సూరత్: జిమ్‌కు వెళ్లాలంటే బద్ధకం, వ్యాయామం చేయాలంటే ఓపిక లేదు.. అయినా సరే సిక్స్ ప్యాక్ కావాలి అనుకునే బద్ధకస్తుల కోసమే సూరత్‌లో ఓ కొత్త ఫిట్‌నెస్ సెంటర్ సిద్ధమైంది. 'శివనా ఫిట్‌నెస్ సెంటర్'లో పడుకునే బరువులు తగ్గించుకోవచ్చు, కండలు పెంచుకోవచ్చంటున్నారు. ట్రెడ్‌మిల్‌పై పరిగెత్తాల్సిన పనిలేదు.. బరువులు ఎత్తాల్సిన అవసరం లేదు. వైబ్రేటింగ్ మెషీన్ల మీద పడుకుంటే చాలు.. మీ శరీరం అదే బరువు తగ్గించుకుంటుంది, కొవ్వు కరిగిపోతుంది. "మా దగ్గర హీట్ థెరపీ, అల్ట్రాసౌండ్ లాంటి అత్యాధునిక ట్రీట్‌మెంట్లు ఉన్నాయి. బిజీగా ఉండేవాళ్లకు, వృద్ధులకు ఇది చాలా మంచి పద్ధతి" అని సెంటర్ నిర్వాహకులు చెబుతున్నారు. అయితే, ఈ పద్ధతుల వల్ల నిజంగా కండలు పెరిగి, బరువు తగ్గుతాయా అనేది ఇంకా చర్చనీయాంశమే. "ఈజీగా కండలు పెంచాలని చూసే వాళ్లకు ఇది మంచి పరిష్కారం" అని కొందరు అంటుంటే.. "బద్ధకానికి పరాకాష్ట" అని మరికొందరు విమర్శిస్తున్నారు. ఏదైతేనేం.. చెమట పట్టకుండానే ఫిట్‌గా ఉండాలనుకునే వారికి మాత్రం ఇది ఒక కొత్త ఆశ. #😴శుభరాత్రి #🌅శుభోదయం #🌇శుభ సాయంకాలం #👋విషెస్ స్టేటస్ #☀️శుభ మధ్యాహ్నం