*మంచి గొఱ్ఱెలు జబ్బు కాపరిని విడిచి పెడతాయి!!* ఓ అమెరికా దేశస్థుడు సిరియా దేశాన్ని సందర్శిస్తూ వుండేవారు. అక్కడే ముగ్గురు గొఱెల కాపరులు తమ గొఱ్ఱెలను మేపుతూ వున్నారు. అన్ని గొఱ్ఱెలు కలిసి మేతమేస్తూ, అలాగే కలిసి అక్కడ ఉన్న వాగులోని నీరు త్రాగుతూ ఉన్నవి. సాయంకాలం అవుతున్నప్పుడు ఒక గొఱ్ఱెలకాపరి లేచి ‘‘మే..మే..’’ అని అరిచాడట. అంతే! తన గొఱ్ఱెలన్నీ ఆ మందనుండి వేరై ఆ గొఱ్ఱెలకాపరిని వెంబడించెనట. రెండవ కాపరిని అతని గొఱ్ఱెలు వెంబడించెనట. ఇది గమనించిన ఆ అమెరికా పర్యాటకుడు మిగిలివున్న ఆ మూడవ గొఱ్ఱెలకాపరి దగ్గరకు వెళ్ళి ‘‘నీ తలపాగ, నీమీదా వున్న కంబళి, ఆ కర్ర నాకు ఇవ్వు’’ అని వాటిని ధరించి గొఱ్ఱెలకాపరివలె ‘మే... మే..’ అని అరిచెనుగాని ఒక్క గొఱ్ఱకూడా అతనివైపు చూడలేదు, అతన్ని వెంబడించలేదు. అది గమనించిన ఆ యాత్రికుడు, ‘‘అయ్యా! మీ గొఱ్ఱెలు వేరే వారిని వెంబడించవా?’’ అని ప్రశ్నించగా అందుకు ఆ కాపరి, ‘‘ఏ గొఱ్ఱెనా రోగంతో వుంటే తప్ప ఆరోగ్యంగా వున్న గొఱ్ఱెలు వేరే కాపరిని వెంబడించవు’’ అని బదులిచ్చెనట. అవును, ఆరోగ్యంగా వుండే గొఱ్ఱెలు వేరే కాపరిని వెంబడించవు. ఎందుకంటే మంచి కాపరి తన గొఱ్ఱెలను పోషిస్తాడు, కాపాడుతారు, నడిపిస్తాడు. వాటిని తన ప్రాణంగా ప్రేమిస్తాడు. అంత మంచి కాపరిని ఆరోగ్యంగా ఉండే ఏ గొఱ్ఱె విడిచిపెట్టదు. అలాగే ప్రేమించే, పోషించే, కాపాడే సంఘకాపరిని ఆత్మీయంగా ఆరోగ్యంగా వుండే ఆత్మీయ గొఱ్ఱెలు అనగా విశ్వాసులు ఆ సంఘాన్ని, ఆ సంఘకాపరిని విడిచిపెట్టరు. కొన్నిసార్లు ఆత్మీయ రోగం వచ్చినప్పుడు, అనగా తనకు పెత్తనం దొరకనప్పుడు, తన మాట చెల్లుబాటు కానప్పుడు, తన పాపాన్ని సరిచేసినప్పుడు, తనకు బైబిల్ రీడింగ్ ఇవ్వనప్పుడు, తన ఆటలు సాగనప్పుడు, ఆత్మీయ రోగంతో వున్న ఆ విశ్వాసి ఆరోజు వరకు ఆ కాపరిని ఎంతగా పొగడినా, ‘‘మా కాపరి చాలా మంచివాడు, గొప్పగా వాక్యం చెబుతాడు’’ అని పదిమందికి చెప్పి సంఘానికి అనేకులను నడిపించినప్పటికి తన ఆటలు సాగకపోయేసరికి, లేదా ఏదో విషయంలో గాయపడి ఆ సంఘాన్ని విడిచి వేరే సంఘానికి వెళ్తారు. వీరు ఎవరంటే జబ్బుపడిన గొఱ్ఱెలు. కొన్నిసార్లు ఆరోగ్యవంతమైన గొఱ్ఱెలు తమ కాపరిని, సంఘాన్ని విడిచిపెట్టి మంచి కాపరుల దగ్గకు చేరుతూ ఉంటాయి. దానికి కారణం ఏమనగా మంచి కాపరి తన గొఱ్ఱెల కొరకు ప్రాణం పెట్టును. మంచి కాపరి ఎవరంటే ఆత్మీయంగా చక్కని వర్తమానములతో, ప్రయాసతో, కన్నీటితో వాక్యమనే పచ్చిక బయళ్ళచేత తృప్తి పరచేవాడు. తన గొఱ్ఱెలకు కష్టం వచ్చినప్పుడు, రోగం వచ్చినప్పుడు, వేదనతో, భారముతో ప్రార్థించి దుష్టుని యొక్క హస్తాలనుండి తన గొఱ్ఱెలను కాపాడుకునేవాడు. కాని ఎప్పుడైతే కాపరి ఈ శ్రేష్టమైన లక్షణాలు లేకుండా, అనగా వాక్యము భారముతోను, కన్నీటితోను తన గొఱ్ఱలకు అర్ధమయ్యే విధంగా వారి అవసరము తెలుసుకొని బోధించడో, రుచి లేకుండా పసలేకుండా బోధిస్తూ, ‘‘నెలకు నాకు కావలసిన జీతం వస్తుంది చాలు!!’’ అనే దృక్పధంతో సేవచేసే సేవకులు మంచి కాపరులు కారు. డబ్బున్నవారి గృహాలను మాత్రమే దర్శిస్తూ, పేదల ఇళ్ళను నిర్లక్ష్యం చేస్తూ కులమును బట్టి, వారికున్న కలర్‌ను బట్టి, ఆస్తిపాస్తులను బట్టి, సంఘస్థులను సమానంగా చూడవలసిన కాపరులు తన గొఱ్ఱెలపట్ల విచక్షణ చూపేవారు మంచి కాపరులు కానేకాదు. అటువంటి వారిని చూసి దేవుడు ఇలా అన్నాడు. ‘‘నా మందలో చేరిన గొఱ్ఱెలను నశింపచేయుచు చెదరగొట్టు కాపరులకు శ్రమ! మీరు నా గొఱ్ఱలను గూర్చి విచారణ చేయక, నేను మేపుచున్న గొఱ్ఱెలను చెదరగొట్టి పారద్రోలితిరి. ఇదిగో మీ దుష్ర్కియలనుబట్టి మిమ్మును శిక్షించబోవుచున్నాను.’’ (యిర్మియా 23:1-2) ‘‘గొఱ్ఱెలు గొఱ్ఱెలకాపరి స్వరము వినును. గనుక అతనిని వెంబడించును. అన్యులస్వరము నెరుగవు గనుక అవి అతని వెంబడించవు’’ (యోహాను 10:3-5) యెహోవా సెలవియ్యకపోయినా- ప్రభువు ఈలాగు సెలవిచ్చుచున్నాడని చెప్పుచూ, వట్టి సోదెగాండ్రయి జనులు కట్టిన మంటిగోడకు గచ్చుపూత పూయువారై యున్నారు. (యెహెజ్కేలు 22:26-28) అంతేకాకుండా ‘‘జీతగాడు గొఱ్ఱెలకాపరి కాడు, గనుక గొఱ్ఱెలు తనవి కానందున తోడేలు వచ్చుట చూచి గొఱ్ఱెలను విడిచిపెట్టి పారిపోవును. తోడేలు ఆ గొఱ్ఱెలను పట్టి చెదరగొట్టును. జీతగాడు జీతగాడే గనుక గొఱ్ఱెలను గూర్చి లక్ష్యము చేయక పారిపోవును. (యోహాను 10:12,13) అని యేసయ్య చెప్పెను. ప్రియ సేవకా! మంచి విశ్వాసులు మనలను విడిచి వెళ్ళిపోతూవున్నట్లైతే వారిని చూసి బాధపడకు. మనలో వున్న లోపమేదో కనుగొని జీతగాడిగా కాక, మంచి కాపరిగా మనలను మనం కనుపచుకొనుటకు ప్రయాస పడుదాం. మంచి గొఱ్ఱెలు ఆ కాపరి స్వరమే వింటాయని, అవి వేరే వారిని వెంబడించవని యేసయ్య చెప్పాడు. ఒకవేళ నీ గొఱ్ఱెలు రోగంతో బయటకుపోతే దిగులుచెందక నీతోవున్న మంచి గొఱ్ఱెలను కాపాడుకొనుము. మంచి గొఱ్ణెలు మన లోపాన్ని చూసి వెళ్ళిపోతే మనల్ని మనం సరిచేసుకొందాం! ‘‘భళా, నమ్మకమైన మంచి దాసుడా!’’ అని యేసయ్యచేత అనిపించుకొందాం. ‘‘చివరిగా ఈ వర్తమానం సారాంశమేమనగా, జబ్బు గొఱ్ఱెలు మంచి కాపరిని విడిచి పెడతాయి. మంచి గొఱ్ఱెలు జబ్బు కాపరిని విడిచి పెడతాయి.’’ ______________________________________ ఓ సహోదరి చెప్పిన విషయం ఏమిటంటే... బ్రదర్... నేను మందిరానికి వెళ్ళే సంఘకాపరి ఎలాంటోడంటే... డబ్బువున్నవారు పిలిస్తే వెంటనే వెళ్తాడు. పేదవారు పిలిస్తే అసలు రాడు. ఒకవేళ వస్తే... ఏదో పోవాలి కదా? మన మందిరానికి వస్తుంది కదా? అని వారికి ఇష్టమొచ్చిన సమయంలో వస్తారు. పేదవారికి ఎంత సమస్య వచ్చినా సరే ఎన్నిసార్లు ఫోన్ చేసినాసరే వెంటనే స్పందించరు. అదే ఆస్తులు, అంతస్తులు ఉన్నవారు ఫోన్ చేయడమే లేటు... వారి ఇంటిలో గద్దలాగా వాలిపోతారు. బ్రదర్ మా సేవకుడి పరిస్థితి అలావుందని చాలా బాధతో ఒక ఆత్మీయ సహోదరుడిగా నాతో ఆమెకు వున్న బాధను చెప్పుకుంది. ఆ సహోదరి చెప్పిన దానిబట్టి నాకు ఏమీ అర్థమైందంటే.... పేదవారు అయితే కనుకలు ఇవ్వరు. డబ్బువున్న వారైతే కనుకలు ఎక్కువగా ఇస్తారు. అందుకే వారి ఇంటికి వెళ్తున్నారు అని నాకు అర్థమైంది. వారు దేవుని పిలుపు మేరకు సేవ చేయడం లేదనేది ముమ్మాటికి వాస్తవం. దేవుని పిలుపు మేరకు వారు సేవ చేస్తున్నట్లైతే... దేవుని యొక్క ఆత్మ వారిలో వుంటే వారు అలాంటి పిచ్చిపనులు చేయరు. నిజమైన సేవకుడైతే... పేదవారు, ధనికులు అనేది చూడరు. అందరిని ఆ సేవకుడు సమానంగానే చూస్తాడు. ఆ సేవకుడు అలా వున్నపుడు ఆరోగ్యంగా వున్న గొర్రెలు ఎక్కడికి పోవు. అలాగే ఆ సేవకుడు దేవునికి వ్యతిరేకంగా జీవిస్తే విశ్వాసి అనే గొర్రెలను కూడగట్టు కోవడం చాలా కష్టం. మొత్తానికైతే అలాంటివారు ఎవరో తెలుసా? కష్టపడి పనిచేయలేక, బ్రతుకుదెరువుకు మాత్రమే బైబిల్ పట్టుకుని, తిండి కోసమే సేవ అనే చీకటి ముసుగు వేసుకుని వేషాలు పడేవారు. ఆ సహోదరికి నేను ఇచ్చినా సలహా ఏమిటంటే.... సాతానుకు సేవ చేస్తున్న ఆ పనికిమాలిన కాపరి విడిచిపెట్టు. నిజమైన దేవుని సేవకుడిని ఎన్నుకో. వాక్యం అనే ఆత్మీయ ఆహారం ఎక్కడ దొరుకుతుందో... అక్కడి వెళ్ళు. ఎంత దూరమైన పర్వాలేదు... ఆ మంచికాపరి వద్దకు వెళ్ళాల్సిందేనని సలహా ఇచ్చాను. అంతే కాదా మరీ! నీ ఇంటి దగ్గరగా ఓ ఆస్పత్రి వుంది. ఆ డాక్టర్ మంచిగా వైద్యం చేయడు. డబ్బులు కోసమే ఆ డాక్టర్ అనే ముసుగు వేసుకుని వైద్యం నిర్వహిస్తున్నాడు. ఆ విషయం నీకు తెలుసు. ఆరోగ్యపరంగా నీకు సమస్య వచ్చింది, అప్పుడు నీవు ఏ ఆస్పత్రికి వెళ్తావు. మంచిగా చూడని నీ పక్కంటి ఆస్పత్రికి వెళ్తావా? లేక మంచిగా చూసే దూరంగా వున్న డాక్టర్ వద్దకు వెళ్తావా? మంచిగా చూసే డాక్టర్ వద్దకు వెళ్తావు కదా? మరీ నీ ఆరోగ్య విషయంలో అంతశ్రద్ధ తీసుకుంటావే. మరీ నీ జీవితాన్ని మార్చే దేవుని యొక్క వాక్యం అనే ఆత్మీయ ఆహారం కోసం ఎక్కడి వెళ్తున్నావ్? సేవ ముసుగు వేసుకుని వేషాలు పడే సాతాను కాపరి వద్దకు వెళ్తావా? లేక నిజమైన దేవుని సేవ చేసే మంచి కాపరి వద్దకు వెళ్తావా? ఒక్కసారి ఆలోచించుకో!! మరల చెబుతున్నా.... నీవు వెళ్తున్న మందిరంలో నీకు కడుపునిండా వాక్యమనే ఆత్మీయ ఆహారం దొరకకపోతే. వెంటనే ఆ మందిరాన్ని విడిచిపెట్టు. వాక్యమనే ఆత్మీయ ఆహారం కడుపునిండా దొరికే సంఘకాపరి (మందిరానికి) వద్దకు వెళ్లు. మరో రకమైన సేవకులు ఉంటారు. కేవలం జీతం కోసమే సేవ చేస్తారు. ఆత్మలను రక్షిద్దామనే ఆలోచన అసలు వుండదు. వారి దృష్టిలో ఎవరూ ఉంటారు తెలుసా? పేదవారు అసలు వుండరు. డబ్బు వున్న వారిని మాత్రమే గుర్తుపెట్టుకుంటారు. వారికి కావాల్సింది ఏమంటే.... వారి యొక్క సంస్థ ఇచ్చే జీతం, గృహాలు దర్శించినప్పుడు వారు ఇచ్చే కానుకలు మాత్రమే కావాలి. వారికి దేవుడు అవసరం ఉండదు. వారిలో దేవుడు ఉంటే పేదవారి ఇంటికి కూడా ప్రేమతో వెళ్తారు కదా? సేవకులకు ఘాటు హెచ్చరిక ఏమంటంటే.... దేవుని సేవతో ఆటలు ఆడితే చాలా ప్రమాదం. పిలుపులేకుండా కడపు కోసం సేవ అనే ముసుగు వేసుకుంటే ఘోరమై ప్రమాదాలు సంభవిస్తాయనడంలో ఎటువంటి సందేహం లేదు. కొన్నిసార్లు మరణాలు కూడా చోటుచేసుకుంటాయి. నీవు చేస్తున్న తప్పుకు నీ తోటివారు... అలాగే నీ కుటుంబంపైకి కూడా ఘోరమైన దేవుని ఉ్రగత రావొచ్చు. రెండు చేతూలు జోడించి.... కన్నీటితో చెబుతున్నా!! నీవు, నీ కుటుంబం సంతోషంగా ఉండాలనేదే నా ఆశ. దేవుని ఉగ్రత్తకు నీవు, అలాగే నీ కటుంబం బలికాకుడదనేదే నా ఉద్దేశ్యం. అందుకే కన్నీటితో చెబుతున్నా... ఒకవేళ వక్రమార్గంలో సేవ చేస్తున్నట్లైతే... వెంటనే ఆ సేవను విడిచిపెట్టు. ఇప్పటివరకు నీవు చేసిన ఆ తప్పును బట్టి దేవుని పాదాల వద్ద క్షమాపణ కోరి, సాధారణ మనిషిగా బ్రతుకు... అలా బ్రతుకుతూ, దేవుని దగ్గరగా జీవిస్తూ... ఆయన పిలుపు కోసం వేచిచూడు. దేవుని పిలిస్తే సేవకు నిన్ను నీవు సమర్పించుకో. వక్ర మార్గంలో సేవచేస్తే విశ్వాసి గొర్రెలను రక్షించడం నీవల్ల కాదు. ___________________________________________ *ప్రతిదినం పరిశుద్ధంగా జీవించాలని ఆశపడుతున్నారా? అయితే మీ కోసమే ఈ గ్రూప్స్...!* *WhatsApp Community - 1 link:* https://chat.whatsapp.com/BKEcChdxaKrK0dJ8CqADcD *************************************** *Telegram group Link* https://t.me/+XtII92fKOXAyNWQ9 ******************************** *యూట్యూబ్ ఛానల్ లింకు* https://www.youtube.com/@calvarykiranalu-l7t ******************************** *మీ ప్రార్దన అవసరతను నా నెంబర్ కు మెసేజ్ చేయండి.... మీ ప్రార్దన మనవిని మన అన్నీ గ్రూప్స్ లో నేనే పోస్ట్ చేయడం జరుగుతుంది. మీ సమస్యపై మన గ్రూప్స్ సభ్యులందరూ ప్రార్దన చేస్తారు. మనకు కావల్చింది వాక్యం, ప్రార్దన.* *- మీ సహోదరుడు మోషే* *- (Calvary Kiranalu )* *-(📲 9550576444)* ************************************ #✝️Jesu✝️ #jesu #యేసు ప్రభువు #✝️తెలుగు క్రైస్తవ వాట్సాప్ స్టేటస్ ⛪️💒 #JESU I LOVE YOU JESUS #i love jesu