*പാപ്പാനും* *പിള്ളേരും* *വ്യാഴാഴ്ച* *രാവിലെ* *എത്തും* ആട് 3: വൺ ലാസ്റ്റ് റൈഡ് - ഭാഗം 1 വ്യാഴാഴ്ച തീയ്യേറ്ററുകളിൽ. മലയാള സിനിമാപ്രേക്ഷകർ ഏറെ ആകാംക്ഷയോടെ കാത്തിരിക്കുന്ന മിഥുൻ മാനുവൽ തോമസ് ചിത്രം 'ആട് 3 - വൺ ലാസ്റ്റ് റൈഡ്' അടുത്ത വ്യാഴാഴ്ച ലോകമെമ്പാടുമുള്ള തിയേറ്ററുകളിൽ റിലീസ് ചെയ്യും. മിഥുൻ മാനുവൽ തോമസ് തിരക്കഥ രചിച്ച് സംവിധാനം ചെയ്ത ഈ ചിത്രം ഫ്രൈഡേ ഫിലിം ഹൗസ്, കാവ്യാ ഫിലിം കമ്പനി എന്നീ ബാനറുകളിൽ വിജയ് ബാബു, വേണു കുന്നപ്പള്ളി എന്നിവർ ചേർന്നാണ് നിർമിച്ചത്. ആട് 2 ൽ നിന്നും വ്യത്യസ്തമായി പൊട്ടിച്ചിരികൾക്കൊപ്പം ഫാന്റസി ഘടകങ്ങളും ഉൾപ്പെടുത്തിക്കൊണ്ടാണ് മൂന്നാം ഭാ​ഗം എത്തുന്നത്. തെന്നിന്ത്യൻ നടി വേദികയുടെ നൃത്ത ചുവടുകളുമായി ഇറങ്ങിയ "സുൽത്താൻ" ഗാനം ഇതിനോടകം തന്നെ പ്രേക്ഷക ശ്രദ്ധ നേടിക്കഴിഞ്ഞു. മലയാള സിനിമകളുടെ വരുമാനത്തിന്റെ നല്ലൊരു പങ്ക് ഗള്‍ഫ് രാജ്യങ്ങളില്‍ നിന്നാണ്. അതുകൊണ്ട് തന്നെ ഗള്‍ഫിലെ സാഹചര്യങ്ങള്‍ കൂടി കണക്കിലെടുത്തായിരുന്നു ചിത്രങ്ങള്‍ റിലീസ് ചെയ്തിരുന്നത്. ഗൾഫ് സംഘര്‍ഷം മൂലം GCC റിലീസ് നടക്കില്ലെന്നും ചിത്രത്തിന്റെ റിലീസ് നീളും എന്നുള്ള കിംവദന്തികൾ പറന്നിരുന്നു. എന്നാൽ കിംവദന്തികളെ കാറ്റിൽ പറത്തി യുദ്ധമെങ്കിൽ യുദ്ധം...വെല്ലുവിളികളെ നേരിട്ട് മാര്‍ച്ച് 19-ന് ലോകമെമ്പാടുമുള്ള തിയറ്ററുകളില്‍ ആട് റിലീസ് ചെയ്യും - മലയാള സിനിമയുടെ ചരിത്രത്തിലെ തന്നെ ഏറ്റവും വലിയ ചിത്രങ്ങളിലൊന്നായാണ് ആട് 3 പ്രേക്ഷകരുടെ മുന്നിലെത്തുന്നത്. ഫ്രൈഡേ ഫിലിം ഹൌസ്, കാവ്യാ ഫിലിം കമ്പനി എന്നിവർ നിർമ്മിക്കുന്ന ഏറ്റവും വലിയ ചിത്രമായിരിക്കും "ആട് 3 പാർട്ട് 1 ; വൺ ലാസ്റ്റ് റൈഡ്". ഇന്ത്യക്കു പുറത്തും ചിത്രത്തിന്റെ അഡ്വാൻസ് ടിക്കറ്റ് ബുക്കിംഗ് ആരംഭിച്ചു കഴിഞ്ഞു. #🍿 സിനിമാ വിശേഷം #🎬സിനിമ കോർണർ