ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/6jMPjqb?d=n&ui=v64j8rk&e1=cമന്ത്രകോടി :പാർട്ട്‌ -35💚🌺 അവൻ ഡോക്ടറുടെ ക്യാബിനിൽ നിന്ന് പുറത്തിറങ്ങി.... ശേഷം വളരെ വേഗം തന്നെ സഞ്ജുവിന്റ നമ്പർ ഡയൽ ചെയ്തു.... കുറച്ച് റിങ്ങുകൾ പോയതും മറുപുറം അവൻ കാൾ എടുത്തു. നന്ദാ..... ഞാൻ നിന്നെ വിളിക്കാനി രിക്കുകയായിരുന്നു..... അർജന്റായി നിന്നോട് കുറച്ച് കാര്യങ്ങൾ സംസാരിക്കാനുണ്ട്. എന്താടാ.... ഇപ്പോൾ കുറച്ചു തിരക്കുകൂടി ഉണ്ട് അത് കൂടി കഴിഞ്ഞ് വിളിക്കാം ഞാൻ..... നന്ദൻ എന്തെങ്കിലും പറയുന്നതിന് മുൻപേ സഞ്ചു പറഞ്ഞുകൊണ്ട് പെട്ടന്ന് കാൾ കട്ട് ചെയ്തു. 🌼🌼🌼🌼🌼🌼🌼🌼 നന്ദൻ ഒരു നിമിഷം ഫോൺ ചുണ്ടോട് മുട്ടിച്ച് ഒന്നാലോചനയോടെ നിന്നു ശേഷം അലനെ ഡ്രിപ് ഇട്ട് കിടത്തിയിരുന്ന ക്യാഷ്വാലിറ്റിയിലേക്ക് നടന്നു . അവിടെ അലന്റെ അമ്മയും മറ്റ് അധ്യാപകരും നിൽക്കുന്നുണ്ടായിരുന്നു.... മകനെ നോക്കിക്കൊണ്ടുള്ള അമ്മയുടെ വിങ്ങിക്കരച്ചിൽ നന്ദന്റെയും ഉള്ളം നോവിച്ചു. അവൻ ഒരു നെടുവീർപ്പോടെ മാറിയിരുന്നു..... ലഹരി എവിടെ നിന്ന് എങ്ങനെ എപ്പോൾ.... ഇതെല്ലാം മനസ്സിലൊരു ചോദ്യമായി മാറി..... 🌼🌼🌼🌼🌼🌼🌼🌼🌼🌼🌼 അതേ നിമിഷം മുബൈയിൽ നിന്ന് തിരികെയുള്ള യാത്രയിലായിരുന്നു സഞ്ചു. അവന്റെ കൈയിൽ മുംബൈപോലീസിൽ നിന്നും കളക്ട് ചെയ്ത രണ്ട് മൂന്ന് ഫയലുകളും ഉണ്ടായിരുന്നു........ അതിൽ ഓരോന്നിലേയും ഓരോ പേജ് മറിക്കുമ്പോഴും അവന്റെ മുഖം ഞെട്ടൽ പ്രകടമായികൊണ്ടേയിരുന്നു...... ഫയലിൽ റെക്കോർഡ് ചെയ്തിട്ടുള്ള ആ പേരും ഫോട്ടോയും തന്നെയായിരുന്നു അതിന് കാരണം. മെറിൻ....... താനന്ന് നന്ദന്റ വീട്ടിൽ കണ്ട അതേ പെൺകുട്ടി....... മഹിയുടെ ഭാര്യ....... അവളൊരു വലിയ ഡ്രഗ്ഗ് മാഫിയയുടെകണ്ണിയാണ്...... രണ്ട് മൂന്നു പ്രാവശ്യം സെയിം കേസിൽ അറസ്റ്റ് ചെയ്യപ്പെട്ടിട്ടുമുണ്ട്.... ഇവരുടെ പുറകിലുള്ളത് വലിയ മാഫിയകൾ ആയതുകൊണ്ടാകാം കേസുകളെല്ലാം എങ്ങുമെത്താതെ പോയിട്ടുണ്ട്....... സഞ്ചു ഒന്ന് ദീർഘ ശ്വാസമെടുത്തു....... മഹിക്ക് ഇതിലെന്തെങ്കിലും പങ്കുണ്ടാകുമോ? അവൻ ആലോചനയുടെ ഫയലുകളോരോന്നും വീണ്ടും മറിച്ചു..... ആ നിമിഷം അവന്റെ ശ്രദ്ധ മറ്റൊരു ഫോട്ടോയിൽ എത്തി നിന്നു. കെവിൻ.... മെറിനോടൊപ്പം തന്നെ എല്ലാ കേസുകളിലും അവനും പങ്കാളിയാണ്...... പക്ഷേ അവനെക്കുറിച്ച് അന്വഷിച്ചപ്പോൾ ജീവനോടെ ഇല്ലന്നാണ് മുംബൈ പോലീസിന്റെ റിപ്പോർട്ട്. അവനും ഒരു ചോദ്യചിഹ്നമാണ്.... ഈ കേസിന്റെ കുരുക്ക് വളരെ വലുതാണ്...... അതിങ്ങനെ കെട്ടുപിണഞ്ഞു കിടക്കുകയാണ്.... തെളിവുകൾ ഓരോന്നും കൈയ്യിലെത്തുന്ന തിലൂടെ മാത്രമേ കുറ്റക്കാരിലേക്ക് എത്താനും കഴിയൂ..... എന്തായാലും തന്റെ ജീവൻ പണയം വയ്ക്കേണ്ടി വന്നാൽ പോലും അതിലേക്ക് എത്തുകതന്നെ വേണം.... അത്‌ ആദ്യമേ ഉറപ്പിച്ചതാണ്..... തനിക്ക് മേലേ ഈ കേസ് പോകാതെ വേരോടെ പിഴുതെടുക്കണം. നാട്ടിൽ ഇതിന്റെ സ്രോതസ്സ് എവിടെയാണെന്നൊരു ഊഹം കിട്ടുന്നുണ്ട് അത് വഴി മറ്റുള്ളവരിലേക്ക് എത്താം. പക്ഷേ.... ഈ അന്വേഷണത്തിൽ അറിഞ്ഞോ അറിയാതെയോ പെടാൻ പോകുന്നത് തന്റെ നന്ദനും കുടുംബവുമാണ്...... അവർക്കൊരു ബുദ്ധിമുട്ടും ഉണ്ടാകാതെ വേണം ഈ കേസ് ഡീൽ ചെയ്യാൻ..... എത്രത്തോളം സക്‌സസ്‌ ആകുമെന്ന് അറിയില്ല..... എന്നാലും പരമാവധി ശ്രമിക്കാം...... അവൻ ആലോചനയോടെ ഫോൺ എടുത്തു..... 🌼🌼🌼🌼🌼🌼🌼🌼🌼🌼 രണ്ട് മണിക്കൂർ ഒബ്‌സർവേഷൻ കഴിഞ്ഞ് അലനെ ഡിസ്ചാർജ് ചെയ്തിരുന്നു..... അവന് ലഹരി എവിടെ നിന്നുകിട്ടി എങ്ങനെ കിട്ടി എന്നുള്ള മൊഴി നിർണായകമാണ് അതിനാൽ കൗൺസിലിംഗും കഴിഞ്ഞ് നേരെ പോയത് സ്റ്റേഷനിലേക്കാണ്........ സഞ്ചു എത്തിയിട്ടില്ല..... വിളിച്ചിട്ട് കിട്ടുന്നതുമില്ല..... അത്‌ നന്ദനൊരു ടെൻഷനായിരുന്നു........ സ്റ്റേഷനിൽ നിന്ന് കുട്ടിയുടെ മൊഴി ശേഖരിച്ചശേഷം വീട്ടിലേക്കയച്ചു... നാളെയും വരണമെന്ന് പറഞ്ഞ് എഴുതി ഒപ്പിട്ട ശേഷമാണ് വീട്ടിലേക്ക് വിട്ടത്. നന്ദൻ സ്കൂളിലേക്ക് എത്തുമ്പോൾ തന്നെ സ്കൂൾ ഗ്രൂപ്പുകളിലും മറ്റും മെസ്സേജ് കണ്ട് കുട്ടികളുടെ പേരെന്റ്സും സ്കൂളിൽ എത്തിയിരുന്നു....... പല പേരെന്റ്സിനും കുട്ടികളുടെ ചില മാറ്റത്തേക്കുറിച്ച് പറയുന്നുണ്ടായിരുന്നു. കുറച്ചധികം കുട്ടികളിൽ ലഹരിപദാർത്ഥം എത്തിയിട്ടുണ്ടെന്ന് അപ്പോൾ തന്നെ എല്ലാവർക്കും മനസ്സിലായി....... അതോടെ അത്യാവശ്യം നല്ലോരു ചെക്കിങ് തന്നെ നടന്നു. 🌼🌼🌼🌼🌼🌼🌼🌼🌼 അന്ന് രാത്രി നന്ദൻ വീട്ടിലെത്തുമ്പോൾ വളരെ താമസിച്ചിരുന്നു..... ഭാമ വിളിച്ചപ്പോൾ പലപ്പോഴും അവന് എടുക്കാൻ കഴിഞ്ഞിരുന്നില്ല. അവൻ തിരക്കാണെന്നു കരുതി ഭാമ പിന്നീട് വിളിച്ചതുമില്ല. വല്ലാത്തൊരു തളർച്ചയോടെ മുറിയിലേക്ക് വന്നുകയറുന്നവനെ കണ്ടതും ഫ്രഷ് ആയി കണ്ണാടിക്ക് മുന്നിൽ നിന്ന ഭാമ തിരിഞ്ഞു നോക്കി....... എന്തുപറ്റി നന്ദേട്ടാ...... അവന്റെ മുഖത്തേ വല്ലായ്മകണ്ട് അവൾ ചോദിച്ചു..... അവൻ ടേബിളിനോട് ചേർത്തിട്ടിരുന്ന കസേര പിന്നിലേക്ക് വലിച്ച് അതിലേക്കിരുന്നു...... അവൾ പതിയെ അവനരികിലേക്ക് ചെന്നു.... നന്ദേട്ടാ...... എന്താ പറ്റിയെ..... മുഖമൊക്കെ എന്താ വല്ലാതിരിക്കുന്നെ....... അവന്റെ മുഖമൊന്ന് ഉയർത്തികൊണ്ടവൾ വീണ്ടും ചോദിച്ചു? ഭാമേ...... സഞ്ചു അന്ന് എന്നോട് ഒരു കാര്യം പറഞ്ഞത് നീ ഓർക്കുന്നുണ്ടോ..... മുഖം ഉയർത്തിയ നിമിഷം അവൻ അവളോട്‌ ചോദിച്ചു. സ്കൂളിലെ കുട്ടികളുടെ ലഹരി ഉപയോഗത്തെപ്പറ്റി...... ഹ്മ്മ്മ്..... പറഞ്ഞല്ലോ എന്നപോലെ അവൾ മൂളി ..... ഇന്ന്...... ഇന്നൊരു സംഭവമുണ്ടായി....... അവൻ നടന്ന ഓരോ കാര്യങ്ങളും അവളോട് വിവരിച്ചു....... അവൻ പറഞ്ഞു കഴിഞ്ഞ കാര്യങ്ങളെല്ലാം കേട്ടതും ഭാമ അക്ഷരാർത്ഥത്തിൽ ഞെട്ടിയെന്ന് വേണം പറയാൻ......... എന്നിട്ട്..... എന്നിട്ട് എന്തായി നന്ദേട്ടാ...... സംശയം തോന്നിയ കുട്ടികളെയെല്ലാം വിളിച്ച് സംസാരിച്ചു...... പല കുട്ടികളും ഒഴിഞ്ഞുമാറിയെങ്കിലും പോലീസ് അറേൻജ് ചെയ്ത കൗൺസിലിംഗ് ടീം കൃത്യമായി കുട്ടികളിൽ നിന്ന് വിവരങ്ങൾ കണ്ടെത്തി....... ആണും പെണ്ണുമായി പത്ത് കുട്ടികളെയാണ് നിരീക്ഷണത്തിൽ ഏർപ്പെടുത്തിയിരിക്കുന്നത്...... എല്ലാം കേട്ട് ഭാമ ഞെട്ടി നിൽക്കുകയാണ്..... എന്നാലും..... ഇത്രേം ദിവസം കുട്ടികൾ ഒന്നും അറിയിക്കാതെ........ ഭാമയൊന്നു നിർത്തി.... ഹ്മ്മ്മ്..... അതാണ് ലഹരിയുടെയും അത്‌ നൽകുന്നവരുടെയും കഴിവ്.......... എന്തായാലും സഞ്ചു നാളെയോടെ എത്തും...... ഞാൻ ഫോൺ വിളിച്ചപ്പോൾ അവന് എടുക്കാൻ കഴിഞ്ഞില്ല...... ഈ സ്റ്റേഷൻ ചാർജ് അവനായതുകൊണ്ട് എല്ലാം അറിഞ്ഞുകാണും..... ഹ്മ്മ്മ്.... ഭമായൊന്നു മൂളി..... കൂടാതെ..... മറ്റെന്തോ കാര്യം അവന് പറയാനുണ്ടെന്ന് പറഞ്ഞിരുന്നു...... എന്താണെന്നു പറഞ്ഞില്ല...... അതിന് മുന്നേ കാൾ കട്ടായി നന്ദനൊരു ആലോചനയോടെ പറഞ്ഞു നാളെ ട്യൂഷൻ സെന്ററിൽ ഞാൻ കൂടി വരാം.... ഇനി അവിടെ ആരൊക്കെയാണ് ഉപയോഗിക്കുന്നതെന്ന് ദെയ്വ്ത്തിനറിയാം..... ഇതുവരെ എനിക്ക് സംശയമൊന്നും തോന്നിയില്ല നന്ദേട്ടാ..... ഞാൻ അമ്മയോടും അതിനെക്കുറിച്ച് സംസാരിച്ചിരുന്നു...... നമുക്ക് സംശയം തോന്നാത്ത രീതിയിൽ ആകും ഭാമേ ഇതിന്റെ ഇടപാട്..... സിറ്റുവേഷൻ മോശമായി അതിൽനിന്നും രക്ഷപെടാൻ കഴിയില്ലെന്ന അവസ്ഥയിൽ ഉപയോഗിക്കുന്നയാൾ എത്തുമ്പോഴേ മറ്റുള്ളവർ എല്ലാമറിയൂ.... ഹ്മ്മ്.... നീ ഒരു ചായ എടുക്ക്..... ഇന്നത്തെ അലച്ചിലും ടെൻഷനും എല്ലാം കൂടി നന്നായി തലവേദനിക്കുന്നുണ്ട്..... ഹ്മ്മ് എടുക്കാം... അവളാ മുടിയിഴകളെ ഒന്നു തഴുകിക്കൊണ്ട് പുറത്തേക്കിറങ്ങി...... 🌼🌼🌼🌼🌼🌼🌼🌼🌼🌼 ഇതേ സമയം അപ്പുറത്തെ മുറിയിൽ കഴിഞ്ഞ ദിവസം കൊണ്ടുവന്ന എല്ലാ സ്റ്റോക്കുകളും ഏജന്റ് മാരുടെ കൈയിൽ എത്തിച്ച സന്തോഷത്തിൽ ആയിരുന്നു മെറിൻ..... ഈ വീട്ടിൽ ഒളുപ്പിച്ച് വച്ചതുമെല്ലാം ചേർത്ത് വലിയൊരു ശേഖരം തന്നെ എല്ലാവരേയു മായി ഏൽപ്പിച്ചിട്ടുണ്ട്........ മഹിക്ക് എന്തോ ഡൗട് അടിച്ചത് കൊണ്ട് തന്നെ ഒന്നും ഇവിടെ വയ്ക്കരുതെന്നാണ് ഗൗതമിന്റെ ഓർഡർ...... അതുകൊണ്ട് ആണ് പെട്ടന്നെല്ലാം ഒഴിപ്പിച്ചതും...... കൂടാതെ മറ്റെന്തോ പ്ലാൻ കൂടി ഉണ്ടവന്..... തന്നോട് പറഞ്ഞിട്ടില്ല..... വരട്ടെ.... നോക്കാം...... അവളൊരു ദീർഘ നിശ്വാസത്താലേ വയർ താങ്ങിപ്പിടിച്ച് കിടക്കയിലേക്ക് കിടന്നു. ഇനി തന്നെ കാത്തിരിക്കുന്നത് എന്തെന്നറിയാതെ.... തുടരും 💚🌺 കണ്ണൂർകാരൻ 🥰🥰🥰🥰 #📔 കഥ #📙 നോവൽ #✍ തുടർക്കഥ #📚 ട്വിസ്റ്റ് കഥകൾ #💞 പ്രണയകഥകൾ