*అలసిన వానిని ఊరడించు మాటలు* 🍞🍞🍞🍞🍞🍞🍞🍞🍞 *సహోదరుడు భక్త సింగ్ గారి* *పరిచర్య నుండి సేకరించిన* *అనుదిన ధ్యానములు* 🍇🍇🍇🍇🍇🍇🍇🍇🍇 *🌷🌷ఫిబ్రవరి 8🌷🌷* *" దేవుడు నాకనుగ్రహించిన కృప చొప్పున నేను నేర్పరియైన శిల్పకారునివలె పునాదివేసితిని, మరియొకడు దాని మీద కట్టుచున్నాడు; ప్రతివాడు దానిమీద ఏలాగు కట్టుచున్నాడో జాగ్రత్తగా చూచుకొనవలెను" (1 కొరింధీ. 3:10)* 1935 మే, 31 వ తేదీన క్వెట్టా నగరములో భూకంపము వచ్చెను. 1933 లో క్వెట్టాకు, నిపుణుడైన ఒక ఇంజనీరు వచ్చినట్లు నాకు జ్ఞాపకమున్నది. అతడు దాదాపు ఒక సంవత్సరములో నగర ప్రాంతములో భూకంపము వచ్చునని, దాని కొరకు కొంత సదుపాయమును ఏర్పాటు చేయుమని వారికి సలహా నిచ్చి, భూకంప సమయమున భద్రత కొరకు ఇండ్లను కూడా కట్టించవలెనని ప్రభుత్వము వారిని హెచ్చరించెను. ప్రభుత్వము దానిని అంత తీవ్రముగా తీసికొనలేదు. రైల్వే అధికారులు మాత్రమే ఆ సలహాను తీసికొని, వారు ఆరు భూకంప భద్రతా గృహములను కట్టించిరి. అకస్మాత్తుగా భూకంపము వచ్చెను. 18 సెకండ్లలో 58,000 మంది చనిపోయిరి మరియు ప్రత్యేకముగా సిద్ధపరచబడిన ఆ ఆరు ఇండ్లు తప్ప మిగిలిన రాతి,లేక ఇటుక, లేక మట్టితో కట్టిన ప్రతి యొక్క ఇల్లు కూలి పోయెను. దేవుని సేవకులముగా మనము పాఠములను నేర్చుకొనుటకు ఇది తీక్షణమైన, సరియైన సమయము. దేవుని ప్రజలపైకి సాతాను అనేక తీవ్రమైన, కఠినమైన ఎదిరింపులను తీసికొనివచ్చును. వాడు గర్జించు సింహమువలె, లేక చీల్చు తోడేలువలె, లేక ప్రవాహమువలె లేక వెలుగు దూత వలె కూడా వచ్చును. మంద విషయమై దేవుని సేవకులు బాధ్యులు మరియు వారి ఆత్మీయ భద్రత నిమిత్తము ప్రతి విధమైన సదుపాయమును వారు చేయవలెను. మనము పరలోక నమూనా ప్రకారము కట్టినప్పుడే దీనిని చేయ గలము. కొంత మంది తమ స్వంత విధానములో సేవచేయవచ్చునని తలంచుదురు. ఏమైనను దేవుడు మమ్మును ఆశీర్వదించుచున్నాడు అని చెప్పుదురు. దయచేసి తాత్కాలిక ఆశీర్వాదంతో తృప్తి చెందకుడి. దేవుడు కృపగలవాడు. అందుచేతనే నిజముగా మన విధేయత పాక్షికంగానే యున్నను ఆయన మన పనిని ఆశీర్వదించును. దీనిని మనము గుర్తించవలెను. ఏమైనను దేవుడు ఎల్లప్పుడూ అసలైన తన నమూనాను ఉంచును. 1 కొరింతి. 3:6 లో " అపొస్తలుడైన పౌలు, నేను నాటితిని, అపోలో నీళ్లు పోసెను, వృద్ధి కలుగజేసినవాడు దేవుడే" అని చెప్పుచున్నాడు. తాను అపొస్తలుడైనను తనతో తాను తృప్తి చెందక తనకు జతపనివారు అవసరమని ఒప్పు కొనుచున్నాడు. దేవుడు నాటుటకు కొంత మంది సేవకులను వాడును. ఇతరులు వచ్చి నీరు కట్టుట అవసరము. కావున అందరు ఏకత్వము, ఐక్యతతో ప్రయాస పడవలెను. నీవు కేవలము విత్తనము విత్తుటకై పిలువబడి, ఏ ఇతర పిలుపు లేక భారము లేని యెడల, ఆ విత్తనమునకు నీరు కట్టుటకు " అపోలో" వంటి వారిని దేవుడు పంపునట్లు ప్రార్ధించుము. పౌలు కేవలము నాటుటకే ఆ స్థలములో చాలా కాలము ఉండవలసి వచ్చెను. తాను ఆ స్థలమును విడచి వెళ్లక మునుపు తన తరువాత వచ్చు వారికి అది దేవుని పని అని చెప్పెను. కావున " ప్రతివాడు దానిమీద ఎలాగు కట్టుచున్నది జాగ్రత్తగా చూచుకొనవలెను." Please share 🙏🏼Praise the LORD.🙏🏼 #📝అనుదిన వాక్యము #⛪దేవుని వాక్యము ✝