ഓം ശ്രീനാരായണ പരമഗുരവേ നമഃ ✨🙏🏻✨ ✨ശുഭദിനം ✨ സുപ്രഭാതം✨ അർദ്ധനാരീശ്വരസ്തവം മന്ത്രം 03 ഊട്ടിത്തീറ്റി വളര്‍ത്തുമുമ്പര്‍തടിനീ- നാഥന്നുമിപ്പോളുയിര്‍ – ക്കൂട്ടത്തോടൊരു കൂറുമില്ല, കഥയെ- ന്തയ്യോ! കുഴപ്പത്തിലായ് നാട്ടി‍ല്‍കണ്ടതശേഷവും ബത! നശി- ച്ചീടുന്നതും കണ്ടു നീ മൂട്ടി‍ല്‍ത്തന്നെയിരുന്നിടുന്നു, മുറയോ? മൂളര്‍ദ്ധനാരീശ്വരാ! 🔥 ഭാവാർത്ഥം 🔥 അർദ്ധനാരീശ്വരാ, നീ സകല ജീവജാലങ്ങളെയും ഊട്ടിത്തീറ്റി വളർ ത്തുന്നവനാണ്. അതിനു തക്കവണ്ണം നീ ദേവലോകനദിയായ ഗംഗയുടെ നാഥനുമാണ്. എന്നാൽ ഇപ്പോഴാകട്ടെ ജീവിവർഗ്ഗത്തിനോടു നിനക്ക് ഒരു കൂറുമില്ലാതായിത്തീർന്നിരിക്കുന്നു. ഇതെന്തു കഥയാണ്! സകലതും കുഴപ്പത്തിലായല്ലോ. നീ ആകട്ടെ ഈ ലോകത്തിലുള്ള സകലതും നശിച്ചുകൊണ്ടിരിക്കുന്നതും കണ്ടുകൊണ്ട് വൃക്ഷത്തിൻ്റെ ചുവട്ടിൽ നിസ്സംഗനായി തപസ്സിരിക്കുന്നു. കാര്യങ്ങളെയൊക്കെ മറന്നിട്ട് കാരണരൂപത്തിൽ നിസ്സംഗനായിരിക്കുന്നു. കഷ്ടംതന്നെ! തപസ്സിരിക്കുന്ന നീ ഒരു മൂളൽകൊണ്ടെങ്കിലും എന്റെയീ ചോദ്യത്തിന് ഉത്തരം പറയുമോ? (മുനിനാരായണ ഗുരുവിൻ്റെ ശ്രീനാരായണഗുരുദേവ കൃതികളുടെ സമ്പൂർണ്ണ വ്യാഖ്യാനത്തിൽ നിന്നും) ഗുരു ഓം ✨🔥🪴🔥✨ #ശ്രീനാരായണഗുരു🙏 #ശ്രീനാരായണഗുരുദേവൻ #ശ്രീനാരായണഗുരു #ശ്രീനാരായണ ഗുരുദേവൻ #ശ്രീനാരായണഗുരു ജയന്തി# ഗുരുവേ ശരണം🙏🙏🙏🌹💖