୃତ୍ଯ ମନ୍ଦିର ବେଢ଼ାକୁ ଭାବମୟ ପରିବେଶରେ ରୂପାନ୍ତରିତ କରେ। ଉକ୍ତ ଶୁକ୍ଳ ନେତଟିକୁ କଟକ ଜିଲ୍ଲାର ତଣ୍ଡଉଣି ଗ୍ରାମର ଜନୈକ ମହାରଣା ପରିବାର ମନ୍ଦିରକୁ ଦେଇଥାନ୍ତି। ଏଥିପାଇଁ ମଧ୍ଯ ସେ ମନ୍ଦିରରୁ ଶିରପା ପାଇଥାନ୍ତି। ପୂଜାପଣ୍ଡା ବେଢା କରିସାରିବା ପରେ ଅନ୍ଯ ସେବାୟତମାନଙ୍କ ହସ୍ତରେ ନେତ କୁ ଦେଇ ସିଂହାସନକୁ ଯାଇଥାନ୍ତି। ସେବାୟତ ମାନେ ମନ୍ଦିର ଉପରକୁ ଚଢି ପ୍ରଥମେ ଚୁଆ, ହଳଦୀ ଆଦିରେ ଚକ୍ରକୁ ମାଜଣା କରନ୍ତି ଏବଂ ନୂତନ ନେତ କୁ ବାନ୍ଧିଦିଅନ୍ତି ମଙ୍ଗଳମୟୀ ଙ୍କ ନିକଟରେ ଜଗତର ମଙ୍ଗଳ କାମନା କରି। ପରେ ଶାରଳା ପୀଠ ରୁ ଆସିଥିବା ରାଉଳ ସେବକ ମାନେ ଓ ଭୋଇ ସେବକ ମାନେ ପାଣିତୋଳି ମନ୍ଦିର ବେଢା ରେ ପାଟୁଆ ନୃତ୍ୟ କରିଥାନ୍ତି । ଏହାପରେ ମନ୍ଦିର ଗର୍ଭଗୃହ ଖାଲି କରାଯାଇ ଦ୍ବିପ୍ରହର ଧୂପ ଓ ଭଅଣ୍ଡ ଧୂପ କ #🚩ସନାତନ ଧର୍ମ💪 #jay maa mangal 🙏🙏🙏