💜ഹൃദയത്തിൽ സൂക്ഷിക്കാൻ 💜 പാർട്ട്‌ -22                               ഇന്ദ്രന് എണീക്കാൻ ഒരു സമയം ഉണ്ട്.. ആ സമയത്തിനുള്ളിൽ അവൻ എന്നും എണീക്കും എത്ര മഴ ആയാലും..... ജീവിത രീതികളിൽ പൊലും അവനൊരു കൃത്യ നിഷ്ഠ ഉണ്ട്... എന്നാൽ അതൊന്നും ഇല്ലാത്ത ഒരാള് ആണ് വൈഷ്ണവി എന്ന പാറു... അവൾ തോന്നുമ്പോൾ എണീക്കും തോന്നുമ്പോൾ ഉറങ്ങും അതൊക്കെ തന്നെ.... ഇന്ദ്രൻ എണീറ്റു വലതു വശത്തേക്ക് ഒന്ന് നോക്കി.... മുഖം മാത്രം കുറച്ചു കാണാം.. പൂച്ചകുഞ്ഞിന്റെ കൂട്ട് പതുങ്ങി കിടക്കുവാണവൾ.. ഇന്നലെ കിടന്നിടത്തു തന്നെ ആണ് കിടത്തം...ഉറക്കത്തിൽ എന്താ പാവം... ഉണർന്ന് കിട്ടിയാൽ..... ഹൊ... ഓർക്കാൻ താല്പര്യം ഇല്ലാത്തത് പോലെ അവൻ തലയൊന്നു കുടഞ്ഞു ....        അന്നൊരു ഞായർ ആഴ്ച ആയിരുന്നു.. പുറത്തേക്കു എങ്ങും തനിക്ക് പോകേണ്ട... മഴയാണ്...വല്ലാത്ത മഴ... അടുക്കളയിലേക്ക് ചെന്നു ഒരു കട്ടൻ കാപ്പി ഉണ്ടാക്കി അതുമായി ഉമ്മറത്തേക്ക് വന്നു അവിടെ ഇരുന്നു കൊണ്ട് പതിയെ കുടിക്കാൻ തുടങ്ങി... മുറ്റത്തുകൂടി ഒഴുകി പോകുന്ന വെള്ളത്തിലേക്കു അവൻ നോക്കി.... കുട്ടികാലത്തു വള്ളം ഉണ്ടാക്കി കളിച്ചത് ഒക്കെ ഓർത്തപ്പോൾ അവന്റെ ചുണ്ടിൽ ചിരി വിടർന്നു... അമ്മയുടെ കണ്ണ് വെട്ടിച്ചു പറമ്പിലേക്ക് ഓടും.. വെള്ളത്തിൽ കളിച്ചും മഴയിൽ കുളിച്ചും അങ്ങനെ അങ്ങനെ.. ഇപ്പൊ എല്ലാവർക്കും മഴയെ പേടി ആണ്..വല്ലാത്ത പേടി...... തോളിൽ ഒരു തണുപ്പ് പതിഞ്ഞപ്പോൾ ഓർമകളിൽ നിന്നും ഞെട്ടി അവൻ പിറകിലേക്ക് നോക്കി.. അവളാണ്... ഒന്നും മിണ്ടാൻ പോയില്ല... വീണ്ടും മഴയിലേക്ക് തന്നെ നോക്കി ഇരുന്നു... എനിക്കൂടെ കട്ടൻ കാപ്പി ഇട്ടൂടാരുന്നോ.... നീ എന്താ എന്റെ ഭാര്യ ആണോ ഇട്ട് തരാൻ.. അത്രയും ചോദിച്ചു അവൻ.. ഭാര്യ ആണെലെ കാപ്പി ഇടത്തൊള്ളോ... ഓ ആ അടുക്കളയിൽ ഇരിപ്പോണ്ട് ചെല്ല് പോയി എടുത്തു കുടിക്ക്... അവൻ പറയേണ്ട താമസം അവൾ അടുക്കളയിലേക്ക് ഓടി.... ബാക്കി ഇരിക്കുന്ന കട്ടൻ കാപ്പി ഒരു ഗ്ലാസ്സിലേക്ക് ഒഴിച്ച്.... ബേക്കറി ഐറ്റംസ് ഇട്ട് വെച്ചിരിക്കുന്ന പത്രത്തിൽ നിന്നും ചിപ്സും എടുത്തു... ഉമ്മറത്തേക്ക് ഓടി വന്നു അവനരുകിൽ ഇരുന്നു....    നീ പല്ല് തേച്ചോടി... തേച്ചല്ലോ..... മുഖവും കഴുവി...അത്രയും പറഞ്ഞു ആ ചിപ്സ് പാക്കറ്റ് പൊട്ടിച്ചു എന്റെ ടചിങ്സ്... അവൻ പല്ല് കടിച്ചു... അല്ല ഇത്രേം ചിപ്സ് ഒക്കെ എന്തിനാ വാങ്ങി വെച്ചേക്കുന്നത്... ഇവിടെ ഇടക്ക് ഞാനും അനൂപും ഒക്കെ ഒന്ന് കൂടുവായിരുന്നു.. അതിന് മേടിച്ചു വെച്ചിരിക്കുന്നതാ നീ എടുത്തു തിന്നുന്നത്... ഓഹ്... വേണോ അവൾ അവന് നേരെ ആ കവർ നീട്ടി.. വേണ്ട പൊന്നു മോള് തന്നെ തിന്നോ..... രണ്ടാളും ഉമ്മറത്തു ഇരുന്നു ആ മഴയിലേക്ക് തന്നെ നോക്കി ഇരുന്നു .... എന്നാ നീ കോളേജിൽ പോകുന്നത്.... അടുത്ത ആഴ്ച്ച പോകും.. ഈ ആഴ്ച പോകാൻ ഇരുന്നതാ പക്ഷെ  കോളേജിൽ കുറെ പ്രോഗ്രാംസ് ഒക്കെ ആണ്.. അത് കൊണ്ട് ചെന്നില്ലേലും പ്രശ്നം ഇല്ല... പിന്നെ ഫ്രണ്ട് ഉണ്ട് അവളും നാട്ടിൽ പോയി.. പിന്നെ എന്തിനാ അങ്ങോട്ട്‌ പോകുന്നത് എന്ന് തോന്നി.. ചേട്ടന് എന്നോട് ദേഷ്യം ഇല്ലേ... എന്തിനു... അല്ല... ഞാൻ ഇവിടെ വന്നു നിൽക്കുന്നെന്നു ഒക്കെ... അതിന് അവൻ ഒന്ന് ചിരിച്ചു... കൊല്ലാൻ ഉള്ള ദേഷ്യം ഉണ്ട്... പിന്നെ 19 വയസുള്ള ഒരു പെൺകൊച്ചു അതിന്റെ വിവരക്കേടോ എടുത്തു ചാട്ടമോ ഒക്കെ കൊണ്ട് സംഭവിച്ച ഒന്നിനെ ഞാൻ എന്തിന് വില വെക്കണം...          ഇന്നല്ലങ്കിൽ നാളെ നീ ഇവിടെ നിന്ന് പോകും.. അതുമല്ലങ്കിൽ നിന്റെ കോളേജ് ജീവിതം പൂർത്തി ആകുന്നത് വരെ ഇവിടെ കാണും... അത് വരെ  ഈ നാട്ടുകാരെയും നിന്റെ വീട്ടുകാരെയും പറ്റിക്കാൻ ഒരാൾ അതാണല്ലോ ഞാൻ നിനക്ക്.. അവനൊന്നു ചിരിക്കാൻ ശ്രെമിച്ചു... അയ്യേ ചേട്ടൻ അങ്ങനെ ഒന്നും വിചാരിക്കണ്ട.. നമ്മക്ക് വേണേ എന്റെ പഠിത്തം കഴിഞ്ഞു ശെരിക്കും കല്യാണം കഴിക്കാം... അപ്പൊ  ശെരി ആവില്ലേ....    നിന്നെ ഞാൻ കല്യാണം കഴിക്കാനോ.. എന്നിട്ട് വേണം ഞാൻ അനുഭവിക്കാൻ... ഞാനെ പക്വത ഉള്ള ഒരു കൊച്ചിനെ ആണ് നോക്കുന്നത്.. ഈ മൂന്നാലു ദിവസം കൊണ്ട് തന്നെ നിന്നെ പോറ്റാൻ എനിക്ക് പറ്റുന്നില്ല.. പിന്നെ അല്ലെ ജീവിതകാലം മുഴുവൻ.. എന്നാ വേണ്ട കെട്ടണ്ട... പക്ഷെ ചേട്ടന് ഞാൻ ഒരു ജീവിതം സെറ്റ് ആക്കി തരും... ഒരു പെങ്കൊച്ചിനെ കണ്ടു പിടിച്ചു നിങ്ങളെ രണ്ടാളെയും ഞാൻ കെട്ടിക്കും...    അതിനവൻ ഒന്ന് തലയാട്ടി.. നടന്നത് തന്നെ എന്നത് പോലെ.. 💜💜        രാവിലെ എന്ത് ഉണ്ടാക്കും അവൾ അടുക്കളയിൽ നിന്ന് വട്ടം ചുറ്റി... നീ എന്ത് എടുക്കുവാ ഇവിടെ നിന്ന്.... രാവിലത്തേക്ക് എന്ത് ഉണ്ടാക്കുമെന്നു ആലോചിക്കുവാ... അതിന് നിനക്ക്  വല്ലതും ഉണ്ടാക്കാൻ അറിയാമോ വൈഷ്ണവി.. ഇല്ല... പക്ഷെ ഇങ്ങനെ ഒക്കെ അല്ലെ പഠിക്കുന്നത്... ആട്ടെ എന്തൊക്കെ ഉണ്ടാക്കാൻ അറിയാം... മാഗ്ഗി .. പിന്നെ മുട്ട വറക്കാൻ പുഴുങ്ങാൻ അങ്ങനെ ഒക്കെ...അവൾ നിഷ്കളങ്കത വാരി വിതറി പറഞ്ഞു ഓ വല്യ വല്യ ആഹാരങ്ങൾ ആണല്ലോ ഇതൊക്കെ.. അറിഞ്ഞിരിക്കുന്നത് തന്നെ വല്യ കാര്യം.. ഇന്ദ്രൻ അടുക്കളയിലേക്ക് കയറി വന്നു.. പലചരക്കു സാധനങ്ങൾ വെച്ച കവറിൽ നിന്ന് പുട്ട് പൊടി വെളിയിൽ എടുത്തു.. അവന് അടുക്കൽ തന്നെ അവളും നിൽപ്പുണ്ട്...       പുട്ട് പൊടി എടുത്ത് അതിലേക്കു ആവശ്യത്തിന് ഉപ്പും ഇട്ട് വെള്ളം ഒഴിച്ച് മാറ്റി വെച്ചു... പിന്നെ വെളിയിലേക്ക് ഇറങ്ങി പോകുന്നതും അടുക്കളയോട് ചേർന്നുള്ള ഷെഡിൽ ഒരു ചാക്കിൽ അടുക്കി വെച്ചിരിക്കുന്ന തേങ്ങയിൽ നിന്നും ഒന്ന് എടുത്ത് പൊതിച്ചു കൊണ്ട് വന്നു...      പെട്ടെന്ന് അവൾ ഒരു ഗ്ലാസ്‌ എടുത്തു അവനരുകിൽ വന്നു നിന്ന്... അവളുടെ പ്രവർത്തി കണ്ട് അവനു ചിരി വന്നെങ്കിലും സമർദ്ധമായി അവനത് മറച്ചു പിടിച്ചു...           ചേട്ടാ... ഇതിലേക്ക് പൊട്ടിച്ചു ഒഴിക്ക്.. അവൾ പറഞ്ഞത് പോലെ ആ ഗ്ലാസിലേക്ക് അവൻ  ആ തേങ്ങ വെള്ളം വീഴ്ത്തിച്ചു കൊടുത്തു...     അവൾ അത് കുടിക്കുന്ന നേരം അവൻ അകത്തേക്ക് വന്നു... തേങ്ങ തിരുമ്മി മാറ്റി വെച്ചു.... അവനൊന്നു തിരിഞ്ഞ നേരം അവൾ അതിൽ നിന്നും കുറച്ചെടുത്തു വായിൽ നിറച്ചു..       രണ്ടാമത്തെ വെട്ടം   തേങ്ങപ്പീര കോരൻ വന്നതും കൈയ്യിൽ പിടി വീണതും ഒരുമിച്ചായിരുന്നു.... നിനക്ക് വാരി തിന്നണം എങ്കിൽ തേങ്ങ ഇരിപ്പോണ്ട്.. ഞാൻ തിരുമ്മി വെച്ചത് തിന്നണ്ട.. അവനാ പാത്രത്തോടെ  എടുത്തു മാറ്റി...... ഇങ്ങനെയും ഉണ്ടോ ദുഷ്ടൻ.... വീണ്ടും അവൾ അവനെന്താ ചെയ്യുന്നത് എന്നൊക്കെ നോക്കി നിന്ന്... ഫുഡ്‌ ഉണ്ടാക്കുന്ന കാര്യം പോലും നല്ല വൃത്തിയോടും ചിട്ടയോടുമാണ് അവൻ ചെയ്യുന്നത്...    മ്മ് എന്താ നോക്കുന്നെ.. നീ വീട്ടിൽ ഇതൊന്നും ചെയ്യാറില്ലേ... മുത്തശ്ശി ഒന്നും ചെയ്യിപ്പിക്കാറില്ലന്നെ... തേങ്ങ തിരുമ്മി കൊടുക്കും.. പിന്നെ തുണി കഴുകി കൊടുക്കും അത്രേ ഒക്കെ ഉള്ളൂ... ചേട്ടനെ പോലെ ആയിരുന്നു എല്ലാ കാര്യവും കണ്ട് അറിഞ്ഞു ചെയ്യും മുത്തശ്ശി.. ഹ്മ്മ്.മരിക്കുന്നതിന് മുൻപ് മുത്തശ്ശിയെ കണ്ടിരുന്നു..... ഉണ്ടോ എങ്ങനെ......അവൾ ആകാംഷയോടെ ചോദിച്ചു.. ഇവിടെ മഹാദേവന്റെ അമ്പലത്തിൽ വെച്ചു... തൊഴുതിട്ട് ഇറങ്ങിയപ്പോൾ ആളൊന്നു മയങ്ങി വീണു.. ഞാനും അനൂപും ഒക്കെ കൂടി ഓട്ടോ വിളിച്ചു ഹോസ്പിറ്റലിൽ കൊണ്ട് പോയി... അന്ന് എന്റെ കയ്യിൽ ഒക്കെ പിടിച്ചു കണ്ണൊക്കെ നിറച്ചു ഒരു നോട്ടം നോക്കി... ഇപ്പോളും മുന്നിൽ ഉണ്ട്...  ഹോസ്പിറ്റലിൽ കൊണ്ട് പോകുന്ന വഴി തന്നെ ആള് പോയി.. പറയുമ്പോൾ അവന്റെ തൊണ്ട ഇടറി. അവൻ തിരിഞ്ഞു അവളെ നോക്കി.... പ്രത്യേകിച്ചു ഒരു ഭാവവും ആ മുഖത്തു ഇല്ല.... പുട്ടും പഴവും ആയിരുന്നു... അവൻ അവൾക്കു നേരെ നീട്ടി.. ഒരു കട്ടനും ഇട്ട്... രണ്ടാളും അടുക്കള തിണ്ണയിൽ ഇരുന്നു.... പാത്രം കഴുകാനും  മറ്റും പാറു സഹായിച്ചു.. അതൊക്കെ അവൾ വൃത്തിക്ക് ചെയ്യ്തു... ഉച്ചക്കത്തേക്ക് ചോറും കറിയും വെച്ചു... തേങ്ങ വരത്തരച്ച് തീയൽ... അവൻ ചെയ്യുന്നത് എന്തൊക്കെ ആണെന്നും എങ്ങനെ ആണെന്നും ഒക്കെ ഇന്ദ്രന്റെ അടുക്കൽ നിന്ന് നോക്കി കണ്ടു... കണ്ണേട്ടൻ നോക്കിക്കോ ഞാൻ ഇതൊക്കെ വേഗം പഠിക്കും എന്നിട്ട് ഞാൻ ഇതിലും ബെസ്റ്റ് ആയിട്ട് കുക്കിംഗ്‌ ചെയ്യും... ഓ ആയിക്കോട്ടെ... കണ്ണേട്ടാ.... ഏട്ടന്റെ വീട്ടിൽ ആരൊക്കെ ഉണ്ട്.. വീട്ടിൽ ഒന്നും പോകുന്നത് കാണാറില്ലല്ലോ.. അച്ഛനും അമ്മയും ഒക്കെ ഇല്ലേ...    അതിനവനിൽ പുച്ഛം കലർന്ന ചിരി ആയിരുന്നു.... ഇമ്മാതിരി ചോദ്യോം കൊണ്ട് മേലാൽ എന്റെ അടുത്ത് കണ്ട് പോയേക്കരുത്... അവൻ ഉള്ളിലേക്ക് കയറി പോയി.. ശെടാ... ഇത്രയ്ക്ക് ചൂടാകാൻ മാത്രം ഞാൻ എന്തുവാ ചോദിച്ചേ.. വീട്ടിൽ ആരൊക്കെ ഉണ്ടന്ന് അല്ലെ.. ഇങ്ങനെ ഒരു മുരടൻ.. 💜💜 തുടരും... നിങ്ങൾ ഇതിനെ പറ്റി ഒന്നും പറയുന്നില്ലല്ലോ.. ശരിക്ക് സ്റ്റോറി ഇഷ്ടമാകുന്നുണ്ടോ.. അതോ ഇല്ലിയോ.. എന്തേലും ഒന്ന് കുറിക്ക്...പിന്നെ ലൈക്‌ 😁 പറ്റുന്നവർ പ്രതിലിപിയിൽ ഒന്ന് ഫോളോ ആക്കൂട്ടോ. നിങ്ങളുടെ സപ്പോർട്ട് ഒക്കെ ഉണ്ടേൽ അല്ലെ തുടർന്ന് എഴുതാൻ പറ്റു. #📔 കഥ #💞 പ്രണയകഥകൾ #📙 നോവൽ #നോവൽ അതിൽ മറ്റു സ്റ്റോറികളും ഉണ്ട്. ലിങ്ക് 👇👇 https://pratilipi.app.link/SPPR3GaZVYb