"എന്നാൽ ബഹുമാനപ്പെട്ട സാറിന് തെററി...I am not പ്രഭാകരൻ... ഞാൻ പ്രതാപനാണ്..." "ആനന്ദൻ... ഇത് പ്രഭാകരൻ തന്നെയല്ലേ?" "പ്രഭാകരൻ്റെ മുഖം പോലെ തന്നെ തോന്നുന്നു". സബ് ഇൻസ്പെക്ടർ ഗോപിനാഥ് പ്രഭാകരനോട്: "എടോ...താൻ പ്രഭാകരൻ തന്നെയാണ്...എപ്പഴാ തൻ്റെ പേര് മാറി പ്രതാപനായത്?" "അത് പിന്നെ എൻ്റെ പൊന്നു സാറേ... ഞാൻ ജനിച്ചപ്പോൾ മുതൽ എൻ്റെ അച്ഛനിട്ട പേരാണ് പ്രതാപൻ എന്നത്..." "എന്നാൽ താൻ കുറച്ച് മുമ്പല്ലേടോ തൻ്റെ പേര് പ്രഭാകരൻ എന്ന് പറഞ്ഞത്?" "എൻ്റെ സാറേ, അത് ഞാനല്ല...അത് ഏതോ പ്രഭാകരനാണ്... ഞാൻ പ്രതാപനാണ്... ഇതൊക്കെ ഈ ചുരത്തിലെ നിത്യ സംഭവങ്ങളാ...സാറ് ഇവിടെ പുതിയ ആളായതു കൊണ്ടാ". "ആര് പറഞ്ഞെടോ ഞാനിവിടെ പുതിയതെന്ന്?" "അത് സാറിനെ കണ്ടാലറിയാമല്ലോ..." "തൻ്റെ സംസാരത്തിൽ ഒരു കളള ലക്ഷണമുണ്ട്... താൻ പ്രഭാകരൻ തന്നെയാണ്". "അതിന് സാറിൻ്റെ പക്കൽ എന്താണ് സാറേ തെളിവ്?" "തെളിവ് ഞാൻ നിന്നെ കൊണ്ട് തന്നെ പറയിപ്പിക്കും... തനിക്ക് രണ്ട് ഇടി കിട്ടിക്കഴിയുമ്പോൾ താൻ തത്ത പറയുന്ന പോലെ പറയും". "അത് വളരെ ശരിയാണ് സർ... ഞാൻ തത്ത പറയുന്ന പോലെ പറയും". "അങ്ങനെ വഴിക്ക് വാ... ഇല്ലെങ്കിൽ തന്നെ ഞാൻ വഴിക്ക് വരുത്തും". "സാറിന് ഞാൻ പറഞ്ഞതങ്ങോട്ട് ശരിക്കും മനസ്സിലായില്ലെന്ന് തോന്നുന്നു... എൻ്റെ സാറേ, ഞാൻ പറഞ്ഞത് ഞാൻ പ്രതാപനാണെന്ന് തത്ത പറയുമ്പോലെ പറയുമെന്നാണ്". "അതിന് തൻ്റെ പക്കൽ എന്താടോ തെളിവുളളത്?" "എൻ്റെ ആധാർ കാർഡ്, എൻ്റെ റേഷൻ കാർഡ്, എൻ്റെ ATM PayTM, എൻ്റെ പാൻ കാർഡ്, എൻ്റെ Debit Credit... എൻ്റെ Passport, എൻ്റെ ബാങ്ക് പാസ്ബുക്ക്, എൻ്റെ ലൈസൻസ്...തെളിവിന് ഇത്രയൊക്കെ പോരേ എൻ്റെ സാറേ..." (തുടരും) #📔 കഥ #📙 നോവൽ #🧟 പ്രേതകഥകൾ! #🍲 ഇന്നത്തെ രുചി #🕵️‍♀️ കുറ്റാന്വേഷണ കഥകൾ