#🤬 കേരള സ്റ്റോറിക്കെതിരെ രൂക്ഷ പ്രതികരണവുമായി വേടൻ ഉത്തർപ്രദേശിലെ തെരുവിൽ, മുസ്‌ലിമായതിന്റെ പേരിൽ മാത്രം ഹിന്ദുത്വ വംശീയത തലക്കടിച്ച ഭീകരന്റെ ക്രൂരമർദ്ദനത്തിന് ഇരയായി ഓടേണ്ടി വരുന്ന ആ മൂന്ന് വയോധികരുടെ ദയനീയാവസ്ഥയാണ് ഇന്ന് ഈ രാജ്യത്തെ മുസ്‌ലിം ജീവിതങ്ങളുടെ യഥാർത്ഥ പരിച്ഛേദം. ഡൽഹിയിലെ അധികാര ഇടനാഴികളിലിരുന്ന് ഹിന്ദുത്വ ഭരണകൂടത്തിന് കീഴിൽ മുസ്‌ലിംകൾ സുരക്ഷിതരാണെന്ന് സർട്ടിഫിക്കറ്റ് നൽകുന്നവർ ഇങ്ങനെ മർദ്ദനമേറ്റു കൊണ്ടിരിക്കുന്ന നൂറ് കണക്കിന് മനുഷ്യരുടെ മുറിവിൽ ഉപ്പു തേക്കുകയാണ് ചെയ്തുകൊണ്ടിരിക്കുന്നത്. ​യാഥാർത്ഥ്യങ്ങളെ അധികാരത്തോട് ചേർത്തുപിടിച്ച് റീബ്രാന്റ് ചെയ്യാൻ ശ്രമിക്കുന്നത് അങ്ങേയറ്റത്തെ കൊടും രാഷ്ട്രീയ വഞ്ചനയാണ്. തെരുവിൽ പച്ചക്ക് ആക്രമിക്കപ്പെടുന്നവന്റെ നിലവിളിയേക്കാൾ വലുത് തങ്ങൾക്ക് ലഭിക്കുന്ന ഔദ്യോഗിക പദവികളും അംഗീകാരങ്ങളും ആനുകൂല്യങ്ങളുമാണെന്ന് വിശ്വസിക്കുന്നിടത്ത് ആത്മീയതയുടെ അന്തസ്സ് അവസാനിക്കുന്നു. അക്രമികൾക്ക് തണലൊരുക്കുന്ന ഭരണകൂടത്തിന് 'ക്ലീൻ ചിറ്റ്' നൽകാൻ സമുദായ നേതാക്കൾ മത്സരിക്കുന്നത് വരാനിരിക്കുന്ന വലിയ അപകടങ്ങളുടെ വിളംബരമാണ്. ​സ്വയം ചാർത്തിയ പദവികളുടെ ഭാരമില്ലാത്ത, തെരുവിൽ ഒറ്റപ്പെട്ടു പോകുന്ന മനുഷ്യർക്ക് വേണ്ടിയാണ് യഥാർത്ഥത്തിൽ ശബ്ദമുയരേണ്ടത്. അധികാരത്തിന്റെ നാവായി മാറുന്ന പണ്ഡിതവേഷങ്ങൾ ചരിത്രത്തിൽ എന്നും ഇരകളെ ഒറ്റിക്കൊടുത്തവരാണ്. അത്തരക്കാർ അക്രമികളുടെ കൈകൾക്ക് നൽകുന്ന കരുത്ത് ചെറുതല്ല. പീഡിപ്പിക്കപ്പെടുന്നവന്റെ പക്ഷത്ത് നിൽക്കാൻ കഴിയാത്ത ഒരു നേതൃത്വവും സമുദായത്തിന് ആവശ്യമില്ലെന്ന് ഉറക്കെ പറയേണ്ട സമയമാണിത്. നീതിക്ക് വേണ്ടിയുള്ള പോരാട്ടം അധികാരത്തിന് മുന്നിൽ തലകുനിക്കുന്നതല്ല, മറിച്ച് അനീതിയെ വിരൽ ചൂണ്ടി കാട്ടുന്നതാണ്.