ആദ്യ ഭാഗങ്ങൾ ലിങ്കിൽ ഉണ്ട് 🌹🌹🌹🌹 https://sharechat.com/post/6ve1gb4?d=n&ui=v64j8rk&e1=cUNDER WORLD = CHAPTER - 12 ============================ അലമാരയുടെ അടിഭാഗം അവസാനിക്കുന്നിടത് നിന്നും തറയിലേക്ക് ഒരു കയ്യുടെ പകുതി ദൂരം കൂടി ബാക്കിയുണ്ട്... അതായത് ഒരു പകുതി കൈയുടെ അളവിൽ അകത്ത് ഒരു അറ കൂടി ഉണ്ടാകാം എന്നർത്ഥം...! "അങ്ങനെയൊക്കെ കാണുമോ...?" കിരൺ പറഞ്ഞത് കേട്ട് വിശ്വാസം വരാതെ ജുവൽ അവളുടെ അടുത്തേക്ക് നീങ്ങി നിന്നു...! "നമുക്ക് നോക്കാം... നീ പോയി കാറിൽ നിന്നും ആ ലിവർ എടുത്തുകൊണ്ട് വാ." "ഓക്കേ." കാറിൽ നിന്നും ലിവർ എടുത്തുകൊണ്ട് തിരികെ റൂമിലേക്ക് ജുവൽ എത്തിയതും കയ്യിൽ 2 ഫയലുകളും കിരൺ ഇരിക്കുന്ന കട്ടിലിന്റെ അരികെ 3 ഫയലുകളും കണ്ട് കണ്ണുമിഴിച്ച് അവൾ കിരണിനെ നോക്കി...! "നീ ഇത് കണ്ടോ രണ്ടെണ്ണം അച്ഛന്റെ ഫയലും മൂന്നെണ്ണം അമ്മയുടെ കേസ് ഫയലും ആണ്." കിരൺ പറഞ്ഞത് കേൾക്കാതെ ജുവൽ അലമാരയുടെ അടിയിൽ നിന്നും ഇളക്കി മാറ്റിയിരിക്കുന്ന പലകയിലേക്ക് തന്നെ നോക്കി നിന്നു...! "ഡീ പെണ്ണെ... ഇത് നോക്കാൻ." കിരൺ നീട്ടിയ അച്ഛന്റെ രണ്ട് ഫയലുകളിലെ പേരുകൾ അവൾ മനസ്സിൽ വായിച്ചു...! "മാൾവ (OPIUM FARMING IN MALWA) ലേബൽ (Labels)." MYSTERY CONTINUE =================== "ഇതെന്താ ചേച്ചീ ഈ മാൾവ...?" വളരെ ഭദ്രമായി പെട്ടന്ന് തുറക്കാൻ കഴിയാത്ത വിധം സീൽ ചെയ്തിരിക്കുന്ന ഫയൽ അടിമുടി ഒന്ന് വീക്ഷിച്ചുകൊണ്ട് ജുവൽ ചോദിച്ചത് കേട്ട് കിരൺ പതിയെ തല ഉയർത്തി...! "അത് എന്താണെന്ന് എനിക്കും കൃത്യമായി അറിയില്ല, ഏതായാലും എത്രയും വേഗം നമുക്ക് ഇവിടെ നിന്നും പോകാം, ബാക്കിയുള്ള സംസാരം പോകുന്ന വഴിയിൽ ആകാം." "ഓക്കേ ചേച്ചീ." ജുവൽ വീട് പൂട്ടി പുറത്തേക്ക് ഇറങ്ങുമ്പോഴും കിരണിന്റെ കണ്ണുകൾ അമ്മയുടെ പഴയ കേസ് ഫയലുകളിൽ തന്നെ ആയിരുന്നു...! 'പേര് : ഷാക്കിർ, രജിസ്റ്റർ നമ്പർ : 3008/2004 പേര് : ഫിദ, രജിസ്റ്റർ നമ്പർ : 3009/2004 പേര് : ഷാരോൺ, രജിസ്റ്റർ നമ്പർ : 9919/2004' "ദാ ചേച്ചീ താക്കോൽ." ഫയലിൽ നിന്നും കണ്ണുകളെടുത്ത് ജുവലിന്റെ കൈകളിൽ നിന്നും താക്കോൽ വാങ്ങി കിരൺ കാറിലേക്ക് കയറി, പുറകെ ജൂവലും...! "എല്ലാ ഫയലുകളും ഭദ്രമായി തന്നെ സീൽ ചെയ്ത് വെച്ചിരിക്കുന്നു അല്ലെ ചേച്ചീ...?" കാർ തിരിക്കുന്നതിന് ഇടയിയിൽ ജുവൽ പറഞ്ഞത് കേട്ട് കിരൺ ഒന്ന് ചിരിച്ചു...! "എന്തോ പ്രത്യേകത ഉള്ള ഫയലുകൾ ആയതുകൊണ്ട് തന്നെയാകും ഭദ്രമായി സീൽ ചെയ്തിരിക്കുന്നതും, ഇത്രയും വർഷങ്ങൾ ആയിട്ടും അതിന് പുറകെ ആളുകൾ നെട്ടോട്ടം ഓടുന്നതും." കിരണിന്റെ അഭിപ്രായം ശെരിവെച്ച് മൂളുന്നതിനിടയിലും ഷാക്കിറിന്റെ പേരിലുള്ള ഫയൽ ഓപ്പൺ ചെയ്യുന്നതിൽ ആയിരുന്നു ജുവലിന്റെ ശ്രദ്ധ മുഴുവനും...! "ചേച്ചീ." "എന്തുവാടി പെണ്ണെ അലറുന്നത്... ഞാൻ ഈ തൊട്ടടുത്ത് തന്നെയല്ലേ ഇരിക്കുന്നത്...?" ശബ്ദമുയർത്തിയുള്ള ജുവലിന്റെ വിളി കേട്ട് ഞെട്ടിത്തരിച്ചുകൊണ്ട് കിരൺ അവളെ നോക്കി...! "അല്ല ചേച്ചീ അത്... ചേച്ചീ ഇതൊന്ന് നോക്കിക്കേ." ഫയലിന് അകത്തു നിന്നും ഒരു പേപ്പർ എടുത്ത് ജുവൽ അവൾക്ക് നേരെ നീട്ടിയതും ഡ്രൈവിങ്ങിന് ഇടയിൽ റോഡിൽ നിന്നും കണ്ണെടുത്ത കിരൺ പേപ്പറിന് മുകളിൽ എഴുതിയിരിക്കുന്നത് വായിച്ചു...! "FIR COPY" "അതെ ചേച്ചീ... അമ്മയുടെ ഓഫീസിൽ ഉണ്ടായിരുന്ന കേസ് ഫയലിന്റെ പുറം ഭാഗം ഉണ്ടായിരുന്നു എന്നെ ഒള്ളു, അകത്ത് FIR കോപ്പി ആണ്." "അതും കേരളാ പോലീസിന്റെ ഒർജിനൽ സീൽ ഉള്ള FIR കോപ്പി." ജുവൽ പറഞ്ഞതിനെ ഏറ്റു പറഞ്ഞവസാനിപ്പിച്ചുകൊണ്ട് കിരൺ ഒന്ന് നിർത്തി...! "അത് ആരുടെ പേരിൽ ഉണ്ടായിരുന്ന ഫയൽ ആണ് ജുവൽ...?" "ഷാക്കിർ എന്ന ആളുടെ." "നീ അതൊന്ന് വായിച്ചേ." ബാക്കി രണ്ട് ഫയലുകൾ ഡാഷ് ബോർഡിലേക്ക് വെച്ച് ഷാക്കിയുടെ FIR കോപ്പി മാത്രം ജുവൽ കയ്യിലെടുത്തു...!!! """ പേര് : ഷാക്കിർ സ്ഥലം : എറണാകുളം തീയതി : 3/3/2004 ഷാക്കി എന്ന് വിളിക്കുന്ന (ഷാക്കിർ) വയസ്സ് 21, ഉയരം 5 അടി 3 ഇഞ്ച്, പ്രഥമ ദൃഷ്ടിയാൽ ആത്മഹത്യ എന്ന് തോന്നും വിധമുള്ള കൊലപാതകം, IPC - 302. നിലത്തുണ്ടായിരുന്ന ടേബിളിൽ നിന്നും വെറും 30 സെന്റിമീറ്റർ മാത്രം ഉയരത്തിൽ പ്രതി (അല്ലെങ്കിൽ പ്രതികൾ) തങ്ങളുടെ കുറ്റകൃത്യം നടത്തി ഇയാളുടെ മുറിയിലെ ഫാനിൽ തന്നെ കെട്ടി തൂക്കിയിരിക്കുന്നു. ഏകദേശം 1 മീറ്ററോളം നീളമുള്ള കയറിൽ ആയിരുന്നു ഇയാളുടെ മൃതദേഹം കെട്ടിത്തൂക്കിയിരുന്നത്, അതെ കയറിനാൽ തന്നെയാണ് പ്രതികൾ തങ്ങളുടെ കുറ്റകൃത്യവും നടത്തിയത്... പ്രതികൾ ആരാണെന്നോ, എന്തിന് വേണ്ടിയാണ് കുറ്റം ചെയ്തതെന്നോ ഇനിയും വ്യക്തമായിട്ടില്ല. എറണാകുളം സൗത്ത് CI സൂര്യ നാരായണൻ.""" FIR വായിച്ചു കഴിഞ്ഞതും ജുവൽ കിരണിനെ നോക്കി...! "ഇത്രേം ഉള്ളോ...?" "ആഹ്... ഇതേ ഒള്ളു." "ഇത്രയും ഒള്ളു എങ്കിൽ പിന്നെ എന്തിനായിരിക്കും ഈ ഫയൽ സീക്രെട്ട്." പറഞ്ഞു തീരുന്നതിനു മുൻപേ കിരൺ ജുവലിന്റെ നേരെ കൈ ഉയർത്തി...! "ആ പേപ്പർ ഇങ്ങു തന്നെ." പേപ്പർ ജുവൽ അവളുടെ കയ്യിൽ വെച്ചതും അതിലേക്ക് നോക്കിയ ശേഷം കിരൺ ജുവലിനെ നോക്കി...! "എന്താ ചേച്ചീ...?" "നീ ഈ ഡേറ്റ് ശ്രദ്ധിച്ചോ...? നമ്മുടെ അച്ഛനും അമ്മയും മരിക്കുന്നതിന് വെറും മൂന്ന് മാസം മുൻപാണ് ഈ FIR തയ്യാറാക്കിയിരിക്കുന്നത്." "ശെരിയാണല്ലോ ചേച്ചീ... ഞാൻ ഇപ്പോഴാ ഇത് ശ്രദ്ധിച്ചത്." പറയുന്നതിന് ഇടയിൽ തന്നെ ഡാഷ് ബോർഡിൽ നിന്നും ഫിദയുടെ പേരിലുള്ള ഫയലും എടുത്ത്, ഒന്ന് കണ്ണോടിച്ച ശേഷം ഒരു ഞെട്ടലോടെ അവൾ കിരണിന് നേരെ തിരിഞ്ഞു...! "ചേച്ചീ... ഇതും ഒരു FIR ആണ്. എഴുതിയിരിക്കുന്നത് സൂര്യ നാരായണൻ തന്നെ." "അതൊന്ന് വായിച്ചേ നീ." """ പേര് : ഫിദ സ്ഥലം : മുവാറ്റുപുഴ തീയതി : 3/3/2004 ഫിദ... വയസ് 21, ഉയരം 5 അടി 1 ഇഞ്ച്, തന്റെ കാമുകനും സഹപാഠിയും ആയ ഷാക്കിറിന്റെ മരണത്തിൽ മനം നൊന്ത് വിഷം കഴിച്ചുള്ള ആത്മഹത്യ ആണ് പ്രത്യക്ഷത്തിൽ എങ്കിലും, വളരെ വിദഗ്ധമായി നടപ്പിൽ വരുത്തിയ കൊലപാതകം തന്നെയാണ് ഇതും, IPC - 302. പ്രതികൾ ആരാണെന്നോ എന്തിന് വേണ്ടിയാണ് കൃത്യം നടത്തിയതെന്നോ ഒരു ഊഹവും നിലവിൽ ഇല്ല. എറണാകുളം സൗത്ത് CI സൂര്യ നാരായണൻ.""" "ഇതും ഇത്രേയുള്ളോ...?" ആകാംക്ഷയോടെയുള്ള കിരണിന്റെ ചോദ്യം കേട്ട് അതെ എന്നുള്ള അർത്ഥത്തിൽ തലയാട്ടികൊണ്ട് കയ്യിലിരുന്ന പേപ്പർ ജുവൽ തലങ്ങും വിലങ്ങും മറിച്ചു നോക്കി...! 'ഒരേ ഡേറ്റ്... ഇരുവരെയും പരസ്പരം ബന്ധിപ്പിക്കുന്ന കണ്ണികൾ (പ്രണയം, സഹപാഠി) FIR തയ്യാറാക്കിരിക്കുന്നത് ഒരേ ആൾ... സ്ഥലം മാത്രം വിത്യാസം ഒന്ന് എറണാകുളവും മറ്റേത് എറണാകുളം ജില്ലയിൽ തന്നെയുള്ള മുവാറ്റുപുഴയും, കൊലപാതകം ആത്മഹത്യ ആക്കിയിരിക്കുന്ന മറ്റൊരു സാമ്യതയും.' "ചേച്ചീ എന്താ ആലോചിക്കുന്നത്...?" "അല്ല... ഈ രണ്ട് FIR ലെയും സാമ്യതകൾ ഒന്ന് ആലോചിച്ചതാ." "ഞാനും അത് തന്നെയാ ഓർത്തത്... പക്ഷെ രണ്ട് സ്ഥലങ്ങളിൽ അരങ്ങേറിയ സംഭവങ്ങളിൽ എങ്ങനെയാ ചേച്ചീ ഒരാൾ FIR തയ്യാറാക്കുന്നത്...?" "അത് തന്നെയാ ജുവൽ എനിക്കും മനസിലാകാത്തത്." "ഈ സൂര്യ നാരായണൻ എറണാകുളം സൗത്ത് CI അല്ലെ...? ചേച്ചിക്ക് ആ സ്റ്റേഷനിലേക്ക് വിളിച്ചു നോക്കിയാൽ അയാൾ ഇപ്പോ എവിടെയാ ജോലി ചെയ്യുന്നത് എന്ന് മനസിലാക്കാൻ കഴിയില്ലേ...?" ജുവൽ പറഞ്ഞ സാധ്യത ആലോചിക്കുന്നതിന് ഇടയിൽ തന്നെ അല്പം ദൂരെ നിന്നും അവർക്ക് എത്തി ചേരേണ്ട പള്ളിയുടെ മുകളിലെ കുരിശ് കിരൺ വീക്ഷിച്ചു...! "നമുക്ക് എത്തിച്ചേരേണ്ട സ്ഥലം ഇങ്ങടുത്തു... അവസാനത്തെ ഫയൽ കൂടി നീ വായിക്ക്, അതിനപ്പുറം സൂര്യ നാരായണനെ പറ്റി അന്വേഷിക്കാം." കിരണിന്റെ ശ്രദ്ധ അല്പം ദൂരെ മുൻപിലായി മല മുകളിൽ ഉള്ള ST : മേരീസ്‌ ചർച്ചിന് മുകളിലെ കുരിശിൽ ആണെന്ന് മനസിലാക്കികൊണ്ട് ജുവൽ അവസാനത്തെ ഫയലും കയ്യിലെടുത്ത്, അകത്തുണ്ടായിരുന്ന പേപ്പർ തന്റെ മുഖത്തോട് ചേർത്ത ശേഷം 'ഇതും ഒരു FIR പേപ്പർ ആണല്ലോ.' എന്ന് മനസ്സിൽ വിചാരിച്ചുകൊണ്ട് അവളത് വായിക്കാൻ ആരംഭിച്ചു...! """പേര് : ഷാരോൺ സ്ഥലം : ലക്ഷദ്വീപ് തീയതി : 3/3/2004 ഷാരോൺ... വയസ് 21, ഉയരം 5 അടി 5 ഇഞ്ച്, വഴിയരികിലൂടെ നടന്ന് പോവുകയായിരുന്ന ഈ പെൺകുട്ടിയെ ആസൂത്രിതമായി തന്നെ അപകട മരണം എന്ന് തോന്നിക്കും വിധം കാറിടിച്ചു കൊലപ്പെടുത്തിയിരുന്നു, IPC - 302. ഏത് കാറാണെന്നോ, ആരാണ് ചെയ്തതെന്നോ, എന്തിനാണ് ചെയ്തതെന്നോ തുടങ്ങിയ ഒരു തുമ്പ് പോലും ഇതുവരെ പോലീസിന് കണ്ടെത്താൻ കഴിഞ്ഞിട്ടില്ല. എറണാകുളം സൗത്ത് CI സൂര്യ നാരായണൻ.""" ജുവൽ FIR വായിച്ചു തീർന്നതിന് പുറകെ തന്നെ പള്ളിയുടെ ഗേറ്റ് കടന്ന് കാർ സെമിത്തേരിയുടെ മുൻപിലേക്ക് കയറ്റി കിരൺ നിർത്തിയിരുന്നു...! "ഇതും ഇത്രേം ഒള്ളു ചേച്ചീ... എന്ത് തോനുന്നു കേട്ടിട്ട്...?" "എന്തൊക്കെയോ അസ്വഭാവികത തോന്നുന്നുണ്ട്, മൂന്നും എഴുതിയിരിക്കുന്നത് ഒരേ കൈയക്ഷരത്തിൽ തന്നെ ആണോ...?" മൂന്ന് പേപ്പറുകളും ഒന്നുകൂടി ഉയർത്തിപിടിച്ചുകൊണ്ട് ജുവൽ മാറി മാറി നോക്കി...! "അതെ ചേച്ചീ... മൂന്നും ഒരേ ഹാൻഡ് റൈറ്റിംഗ് തന്നെ ആണ്." "അപ്പോ... സമാന രീതിയിൽ, മൂന്ന് വ്യത്യസ്തമായ സ്ഥലങ്ങളിൽ, ഒരേ തീയതിൽ, നടന്ന കൊലപാതകങ്ങളുടെ FIR ഒരാൾ തന്നെ തയ്യാറാക്കിയിരിക്കുന്നു." കാറിൽ നിന്നും സെമിത്തേരിയിലേക്ക് നോക്കി ഡോർ തുറന്ന് വെളിയിലേക്ക് ഇറങ്ങുന്നതിന് ഇടയിൽ മൊബൈലിൽ സൗത്ത് സ്റ്റേഷനിലെ കോൺസ്റ്റബിൾ മൂസയുടെ നമ്പർ ഡയൽ ചെയ്തുകൊണ്ട് കിരൺ പറഞ്ഞ കാര്യം ഒരിക്കൽ കൂടി പേപ്പറിൽ നോക്കി വിലയിരുത്തി ജൂവലും കാറിൽ നിന്നും വെളിയിലേക്ക് ഇറങ്ങി...! "ഹലോ എന്താ മോളെ...?" തന്റെ അച്ഛന്റെ സുഹൃത്തുകൂടി ആയ മൂസയുടെ ചോദ്യം കേട്ട് കിരൺ ജുവലിന്റെ അടുത്തേക്ക് നീങ്ങി കാറിൽ ചാരി നിന്നു...! "മൂസാക്കാ... എന്തൊക്കെയുണ്ട് വിശേഷം...?" "സുഖം മോളെ... എന്താ മോള് വിളിച്ചേ...?" "ഞാൻ ഒരു കാര്യം ചോദിക്കാൻ വിളിച്ചതാ ഇക്ക, 2004 മാർച്ച്‌ മൂന്നാം തീയതി സൗത്ത് സ്റ്റേഷനിൽ റിപ്പോർട്ട്‌ ചെയ്തിട്ടുള്ള ഷാക്കിർ എന്ന ആളുടെ കൊലപാതകവുമായി ബന്ധപ്പെട്ട FIR തയ്യാറാക്കിയ CI സൂര്യ നാരായണനെ മൂസക്ക അറിയുമോ...?" "സൂര്യ നാരായണനോ...? പതിനഞ്ചു വർഷം മുൻപ് കാണാതായ ആളുടെ കാര്യമാണോ മോള് ചോദിക്കുന്നത്...?" "എന്ത്...?" മൂസയുടെ മറുപടി കേട്ട് ഒരു ഞെട്ടലോടെ കിരൺ ജുവലിനെ നോക്കി...! "എന്താ ചേച്ചീ...? എന്ത് പറ്റി...?" കിരണിന്റെ ഞെട്ടൽ കണ്ട് അവളുടെ തോളിൽ പിടിച്ചുള്ള ജുവലിന്റെ ചോദ്യം കേട്ട് കിരൺ ലൗഡ് സ്പീക്കർ ഓൺ ആക്കി...! "ഞാൻ പറഞ്ഞ സൂര്യ നാരായണനും ഇക്ക പറഞ്ഞ ആളും ഒന്ന് തന്നെ ആണോ...?" വിശ്വാസം വരാത്ത പോലെയുള്ള കിരണിന്റെ മറു ചോദ്യം കേട്ട് ഒന്നും മനസിലാകാതെ ജുവൽ ഫോണിലേക്കും അവളുടെ മുഖത്തേക്കും മാറി നോക്കി...! "അങ്ങനെ വരാനെ വഴിയുള്ളു മോളെ... ആ പേരിൽ വേറെ ആരും ഈ സ്റ്റേഷനിൽ ജോലി ചെയ്തിട്ടില്ല." "ഓഹ്... ഗോഡ്, എനിക്ക് ഒരു സഹായം ഇക്ക ചെയ്യുമോ...?" "അതെന്താ മോളെ അങ്ങനെ ഒരു ചോദ്യം...? മോള് ധൈര്യമായി പറഞ്ഞോ എന്ത് സഹായമാണ് മോൾക് വേണ്ടത്...? "ഞാൻ ഇപ്പോ പറഞ്ഞ കേസ് ഫയലിന്റെ ഒരു ഫോട്ടോ എടുത്ത് എനിക്ക് അയക്കണം, മാത്രമല്ല 3/3/2004 എന്ന തീയതിയിൽ തന്നെ മുവാറ്റുപുഴ സ്റ്റേഷനിലും, അതുപോലെ ലക്ഷദ്വീപിലെ, ഏത് സ്റ്റേഷൻ എന്നറിയില്ല, ഇതേ ഡേറ്റിൽ രജിസ്റ്റർ ചെയ്തിട്ടുള്ള രണ്ട് കൊലപാതക കേസുകളുടെ ഫോട്ടോയും എത്രയും പെട്ടന്ന് എനിക്കൊന്ന് കണ്ടെത്തി തരാമോ...?" "ഓക്കേ മോളെ... ഞാൻ എത്രയും പെട്ടന്ന് അയക്കാം." "ആ പിന്നെ ഇക്കാ... ഞാൻ ഈ ചോദിച്ച കാര്യങ്ങൾ വേറെ ആരും അറിയാതെ നോക്കണേ... അല്ലെങ്കിൽ വലിയ ആപത്താണ്. മൂവാറ്റുപുഴയിലെ കേസ് ഫയൽ "ഫിദ" എന്ന പേരിലും ലക്ഷദ്വീപിലേത് "ഷാരോൺ" എന്ന പേരിലും ആയിരിക്കും." "ഓക്കേ മോളെ... ഞാൻ ശ്രദ്ധിച്ചോളാം." "ഓക്കേ ഇക്ക... എത്രയും പെട്ടന്ന് കണ്ടെത്തി അയക്കാൻ ശ്രമിക്കണേ." "എന്താ ചേച്ചീ...? മൂസക്ക എന്ത് പറഞ്ഞത് കേട്ടാണ് ചേച്ചീ ഞെട്ടിയത്." കോൾ കട്ട്‌ ചെയ്തതും ആകാംഷയോടെയുള്ള ജുവലിന്റെ ചോദ്യം കേട്ട് കിരൺ അവളെ നോക്കി...! "പതിനഞ്ചു വർഷങ്ങൾക്ക് മുൻപ് സൂര്യ നാരായണനെ കാണാതായി എന്ന്." "ഇതെന്താണ് ചേച്ചീ ഇത്...? ഒരെത്തും പിടിയും കിട്ടുന്നില്ലല്ലോ, ആദ്യം ഒരു സ്വപ്നം... പിന്നീട് കുറെ ഫയലുകൾ... ആരാണെന്ന് പോലും അറിയില്ലാത്ത കുറെ പേരുകൾ... ഇതിനെല്ലാം പുറമെ ഇപ്പോ ദ കുറെ FIR ഉം... അത് എഴുതിയ ആൾ മിസ്സിങ്ങും." നിരാശയോടെയുള്ള ജുവലിന്റെ അനുമാനങ്ങൾക്ക് മറുപടി നൽകാതെ കിരൺ സെമിത്തേരിയിലേക്ക് നടന്നു...! "ചേച്ചീ... ഞാൻ ചേച്ചിയെ തളർത്താൻ വേണ്ടി പറഞ്ഞതല്ല, ശെരിക്കും ഭ്രാന്ത്‌ പിടിച്ചിട്ട് തന്നെ പറഞ്ഞതാ." പുറകെ ഓടി എത്തി ജുവൽ പറഞ്ഞത് കേട്ട് കിരൺ ഒന്ന് നിന്നു...! "ദാ അവിടെ അന്തിയുറങ്ങുന്നത് എന്റെ ഉറ്റ സുഹൃത്താണ്, അവൾക്ക് വേണ്ടിയാണ് ഞാൻ പോലിസ് യൂണിഫോം പോലും ധരിച്ചത്. അവളുടെ സ്ഥാനത് നീ എന്നെയൊന്നു ചിന്തിച്ചു നോക്കിയേ... എന്നെ ആരെങ്കിലും കൊലപ്പെടുത്തിയാൽ അയാളെ കണ്ടെത്താൻ നിനക്ക് തോന്നും എങ്കിൽ അതിനേക്കാൾ പതിന്മടങ്ങ് ആവേശവും ആഗ്രഹവും എനിക്കുണ്ട്, എന്റെ ഇസ്രയെ കൊലചെയ്ത ആളെ കണ്ടെത്താൻ." "ചേച്ചീ ഞാൻ." മറുപടി നൽകാനായി വാക്കുകൾക്ക് വേണ്ടി പരതിയ ജുവലിനെ കാത്ത് നിൽക്കാതെ അല്പം ദൂരം നടന്ന ശേഷം കിരൺ ഒന്ന് നിന്നു...! "നീ പറഞ്ഞില്ലേ... ഒരു സ്വപ്നവും... ആരാണെന്ന് അറിയില്ലാത്ത കുറെ ആളുകളുടെ പേരുകളും... പിന്നെ കുറെ FIR ഉം എന്ന്. ഒരിക്കൽ ഞാൻ ഈ കേസ് അന്വേഷിക്കാൻ ഇറങ്ങിതിരിച്ചപ്പോൾ ഇതുപോലും കണ്ടെത്താൻ എനിക്ക് കഴിഞ്ഞിരുന്നില്ല, ആ സ്വപ്നം തന്നെയാണ് ഭ്രാന്ത്‌ പിടിപ്പിക്കുന്ന കുറെ വിവരങ്ങൾ ആണെങ്കിലും കണ്ടെത്താൻ സഹായിച്ചത്. നിരാശപ്പെടാതെ തീവ്ര ശ്രമം കൊണ്ട് ഇതിന്റെയെല്ലാം ചുരുളുകൾ അഴിക്കാൻ കഴിയും എന്ന് തന്നെയാണ് എന്റെ വിശ്വാസം." കിരണിന്റെ ആത്മവിശ്വാസത്തോടെയുള്ള സംസാരം കേട്ട് തല കുനിച്ചു നിൽക്കാനല്ലാതെ ഒരു ചുവടു പോലും മുന്നോട്ട് ചലിക്കാൻ ജുവലിന് കഴിഞ്ഞില്ല. അപ്പോഴേക്കും ഇസ്രയുടെ കല്ലറക്കരികിൽ എത്തിച്ചേർന്ന കിരൺ കണ്ണുകളടച്ചു അവൾക്ക് വേണ്ടി അൽപ നേരം പ്രാർത്ഥിച്ചതും...! "ചേച്ചീ." എന്ന് ഉറക്കെയുള്ള വിളി കേട്ട് കിരൺ ഞെട്ടിത്തരിച്ചു നോക്കിയതും വിറയാർന്ന കൈകളോടെ ഒരു കല്ലറയിലേക്ക് വിരൽ ചൂണ്ടി നിൽക്കുന്ന ജുവലിന്റെ അടുക്കലേക്ക് അവൾ വേഗത്തിൽ തിരിച്ചെത്തി...! "എന്താ ജുവൽ എന്ത് പറ്റി...?" ശരീരം വിറകൊള്ളുന്നതിന് കൂടെ അവളുടെ കവിളിലൂടെ വിയർപ്പുകണങ്ങൾ ചാലിട്ടൊഴുകുന്നത് ശ്രദ്ധിച്ചുകൊണ്ട് കിരൺ അവൾ വിരൽ ചൂണ്ടിയ കല്ലറയിലേക്ക് കണ്ണുകൾ പായിച്ചു...! "കെവിൻ - ജനനം 1993, മരണം - 2013." 'ഇസ്ര കൊല്ലപ്പെട്ട അതെ വർഷം.' ===== WAIT FOR THE NEXT കണ്ണൂർകാരൻ 🌹🌹🌹🌹🌹🌹 #🧟 പ്രേതകഥകൾ! #🕵️‍♀️ കുറ്റാന്വേഷണ കഥകൾ #✍ തുടർക്കഥ #📙 നോവൽ #📔 കഥ