സന്തോഷം 😁 "ഡാ ബിഗിലെ നീ ഉറങ്ങിയോ” നമ്മുടെ ചങ്കാണ് ഡ്യൂട്ടി കഴിഞ്ഞ്‌ ക്ഷീണിച്ചുറങ്ങാൻ കിടന്ന എന്നെ തോണ്ടി വിളിച്ചോണ്ടാണ് ചോദ്യം. “ഇല്ല സഹോ നീ പറ”. “അല്ല ബിഗിലെ നാട്ടിൽ പോകാൻ വിമാനം ഇല്ല. നാട്ടുകാരേം വീട്ടുകാരേം കാണാഞ്ഞിട്ട് ആകപ്പാടെ ഒരു സുഖോം ഇല്ല്യാ. ഈ കൊല്ലം അവധി കിട്ടുമെന്ന് തോന്നുന്നില്ല. ഈ കൊറോണ എന്ന് മാറും? ഇനി എന്ത് ചെയ്യും?” ചങ്ക് വിടുന്ന മട്ടില്ല. “എന്റെ സഹോ നിനക്ക് നാട്ടിൽ കാത്തിരിക്കാനും സ്നേഹിക്കാനും അമ്മയും നാട്ടുകാരുമൊക്കെ ഉള്ളതുകൊണ്ടാണ് ഇങ്ങനെയൊക്കെ തോന്നുന്നത്. അതില്ലാത്തവരെ പറ്റി ചിന്തിച്ചു നോക്കിയെ!” “അതെന്താ ബിഗിലെ നിനക്ക് വിഷമമില്ലേ.?” “എന്റെ സഹോ വിഷമത്തിന് കുറവൊന്നുമില്ല. പക്ഷെ വിഷമിക്കാൻ ഇരുന്നു കൊടുക്കാറില്ല.” “നീയെന്താ ബിഗിലെ പറയണേ? അപ്പോ വിഷമം മാറാൻ നീയെന്താ ചെയ്യാ?” “എന്റെ സഹോ, വീട് വല്ലാതെ മിസ് ചെയ്യുമ്പോൾ കുറച്ച് പരിപ്പെടുത്ത് കഴുകി ഉപ്പും മഞ്ഞൾപൊടിയും ചേർത്ത് കുക്കറിൽ ഇടും. ഒറ്റവിസൽ മതിട്ടോ. കുറച്ച് ചുമന്നുള്ളി, വെളുത്തുള്ളി, ചുമന്ന മുളക്,കറിവേപ്പില എടുത്ത് കുത്തിച്ചതച്ച് വെളിച്ചെണ്ണയിൽ വഴറ്റി പരിപ്പിൽ ചേർക്കും. പിന്നെ കുറച്ച് ഉണക്കമീൻ എടുത്ത് വറക്കും. മാന്തളാര് ഞങ്ങൾ തൃശ്ശൂർ ഗഡികൾ അങ്ങനാ പറയാ. വേണേൽ നങ്ക്‌ എന്നും പറയും. നല്ല കുത്തരി ചോറും പരിപ്പ് കുത്തിക്കാച്ചിയതും ഉണക്കമീനും കൂട്ടി കൊഴച്ച് ഒറ്റ പിടുത്താണ്. നിലത്ത് ചമ്രംപടിഞ്ഞിരുന്നു തിന്നാൽ കേമായി. അത് തിന്ന് കഴിയുമ്പോളേക്കും ഞാൻ വീട്ടിലും പോയി അമ്മേനേം കണ്ട് നാട്ടുകാരോടൊക്കെ സംസാരിച്ച് കഴിഞ്ഞിട്ടുണ്ടാകും. പിന്നെ കുശാലായി ഒരുറക്കം. എന്റെ സഹോ സങ്കടപ്പെട്ടോണ്ടിരുന്നാൽ ജീവിതം മുന്നോട്ടു പോകില്ല. എന്റെ സഹോ ആരുമില്ലാത്തവനും ജീവിക്കണ്ടേ? ഉണക്കമീനാണ് ഇതിലെ മുഖ്യം സഹോ. സഹോ ഉറങ്ങിയോ? ഞാൻ പറഞ്ഞത് കേട്ടോ?” “ഇല്ല ബിഗിലെ ഉറങ്ങിയില്ല. ഉണക്കമീനാണ് മുഖ്യം! അല്ലേ ബിഗിലെ?.” ✍🏽കണ്ണൂർകാരൻ ❤️❤️❤️❤️ #📚 ട്വിസ്റ്റ് കഥകൾ #📙 നോവൽ #💞 പ്രണയകഥകൾ #✍ തുടർക്കഥ #📔 കഥ