#😇My Status #ఆధ్యాత్మిక కథలు
💝 *ఒకటికి ఒకటి కలిపితే ఎంత రెండు అనే చెబుతారు ఎవరైనా. అది గణితం. ఒకటికి ఒకటి కలిపితే ఒకటి అని చెబితే అది విచిత్రంగా ఉంటుంది. కానీ అది సత్యం. అదే ఆధ్యాత్మికం!*
💖 *జీవాత్మ పరమాత్మలో కలిస్తే పరమాత్మే. అదే 1+1=1. ఇదే ఆధ్యాత్మికంలోని అసలు విషయం.*
❤️ *ఆధ్యాత్మికం అంతా తెలిసినట్టే ఉంటుంది. ‘ఏమి తెలిసిందీ?’ అని ప్రశ్నించుకుంటే ఏమీ తెలియనట్టే ఉంటుంది. తెలుసుకుంటున్న కొద్దీ ఇంకా తెలియాల్సింది ఎంతో ఉందనిపిస్తుంది. ఎంతకీ అంతు పట్టదు. ఆధ్యాత్మికం అంటే నిరంతర అన్వేషణ. అవిచ్ఛిన్నంగా, అవిశ్రాంతంగా చేయాల్సిన సాధన.*
💝 *ఒక మహనీయుని దగ్గరికి నలభై మంది కుర్రాళ్లు వెళ్లేరు. వారు తనతో ప్రత్యేకంగా మాట్లాడేందుకు అవకాశమిచ్చేడా మహనీయుడు. అందరూ వచ్చి కూర్చున్నారు. ఇంతలో ఒక కుర్రాడు లేచి ‘ఆధ్యాత్మికం అంటే ఏమిటో శలవిస్తారా గురువర్యా!’ అన్నాడు. మహనీయుడు మాట మారుస్తూ, ‘ఎంత మంది ఉన్నారు?’ అని ప్రశ్నించేడు. ‘నలభై మందిమి’ ఠక్కున అన్నాడా కుర్రాడు. ‘ఓసారి పరిశీలించి చెప్పు’ అన్నారాయన.* 💕 *ఆ కుర్రాడు మరోసారి లెక్క చూసుకుని ‘నలభై మందిమే’ అన్నాడు. “ ‘నలభై మందిమే’ అంటున్నావు. నేను మీతో లేనా?” మళ్ళీ ప్రశ్నించాడాయన. తన తప్పేదో ఆర్థమయింది కుర్రాడికి. ‘తప్పైపోయింది గురువర్యా! నలభై ఒక్కరమే’ అని ఒప్పుకున్నాడు.*
💞 *మూడు నెలల అనంతరం అదే కురాళ్ళ బృందం ఆ మహనీయుని వద్ద్దకు మరో సారి వచ్చింది. ‘ఇప్పుడెంతమంది ఉన్నారు?’ అని అడిగాడు మహనీయుడు. గతంలో గురువుగారు చెప్పినదే కదా అని ‘నలభై ఒక్క మందిమి’ అని ధైర్యంగా, నమ్మకంగా సమాధాన మిచ్చేడు కుర్రాడు. ‘నీ జవాబు తప్పు’ అన్నారు.”నేను మీ అందరిలో ఒక్కొక్కరిలో ఒకరుగా లేనా? ఆ విధంగా నలభైకి మరో నలభై కలిపితే ఎనభై. దానికి ఈ శరీరంతో ఉన్న నన్ను కలుపుకుంటే ఎనభై ఒక్కటి కదా?” అన్నాడా మహనీయుడు.*
💓 *మరో మూడు నెలల తర్వాత ఆ బృందం మరోసారి మహనీయుని వద్ద్దకు వచ్చింది. ‘ఈ సారి ఎంతమంది?’ పాత ప్రశ్ననే మళ్లీ వేశాడు ఆ మహనీయుడు. ‘ఎనభైఒక్క మందిమి గురువర్యా!’ ఈసారి తన లెక్క తప్పదన్న నమ్మకం ఆ కుర్రాడి గొంతులో ప్రతిధ్వనించింది. దానికి బదులుగా ఆ మహనీయుడిలా అన్నారు. “ఇప్పటికి మూడు సార్లు ‘ఎంతమంది?’ అని అడిగాను. నలభై మందిమి, ఎనభై మందిమి, ఇంతమందిమి అని అంకెలు వల్లె వేస్తున్నారు. నేనిన్ని సంవత్సరాల నుంచి అందరూ ఒక్కటే, అంతా ఇక్కటే అని ఎంతగానో చెబుతున్నాను. అందరం ఒక్కటై వచ్చాం, ఒక్కరై వచ్చాం, ఒక్కరమై వచ్చాం అని చెప్పలేకపోయారయ్యా మీరు?” అని గత మూడుసార్లుగా అదే ప్రశ్న అడగటంలో దాగున్న రహస్యాన్ని వివరించారాయన.*
💝 *అందరికీ పూర్తిగా అర్థమైంది. ‘మీరంతా మొదటిసారి నా దగ్గరకి వచ్చినపుడు ఆధ్యాత్మికం అంటే ఏమిటో చెప్పమని మీలో ఒకరు అడిగేరు. గుర్తుందా? అధ్యాత్మికం అంటే ఇదే. నేను నుంచి మేముకి ప్రయాణం చేయటమే ఆధ్యాత్మికం. వ్యక్తి స్థాయి నుంచి సమిష్ఠికి సాగే మన సాధనే ఆధ్యాత్మికం’అన్నారు*
💞 *అత్మతత్త్వాన్ని ప్రేమించటమే ఆధ్యాత్మికం.*
💞 *మానవత్వాన్ని దైవత్వంగా మార్చుకోవడానికి చేసే ప్రయత్నమే (సాధనే) ఆధ్యాత్మికం.*
💞 *అన్నింటినీ విషయవాసనలతో కాకుండా విశ్వేశ్వరవాసనలతో చూడగలగటమే ఆధ్యాత్మికం.*
💞 *సంకుచిత్వం నుంచి విశాలత్వానికి విస్తృతమవటమే ఆధ్యా త్మికం.*
💞 *అద్వైతదర్శనమే ఆధ్యాత్మికం*
💝 *ఆధ్యాత్మికం అర్థం కావాలంటే అంతర్ దృష్టితో ఆలోచించి అంతర్నేత్రంతో చూడగగాలి. అప్పుడే ఆధ్యాత్మికం అసలు తత్త్వం అర్థమవుతుంది.*
❤️
