ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/6jvAla0?d=n&ui=v64j8rk&e1=c22ആ മനുഷ്യൻ ക*. ത്തി വലിച്ചൂരി ശിൽപ്പയെ കു*. ത്തി സദസ്സ് ഒന്നടങ്കം സ്തംഭിച്ചു നിന്ന ആ ഒറ്റനിമിഷത്തിൽ അവളെ കു..ത്തിയവൻ പുറത്തേക്കോടി. പുറത്ത് സ്റ്റാർട്ട് ആക്കിയിട്ടിരുന്ന വണ്ടിയിലേക്കയാൾ ചാടി കയറിയതും വണ്ടി നിരത്തിലേക്കിറങ്ങി അപ്രത്യക്ഷമായി... ശില്പയുടെ വയറ്റിൽ നിന്നും ര*. ക്തം കുതിച്ചൊഴുകി. നിലത്തേക്ക് വീഴാൻ പോയശിൽപ്പയെ അവളുടെ പുരുഷൻ താങ്ങി പിടിച്ചു ഒട്ടും വൈകാതെ അയാൾ അവളെ കൈകളിൽ കോരിയെടുത്ത് വണ്ടിക്കാരികിലേക്ക് ഓടി. അവളുടെ അച്ഛനും അമ്മയും ഒപ്പം കയറി ഞൊടിയിടയിൽ സംഭവിച്ച ഈ കാര്യങ്ങൾ എല്ലാം കണ്ട് നിതാര ബോധരഹിതയായി നിലത്തേക്ക് വീണു പേടിച്ചു പോയതാ... ആരോ അവളുടെ മുഖത്തേക്ക് അല്പം വെള്ളം തെളിച്ചു. അവൾ കണ്ണുകൾ തുറന്നു. പിന്നെ ചാടി എഴുന്നേറ്റു തന്റെ വണ്ടിയുടെ നേരെ കുതിച്ചു അവളെ വല്ലാതെ വിറക്കുന്നുണ്ടായിരുന്നു. ശിൽപയ്ക്ക് എന്തെങ്കിലും സംഭവിച്ചിരിക്കുമോ എന്ന ചിന്ത അവളെ വല്ലാതെ തളർത്തി അവളുടെ മുഖത്തുകൂടെ കണ്ണുനീർ ചാലിട്ടൊഴുകി അവളുടെ ഉള്ളംകൈ വിയർത്ത് കുതിർന്ന് സ്റ്റിയറിങ് പലവട്ടം കൈയിൽ നിന്നും വഴുതി. നിതാര ഹോസ്പിറ്റലിൽ എത്തി. അവൾ എമർജൻസി വിഭാഗത്തിലേക്ക് ഓടി അവിടെ പുറത്ത് കസേരയിൽ ശില്പയുടെ അച്ഛനും അമ്മയും ഇരിപ്പുണ്ട്. ശില്പയുടെ ഭർത്താവ് ഭിത്തിയിൽ ചാരി നിൽപ്പുണ്ട് നിതാര ശില്പയുടെ അമ്മയുടെ അരികിലിരുന്നു അമ്മേ... അമ്മ പെട്ടെന്ന് അവളുടെ കൈ തട്ടിമാറ്റി നീ ഒറ്റ ഒരുത്തിയാ ഇതിനെല്ലാം കാരണം. എന്റെ മകളെ ആവശ്യമില്ലാത്ത കാര്യങ്ങളിലേക്ക് നിർബന്ധിച്ചിറക്കിയത് നീയാണ്. നീയൊരു കാലത്തും ഗതി പിടിക്കില്ല... നശിച്ചുപോകും... നിതാര പകച്ചുപോയി. പോ....നീ പോടി.... അമ്മ അവളെ പിടിച്ചു തള്ളി. എടി....പോകാൻ, ശില്പയുടെ അമ്മ വീണ്ടും അലറി. നിതാര എഴുന്നേറ്റു. അവളെഴുന്നേറ്റ് വേച്ചു വേച്ചു പുറത്തേക്കു പോയി. കാർ പാർക്ക് ചെയ്തിരിക്കുന്നിടത്തേക്ക് ചെന്ന് വണ്ടിയിൽ കയറിയതും, അവൾ മുഖം പൊത്തി അവളുടെ കൈവിരലുകൾക്കിടയിലൂടെ കണ്ണുനീർ കുതിച്ചൊഴുകി. കുറേ നേരം അങ്ങനെ ഇരുന്നിട്ട് അവൾ വാഹനം തിരിച്ചു. അവൾ വീട്ടിലെത്തി. അമ്മയുടെ അരികിലേക്ക് ചെന്നു. അവിടെ സംഭവിച്ച കാര്യങ്ങളെല്ലാം അമ്മയോട് പറഞ്ഞതും, അവൾ വീണ്ടും പൊട്ടിപ്പോയി. അമ്മയുടെ നെഞ്ചിലേക്ക് തല വെച്ച് അവളുറക്കെ കരഞ്ഞു.. അവളുടെ കണ്ണുനീർ പടർന്ന് അമ്മയുടെ നെഞ്ചം കുതിർന്നു. പെട്ടെന്ന് അവളുടെ നെറുകയിൽ ആരോ തഴുകുന്നത് പോലെ അവൾക്ക് തോന്നി. അവൾ മുഖമുയർത്തി. അമ്മ.....അമ്മ തന്നെ തഴുകുകയാണ്. അവൾ അവിശ്വാസത്തോടെ അമ്മയെ നോക്കി അമ്മയുടെ കൈകൾക്ക് പഴയ ശക്തി തിരികെ കിട്ടിയിരിക്കുന്നു. അവൾ അമ്മയുടെ കയ്യിൽ ചുംബിച്ചു പെട്ടെന്ന് അവളുടെ ഫോൺ ബെൽ അടിച്ചു.അവൾ ഫോണുമായി പുറത്തേക്കിറങ്ങി. ഡാനിയാണ്.. നിതാരാ..... അവൾ മിണ്ടിയില്ല. അവൾ കരച്ചിൽ അടക്കിപ്പിടിച്ചിരിക്കുകയാണെന്ന് ഡാനിക്ക് മനസ്സിലായി. നിതാരാ... അയാൾ വീണ്ടും വിളിച്ചു പെട്ടെന്നൊരു ഏങ്ങലടിയോടെ അവൾ ശിൽപയ്ക്ക് സംഭവിച്ചതൊക്കെ അയാളോട് പറഞ്ഞു. കാര്യങ്ങളൊക്കെ ഞാൻ അറിഞ്ഞു അതാണ് തന്നെ വിളിച്ചത് അയാൾ പറഞ്ഞു. എനിക്കവളെ കാണണം ഡാനി. നിതാര എന്തായാലും ഇപ്പോൾ ഹോസ്പിറ്റലിലേക്ക് വരണ്ട. ഞാനീ പരിസരത്ത് തന്നെയുണ്ട് എന്തുണ്ടായാലും ഞാൻ വിളിച്ച് അറിയിച്ചോളാം. ഇല്ല. എനിക്ക് അവളെ കാണണം ഞാൻ പോകും. നിതാര പറഞ്ഞു. പറയുന്നത് മനസ്സിലാക്ക്. ശിൽപ്പയുടെ അച്ഛനും അമ്മയ്ക്കും ഒക്കെ നിന്നെ കണ്ടാൽ ദേഷ്യം വരും. അവർ സമാധാനമായി ഇരിക്കട്ടെ. ഉം... അയാൾ കാൾ കട്ടാക്കി. ഏകദേശം രണ്ടു മണിക്കൂർ കഴിഞ്ഞപ്പോൾ അവളുടെ ഫോൺ വീണ്ടും ബെല്ലടിച്ചു. ഡാനിയാണ് അവൾ തിടുക്കത്തിൽ കോൾ എടുത്തു ഡാനി..ശിൽപയ്ക്ക് ഇപ്പോൾ എങ്ങനെയുണ്ട്?? താൻ പേടിക്കുകയൊന്നും വേണ്ട. ഓപ്പറേഷൻ കഴിഞ്ഞു. ഇനി ഒന്നും പേടിക്കാനില്ലെന്നാ ഡോക്ടർ പറഞ്ഞത്. ഓഹ് സമാധാനമായി.അവൾ നെഞ്ചിൽ കൈവെച്ചു. എങ്കിലും നമുക്ക് ആശ്വസിക്കാൻ സമയമായിട്ടില്ലഅല്ലേ ഡാനി. ശത്രുക്കളെ കണ്ടെത്തിയാൽ മാത്രമേ സമാധാനമായി ഇരിക്കാൻ കഴിയൂ... ഞാനുണ്ട് കൂടെ, നമ്മൾ എന്ത് വില കൊടുത്തും അവരെ കണ്ടെത്തുംm തക്കതായ ശിക്ഷ കൊടുക്കും. ഡാനി പറഞ്ഞു..ഒരുപക്ഷേ ഈ യാത്രയിൽ നമ്മൾ ഇല്ലാതാകും.സാരമില്ല.എങ്കിലും പറ്റുന്നതുപോലെ നമ്മൾ ശ്രമിക്കും. ഇല്ല ഡാനി, നമ്മൾ തോൽക്കില്ല. നമുക്കവരെ കണ്ടെത്തണം. പക്ഷേ... എന്താ...വീണ്ടും ഒരുപക്ഷേ?. ശിൽപയെ ഹോസ്പിറ്റലിൽചെന്ന് അവരില്ലാതാക്കാൻ ശ്രമിക്കുമോ എന്ന് എനിക്ക് ഭയമുണ്ട് ഡാനി. ഞാൻ ഈ ഹോസ്പിറ്റൽ പരിസരത്ത് തന്നെയുണ്ട്. തന്റെ പ്രിയപ്പെട്ടവരുടെ ദേഹത്ത് ഇനി ഒരു പോറൽ പോലും ഉണ്ടാവാൻ ഞാൻ സമ്മതിക്കില്ല. അതുപോരെ?? മതി. എന്റെ പ്രിയപ്പെട്ടവരെ എന്നു പറയുമ്പോൾ, അതിൽ ഡാനി കൂടി ഉണ്ടെന്ന് മറന്നു പോകരുത്. സ്വയംരക്ഷിക്കാൻ മറന്നേക്കരുത് കേട്ടോ..അവൾ പറഞ്ഞു ഡാനി ഒരു നിമിഷം മൗനമായിരുന്നു. പ്രിയപ്പെട്ടവരെല്ലാം നഷ്ടമായ തീർത്തും അനാഥനായ താൻ സ്നേഹത്തോടെയുള്ള ഒരു വാക്ക് പോലും കേട്ടിട്ട് കാലങ്ങൾ എത്ര കഴിഞ്ഞിരിക്കുന്നു. ഇപ്പോൾ ആദ്യമായി ഒരാൾ പറഞ്ഞിരിക്കുകയാണ് ഞാനും പ്രിയപ്പെട്ടതാണെന്ന്. അയാളുടെ കണ്ണുകൾ നനഞ്ഞു. 🍀🍀🍀🍀 രണ്ടുദിവസങ്ങൾ കടന്നുപോയി. വൈകുന്നേരം അവൾ ജോലി കഴിഞ്ഞു വന്ന സമയത്താണ് അച്ഛനും അങ്ങോട്ട് വന്നത്. ഇതിപ്പോൾ രണ്ടാമത്തെ തവണയാണ് അച്ഛൻ വരുന്നത്. അച്ഛനെ കണ്ടപ്പോൾ അമ്മയുടെ കണ്ണുകൾ തിളങ്ങിയത് അവൾ ശ്രദ്ധിച്ചു. രണ്ടാളും ഇപ്പോഴും പരസ്പരം സ്നേഹിക്കുന്നുണ്ടെന്ന് അവൾക്ക് തോന്നി കുറച്ചുനേരം സംസാരിച്ചിരുന്നിട്ട് അച്ഛൻ മടങ്ങിപ്പോയി. അച്ഛൻ തിരികെ പോകുമ്പോൾ അമ്മയുടെ മുഖം വാടിയതവൾ വ്യക്തമായി കണ്ടു 🍀🍀🍀🍀🍀🍀 ശില്പയെ റൂമിലേക്ക് മാറ്റിയത് ഡാനി പറഞ്ഞറിഞ്ഞ്, അന്ന് തന്നെ നിതാര അവളെ കാണാനായി പുറപ്പെട്ടു. ശില്പയുടെ അച്ഛനും അമ്മയും ചിലപ്പോൾ തന്നോട് ദേഷ്യപ്പെട്ടേക്കാം. ശാപവാക്കുകൾ പറഞ്ഞേക്കാം, എങ്കിലും സാരമില്ല. അതൊന്നും കേട്ട് തകർന്നു പോകരുത്, അവൾ സ്വന്തം മനസ്സിനെ പറഞ്ഞു പഠിപ്പിച്ചു. അവൾ ഹോസ്പിറ്റലിൽ എത്തി. ഡാനി ആ പരിസരത്ത് എവിടെയെങ്കിലും ഉണ്ടോ എന്ന് അവൾ തിരിഞ്ഞു. ഇല്ല...കാണുന്നില്ല. ഇയാൾ ഒരു മാന്ത്രികനാണോ ഇങ്ങനെ മറഞ്ഞിരിക്കാനും അത്യാവശ്യഘട്ടങ്ങളിൽ മാത്രം പ്രത്യക്ഷപ്പെടാനും. ശില്പ കിടക്കുന്ന മുറിയുടെ വാതിൽക്കൽ എത്തി. ശില്പ കണ്ണുകൾ തുറന്നു കിടക്കുകയാണ്.. അവൾ അകത്തേക്ക് ചെന്നു. നിതാരയെ കണ്ട് ശിൽപ്പയുടെ അമ്മയുടെ മുഖത്ത് ഗൗരവം നിറഞ്ഞു. ഞാൻ ശിൽപ്പയെ ഒന്ന് കണ്ടിട്ട് വേഗം പൊയ്ക്കോളാം.അവൾ അമ്മയോട് പറഞ്ഞു. മോളെ...അന്ന് ഞാൻ പെട്ടെന്ന് ഉണ്ടായ ദേഷ്യത്തിൽ അങ്ങനെയൊക്കെ പറഞ്ഞുപോയതാണ്. ഞാൻ അവളുടെ അമ്മയല്ലേ... അവൾക്ക് നൊന്താൽ എനിക്ക് സഹിക്കുമോ?? മോളതൊക്കെ മറക്കണം.അമ്മയോട് ദേഷ്യം തോന്നരുത് അമ്മ, നിതാരയുടെ കയ്യിൽ പിടിച്ചു നിതാര ശിൽപ്പയുടെ കട്ടിലിനരുകിൽ കിടന്ന കസേരയിൽ ഇരുന്നു. ശില്പ അവളുടെ നേരേ തന്നെ നോക്കി കിടക്കുകയാണ്. നീ വല്ലാതെ പേടിച്ചുപോയോടീ..??ശില്പ ചോദിച്ചു. പിന്നെ പേടിക്കാതെ! എന്റെ ജീവൻ പകുതി തീർന്നു. ശില്പയുടെ അമ്മ അവരുടെ സംസാരം ശ്രദ്ധിക്കുകയായിരുന്നു. എന്തൊരു സ്നേഹമാണ് രണ്ടാൾക്കും. കുറേ നേരം ശില്പയുടെ അടുത്തിരുന്നിട്ട് നിതാര അമ്മയോടും ശിൽപ്പയോടും യാത്ര പറഞ്ഞു പുറത്തേക്ക് ഇറങ്ങി വണ്ടിയുടെ അരികിലേക്ക് നടക്കുമ്പോൾ, അവൾ എല്ലായിടത്തും നോക്കുന്നുണ്ടായിരുന്നു. ഡാനി എവിടെയെങ്കിലും ഉണ്ടാകുമോയെന്ന്.. പക്ഷേ നിരാശയായിരുന്നു ഫലം 💚💚💚💚 വൈകുന്നേരം വിശ്വനാഥൻ മകളുടെ അടുത്തെത്തി. അയാളുടെ മുഖത്ത് വല്ലാത്ത ഗൗരവം നിറഞ്ഞിരുന്നു. എന്താ അച്ഛാ....?? അവൾ ചോദിച്ചു. മോളെ...എനിക്കൊരു കാര്യം പറയാനുണ്ട്. എന്താ...?? അവൾ ആകാംക്ഷയോടെ അച്ഛന്റെ മുഖത്തേക്ക് നോക്കി. 🍀🍀🍀🍀🍀 തുടരും. കണ്ണൂർകാരൻ ❤️❤️❤️❤️❤️ #📔 കഥ #📙 നോവൽ #✍ തുടർക്കഥ #💞 പ്രണയകഥകൾ #📚 ട്വിസ്റ്റ് കഥകൾ