പ്രഭാത പ്രാർത്ഥന..🙏 കർത്താവ് നമ്മുടെ മധ്യത്തിലില്ലേ..നമുക്ക് ഒരനർത്ഥവും വരുകയില്ല..(മിക്കാ 3/11) സർവ്വശക്തനായ ദൈവമേ..ഓരോ ദിനവും..ഓരോ നിമിഷവും അങ്ങു നടത്തുന്ന നന്മവഴികളെ പ്രതി..സഹന സന്തോഷങ്ങളെ പ്രതി നന്ദി പറഞ്ഞു കൊണ്ട് ഈ പ്രഭാതത്തിലും പ്രാർത്ഥനയോടെ തിരുസന്നിധേ അണയുന്നു..ഞങ്ങളുടെ ജീവിതത്തിൽ വേണ്ടുന്ന കാര്യങ്ങൾ ക്രമീകരിക്കാനും..മുന്നോട്ടുള്ള ലക്ഷ്യങ്ങൾക്ക് വഴിയൊരുക്കാനും തടസങ്ങൾ നീക്കാനും സന്തത സഹചാരിയായി കൂടെ നടക്കുന്നവനാണ് അവിടുന്ന്..എന്നാൽ ജീവിതത്തിന്റെ പ്രതികൂലങ്ങളോടുള്ള പോരാട്ടങ്ങളിൽ..വിപരീതാനുഭവങ്ങളിലൊക്കെ പലപ്പോഴും നിരവധിയായ ഭയങ്ങളും ആശങ്കകളും ഞങ്ങളെ സമ്മർദ്ദത്തിലാക്കുന്നു..കർത്താവേ..കരുണ ചെയ്യണമേ..ഞങ്ങളുടെ ജീവിത സമ്മർദ്ദങ്ങളെ ലഘൂകരിക്കണമേ..സകല ദുഃഖാനർത്ഥങ്ങളിൽ നിന്ന് ഞങ്ങളെ മോചിപ്പിക്കുകയും അവിടുത്തെ രക്ഷയുടെ ആശ്വാസവും അനുഗ്രഹവുമേകി ഞങ്ങളെ അങ്ങിൽ അഭയമണയ്ക്കുകയും ചെയ്യണമേ..അമലോത്ഭവ മറിയത്തിന്റെ വിമല ഹൃദയമേ..ഞങ്ങളുടെ ആശ്രയമായിരിക്കണമേ..ആമേൻ 🙏 #📚notebook #Today (ഇന്നത്തെ ദിവസം) #വിശുദ്ധർ #🏰 ക്രിസ്ത്യൻ സ്റ്റാറ്റസ് #🙏 പരിശുദ്ധ കന്യാമറിയം