*கண்ணியம் நிறைந்த கடைவீதி....!*
*_________________*
*அன்றைய ஷாம் தேசத்தில்(சிரியா) கடை வீதி ஒன்றிருந்தது.*
*நேர்மையான வணிகத்திற்குப் பெயர் பெற்றிருந்தது.*
*வெளியூர் மற்றும் புனித யாத்திரை(ஹஜ்) செல்வோர் தங்களது பொருட்களை அங்குள்ள கடைகளில் ஒப்படைத்து விட்டு திரும்பி வந்து பெற்றுச் செல்வது வழக்கம்.*
*ஒருமுறை புனித யாத்ரீகர் ஒருவர் ஒரு பணமூட்டையை ஒரு வணிகரிடம் ஒப்படைத்து விட்டுச் சென்றார்.*
*சில காலங்கள் கழிந்து வந்த அந்த யாத்ரீகர் கடையில் தனது பணப்பையை வாங்க வந்தார்.*
*கடை உரிமையாளரிடம் எனது பணப்பையைத் தாருங்கள் என்றார்.*
*உரிமையாளருக்கு இவரைத் தெரியவில்லை.*
*என்ன பணப்பை?*
*எப்போது தந்தீர்கள்?*
*எந்த நிறத்தில் அந்தப்பை இருந்தது?*
*அதில் எவ்வளவு திர்ஹம் வைத்திருந்தீர்கள்?*
*என வரிசையாகக் கேட்கவே*
*அதிருப்தியடைந்த யாத்ரீகர் சிவப்பு நிறப்பையில் 3000 திர்ஹம் வைத்திருந்தேன்.*
*சில காலங்களுக்கு முன்னர் புனிதப்பயணம் செய்யும்போது தங்களிடம் ஒப்படைத்தேன் என்றார்.*
*கடை உரிமையாளர் தவறுக்கு வருந்துகிறேன் உணவு ஏற்பாடு செய்திருக்கிறேன் தயவு செய்து*
*நீங்கள் சற்றுக் காத்திருங்கள் இதோ வந்து விடுகிறேன் என விடைபெற்று சற்று நேரம் கழித்து சிவப்பு நிற பணப்பையை யாத்ரீகரிடம் ஒப்படைத்தார்.*
*யாத்ரீகர் பணப்பையைப் பெற்று கொஞ்ச தூரம் சென்றிருப்பார்.*
*யாத்ரீகரை ஒரு கடைக்காரர் அழைத்து முகமன் கூறி எப்போது ஊருக்கு வந்தீர்கள் பிரயாணம் எப்படி இருந்தது என விசாரித்து உள்ளே சென்று சிவப்பு நிறப் பணப்பையை யாத்ரீகரிடம் ஒப்படைத்தார்.*
*அதிர்ச்சியில் உறைந்த யாத்ரீகர் வேக வேகமாக முன்னர் சென்ற கடைக்காரரிடம் ஓடினார்.*
*நடந்த நிகழ்வுக்கு மன்னிப்புக்கோரி*
*எனது பணப்பை இதோ அந்தக்கடைகாரரிடம் கொடுத்து விட்டு தவறுதலாக உங்களிடம் கேட்டுவிட்டேன்.*
*என அக்கடைக்காரரிடம் ஒப்படைத்து விட்டு*
*நான் தங்களிடம் பணப்பையைக் கொடுக்கவில்லை எனத் தெரிந்தும் ஏன் இப்படிச் செய்தீர்கள் என்றார்.*
*அதற்கு அந்தக்கடைக்காரர் கூறினார்.....*
*சகோதரரே உங்களைப் பார்த்தால் பொய் சொல்பவர் போலத்தெரியவில்லை.*
*நம்பிக்கையோடு உங்களிடம்தான் கொடுத்தேன் என்றீர்கள்.*
*ஆகவே இவர் யாரிடமோ கொடுத்து விட்டு அடையாளம் தெரியாமல் என்னிடம் கேட்கிறார்.*
*என்பதைப் புரிந்து கொண்டேன்.*
*நான் நீங்கள் என்னிடம் தரவில்லை எனக்கூறினால் விரக்தியோடு இல்லம் செல்வீர்கள்.* *ஏமாற்றமடைவீர்கள். இச்செய்தி பின்னர் வெளியானால் இவ்வளவு காலமாக நற்பெயர் எடுத்த இந்த கடைத்தெருவின் பெயரும் கெடும்.*
*எனவே என்னிடம் 1000 திர்ஹமே இருந்தது.*
*அதனால் வெளியில் சென்று 2000 திர்ஹம் கடன் வாங்கவே தங்களை அமர வைத்துச் சென்றேன்.*
*பணப்பையின் நிறத்தைக் கேட்ட காரணமும் தங்களது பைதான் என நீங்கள் திருப்தியடையும் பொருட்டே கேட்டேன். என்றார்....!*
*நேர்மையில், வாய்மையில் சிறந்த கண்ணியம் நிறைந்த கடைவீதிகள் அக்காலங்களில் இருந்துள்ளன என்பதை அறியும்போது மகிழ்ச்சியாக உள்ளது....!* #💝இதயத்தின் துடிப்பு நீ #💖நீயே என் சந்தோசம்🥰 #💖காதல் ஸ்டேட்டஸ்🥰
