ആദ്യ ഭാഗങ്ങൾ ലിങ്ക് ഉണ്ട് https://sharechat.com/post/6ajNyOPM?d=n&ui=v64j8rk&e1=cUNDER WORLD = CHAPTER - 8 "ഇതിനിടയിൽ നിന്നും എങ്ങനെയാണ് ജുവൽ അവളെ നാം രക്ഷിക്കുക...?" വിഷാദത്തോടെയും നിസ്സഹായതയോടെയുമുള്ള കെവിന്റെ ചോദ്യത്തിന് മറുപടിയായി ഇരു കണ്ണുകൾ മാത്രം അടച്ചു കാണിച്ച ശേഷം ഇസ്രയുടെ നേരെ ജുവൽ നോക്കി... അപ്പോഴേക്കും ചെറിയൊരു മണി കയ്യിലെടുത്ത അയാൾ ഇസ്രയുടെ മുന്നിൽ നിന്നുകൊണ്ട് നാല് ദിക്കിലേക്കും തിരിഞ്ഞ് നിന്ന് ഓരോ തവണയും മണിയിലേക്ക് ഇരുമ്പുകൊണ്ടുള്ള എന്തോ അടിച്ച ശേഷം സാത്താനിക് ബൈബിൾ കയ്യിലെടുത്തതും ഡോർ തുറന്ന് അകത്തേക്ക് പ്രവേശിച്ച ആ നാല് പേരെ കണ്ട് കെവിൻ ജുവലിനെ വിളിച്ചു കാണിച്ചതോടെ അവളുടെ മുഖം വിളറി വെളുക്കുന്നത് കണ്ട് കെവിൻ സ്തംഭിതനായി നിന്നു...! """ആദം മൈക്കിൾ... ആലിയ ആദം.""" "അതെ... തനിക്ക് 5 വയസായിരുന്നപ്പോൾ അപകടത്തിൽ മരിച്ചുപോയി എന്ന് പറഞ്ഞു കേട്ടിട്ടുള്ള തന്റെ അച്ഛനും അമ്മയും." അച്ഛനെയും അമ്മയെയും കണ്ട് വിശ്വസിക്കാൻ കഴിയാതെ ശരീരം തളർന്ന ജുവൽ കെവിന്റെ ശരീരത്തിലേക്ക് കുഴഞ്ഞു വീണതും അവളെയും താങ്ങി പിടിച്ചുകൊണ്ട് എന്ത് ചെയ്യണം എന്നറിയാതെ കെവിൻ നിന്ന് വിയർത്തൊഴുകി...!!! MYSTERY CONTINUE =================== തളർന്ന് ബോധം നഷ്ടപ്പെട്ട് വീഴുന്ന ജുവലിനെ താങ്ങി നിർത്താൻ കെവിന് കഴിയാതെ വന്നതോടെ അവന്റെ പിടുത്തത്തിൽ നിൽക്കാതെ അവൾ നിലത്തേക്ക് വീണു. ജുവൽ നിലത്തേക്ക് പതിക്കുന്നത് വാതിലിന് അരികിൽ തന്നെ നിന്നുകൊണ്ട് ആദം ശ്രദ്ധിക്കുന്നതിന്റെ കൂടെ തന്നെ കറുത്ത വസ്ത്രധാരികളായ എല്ലാവരും അവളെയും കെവിനെയും തന്നെ ഉറ്റു നോക്കി...! "12 പുരോഹിതരെയും, 10 വിശ്വാസികളെയും, പുറമെ നിന്നുള്ള രണ്ട് പേരെയും കൂടാതെ എണ്ണത്തിൽ വേറെയും രണ്ട് ആളുകളുടെ വിത്യാസം വന്നപ്പോഴേ പുറത്ത് നിന്നും ആരോ അതിക്രമിച്ചു കടന്നിട്ടുണ്ടെന്ന് എനിക്ക് മനസ്സിലായിരുന്നു." കർമം തുടരാൻ തയ്യാറെടുക്കുന്ന പുരോഹിതന്റെ ശബ്ദം അവിടമാകെ മുഴങ്ങിയതും നിലത്ത് കിടക്കുന്ന ജുവലിന്റെ മുഖത്തേക്ക് നോക്കികൊണ്ട് കെവിൻ വിയർത്തൊഴുകി...! "ആരാണ് നിങ്ങൾ...? എന്തിനിവിടെ വന്നു...?" "അ... അത്... ഞ... ഞങ്ങൾ." അയാളുടെ ശബ്ദം ഉച്ചത്തിലായതും ഭയത്താൽ ശബ്ദത്തിലെ വിറയൽ കൂടാതെ കഴുത്തിലെ വിയർപ്പുകണങ്ങൾ കെവിൻ തുടച്ചു നീക്കി...! "മിസ്റ്റർ... മിഖായേൽ ഇന്നത്തേക്കുള്ള """സോംബി ഡ്രഗ്""" റെഡിയല്ലേ...?" കെവിനിൽ നിന്നും മറുപടിയൊന്നും ലഭിക്കാതെ വന്നതോടെ വിശ്വാസികളുടെ ഇടയിലേക്ക് നോക്കിയുള്ള പുരോഹിതന്റെ ചോദ്യം കേട്ടതും, തല കുമ്പിട്ടുകൊണ്ട് ഒരുവൻ അയാളുടെ മുന്നിലേക്ക് നീങ്ങി നിന്നു...! "റെഡിയാണ് ഫാദർ." അയാളുടെ മറുപടി കേട്ടതും പുരോഹിതന്റെ ചുണ്ടിൽ ക്രൂരമായ പുഞ്ചിരി വിടർന്നു...! "എന്നാൽ അവർ രണ്ട് പേരെയും കൊണ്ട് പാർട്ടി ഹാളിലേക്ക് പൊയ്ക്കോളൂ... കർമ്മങ്ങൾ കഴിഞ്ഞതിനപ്പുറം ഇരുവരെയും കൊണ്ട് ആവശ്യങ്ങൾ ഉണ്ട്." "ശെരി ഫാദർ." പുരോഹിതന്റെ കല്പന കേട്ടതും മൂന്ന് പേർ കെവിനെ വട്ടം പിടിച്ചതിനോടൊപ്പം മറ്റ് രണ്ടുപേർ ജുവലിനെയും എടുത്ത് വെളിയിലേക്ക് നടന്നു...! "ഞങ്ങളെ ഒന്നും ചെയ്യരുത്... എന്റെ പേര് കെവിൻ താങ്കളുടെ അരികിൽ കിടക്കുന്ന ഇസ്ര എന്റെ കാമുകിയാണ്, അവളെ കാണാൻ ആണ് ഞാൻ വന്നത്." "നിൽക്ക്." പുറത്തേക്ക് ബലമായി കൊണ്ടുപോകുന്നതിന് ഇടയിൽ കെവിൻ വിളിച്ചു പറഞ്ഞതുകേട്ട് ബലി പീഠത്തിൽ നിന്നും തല ഉയർത്തിയ ഇസ്രയെ നോക്കികൊണ്ട് പുരോഹിതൻ അവരോട് നിൽക്കാൻ കല്പിച്ചതിനോടൊപ്പം തന്നെ തല കുനിച്ചുകൊണ്ട് ഇസ്രയുടെ മുഖത്തിന്‌ നേരെ അയാൾ തന്റെ മുഖവും ചേർത്തു...! "ആഗ്രഹങ്ങൾ സാധിച്ച് തിരിച്ചു പോകാൻ ശ്രമിക്കാതെ സാത്താന് ബലിയാകാൻ ആണ് ഉദ്ദേശം എങ്കിൽ തുണ്ടം തുണ്ടമായി വെട്ടിയരിഞ്ഞ ശേഷം നിന്റെ ചുടു ചോര ഇവരെക്കൊണ്ട് ഞാൻ കുടിപ്പിക്കും." "വേ... വേണ്ട." ചുവന്നു തുടുത്ത കണ്ണുകളുമായി ക്രൂരമായ പുഞ്ചിരിയോടെ അയാൾ പറഞ്ഞത് കേട്ട് വീണ്ടും പഴയപടി അവൾ ബലിപീഠത്തിലേക്ക് കിടന്നതും പുരോഹിതൻ നിവർന്നു നിന്നു...! "സോംബി ഡ്രഗ് മൂന്ന് ഇരട്ടി രണ്ട് പേരിലും പ്രയോഗിക്കാൻ മറക്കരുത്." "മൂന്ന് ഇരട്ടിയോ...?" അതിശയത്തോടെ ശബ്ദം താഴ്ത്തി തന്നെ പിടിച്ചിരിക്കുന്നവർ പറയുന്നത് കേട്ടതിൽ നിന്നും അതിന്റെ പ്രത്യാഖ്യാതം വളരെ വലുതായിരിക്കുമെന്ന് കെവിന് മനസിലായി. അവരുടെ പിടിയിൽ നിന്നും കുതറി മാറാൻ അവൻ ശ്രമിക്കുന്നുണ്ടെങ്കിലും നിരാശ മാത്രമായിരുന്നു ഫലം. കെവിനെയും, ബോധമറ്റു കിടക്കുന്ന ജുവലിനെയും കൊണ്ട് അവർ വെളിയിലേക്ക് പോകുന്നത് ശ്രദ്ധിച്ചുകൊണ്ട് അൽപ നേരം നിന്നതിനു ശേഷം ആദവും ആലിയയും വിശ്വാസികളുടെ ഇടയിലേക്ക് കയറി കണ്ണുകളടച്ചു കർമ്മങ്ങളിൽ പങ്കെടുക്കാൻ തയ്യാറെടുത്തു. പാർട്ടി ഹാളിലേക്ക് അവരെയും കൊണ്ട് കടന്ന ശേഷം ജുവലിനെ നിലത്ത് കിടത്തിയതും 5 പേരും കൂടി ചേർന്ന് കെവിനെ അടുത്ത് കണ്ട ചെയറിലേക് ബലമായി പിടിച്ചിരുത്തി. അപ്പോഴേക്കും ഒരുവൻ ചെറിയൊരു കവറുമായി വന്ന ശേഷം കെവിനെ തന്നെ ഉറ്റു നോക്കികൊണ്ട് അത് കടിച്ചു പൊട്ടിച്ച ഉടനെ നേരിയ തോതിൽ വെളുത്തൊരു പൊടി അയാളുടെ മുഖത്തേക്ക് തെറിച്ചു. ക്രൂരമായി ചിരിച്ചുകൊണ്ട് അയാൾ ആ കവറിൽ നിന്നും പൊടി മുഴുവൻ വലതു കയ്യിലേക്ക് കുടഞ്ഞിടുന്നത് കണ്ട് കെവിന്റെ കണ്ണുകൾ മിഴിച്ചു വന്നു...! "വേണ്ട... ഇങ്ങനെ ചെയ്യല്ലേ... പ്ലീ." പരിഭ്രാന്തിയോടെ അവൻ പറഞ്ഞവസാനിപ്പിക്കുന്നതിന് മുൻപേ അയാളുടെ കരം അവന്റെ വായിൽ പതിഞ്ഞു കഴിഞ്ഞിരുന്നു. നേർമയേറിയ പൊടി വായിലേക്കും മൂക്കിലേക്കും അടിച്ചു കയറിയതോടെ ശ്വാസം മുട്ടൽ അനുഭവപ്പെട്ട കെവിന് അകത്തേക്ക് ശ്വാസം വലിച്ചെടുക്കുക എന്നതല്ലാതെ മറ്റൊരു വഴി ഇല്ലായിരുന്നു. അതെ സമയം മറ്റൊരുവൻ വേറൊരു കവറുമായി വന്ന് അതും കടിച്ചു പൊട്ടിച്ചുകൊണ്ട് മലർന്നു കിടന്ന ജുവലിനെ കമിഴ്ത്തി കിടത്തിയ ശേഷം അവളുടെ മൂക്കിന് താഴെയായി ആ പൊടി മുഴുവൻ തൂകിയതും അവളുടെ ഓരോ ശ്വാസോച്ഛാസത്തിന്റെ കൂടെ അൽപാൽപമായി സോംബി ഡ്രഗ് അവൾക്കുള്ളിലേക്ക് പ്രവേശിക്കുന്നതും നോക്കി അവർ നിന്നു. കെവിന്റെ ശരീരമാകെ വിയർപ്പുകണങ്ങൾ പൊടിയുന്നത് കണ്ട് തുടങ്ങിയതോടെ അവരുടെ കരങ്ങൾ പതിയെ അയഞ്ഞു. അപ്പോഴേക്കും ജുവലിന്റെ അകത്തുകടന്ന ഡ്രഗ് പ്രവർത്തിക്കാൻ തുടങ്ങിയതോടെ ബോധം വീണ്ടുകിട്ടി അവൾ കണ്ണുകൾ തുറന്നതും അടുത്ത് നിന്നവൻ ഇരുന്നുകൊണ്ട് അവളുടെ മുടിക്കുത്തിൽ പിടിച്ച് ഡ്രഗ്ഗിലേക്ക് മുഖം ചേർത്തതോടെ പകുതിയിലധികം ഡ്രഗ്ഗും അവൾക്കുള്ളിലേക്കും പ്രവേശിച്ചു കഴിഞ്ഞിരുന്നു...! "Enjoy your party guys... we will join with in one hour." ജുവലിന്റെ മുടിക്കുത്തിൽ നിന്നും കൈ എടുത്തുകൊണ്ട് പുറത്തേക്ക് നടക്കുന്നതിന് ഇടയിൽ മിഖായേൽ പറഞ്ഞത് കേട്ട് ഉറക്കെ ചിരിച്ചുകൊണ്ട് മറ്റുള്ളവരും മിഖായേലിന്റെ പുറകെ നടന്നു...! "എന്തായിരിക്കും മിഖായേൽ സാറെ അവരുടെ ഇനിയുള്ള അവസ്ഥ...?" കുർബ്ബാന നടക്കുന്നിടത്തേക്ക് കടക്കുന്നതിനിടയിൽ ഒരുവന്റെ ചോദ്യം കേട്ട് മിഖായേൽ ഒന്ന് നിന്നു...! "ഒന്നും പറയാൻ കഴിയില്ലടോ... വെറും 10 മില്ലിഗ്രാം ഉള്ളിൽ ചെന്നാൽ ആണ് ഒരു രാത്രി മുഴുവൻ നമ്മൾ യാതൊരു തളർച്ചയും ഇല്ലാതെ എൻജോയ് ചെയ്യുന്നത്. അവന്റെ ശരീരത്തിൽ എങ്ങനെ പോയാലും ഒരു 50 ഗ്രാം എങ്കിലും ചെന്ന് കാണും." രണ്ട് ചുവടുകൂടി മുന്നോട്ട് വെച്ച ശേഷം മിഖായേൽ പറഞ്ഞുകൊണ്ടിരുന്നത് ഒന്ന് നിർത്തി...! "അത്രയും സോംബി ഡ്രഗ് ഉള്ളിൽ ചെന്നാൽ എന്താകും...?" "ഒന്നും പറയാൻ പറ്റില്ല... പക്ഷെ ഒന്നറിയാം അവനും അവൾക്കും ഇനി കണ്ണിൽ കാണുന്നതെല്ലാം ആ ഡ്രഗിന്റെ പേര് പോലെ തന്നെ വിരൂപികൾ ആയിരിക്കും." ======================================== കെവിന്റെയും ജുവലിന്റെയും ശരീരത്തിൽ കടന്ന ഡ്രഗ് പ്രവർത്തനം ആരംഭിച്ചതും ഇരുവരുടെയും കണ്ണുകളിൽ മൂടൽ അനുഭവപ്പെട്ട അവസ്ഥയിലായി തുടങ്ങി. നിലത്ത് കിടക്കുകയായിരുന്ന ജുവലിന്റെ തലമുടികൾ പാമ്പ് ഇഴയുന്നത് പോലെ തോന്നി തുടങ്ങി കെവിന്. കണ്ണുകൾ ഇറുക്കിയടച്ചുകൊണ്ട് ഒരിക്കൽ കൂടി അവളുടെ മുടിയിഴകളിൽ നോക്കിയപ്പോഴും പഴയ അവസ്ഥയിൽ നിന്നും കൂടുതൽ ഭീകരതയിലേക്ക് കെവിൻ വഴി മാറി. അവളുടെ ശരീരം മുഴുവനും പുഴുക്കൾ അരിക്കുന്നത് പോലെയും, തലമുടികൾ പാമ്പുകൾ ഇഴയുന്നപോലെയും, വസ്ത്രത്തിൽ ആകമാനം രക്തം പുരണ്ട പോലെയും, താൻ ഇരിക്കുന്ന ചെയർ തനിയെ നീങ്ങി ആ ഭീകര ദൃശ്യത്തിനോട് അടുക്കുന്നത് പോലെ തോന്നിയതോടെ ചെയർ പുറകിലേക്ക് തള്ളി നീക്കി അതിൽ നിന്നും ചാടി എണീറ്റ് ആ വലിയ ഹാളിന്റെ ഒരു മൂലയിലേക്ക് ഭയന്നുകൊണ്ട് കെവിൻ ഓടി. ചെയർ നിലത്തേക്ക് പതിക്കുന്ന ശബ്ദം കേട്ട് കെവിന്റെ നേരെ നോക്കിയ ജുവലിന്റെയും അവസ്ഥ ഭീകരമായിരുന്നു. മുഖത്ത് മുഴുവൻ രക്തക്കറ പറ്റി പിടിച്ചിരിക്കുന്ന കെവിനെ കണ്ട് ഭയത്താൽ ജുവൽ എഴുന്നേറ്റിരുന്ന ശേഷം പുറകിലേക്ക് നിരങ്ങി നീങ്ങി. ഭിത്തിയോട് ചേർന്നിരുന്ന ജുവൽ കെവിനെ തന്നെ ഉറ്റു നോക്കുന്നതിനിടയിൽ ഇരുവർക്കും പരസ്പരം ഭീകര സത്വങ്ങൾ പോലെ തോന്നിപ്പിച്ചു...! "വേണ്ടാ... എന്നെ ഒന്നും ചെയ്യരുത്." ഭയത്താൽ കെവിൻ പറഞ്ഞ വാക്കുകൾ എന്താണെന്ന് ജുവലിന് മനസ്സിലായില്ലെന്ന് മാത്രമല്ല അവന്റെ ഓരോ വാക്കുകളും അവളുടെ കാതുകളെ പ്രകമ്പനം കൊള്ളിച്ചു...! "ആ.... ആാാാ." ചെവികൾ പൊത്തിപിടിച്ചുകൊണ്ട് കണ്ണുകൾ ഇറുക്കിയടച്ച ശേഷം ഉച്ചത്തിൽ അലറി വിളിച്ച ജുവലിന്റെ ശബ്ദം കേട്ടതും കെവിൻ അടുത്തിരുന്ന വൈന്റെ കുപ്പി എടുത്ത് നിലത്തടിച്ചു പൊട്ടിച്ച ശേഷം അവളുടെ നേരെ ഉയർത്തിപ്പിടിച്ചു...! "അടുത്ത് വരരുത്." എന്ന് ജുവലിനെ നോക്കി ഉറക്കെ പറഞ്ഞ ശേഷം നിലത്ത് നിന്നും എഴുന്നേറ്റ് നിന്ന് പൊട്ടിയ കുപ്പി എടുത്ത് അവൻ അവൾക്കു നേരെ വീശിക്കൊണ്ടിരുന്നു. പുഴുക്കളും, പ്രാണികളും, അരിച്ചിറങ്ങുന്ന കെവിന്റെ ശരീരം കണ്ട്... ആ ഭീകര സത്വം തന്നെ എന്തോ ചെയ്യാൻ വരികയാണെന്നുള്ള ധാരണയിൽ തന്റെ അടുത്ത് ഉണ്ടായിരുന്ന ടേബിളിന് മുകളിൽ ഇരിക്കുന്ന കുരിശിലേക്ക് നോട്ടം പതിഞ്ഞ ജുവൽ വെപ്രാളത്തിൽ നിലത്ത് നിന്നും എഴുന്നേറ്റ് ടേബിളിന് മുകളിലെ കുരിശ് എടുത്ത് കയ്യിൽ വെച്ചതും... ആദമിന്റെ കാറിൽ നിന്നും പുറത്തേക്ക് എടുത്ത് വെച്ച വലിയ പെട്ടിയുമായി സെക്യൂരിറ്റി വാതിൽ തുറന്ന് പാർട്ടി ഹാളിലേക്ക് കയറി. ഹാളിന്റെ ഒരു മൂലയിൽ പൊട്ടിയ കുപ്പിയുമായി ഒരു ആണും... മറ്റേ മൂലയിൽ കുരിശുമായി നിൽക്കുന്ന പെണ്ണിനേയും കണ്ട് എന്താണ് സംഭവിക്കുന്നത് എന്ന് മനസിലാകാതെ സെക്യൂരിറ്റിയുടെ കാലുകൾ നിശ്ചലമായി...! "നിങ്ങൾ എന്താ ഈ ചെയ്യുന്നത്...?" അയാളുടെ ചോദ്യം ഇരുവർക്കും മനസിലായില്ലെങ്കിലും ഇരുവരും ഒരേപോലെ ചെവി പൊത്തിക്കൊണ്ട് അൽപ നേരം നിശബ്ദമായി നിന്നതും...! "എന്താ നിങ്ങൾ മിണ്ടാത്തത്...? എന്ത് പറ്റി നിങ്ങൾക്ക്...?" അയാളുടെ ശബ്ദം ഇരുവരുടെയും കാതുകളിൽ വീണ്ടും പ്രകമ്പനം കൊള്ളിച്ചതോടെ തങ്ങളെ ഉപദ്രവിക്കാനായി എത്തിയ എന്തോ ഭീകരരൂപിയാണെന്ന് തോന്നി ഇരുവരും അലമുറയിട്ടുകൊണ്ട് സെക്യൂരിറ്റിയുടെ നേരെ ഓടിയടുത്തു....! "ആാാാാ... ആാാാാ... ആാാാാ... ആആആആ." ========================================= പാർട്ടി ഹാളിൽ നിന്നും ആരുടെയോ ഉച്ചത്തിലുള്ള നിലവിളി കുർബ്ബാന നടക്കുന്ന മുറിയിലേക്ക് കേട്ടതും ഇസ്രയുടെ നഗ്നമായ ശരീരത്തിലെ പൊക്കിളിനു മുകളിൽ കത്തിയുടെ മുന കുത്തി നിറുത്തിയ ശേഷം അയാൾ ക്രൂരമായി ഒന്ന് ചിരിച്ചു കൊണ്ട് കൂടുതൽ ആവേശത്തിൽ ഫാദർ മന്ത്രോച്ചാരങ്ങൾ തുടർന്നു...! "We shall find the faithfull, in the company of black angel and childrens. Life up heads glorious gates, and be lifted up everlasting doors." ഇസ്രയുടെ പൊക്കിളിനു ചുറ്റുമായി പെന്റഗ്രാം ആകൃതിയിൽ വരഞ്ഞ ശേഷം അയാൾ കത്തിയുടെ മുനയിൽ നിന്നും അവളുടെ ചുടുരക്തം നക്കിയെടുത്തു...! "Come, On Mighty Lord of Darkness, and look favorably on this sacrifice which we have prepared in the name of sathan." അവളുടെ വയറിന്റെ ഇരു വശങ്ങളിലേക്കും രക്തം ധാരയായി ഒഴുകുന്നത് കണ്ട് അവളുടെ അരികിൽ ഉണ്ടായിരുന്ന തലയോട്ടിയിലേക്ക് കത്തി കുത്തി ഇറക്കിയ ശേഷം ബലി പീഠത്തിന് താഴെയായി സ്ഥാപിച്ചിരിക്കുന്ന പളുങ്ക് പത്രത്തിലെ വീഞ്ഞിലേക്ക് പതിക്കുന്ന രക്തത്തിൽ നോക്കിയതിനൊപ്പം ഇസ്രയുടെ മുഖത്തേക്കും ഫാദർ നോക്കി...! "കുർബ്ബാന കഴിഞ്ഞു... എഴുന്നേറ്റോളൂ." തന്റെ നേരെ കൈ നീട്ടിയ ഫാദറിന്റെ കരങ്ങളിൽ കൈചേർത്തുകൊണ്ട് ഇസ്ര ബലി പീഠത്തിൽ നിന്നും സാവധാനം എഴുന്നേറ്റു...! "പേടിക്കണ്ടാ... ഈ രക്തത്തിന്റെ ഒഴുക്ക് ഇപ്പോ നിലച്ചോളും, മുറിവ് ആഴത്തിൽ ഉള്ളതല്ല." ചെറു പുഞ്ചിരിയോടെ തന്നോട് ഫാദർ പറഞ്ഞതിന്റെ കൂടെ തിരുവോസ്തിയും കൂടി അയാൾ അവൾക്ക് നേരെ നീട്ടി...! "ആ പളുങ്ക് പാത്രം കയ്യിൽ എടുത്ത്... ഓരോ തിരുവോസ്തിയും അതിൽ മുക്കി വിശ്വാസികൾക്ക് വായിൽ വെച്ച് കൊടുത്തോളു, അത് കഴിഞ്ഞാൽ നി സ്വന്തന്ത്രയായി... ഇനി മുതൽ നിന്റെ ജീവിതത്തിൽ ഐശ്വര്യം മാത്രമേ വന്നു ചേരു." അയാളുടെ വാക്കുകൾ പ്രകാരം പളുങ്ക് പാത്രത്തിലെ രക്തത്തിലും വീഞ്ഞിലും തിരുവോസ്തി മുക്കി ഇസ്ര ഓരോരുത്തരുടെയും വായിൽ വെച്ച് കൊടുത്തു. അവസാനമായി ഫാദറിന്റെ വായിൽ തിരുവോസ്തി വെച്ചുകൊടുത്തതും...! "നാളെ ടീച്ചറിന്റെ കൂടെ ആശുപത്രിയിൽ പോയി നിന്റെ പരിശുദ്ധ ഗർഭം അബോർഷൻ ചെയ്ത് കളഞ്ഞേക്ക്." അയാളുടെ വാക്കുകൾ കേട്ട് മറുപടി ഒന്നും നൽകാതെ അവൾ തലയാട്ടുക മാത്രം ചെയ്ത ശേഷം... വയറിൽ നിന്നും തുടയിലൂടെ ഒലിച്ചിറങ്ങിയ രക്തം കാൽ വിരലുകൾക്ക് ഇടയിലേക്ക് ഇറങ്ങിയത് നോക്കികൊണ്ട് ഇസ്ര നിന്നു...! "എല്ലാവരും പാർട്ടി ഹാളിലേക്ക് പൊയ്ക്കോളൂ... നിങ്ങൾക്ക് ആവശ്യമായ ഡ്രഗും, മദ്യവും, പെൺകുട്ടികളും എല്ലാം അവിടെ തയ്യാറാണ്." നീച കുർബ്ബാനയുടെ സമയം കഴിഞ്ഞതും ഫാദറിന്റെ വാക്കുകൾ കേൾക്കേണ്ട താമസം ഓരോരുത്തരായി പാർട്ടി ഹാളിലേക്ക് നടന്നു. ഹാളിന്റെ ഡോർ തുറന്ന് ആദ്യം അകത്തേക്ക് നോക്കിയ ആദം അകത്തെ കാഴ്ച കണ്ട് അമ്പരന്ന് നിന്നു...! ========================================= മൂന്ന് മാസങ്ങൾക്കു ശേഷം...!!! സാത്താനിസം എന്നെഴുതിയിരിക്കുന്ന, വൃത്തിഹീനമായ, ചോരയുടെ ഗന്ധം നിറഞ്ഞ, നേരിയ തോതിൽ മാത്രം വെളിച്ചമുള്ള, ആ ഇരുൾ നിറഞ്ഞ മുറിയിലെ തറയിൽ കിടന്നിരുന്ന ജുവൽ ഉറക്കത്തിൽ നിന്നെന്ന പോലെ കണ്ണുകൾ തിരുമ്മി എഴുന്നേറ്റു...!!! ===== WAIT FOR THE NEXT കണ്ണൂർകാരൻ 🥰🥰🥰🥰🥰 #🧟 പ്രേതകഥകൾ! #🕵️‍♀️ കുറ്റാന്വേഷണ കഥകൾ #📔 കഥ #📙 നോവൽ #✍ തുടർക്കഥ