🌿 *“నలిగిన హృదయాలకు అజేయమైన ఆశ్రయ దుర్గము”* 🗓️ ఫిబ్రవరి-12, 2026. గురువారం. 📖 *“నలిగినవారికి తాను మహా దుర్గమగును.”* — కీర్తనలు-9:9. 📖🔍 *ధ్యానం* ఈ వాక్యం దేవుని స్వభావాన్ని అత్యంత సున్నితంగా తెలియచేస్తుంది. ఆయన నలిగిపోయిన హృదయాల మధ్యకు దిగివచ్చే ఆశ్రయ దుర్గము. “నలిగినవారు” అంటే బలహీనులు మాత్రమే కాదు, అన్యాయంతో అనగారిపోయినవారు, అపజయాలతో అలసిపోయినవారు, ఎవరికీ చెప్పలేని బాధను మోసేవారు. అటువంటి వారికి దేవుడే “మహా దుర్గము.” ఇది పూర్తి రక్షణ కలిగిన ఆశ్రయం. నలిగిన స్థితిలో ఉన్నవారు ఆయన మహా దుర్గమును ఆశ్రయిస్తే, దేవుడే వారికి దిక్కుగా, బలమైన రక్షణగా నిలుస్తాడు. 🌾 *ఉదాహరణ* “నలిగిన మనస్సుగలవారిని ఆయన రక్షించును.” (కీర్తనలు 34:18). ఇదంతా దావీదు అనుభవసత్యం. దావీదు తన వెంటాడే ప్రమాదాలలో, దేవుని ఆశ్రయించినప్పుడు, తన శత్రువుల ఎదుటే అతనికి ఆశ్రయమిచ్చెను. ఇదే మహా దుర్గముగా ఆయనిచ్చే రక్షణ. దావీదును కాపాడిన అదే దుర్గము, నేడునూ నలిగిన మనస్సుగలవారికి అందుబాటులోనే ఉంది. 💭 *ఆలోచించవలసినది.* 👉 నలిగిన మనస్సుతోయున్నప్పుడు నేను ఆశ్రయించేది మనుష్యులునా? దేవునినా? 🙏 *ప్రార్థన* నలిగినవారికి ఆశ్రయమగు దేవా, నా బలహీనతల మధ్యలో నిన్ను దుర్గంగా ఆశ్రయించుటకు నాకు కృపనిమ్ము. ఆమేన్! 🔗 ఈ ధ్యానాన్ని పంచుకోవడం ద్వారా ఎవరికైనా, నలిగిన హృదయానికి దేవుని దుర్గమే ఆశ్రయమని ధైర్యం కలుగవచ్చు. ✍️ జాన్ మైఖేల్. #📙ఆధ్యాత్మిక మాటలు #⛪దేవుని వాక్యము ✝