ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/6DAnMJG?d=n&ui=v64j8rk&e1=cമന്ത്രകോടി :പാർട്ട്‌ -17💚🌺 വയറ് വേദന അല്പം കുറഞ്ഞതും വല്ലാത്തൊരു ആശ്വാസമായിരുന്നു ഭാമയ്ക്ക്........ ഉറക്കത്തിലെപ്പോഴോ മെല്ലെ അവൾ നന്ദനരികിലേക്ക് ചേർന്നു കിടന്നു...... പിന്നീടെപ്പോഴോ ഷർട്ട് ധരിക്കാത്ത അവന്റെയാ ചൂടുള്ള നെഞ്ചിലേക്ക് അവൾ തലചേർക്കുകയും ചെയ്തു....... അന്നുവരെ അറിയാത്ത ഏതോ സുഖമുള്ളൊരു അനുഭൂതിയിൽ ഇരുവരും സ്വപ്നം കണ്ടുറങ്ങി...... 💖💖💖💖💖💖💖 ദിവസങ്ങൾ മെല്ലെ കൊഴിഞ്ഞു തുടങ്ങി..... പല്ലവി പുതിയ ജോലിയിലേക്ക് പ്രവേശിച്ചിട്ട്‌ രണ്ടാഴ്ച കഴിഞ്ഞു. നന്ദനും ഭാമയും ഇപ്പോ ഒരുമിച്ചാണ് ട്യൂഷൻ സെന്ററിലേക്കും സ്കൂളിലേക്കും പോകുന്നതും വരുന്നതും...... പതിയെ പതിയെ ഇരുവർക്കുമിടയിലുള്ള അകലം കുറഞ്ഞു വരുന്നുണ്ട്. സമയം വേണമെന്ന് പറഞ്ഞിരുന്ന നന്ദനിൽ ഇതുവരെ തോന്നാത്ത കാമുക ഭവമാണിപ്പോൾ. ഭാമയോട് അടുത്തിരിക്കാനും കൂട്ടുകൂടാനും മിണ്ടാനും നന്ദനിപ്പോ വല്ലാത്ത കൗതുകവും തിടുക്കമാണ്....... പക്ഷേ അത് ഭാമ പോലും അറിയാതെ നിയന്ത്രിക്കുന്നുമുണ്ട്. 💖 ഇന്നും പതിവുപോലെ ജോലികഴിഞ്ഞ് വന്നുകയറിയതേയുള്ളു ഇരുവരും..... ഭാമ വന്നയുടനെ കുളിക്കാനായി കയറിയിട്ടുണ്ട്.......അവൾക്ക് പുറകേ റൂമിലേക്ക്‌ വന്ന നന്ദൻ അവൾ ഇറങ്ങുന്നതും കാത്ത് പുറത്തിരിക്കുകയാണ് .... കുറച്ചു നേരം വെയ്റ്റ് ചെയ്തിട്ടും അവൾ ഇറങ്ങാത്തതുകൊണ്ട് അവൻ പതിയെ എഴുന്നേറ്റ് മുറിയിലെ ജനലുകൾക്കടുത്തേക്ക് നടന്നു അവ മലർക്കെ തുറന്നിട്ടു ശേഷം തിരിഞ്ഞു വന്ന് തന്റെ ടേബിളിൽ ഒരറ്റത്തായി സൂക്ഷിച്ച് വച്ചിരുന്ന റേഡിയോ അവൻ ഓൺ ചെയ്തു. നിമിഷങ്ങൾക്കകം അതിൽ നിന്നും ഒരിരപ്പോടെ ശബ്ദം കേട്ടുതുടങ്ങി നന്ദൻ അതിലെ വലിയ ബട്ടൺ തിരിച്ചു വച്ച് ശബ്ദം അഡ്ജസ്റ്റ് ചെയ്തു. അടുത്തതായ് നിങ്ങൾ കേൾക്കാൻ പോകുന്നത് രതിനിർവ്വേദം സിനിമയിലെ എം.ജയചന്ദ്രൻ സംഗീതമൊരുക്കിയ ചെമ്പകപ്പൂകാട്ടിലെ എന്ന മനോഹരമായ ഗാനമാണ്..... വളരെ ഇമ്പമുള്ള രീതിയിൽ ഒരു പെൺകുട്ടിയുടെ ശബ്ദം റേഡിയോയിൽ നിന്ന് കേട്ടതും നന്ദൻ ആ പാട്ടിനായി കാതോർത്തുകൊണ്ട് അടുത്തു കിടന്ന കസേരയിലേക്ക് ചാരിയിരുന്നു...... """""ചെമ്പകപ്പൂങ്കാട്ടിലെ ചിത്രമണിപ്പൊയ്കയിൽകണ്ടുഞാൻ നിന്നെ ചെന്താമരേ...... ചെമ്പകപ്പൂങ്കാട്ടിലെ ചിത്രമണിപ്പൊയ്കയിൽകണ്ടുഞാൻ നിന്നെ ചെന്താമരേ......എന്റെ കരൾക്കൊമ്പിലും ചാറ്റുമഴച്ചോലയിൽവന്നുപൂത്തുലഞ്ഞിടുമോ ചൊല്ലാതിരേ...ചെന്താമരേ....."""""" വിരലുകൾ കൊണ്ട് താളം പിടിച്ച് നന്ദനാ പാട്ട് കേട്ടിരുന്നു..... കുറച്ചുനേരം കഴിഞ്ഞതും ഭാമ ബാത്‌റൂമിൽ നിന്ന് പുറത്തേക്കിറങ്ങി...... ബാത്രൂം ഡോർ തുറക്കുന്ന ശബ്ദം കേട്ടതും നന്ദൻ അങ്ങോട്ടേക്ക് തിരിഞ്ഞു നോക്കി........ ഒരു നിമിഷം അറിയാതെ അവന്റെ കണ്ണുകൾ വിടർന്നുപോയി....... ഒരു കറുത്ത കോട്ടൺ സാരി അലസമായ്‌ ഉടുത്ത് തലയിലെ തോർത്തിന്റെ കെട്ട് മുടിക്കുള്ളിലേക്ക് തെറുത്ത് കയറ്റി ഇറങ്ങി വരുകയാണവൾ..... കൈ ഉയർത്തുമ്പോൾ ആ അഴകൊത്ത ഇടുപ്പ് നേരിയ രീതിയിൽ അവന് മുന്നിൽ വെളിവാകുന്നുണ്ട്....... അറിയാതെ കണ്ണിലുടക്കിയ കാഴ്ചയിൽ നന്ദന് മിഴികൾ വെട്ടിക്കാനായില്ല....... ആ നിമിഷമാണ് റേഡിയോയിൽ നിന്ന് ആ വരികളും ഒഴുകിയെത്തിയത് """""ആറ്റിറമ്പഴകിൽ ഈ തരിമണൽ വിരിയിൽഋതുവായി കുളി കഴിഞ്ഞിറങ്ങണ നാണം കണ്ടില്ലേ.........""""" പാട്ടുകേട്ട് ഭാമ മെല്ലെയൊന്നു തിരിഞ്ഞതും തന്നെത്തന്നെ കണ്ണെടുക്കാതെ നോക്കി യിരിക്കുന്ന നന്ദനെയാണ് കണ്ടത്...... അവന്റെ നോട്ടം എങ്ങോട്ടാണെന്ന് കണ്ടതും സ്വയമൊന്ന് നോക്കി അവൾ...... പെട്ടന്ന് തലയിലെ തോർത്തിൽ നിന്ന് കൈ എടുത്ത് ഇടുപ്പിന്റെ വശത്തെ സാരി വലിച്ചിട്ടു അത് കണ്ടതും നന്ദൻ പെട്ടന്ന് തന്നെ മുഖം തിരിച്ചു. ഇരിക്കുന്നിടത്തു നിന്നവൻ പെട്ടന്ന് എഴുന്നേറ്റു...... വല്ലാത്തൊരു തിടുക്കത്തോടെ ഭാമയെ നോക്കാതെ തന്റെ ടൗവലുമെടുത്ത് വേഗം ബാത്റൂമിലേക്കു കയറി ....... ഭാമയ്ക്ക് ആ നിമിഷം എന്തു ചെയ്യണമെന്ന് അറിയാത്ത ഒരു വെപ്രാളം തോന്നിപ്പോയി..... ശേഷം പെട്ടന്ന് തന്നെ കുറച്ച് പിന്നുകളെടുത്ത് നന്ദൻ വരുന്നുണ്ടോന്നു നോക്കിക്കൊണ്ട് അലമാരക്ക് മുന്നിൽ നിന്നും സാരി ശെരിയാക്കി ഉടുത്തു. തിരിഞ്ഞും ചരിഞ്ഞും നോക്കി തൃപ്തി വരുത്തി ശേഷം തലയിലെ തോർത്തഴിച്ചുമാറ്റി ഇരുവശത്തു നിന്നും ഇരു മുടികളെടുത്ത് ഒരു കുഞ്ഞ് ക്ലിപ്പ് വച്ച് നന്ദനിറങ്ങുന്നതിനു മുന്നേ താഴേക്കു പോകാനായി മുറിക്ക് പുറത്തേക്ക് നടന്നു ........ കുറച്ച് നേരം കഴിഞ്ഞതും കുളിച്ച് ഫ്രഷ് ആയി നന്ദനും താഴേക്കുവന്നിരുന്നു....... ഭാമേ...... ആ ചായയങ്ങ് കൊടുക്ക് മോളെ..... നന്ദന് വേണ്ടി ചായ എടുത്തു വച്ചുകൊണ്ട് ദേവകിയമ്മ പറഞ്ഞു. നേരത്തേ റൂമിൽ വച്ച് നടന്നത് ഓർമ്മയുള്ളത് കൊണ്ട് ഭാമയവനെ നോക്കാൻ പോയില്ല..... ചായ അവനു നേരെ നീട്ടിക്കൊണ്ടവൾ അടുക്കളയിലേക്ക് നടന്നു...... എന്നാൽ ഉമ്മറത്തേക്ക് പോകുമെന്ന് കരുതിയ നന്ദൻ അവൾക്ക് പിന്നാലെ അടുക്കയിലേക്ക് ചെന്നു....... അമ്മയോട് ട്യൂഷൻ സെന്ററിലെ എന്തോ കാര്യങ്ങൾ പറയാനെന്ന പോലെ നിൽക്കുകയാണവൻ ഇടക്കിടക്ക് ഭാമയിലേക്ക് നോട്ടം തെന്നിവീഴുന്നുണ്ട്...... അപ്പോഴേക്കും പല്ലവിയും അവിടേക്ക് വന്നിരുന്നു..... ആഹാ....... എല്ലാരും നേരത്തേ എത്തിയോ ഒഴിച്ചു വച്ചിരുന്നതിൽ നിന്ന് ഒരുകപ്പ് ചായ എടുത്തുകൊണ്ടവൾ ചോദിച്ചു....... നീയെന്തേ ലേറ്റ് ആയെ..... നന്ദൻ ചോദ്യത്തോടെ അവളെ നോക്കി.......... എനിക്കിന്ന് ബസ്സ് കിട്ടിയില്ല ഏട്ടാ...... പിന്നെ കുറച്ചു നേരം സ്റ്റോപ്പിൽ നിൽക്കേണ്ടി വന്നു ..... ഹ്മ്മ്മ്മ്......... അവൻ ചായ ഒരിരക്ക് കുടിച്ചുകൊണ്ട് ഭാമയെ നോക്കി...... അവളീ ഭാഗത്തേക്ക്‌ നോക്കുന്നേയില്ല..... നേരത്തെ അറിയാതെപ്പറ്റിപോയതാണ്...... ഒറ്റക്കൊന്നു വന്നിരുന്നെങ്കിൽ എന്തെലും സംസാരിക്കാമായിരുന്നു..... പക്ഷേ അവൾ അമ്മയ്ക്കടുത്തു നിന്നും മാറുന്നില്ല...... കുറച്ചു നിമിഷം കൂടി അവിടെ നിന്ന ശേഷം നന്ദൻ ചായയുമെടുത്ത് മെല്ലെ ഉമ്മറത്തേക്ക് നടന്നു....... മണി അഞ്ചരയാകുന്നേയുള്ളൂ....... അടുത്തുള്ള അമ്പലത്തിൽ നിന്നും ഉച്ചത്തിൽ പാട്ട് കേൾക്കുന്നുണ്ട്....... കൂടാതെ..... മുറ്റത്തായി അസ്തമയ സൂര്യന്റെ മഞ്ഞവെയിൽ ചെമ്പരത്തിയിലും അരളിയിലുമൊക്കെയായി പതിച്ച് ഭംഗി നൽകുന്നുണ്ട്. നന്ദനവയെല്ലാം ശ്രദ്ധിച്ചു കൊണ്ട് സോപാനത്തിലേക്ക് കയറിയിരുന്നു........ അപ്പോഴാണ് ചെമ്പരത്തി വേലിക്കപ്പുറം വഴി ഒരു കാർ വരുന്നത് കാണുന്നത് ........ കാർ വേലി കഴിഞ്ഞ് തന്റെ വീടിന്റെ മുറ്റത്തേക്ക് കയറുന്നത് കണ്ടതും നന്ദനൊരു സംശയത്തോടെ ഇരിക്കുന്നിടത്തു നിന്ന് മെല്ലെ എഴുന്നേറ്റു..... കാർ മുത്തൊരു വശത്തായ് പതിയെ നിർത്തി....... നിമിഷങ്ങൾക്കകം ഡോർ തുറന്ന് അതിൽ നിന്നും ഇറങ്ങുന്ന ആളെ കണ്ടതും നന്ദൻനൊന്ന് ഞെട്ടി മഹിയേട്ടൻ....... നന്ദന്റെ ചുണ്ടുകൾ മെല്ലെ മൊഴിഞ്ഞു.... കണ്ണുകൾ മറച്ച കൂളിംഗ്ലാസ് എടുത്ത് കൊണ്ട് മഹി തിരിഞ്ഞ് വീടിന്റെ ഉമ്മറത്തേക്ക് നോക്കി...... തന്നെ കണ്ടെന്നോണം പകച്ചു നിൽക്കുന്ന നന്ദനെയവനൊന്ന് നോക്കി....... ആ നിമിഷം തന്നെയാണ് നന്ദനോട് എന്തോ കാര്യം പറയുവാനായി ദേവകിയമ്മ ഉമ്മറത്തേക്ക് വന്നത് പിന്നാലെ ഫോണിൽ നോക്കി ഒരു കൈയിൽ ചായക്കപ്പും പിടിച്ച് പല്ലവിയുമുണ്ട്...... മഹി കാറിന്റെ ഡോർ അടച്ച ശേഷം മുന്നോട്ടു വന്നു...... മുറ്റത്തേക്ക് ഉറ്റുനോക്കി നിൽക്കുന്ന നന്ദനരികിലേക്കു വന്ന് അവൻ നോക്കി നിൽക്കുന്ന ഭാഗത്തേക്ക്‌ ദേവകിയമ്മ നോക്കിയതും അവരിലൊരു പകപ്പ് ദൃശ്യമായി. തുടരും.💚🌺 ലൈക് ചെയ്ത് അഭിപ്രായങ്ങൾ എഴുതണേ...... അടുത്ത പാർട്ട്‌ പെട്ടന്ന് താരമേ..... കണ്ണൂർകാരൻ ❤️❤️❤️❤️ #📙 നോവൽ #📚 ട്വിസ്റ്റ് കഥകൾ #💞 പ്രണയകഥകൾ #📔 കഥ #✍ തുടർക്കഥ