പ്രഭാത പ്രാർത്ഥന..🙏 ഹൃദയം നുറുങ്ങിയവർക്ക് കർത്താവു സമീപസ്ഥനാണ്..മനമുരുകിയവരെ അവിടുന്നു രക്ഷിക്കുന്നു..(സങ്കീർത്തനം 34/18) ആശ്വാസദായകനായ ദൈവമേ..ഈ പ്രഭാതത്തിൽ പ്രാർത്ഥനയോടെ അണയുമ്പോൾ ദിനവും ഞങ്ങളെ പാലിക്കുന്ന അവിടുത്തെ സ്നേഹ കാരുണ്യമോർത്തു നന്ദി പറയുന്നു..ഞങ്ങളുടെ ജീവിതത്തിലെ ചില ദുഃഖ ദുരിതങ്ങളിൽ ചുറ്റുമുള്ള മനുഷ്യർക്ക് ഞങ്ങൾ കരുത്തുള്ളവരാണെന്ന് തോന്നിപ്പിക്കുമെങ്കിലും ഉള്ളിന്റെയുള്ളിൽ ഞങ്ങൾ തകർന്നു പോകുന്ന നിമിഷങ്ങളെയും പിടിച്ചു നിൽക്കാൻ ഒരുപാട് ശ്രമിക്കുമ്പോഴും ചില സഹന നേരങ്ങളെ കടന്നു പോകാൻ ഞങ്ങളേറെ പ്രയാസപ്പെടുന്നതും അവിടുന്നറിയുന്നുവല്ലോ..കർത്താവേ..കരുണയോടെ അങ്ങു ഞങ്ങളെ ചേർത്തു പിടിക്കണമേ..ഞങ്ങളുടെ ദുഃഖങ്ങളിലും ഭാരങ്ങളിലും വിട്ടുപിരിയാത്ത ആശ്വാസവും ആശ്രയവുമായി അങ്ങു ഞങ്ങളുടെ കൂടെയുണ്ടാവണേ..അവിടുത്തെ ശക്തിയിലും കൃപയിലും സകല പ്രയാസങ്ങളെയും കണ്ണുനീരുകളെയും അതിജീവിച്ചു മുന്നോട്ടു ജീവിക്കാനും അവിടുത്തെ സ്നേഹത്തിലും രക്ഷയിലും സുസ്ഥിരരായിരിക്കാനും ഞങ്ങളിൽ അവിടുത്തെ അനുഗ്രഹമേകുകയും ചെയ്യണമേ.ആമേൻ..🙏 #വിശുദ്ധർ #📚notebook #Today (ഇന്നത്തെ ദിവസം) #⛪ ക്രിസ്തീയ വിശ്വാസം #🏰 ക്രിസ്ത്യൻ സ്റ്റാറ്റസ്