💜ഹൃദയത്തിൽ സൂക്ഷിക്കാൻ 💜 പാർട്ട്‌ -27             ഇടക്കെപ്പോഴോ ഞെട്ടി ഉണർന്നവൾ മുന്നിലേക്ക്‌ നോക്കിയതും ബെഡിൽ കിടക്കുന്ന ഇന്ദ്രനെ ആണ് കണ്ടത്.... അവൾക്കു ദേഷ്യവും സങ്കടവും തോന്നി... തന്നെ ഇന്നലെ ആ പെണ്ണിന്റെ മുന്നിൽ വെച്ചു വണ്ടിയിൽ കയറ്റി ഇല്ലല്ലോ.... ഇന്ദ്രൻ ഇതൊന്നും അറിയാതെ നല്ല ഉറക്കത്തിൽ ആണ്... അവൾക്കവനെ ചവിട്ടി തറയിൽ ഇടാൻ തോന്നി പോയി... ദുഷ്ടൻ കിടക്കുന്ന കിടപ്പ് കണ്ടില്ലേ... പിന്നെ അവൾക്ക് ഉറങ്ങാൻ തോന്നി ഇല്ല.. സമയം നോക്കിയപ്പോൾ അഞ്ചര... അവൾ എണീറ്റു അടുക്കളയിൽ ചെന്ന് ഒരു കട്ടൻ ഇട്ടു ചിപ്സും എടുത്ത് കഴിച്ചും കുടിച്ചും ഇരുന്നു.... മുറ്റത്ത് വെട്ടമോന്നു  വീണതും പല്ല് തേപ്പും കുളിയും ഒക്കെ പാസ്സാക്കി.. തുണി കഴുകിക്കൊണ്ട് നിൽക്കുമ്പോൾ ആണ് ഇന്ദ്രൻ അടുക്കള വാതിക്കൽ വന്നു നിൽക്കുന്നത് കണ്ടത്.... അങ്ങോട്ടേക്ക് പിന്നെ നോക്കുവാനെ പോയില്ല....കൈയും കെട്ടി നിന്നു ഇന്ദ്രൻ അവളെ നോക്കി.. അവന് ചിരി വന്നു പോയി.. ആ മുഖത്ത് നിറഞ്ഞ ദേഷ്യം ആണ്..... ഇന്ദ്രൻ പല്ല് തേക്കുമ്പോളും കുളിക്കാൻ കയറുമ്പോഴും ഒക്കെ  അവളെ നോക്കി എവിടെ തന്നെ ഒന്ന് നോക്കുന്നത് പോലും ഇല്ല ആൾ...       ഒടുക്കം ഇന്ദ്രൻ കുളിച്ചിട്ടു വരുമ്പോൾ അവൾ കോളേജിൽ പോകുവാൻ ഒരുങ്ങി കഴിഞ്ഞിരുന്നു.... നി ഇത് എവിടെക്കാ ഇത്ര രാവിലെ... അവളൊന്നും മിണ്ടാൻ പോയില്ല... വൈഷ്ണവി നിന്നോടാ ചോദിച്ചേ എവിടെക്കാ ഇത്ര രാവിലെ എന്ന്.. നിനക്ക് കഴിക്കാൻ ഒന്നും വേണ്ടേ... എന്നാൽ വിഷമവും ദേഷ്യവും കാരണം അവൾക്കു കണ്ണ് കാണുന്നില്ലായിരുന്നു.. മിണ്ടി പോയാൽ താൻ എന്തേലും പറഞ്ഞു പോകും അതിലും നല്ലത് മിണ്ടാതെ പോകുന്നതാണ്.. ഒന്നും മിണ്ടാതെ അവൾ ബാഗും വലിച്ചെടുത്ത് തന്റെ മുറിയിൽ നിന്നും വെളിയിലേക്ക് ഇറങ്ങാൻ പാവിച്ചു.... എന്നാൽ ഇന്ദ്രൻ വാതിക്കൽ തന്നെ നിൽപ്പുണ്ട്... മാറുന്നില്ല.. കുളിച്ചിട്ട് ഇറങ്ങിയത് കൊണ്ട് തന്നെ കാവി കൈലിയും കുളിച്ചു തോർത്തിയ തോർത്തു കഴുത്തിലൂടെ അപ്പുറവും ഇപ്പുറവും ഇട്ടിട്ടുണ്ട്.. തല ശെരിക്കും തീർത്തിട്ട് കൂടി ഇല്ല.. മാറ്... എനിക്ക് പോകണം... എങ്ങോട്ട്.. ഈ രാവിലെ എന്തായാലും കോളേജ് തുറക്കില്ല... നിൽക്കു നി എന്തേലും കഴിച്ചിട്ട് ഞാൻ തന്നെ കോളേജിൽ കൊണ്ട് ആക്കാം നിന്നെ.... വഴിയിൽ നിന്നും മാറ്.... എനിക്ക് പോകണം.... ഇത്ര നാളും ഒറ്റക്ക് തന്നെയാ പോക്കൊണ്ടിരുന്നത് ഇനിയും മുന്നോട്ടും അങ്ങനെ മതി.. ആരുടേയും ആവശ്യം ഇല്ല... അവളുടെ സംസാരം കേട്ടിട്ട് ഇന്ദ്രന് ദേഷ്യം വന്നു... എന്നാൽ ഇന്നലെ ബൈക്കിൽ കയറി ഇരുന്ന അവളെ ഇറക്കി വിട്ടത് ഞാൻ തന്നെ ആണ്.. അതിന്റെ വിഷമം ആണ് അവൾ തീർക്കുന്നത്... ഡീ.. ഇന്ന് ഞാൻ കൊണ്ട് ആക്കാം... പിന്നെ ഇന്നലെ... മതി ഇനി ഒന്നും എനിക്ക് കേൾക്കണ്ട... കേൾക്കാൻ ഒട്ടു താല്പര്യം ഇല്ലതാനും... ഞാൻ പോകുവാ... അത്രയും പറഞ്ഞു ഇന്ദ്രനെ മാറ്റി അവൾ വെളിയിലേക്ക് ഇറങ്ങി പോയി... നടന്നിട്ട് നീങ്ങാത്തത് പോലെ തോന്നി കണ്ണൊക്കെ നിറഞ്ഞു.. തനിക്ക് ആരും ഇല്ലാത്തത് പോലെ..... ഒറ്റയ്ക്ക് ആയത് പോലെ...... വിഷമം കാരണം സങ്കടം കാരണം ആരുമില്ലത്ത സ്ഥലം വന്നതും അവൾ മുഖം പൊത്തി കരഞ്ഞു പോയി... മുന്നിൽ കൂടി ഒരു ബൈക്ക് കടന്ന് പോയതും അവൾ കണ്ണുകൾ അമർത്തി തുടച്ചു.. എന്നാൽ മിററിൽ കൂടി ഇന്ദ്രൻ കണ്ടിരുന്നു അവൾ കരയുന്നത്... കവലയിൽ ചെന്നവൻ അവൾ വരുന്നതും നോക്കി നിന്നു.. കുറച്ചു കഴിഞ്ഞതും അവൾ വരുന്നതും ബസിൽ കയറി പോകുന്നതും അവൻ കണ്ടു... എന്താണ്.. രാവിലെ മുതൽ ഭാര്യയെ വായിനോക്കുവാണല്ലോ... കലിപ്പ് ഒക്കെ വിട്ട് പ്രേമം കേറി തുടങ്ങിയോ.... അനൂപ് ചിരിച്ചു കൊണ്ട് ചോദിച്ചു.. അതല്ലടാ..... ഇന്നലെ വൈകിട്ട് കോളേജിന് മുന്നിൽ വെച്ചു അവൾ ഓടി ബൈക്കിൽ കയറി ഇരുന്നു.. ഞാൻ ആണേ അമേയയെ കൂട്ടാൻ പോയത് ആയിരുന്നു   ആകാശ് പറഞ്ഞിട്ട്.. ( ആകാശ് ഇവരുടെ കൂട്ടുകാരിൽ ഒരാൾ ആണ്.. അവന്റെ പെങ്ങൾ ആണ് അമേയ )... പാറുവിനെ ഇറക്കി വിടേണ്ടി വന്നഡാ... അവൾക്കിത് ഇത്രയും സങ്കടം ആവുമെന്ന് ഞാൻ കരുതി ഇല്ല.. എടാ ഇന്ദ്ര.. നി അവളോട്‌ കാണിച്ചത് ശുദ്ധ തെണ്ടിത്തരം ആണ്.. അവളുടെ കോളേജിൽ പഠിക്കുന്ന കൊച്ചിന്റെ മുന്നിൽ വെച്ചു കൂടി ആകുമ്പോൾ പറയാതെ ഇരിക്കാൻ ഉണ്ടോ അതിന് വിഷമം ആയി കാണും.. നി അല്ലാതെ വേറെ ആരാടാ അതിന് ഉള്ളത്... കൊച്ച് പിള്ളേരുടെ സ്വഭാവം ആണ് അതിന്... എന്നാലും കഷ്ടമായി പോയി ഇന്ദ്ര. അനൂപ് കൂടി പറഞ്ഞതും ഇന്ദ്രന് എന്തോ അവളുടെ കാര്യം ഓർത്തപ്പോൾ നന്നേ വിഷമം ആയി പോയി.... 💜💜   നേഹയുടെ വീട്ടിൽ രാവിലെ തന്നെ പാറു എത്തി.... കാളിങ് ബെൽ അമർത്തി അവൾ തിരിഞ്ഞു നിന്നു ... പുറത്തെ കാഴ്ചകൾ നോക്കി നിൽക്കുമ്പോൾ ആണ് ഡോർ ഓപ്പൺ ആയത്... ചിരിച്ചു കൊണ്ട് മുന്നിലേക്ക്‌ നോക്കുമ്പോൾ നേഹയുടെ ഇച്ചായൻ നിൽക്കുന്നു... തന്നെ കണ്ട് ആളൊന്നു ചിരിക്കാൻ ശ്രെമിച്ചു.. സത്യം പറഞ്ഞാൽ ആൾക്ക് നല്ല രീതിക്ക് ഒന്ന് ചിരിക്കാനും അറിയില്ല നേഹ പറഞ്ഞതാണ് പക്ഷെ അത് സത്യവും ആണ് ... എന്നാൽ അവൾ ചിരിച്ചു കൊണ്ട് ചോദിച്ചു.. നേഹ... കുളിക്കുവാണെന്ന് തോനുന്നു... താൻ കയറി ഇരിക്ക് ഞാൻ ആന്റിയെ വിളിക്കാം... അത്രയും പറഞ്ഞു ആൾ പോയി..പാറു ഹാളിലേക്ക് കയറി സോഫയിൽ ഇരുന്നു.. അപ്പോഴേക്ക് ആന്റിയും എത്തിയിരുന്നു.... പിന്നെ അങ്ങോട്ടും ഇങ്ങോട്ടും ഓരോ വിശേഷം പറഞ്ഞു ഞങ്ങൾ ഇരുന്നു... ഇതേ സമയം ഡറിക് സ്റ്റെപ് കയറി മുകളിലേക്ക് പോകുന്നതും അവൾ അറിഞ്ഞു..... ആന്റി കുറെ ചോക്ലേറ്റ് അപ്പോഴേക്കും തനിക്ക് കൊണ്ട് തന്നു.... അതും ഒരെണ്ണം എടുത്ത് കഴിച്ചു.... അപ്പോഴാണ് നേഹ ഇറങ്ങി വരുന്നത്.... കഴിക്കാൻ ആന്റി പാറുവിനെ വിളിച്ചു . ആദ്യം വേണ്ട എന്ന് പറഞ്ഞെങ്കിലും പിന്നീട് നേഹക്കൊപ്പം അവൾ കഴിക്കാൻ ഇരുന്നു...രാവിലെ ഇന്ദ്രനോടുള്ള വാശിക്ക് ഇറങ്ങി പുറപ്പെട്ടെങ്കിലും ഉള്ളിൽ നല്ല വിശപ്പ് ഉണ്ട്..അപ്പോഴാണ് ഡറിക് അങ്ങോട്ടേക്ക് ഇറങ്ങി വന്നത്.... ഒരു ചെയർ വലിച്ചു മാറ്റി അവൻ ഇരുന്നു.......എല്ലാവരുടെയും നോട്ടം അവനിലേക്കായി.. ആൾക്ക് എടുത്തു കൊടുക്കുക ഒന്നും വേണ്ട... ആവശ്യം ഉള്ളത് തനിയെ എടുത്തു കഴിക്കുന്നുണ്ട് പുള്ളി... അതിപ്പോ ഇന്ദ്രേട്ടനും അങ്ങനെ അല്ലെ...       ആൾ കഴിക്കുന്നത് അവൾ നോക്കി... ആ കഴിപ്പ് കാണാൻ തന്നെ  ഒരു ചേലാണ്....ഇടക്കെപ്പോഴോ അവൻ മിഴികൾ ഉയർത്തിയതും തന്നെ നോക്കി ഇരിക്കുന്ന പെണ്ണിനെ അവനും കണ്ടു അവളുടെ നോട്ടം കണ്ട് ഡറിക് പുരികം ചുളിച്ചു നോക്കിയതും ഞെട്ടി അവൾ പത്രത്തിലേക്ക് നോട്ടം മാറ്റി... അയ്യേ ഇച്ചായൻ കരുതി കാണുമോ ഞാൻ വായ് നോക്കി ഇരുന്നത് ആണെന്ന്... ശോ..... പിന്നീട് അവൾ അങ്ങോട്ടേക്ക് നോക്കാനേ പോയില്ല...     വേഗം ഫുഡ്‌ വാരി കഴിച്ചവൾ ഇരുന്നിടത് നിന്നും എണീറ്റു..കൈയും കഴുകി തിരികെ വരുമ്പോൾ നേഹ അടുക്കള ഭാഗത്ത്‌ നിന്നും വായും കഴുകി ഹാളിലേക്ക് ഓടുന്നുണ്ട്... ഇവൾ ഇത് എങ്ങോട്ടേക്ക ഈ ഓടി പോകുന്നത്... പാറു നോക്കുമ്പോൾ ഡെറിക്കിന്റെ അടുത്തേക്ക് ആണ്.... ഇച്ചായ..... നേഹ ഓടി പോയി അവന്റെ കയ്യിൽ പിടിച്ചു... ഇന്ന് ഞങ്ങളെ കോളേജിൽ കൊണ്ട് ആക്കുവോ.. പ്ലീസ്... ഇല്ല.. രണ്ടാളും എന്നും പോകുന്നത് പോലെ അങ്ങ് പോയാൽ മതി...ഒറ്റ വാക്കിൽ ചോദ്യവും ഉത്തരവും കഴിഞ്ഞു.... പ്ലീസ് ഇച്ചായ ഒന്ന് കൊണ്ട് ആക്ക് ആഗ്രഹം കൊണ്ട് അല്ലെ പറയുന്നത്.. നേഹ കൊഞ്ചുന്നത് കൂടിയപ്പോൾ ഡറിക് സമ്മതിച്ചു..... കോളേജിൽ രണ്ടാളെയും അവൻ തന്നെ ആണ് കൊണ്ട് ആക്കിത്.. വൈകിട്ട് വിളിക്കാം വരാം എന്ന് ഏറ്റു കൊണ്ട് ഡറിക് തിരികെ പോയി... 💜💜          അന്ന് വൈകിട്ട് കോളേജ് വിട്ടു വരുമ്പോൾ ഇന്ദ്രൻ അവളെ കാത്ത് വെളിയിൽ നിൽപ്പുണ്ടായിരുന്നു... എന്നാൽ ദൂരെ നിന്നും ഇറങ്ങി വരുന്നവരുടെ കണ്ണ് തന്നിൽ അല്ല മാറ്റൊരു കാറിലേക്ക് ആണെന്ന് അവൻ തിരിച്ചറിഞ്ഞു.... രണ്ടാളും ചെന്ന് ആ കാറിൽ കയറുന്നതും  കാർ അവിടെ നിന്നും അകന്ന് പോകുന്നതും ഇന്ദ്രൻ കണ്ടു.... എന്തോ അവളെ വിളിക്കാൻ ഒന്നും അവനും തോന്നി ഇല്ല.... എന്നാൽ മറ്റൊന്ന് കൂടി ഇന്ദ്രൻ ശ്രെദ്ധിച്ചു അവളുടെ മുഖത്തെ വാട്ടം... പാവം രാവിലത്തെ വിഷമം ആണ്... ബൈക്ക് എടുത്തു വീട്ടിലേക്ക് പോകുമ്പോൾ അവളെ കണ്ട് സംസാരിക്കണം എന്നെ ഉണ്ടായിരുന്നുള്ളു അവന്... 💜💜 ഇന്ദ്രൻ വീട്ടിൽ എത്തുമ്പോൾ അവൾ കുളിച്ചു വന്നു വിളക്ക് കത്തിക്കുക ആയിരുന്നു...ഒരുനിമിഷം അവൻ വെളിയിൽ തന്നെ നിന്നു... ഒരു 3 ഫോർത്ത് പാന്റും ബനിയനും ആണ് വേഷം.. ഒരുവേള അവളുടെ കണ്ണുകൾ അവൻ നിൽക്കുന്നിടത്തേക്ക് വന്നു... മുഖം ഒറ്റ വെട്ടീര്...അഹങ്കാരി.... അവൻ പിറുപിറുത്തു കൊണ്ട് അകത്തേക്ക് കയറി.. കൈയ്യിൽ ഒരു പൊതിയും ഉണ്ട്.... അവനത് മേശ പ്പുറത്തേക്ക് വെച്ചു.... അകത്തേക്ക് കയറി വന്ന പാറു ശ്വാസം ഒന്ന് അഞ്ഞെടുത്തു...നല്ല പൊറോട്ട യുടെ മണം... അവൾ ഇന്ദ്രന്റെ മുറിയിലേക്ക് നോക്കി.. ആൾ പോക്കറ്റിൽ നിന്നും എല്ലാം എടുത്ത് ടേബിളിൽ വെക്കുന്ന തിരക്കാണ്... ഹും.. എനിക്ക് ഒന്നും വേണ്ട.. തിന്നാൻ പറഞ്ഞാലും ഞാൻ തിന്നില്ല വാശിയ... അവൾ അടുക്കളയിലെക്ക് ചെന്നു.. നേഹയുടെ ആന്റി തന്ന ബിരിയാണി ഇന്ദ്രൻ കാണുന്ന രീതിയിൽ എടുത്ത് വെച്ചു.. അങ്ങേരും കാണട്ടെ... എനിക്ക് തിന്നാനും ഉണ്ടന്ന്.. അല്ല പിന്നെ... ഇന്ദ്രൻ ഇതേ സമയം കുളിക്കാൻ  ഇറങ്ങി വരുവായിരുന്നു.... തിരിഞ്ഞു നിന്ന് കോക്രി കാണിക്കുന്നവളുടെ അടുത്തേക്ക് ചെന്നു നിന്നു....    കൈ മുട്ടിൽ പിടിച്ചു വലിച്ചു തിരിച്ചു നിർത്തി... പിണക്കം മാറിയില്ലേ കൊച്ച് കാ‍ന്താരി.... ആർക്ക് പിണക്കം... അല്ലെ തന്നെ ഇയാളോട് ഞാൻ എന്തിനാ പിണങ്ങുന്നേ.. അല്ലെ തന്നെ പിണങ്ങാൻ  മാത്രം എന്ത്‌ ബന്ധവാണ് നമ്മൾ തമ്മിൽ ഉള്ളത്... അവൾ ചുണ്ട് കൊട്ടി ചോദിച്ചതും ഇന്ദ്രൻ ഒന്നും മിണ്ടാതെ നിന്നു പോയി... അപ്പോഴാണ് അവന്റെ കണ്ണുകൾ സ്ലാവിൽ ഇരിക്കുന്ന പത്രങ്ങളിലേക്ക് നീണ്ടത്   ഇതെവിടുന്ന ഈ പാത്രം ഒക്കെ... പാത്രം മാത്രമല്ല ഫുഡും ഉണ്ട്.... Foodo... ഇന്ദ്രൻ നെറ്റി ചുളിച്ചു ചോദിച്ചു..... അതെ... നല്ല ബിരിയാണി. നേഹയുടെ ആന്റി തന്നു വിട്ടതാ.. രാവിലെയും അവിടുന്ന് കഴിച്ചു.... നേഹ പറഞ്ഞു ഇനി എന്നും അവിടെ നിന്നും ഫുഡ്‌ കഴിച്ചാൽ മതി എന്ന്.... ഇന്ദ്രന് ദേഷ്യം പെരുത്ത് കയറി.... പിന്നെ എന്തോ ഉണ്ടാക്കാൻ ആടി നേരം വെളുത്തു ഞാൻ എല്ലാം ഉണ്ടാക്കി വെക്കുന്നെ.... ഇന്ന് രാവിലെ ഒന്നും കൊണ്ട് പോകതെ പോയത് കൊണ്ട രാത്രിയിലേക്ക് വാങ്ങിക്കൊണ്ട് വന്നത്.... എന്നിട്ട് പറയുന്നത് കേട്ടില്ലേ അഹങ്കാരി... അതെ അഹങ്കാരി ആണെന്ന് കൂട്ടിക്കോ... എനിക്ക് വേണ്ടി നല്ലത് പോലെ ബുദ്ധിമുട്ടുന്നുണ്ടല്ലോ ഇനി അത് വേണ്ട.. ഞാൻ അവിടെ നിന്നും കഴിച്ചോളാം... എന്നാൽ പിന്നെ തീറ്റി മാത്രം എന്തിനാ ആക്കുന്നെ പൊറുതി കൂടി അങ്ങോട്ട്‌ മാറ്റടി... ഇന്ദ്രൻ അടുത്തിരുന്ന ഗ്ലാസ്‌ എറിഞ്ഞു കൊണ്ടാണ് അത് പറഞ്ഞത്.... ഓ തന്റെ ഗുണ്ട സ്വഭാവം പുറത്ത് വരാൻ തുടങ്ങിയല്ലോ... അതേടി ഞാൻ ഗുണ്ടയ.. ഗുണ്ടെടെ കൂടെ നി ഇനി ജീവിക്കണ്ട.... ഇന്ദ്രൻ അവളുടെ കയ്യിൽ പിടിച്ചു വലിച്ചു ഹാളിൽ കൊണ്ട് നിർത്തി... അവളെങ്ങനെ ഒക്കെ പറഞ്ഞത് അവനിൽ വല്ലാണ്ട് സങ്കടം കൂട്ടി.... അവൻ ഒരു ഷർട്ട്‌ എടുത്ത് ഇട്ടു കൊണ്ട് വന്നു... ബാഗും  അവളുടെ ഡ്രെസ്സ് വെച്ചിരുന്ന ബാഗും കയ്യിൽ എടുത്ത്.. ഇത് എന്ത് കാണിക്കുവാ.. അവിടെ വെച്ചേ... പുറകെ വന്നവൾ പറയുന്നുണ്ട്.... എന്നാൽ ഇന്ദ്രൻ കേട്ടില്ല..... അവളുടെ കൈയും പിടിച്ചു വലിച്ചു വെളിയിലേക്ക് ഇറങ്ങി കാറിലേക്ക് എല്ലാം എടുത്തു ഇട്ടു.... അവളെയും വലിച്ചു കയറ്റി... ഇങ്ങേര് എന്തിനാ ഇത്രേ ടെറർ ആകുന്നത്... ശെടാ..... ഇതെങ്ങോട്ടാ.. പാതി ദൂരം ചെന്നപ്പോഴേ മനസിലായി നേഹയുടെ വീട്ടിലേക്കു ആണെന്ന്... അവളൊന്നു ഞെട്ടി... ഇങ്ങേര് സീരിയസ് ആയിട്ട് എടുത്തോ എല്ലാം.. ഹോൺ അടിച്ചതും  ഡറിക് വെളിയിലേക്ക് ഇറങ്ങി വന്നു.. ഗേറ്റ് തുറന്നതും ഇന്ദ്രൻ കാറിൽ നിന്നും ഇറങ്ങി തന്റെ സാധനങ്ങൾ എല്ലാം വെളിയിലേക്ക് എടുത്ത് വീടിന്റെ പടിയിൽ കൊണ്ട് വെച്ചു.... പിന്നെ വന്നു ഡോർ ഓപ്പൺ ചെയത് തന്നെയും വെളിയിൽ ഇറക്കി... ഒന്നും പറയാൻ  തോന്നി ഇല്ല എന്ത് പറയാൻ  ആണ്... നേഹയും ആന്റിയും വെളിയിലേക്ക് വന്നു തങ്ങളെ നോക്കുവാണ്.. എന്താടി എന്താ... നേഹ അവൾക്കരുകിൽ വന്നു നിന്നു.. ഒന്നും മിണ്ടാൻ പോയില്ല.. ഡറിക്കിന് മാത്രം എന്തൊക്കെയോ സംശയം തോന്നി.. ഇന്ന് മുതൽ ഇവളും ഇവിടെ കാണും.. തന്റെ ഒപ്പം നിൽക്കാനാ അവൾക്ക് ഇഷ്ടം... ഇന്ദ്രൻ പറയുമ്പോൾ നേഹയിൽ നിറഞ്ഞ ചിരി ആയിരുന്നു... എന്നാൽ പാറു തല താഴ്ത്തി നിന്നതേ ഉള്ളൂ... ഞാൻ പോകുവാ വൈഷ്ണവി.. നിന്റെ സംരക്ഷണം ഞാൻ  ഇന്ന് മുതൽ നിർത്തി....അത്രയും പറഞ്ഞവൻ കാറും എടുത്ത് കൊണ്ട് ഒറ്റ പോക്ക് ആയിരുന്നു.... അവൾ മുഖം പൊത്തി ഏങ്ങി കരഞ്ഞു... എടി കരയാതെ നി കാര്യം പറ.,.( നേഹ ) ഡറിക് അവളെ തന്നെ നോക്കുവാണ് എന്താണ് അവൾ പറയാൻ പോകുന്നത് എന്ന്... അവൾ മിഴികൾഉയർത്തിയതും ഡറിക് അവളെ ഗൗരവത്തിൽ നോക്കുന്നത് ആണ് കണ്ടത്..അവൾ മിഴികൾ  വെട്ടിച്ചു മാറ്റി നെഹെ ഇന്നലെ  ആ പെണ്ണിനെ ഇന്ദ്രേട്ടൻ വണ്ടിയിൽ കയറ്റിയത് എനിക്ക് ഇഷ്ടായില്ല.. ഞാൻ അത് കൊണ്ട് രാവിലെയും വൈകിട്ടും ഇവിടുന്നു ഫുഡ്‌ കഴിച്ചോളാമെന്നു പറഞ്ഞ്... പിന്നെ എന്തിനാ ഞാൻ ഉണ്ടാക്കി രാവിലെ വെക്കുന്നത് നിനക്ക് അവിടുന്ന് തിന്നാൻ ആണെങ്കിൽ എന്നൊക്കെ ചോദിച്ചു... എന്നോട് പിണങ്ങി പോയതാ നെഹെ എനിക്ക് കണ്ണേട്ടന്റെ കൂടെ നിന്നാൽ മതിയടി പ്ലീസ്... എന്നെ ഒന്ന് തിരിച്ചു കൊണ്ട് ആക്കടി... ഇച്ചായാ അവളെ ഒന്ന് കൊണ്ട് ആക്കിയേച്ചു വരാം പ്ലീസ്... നേഹ ഡറിക്കിനോട്  ചോദിച്ചു.. വരുത്തി വെച്ചതല്ലേ അനുഭവിക്ക്.... അവൻ ദേഷ്യത്തിൽ വീട്ടിലേക്ക് കയറി പോയി... മോളെ ഇന്നിനി പോകേണ്ട നാളെ പോകാം... ഇന്ന് ഇവിടെ നിൽക്ക്.. നേഹയും ആന്റിയും ഒരുമിച്ചു പറഞ്ഞതും അവൾ വീട്ടിലേക്ക് കയറി ചെന്നു..... അവൾക്ക്. അപ്പൊ ഡറിക്കിനോട് ദേഷ്യം തോന്നി.. ഒന്ന് കൊണ്ട് ആക്കാമായിരുന്നു എന്നാലും... നേഹയുടെ കൂടെ മുറിയിലേക്ക് പോകും വഴി അവൾ കണ്ടു ഒരു മൂലക്കായി നിന്നു തങ്ങളെ നോക്കുന്നവനെ... പൂച്ചക്കണ്ണും കൊണ്ട് ഇറങ്ങിയിരിക്കുവാ ദുഷ്ടൻ മനുഷ്യനെ പേടിപ്പിക്കാൻ....അവൾ അവനെ നോക്കി പിറുപിറുത്തു കൊണ്ട് ഉള്ളിലേക്ക് കയറി... നിന്റെ ഇച്ചായൻ ഉണ്ടല്ലോ അങ്ങേരെ എന്റെ കയ്യിൽ കിട്ടിയാൽ ഉണ്ടല്ലോ... ഒന്ന് കൊണ്ട് വിട്ടാൽ എന്താടി അങ്ങേർക്ക്... ദുഷ്ടൻ.... എന്റെ പെണ്ണെ ഒന്ന് പെതുക്കെ എന്റെ ഇച്ചായനും നിന്റെ കണ്ണേട്ടനും ഒരുപോലെയാ..അന്ന് അവൾക്ക് ഉറക്കമേ ഇല്ലായിരുന്നു.. കോളേജിൽ പോകാൻ നേഹ വിളിച്ചെങ്കിലും ഇന്ദ്രനെ കാണാൻ പോകുവാണെന് പറഞ്ഞ് അവൾ ഒഴിഞ്ഞു മാറി.... കിട്ടിയ ബസ് ന് അവൾ നാട്ടിലേക്ക് പോയി..... വെളുപ്പിനെ ഉള്ള ആദ്യ ബസ് ആണ് 6 മണിക്ക്.... കവലയിൽ നിന്നും ഓട്ടോ വിളിച്ചു വീട്ടിൽ ചെന്നു ഇറങ്ങി... ഗേറ്റ് കടന്ന് ഇറങ്ങുമ്പോൾ അവന്റെ ബൈക്ക് ഉണ്ടോ മുറ്റത്ത് എന്ന് അവൾ ആദ്യം നോക്കി... ഇരിപ്പോണ്ട് എന്ന് മനസിലായതും അവൾ ഉള്ളിലേക്ക് ചെന്നു കയറി.... കതക് ലോക്ക് ആണോ .. ഒരു തള്ളി നോക്കിയതും അത് തുറന്നു വന്നു... ഇങ്ങേർക്ക് ഇതൊന്നു പൂട്ടിയിട്ട്  കിടന്നു ഉറങ്ങിക്കൂടെ... അവൾ ഉള്ളിലേക്ക് ചെന്ന് കയറി... പതുങ്ങി ഇന്ദ്രന്റെ മുറിയിൽ കയറി... ഓടി ചെന്നവൾ ബെഡ് ഷീറ്റ് മാറ്റി അവന്റെ നെഞ്ചിലേക്ക് തല വെച്ചു അവനെ വട്ടം ചുറ്റി കിടന്നു... പുതപ്പ് കൊണ്ട് അവൾ അവന്റെ നെഞ്ചോപ്പം വരെ പുതച്ചു... ഇടതു കൈ കൊണ്ട് അവൻ അവളെ ചേർത്തു പിടിച്ചതും അവളിൽ ചിരി വിടർന്നു.. ( തുടരും ) #നോവൽ #📙 നോവൽ #💞 പ്രണയകഥകൾ #📔 കഥ