ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/6rnNdR4?d=n&ui=v64j8rk&e1=c💞ദേവനന്ദിനി.... Part 72💞 ഒരു നിമിഷമമ്പരന്ന രുദ്രനെ നോക്കിയൊരു പുഞ്ചിരിയോടെ ഗൗരി ചോദിച്ചു... "ദേവേട്ടാ.... ഷാൽ വി ഡാൻസ്...." ഗൗരിയുടെ ആവശ്യം കേട്ട രുദ്രാനൊന്നമ്പരന്നെങ്കിലും അവളുടെ നീട്ടിയ കൈയിൽ തന്റെ കൈ ചേർത്ത് കൊണ്ട് യാന്ത്രികമായവൻ എഴുന്നേറ്റു... "നന്ദൂ... താനെന്താ ചോദിച്ചത്... ഡാൻസ് കളിക്കാനോ"...? രുദ്രൻ നിറഞ്ഞ അമ്പരപ്പോടെ തന്നെ ചോദിച്ചു.... "അതേ... ഡാൻസ് തന്നെ... പ്രണയിതാക്കൾ തമ്മിൽ ഡാൻസ് കളിക്കുന്നത് ദേവേട്ടൻ സിനിമയിലും കഥകളിലുമൊക്കെ കണ്ടിട്ടില്ലേ"... ഗൗരിയൊരു പുഞ്ചിരി രുദ്രന് സമ്മാനിച്ചു കൊണ്ട് മറുപടി നൽകി... "നന്ദൂ... ഡാൻസ് എന്നൊക്കെ പറയുമ്പോൾ"...രുദ്രൻ ഒന്നാമന്തിച്ചു നിന്നു.. "എന്റെ ദേവേട്ടാ... ദേവേട്ടനോട് ഞാൻ മൈക്കിൾ ജാക്സന്റെ ഹിസ്റ്ററിയിലെയും മൂൺ വാക്കിലെയുമൊന്നും സ്റ്റെപ് കളിക്കാനല്ല ആവശ്യപ്പെടുന്നത്. കപ്പിൾ ഡാൻസാണ് ഞാൻ ഉദ്ദേശിക്കുന്നത്. എന്റെ പഞ്ചാര കവിയ്ക്ക് പഞ്ചാര വരികൾ കുറിയ്ക്കുവാനേ അറിയൂ അല്ലെ"...ഗൗരിയുറക്കെ ചിരിച്ചു കൊണ്ട് രുദ്രന്റെ മുഖത്തേക്ക് നോക്കിക്കൊണ്ട് മൊഴിഞ്ഞു... "കപ്പിൾ ഡാൻസ് ആണെന്നൊക്കെ എനിക്ക് മനസ്സിലായി. അതിനുമില്ലെടോ ഒരു താളവും ലയവുമൊക്കെ"...? രുദ്രനൊരു അമാന്തത്തോടെ ചോദിച്ചു... "ദേവേട്ടാ... ദേവേട്ടൻ ഭാരിച്ച കാര്യങ്ങൾ ഒന്നും ചിന്തിക്കേണ്ട... ദേവേട്ടന് സ്റ്റെപ് പറഞ്ഞു തരുവാനാണ് ഈ കലാക്ഷേത്ര ഗൗരി നന്ദിനി രുദ്രദേവ് "... വാക്കുകളിൽ അല്പം ഗർവ് കലർത്തി ചിരിച്ചു കൊണ്ട് ഗൗരി രുദ്രന് മറുപടി നൽകി... ഗൗരിയുടെ മറുപടി കേട്ട രുദ്രനാദ്യമൊന്നന്തം വിട്ടെങ്കിലും പിന്നെയവന്റെ മുഖത്തൊരു പുഞ്ചിരി വിടർന്നു ... "എന്റെ പേരിന്റെ കൂടെ ദേവേട്ടന്റെ പേര് മനസ്സ് കൊണ്ട് ഞാൻ നേരത്തെ ചേർത്ത് കഴിഞ്ഞതാ. അത് കൊണ്ട് എന്റെ കലിപ്പൻ ഹാപ്പിയായിട്ട് ഞാൻ കളിക്കുന്ന പോലെ എന്റെ കൂടെ കളിച്ചേ"... ഗൗരി കൃത്രിമമായൊരു ശാസന കലർത്തിക്കൊണ്ട് മൊഴിഞ്ഞു... ഗൗരി തന്റെ ഇടത് കൈത്തലം രുദ്രന്റെ ചുമലിൽ വച്ചിട്ട് വലത് കൈത്തലം അവന്റെ ഇടത് കൈത്തലവുമായി കോർത്ത് പിടിച്ചു. ശേഷമവന്റെ വലത് കൈ തന്റെ ഇടുപ്പിൽ വയ്ക്കുവാൻ അവൾ നിർദേശം നൽകി. രുദ്രൻ അവൾ പറഞ്ഞതനുസരിച്ചു... ഗൗരി രുദ്രന് ചുവടുകൾ വയ്ക്കേണ്ട രീതിയും മറ്റും അവന്റെ കൂടെ വച്ചു കൊണ്ട് പഠിപ്പിച്ചു കൊടുത്തു. രുദ്രനൊരു പുഞ്ചിരിയോടെ അവൾ പറഞ്ഞു കൊടുത്തത് പോലെ ചെയ്തു.... "ആഹാ.... എന്റെ കലിപ്പൻ പഠിച്ചെടുത്തല്ലോ...അപ്പോൾ ഞാൻ മ്യൂസിക് ഇടാൻ പോകുകയാ. ഞാനിപ്പോൾ പറഞ്ഞു തന്നത് പോലെ എന്റെ കൂടെ ചുവട് വച്ചോണം. തെറ്റിയാൽ അടി കിട്ടും.. കേട്ടല്ലോ"... ഗൗരി കപടഗൗരവത്തോടെ രുദ്രനോട്‌ മൊഴിഞ്ഞു... "ശരി ടീച്ചർ ".... ഗൗരിയുടെ കൃത്രിമ ഗൗരവഭാവത്തോടെയുള്ള ആജ്ഞാപിക്കൽ ശ്രവിച്ചു ഉള്ളിൽ തികട്ടി വന്ന ചിരിയടക്കിപ്പിടിച്ചു കൊണ്ട് രുദ്രൻ മറുപടി നൽകി.... അവന്റെ മറുപടിയിൽ ഗൗരി അവന്റെ നേരെ നോക്കിക്കൊണ്ടു അവളൊന്നു അമർത്തി മൂളി.... തുടർന്നവൾ തന്റെ മൊബൈലിൽ ഒരു സോങ് എടുത്തു. അത് ബാഗിൽ നിന്നും പുറത്തെടുത്ത് വച്ച ചെറിയ പോർട്ടബിൾ ബ്ലൂ ടൂത്ത് വൂഫറുമായി കണക്ട് ചെയ്തു.... മൊബൈലിൽ മ്യൂസിക് പ്ലേ പ്രെസ്സ് ചെയ്തിട്ട് ഗൗരി രുദ്രന്റെ അടുത്ത് വന്ന് നേരത്തെ പറഞ്ഞ പൊസിഷനിൽ നിൽക്കുവാൻ നിർദേശിച്ചു... അപ്പോഴേക്കും വൂഫറിൽ നിന്നും എഡ് ഷീരാന്റെ മനോഹരമായ ശബ്ദം ഒഴുകുവാൻ തുടങ്ങി.... ""ഐ ഫൗണ്ട് എ ലവ് , ഫോർ മീ ഡാർലിംഗ് , ജസ്റ്റ്‌ ഡൈവ് റൈറ്റ് ഇൻ ആൻഡ് ഫോളോ മൈ ലീഡ്..."" പുറത്തേക്കോഴുക്കിയ പ്രണയഭരിതമായ വരികൾക്ക് അനുസരിച്ചു രുദ്രനും ഗൗരിയും കൂടി ചുവടുകൾ വയ്ക്കുവാൻ തുടങ്ങി... പാട്ടിലെ വരികളുടെ അർത്ഥങ്ങളുൾക്കൊണ്ട് പരസ്പരം നോട്ടമയച്ചു മിഴികളിൽ നിറഞ്ഞ പ്രണയപരാംഗവ വീചികൾ പകർന്നു കൊണ്ടവർ ചുവടുകൾ വയ്ക്കുമ്പോൾ ജീവിതത്തിൽ അത് വരെ അനുഭവിയ്ക്കാത്ത ഒരനുഭൂതി നിറയുന്നതായി ഇരുവർക്കുമനുഭവപ്പെട്ടു.... പ്രണയഭരിതരായി ചുവടുകൾ വയ്ക്കുന്ന വേളയിൽ ഇരുവരും ചുറ്റുമുള്ളതൊക്കെ വിസ്മരിച്ച പോലെയായിരുന്നു. എല്ലാം മറന്നവർ പാട്ടിന്റെ താളത്തിനനുസരിച്ചു ചുവടുകൾ വച്ചു കൊണ്ടിരുന്നു.... നാല് മിനിറ്റോളം നീണ്ട പാട്ടിനവസാനമാകുമ്പോഴേക്കും ഇരുവരുടെയുമധരങ്ങൾ പരസ്പരം ബന്ധനത്തിലാണ്ടിരുന്നു...... പരസ്പരം നീണ്ട അധരപാനത്തിനന്ത്യത്തിൽ ഗൗരി രുദ്രനിൽ നിന്നും വേർപ്പെട്ടു ഒരു പുഞ്ചിരിയോടെ ഫോണിനടുത്തേക്ക് നീങ്ങി. താമസിയാതെ അവൾ വേറൊരു പാട്ട് വച്ചിട്ട് വശ്യമായൊരു പുഞ്ചിരിയോടെ രുദ്രനെ ക്ഷണിച്ചു. ഒരു നിറപുഞ്ചിരി ഗൗരിയ്ക്ക് നേരെയെറിഞ്ഞു കൊണ്ട് രുദ്രൻ അവളുടെയെടുത്തേക്ക് നീങ്ങി. ആദ്യത്തെ ചുവടുകൾ തന്നെ അവനെ വേറൊരു ലോകത്തിലെത്തിച്ചിരുന്നു. താനും തന്റെ പെണ്ണും മാത്രമടങ്ങിയ പ്രണയത്തിന്റെ ലോകം.... രണ്ടാമത് വച്ച പാട്ടിനും ഇരുവരും ആമോദത്തോടെ ചുവടുകൾ വച്ചു കൊണ്ടിരുന്നു. ആ പാട്ട് കഴിഞ്ഞപ്പോൾ ഗൗരി വേറെയും പാട്ടുകൾ വച്ചു. അര മണിക്കൂറോളം ഇരുവരും പല പാട്ടുകൾക്കുമനുസരിച്ചു ചുവടുകൾ വച്ചു.... "എങ്ങനെയുണ്ട് ദേവേട്ടാ ഈ നന്ദുവിന്റെ കൂടെയുള്ള ചുവടുകൾ"...? രുദ്രന്റെ നെഞ്ചിലേക്ക് ഇരു കൈകളും വച്ചു കൊണ്ടവനോട് ചേർന്ന് നിന്നു കൊണ്ട് ഗൗരി ചോദിച്ചു.... ഗൗരിയുടെ സരസിജ നയനങ്ങളിൽ പതിഞ്ഞ ചുംബനങ്ങളായിരുന്നു രുദ്രന്റെ മറുപടി. അവനെത്രത്തോളം സന്തോഷം പകർന്നിരുന്നു ആ നിമിഷങ്ങൾ എന്നതവന്റെ മുഖത്ത് നിന്നും വായിച്ചെടുക്കാമായിരുന്നു.... നിമിഷങ്ങളോളം ഇരുവരും പരിരംഭണത്തിലേർപ്പെട്ടു നിന്നു,... "ദേവേട്ടാ".... അൽപനേരം കഴിഞ്ഞപ്പോൾ ഗൗരിയുടെ പ്രണയാർദ്രമായ സ്വരമുയർന്നു.. രുദ്രനവളുടെ വിളി കേട്ടു... "ദേവേട്ടാ.... നേരത്തെ നമ്മൾ ചുവട് വച്ചത് പോലെയൊരു പാട്ട് പാടാമോ"...? രുദ്രന്റെ നെഞ്ചിൽ നിന്നും മുഖമുയർത്തി അവന്റെ മിഴികളിലേക്ക് തന്റെ ചക്ഷുസ്സുകളയച്ചു കൊണ്ട് ഗൗരി ചോദിച്ചു... രുദ്രൻ സമ്മതഭാവത്തിൽ തലയാട്ടി... നിമിഷങ്ങൾക്കകം രുദ്രന്റെയധരങ്ങളിൽ നിന്നുമൊരു പാശ്ചാത്യ പ്രണയഗാനത്തിന്റെ ശീലുകൾ പുറത്തേക്കൊഴുകുവാൻ തുടങ്ങി... ""ഹൂ മേക്സ് മൈ ഹാർട്ട്‌ ബീറ്റ് ലൈക്‌ തണ്ടർ ? ഹൂ മേക്സ് മൈ ടെമ്പറേചർ റൈസ് ? ഹൂ മേക്സ് മീ ട്രെമ്ബിൾ വിത്ത്‌ വണ്ടർഫുൾ റപ്ചർ വിത്ത്‌ വൺ ബർണിങ് ഗ്ലാൻസ് , ഫ്രം ഹെർ ഐസ്.... നന്ദിനി....."" പൊടുന്നനെ ഗൗരി രുദ്രന്റെ കരവലയത്തിൽ നിന്നും മാറി അത്ഭുതത്തോടെ തന്റെ വായ് പൊത്തിക്കൊണ്ട് രുദ്രന് നേരെ നോക്കി നിന്നു... "ദേവേട്ടാ... ഇത് ഏതാ പാട്ട്? ഇതിൽ എന്റെ പേര് എങ്ങനെ" ....? അത്ഭുതവും കൗതുകവും നിറഞ്ഞ സ്വരവും വദനവുമായി ഗൗരി രുദ്രനോട് ചോദിച്ചു... "ഹ ഹ... ഈ പാട്ട് എൽവിസ് പ്രെസ്ലിയുടെ പ്രസിദ്ധമായൊരു പാട്ടാണ്. മർഗ്ഗറീറ്റാ എന്ന ആൽബത്തിലേ. അതിൽ മർഗ്ഗറീറ്റാ എന്ന് വരുന്നിടത്തു ഞാനെന്റെ ഈ ലക്ഷ്മിദേവിയുടെ പേരങ്ങട് ചാമ്പി"..രുദ്രനൊന്ന് കണ്ണിറുക്കി ഗൗരിയുടെ കവിളിൽ മൃദുവായി പിടിച്ചുലച്ചു കൊണ്ട് മൊഴിഞ്ഞു.... "കൊള്ളാലോ...എന്നാൽ ബാക്കി കൂടി പാട് എന്റെ കലിപ്പൻ"... ഗൗരിയൊരു കൊഞ്ചലോടെ അവന്റെ മൂക്കിൽ പിടിച്ചുലച്ചു കൊണ്ട് മൊഴിഞ്ഞു... രുദ്രൻ അടുത്ത സ്റ്റാൻസ പാടിത്തുടങ്ങി. അനുപല്ലവിയിൽ ചേർത്ത പോലെ ഗൗരിയുടെ പേര് ചേർത്ത് കൊണ്ട് അവൻ പാടുമ്പോൾ ഗൗരി പ്രണയപുളകിതയായി അവൻ പാടുന്നത് ഒരത്ഭുതത്തോടെ നോക്കിക്കൊണ്ട് നിന്നു.... ഇന്ത്യൻ ഭാഷകളിൽ അവൻ പാടുന്നത് കേട്ടിട്ടുണ്ടെങ്കിലും വിദേശ ഭാഷയിൽ ആദ്യമായിട്ടായിരുന്നു അവൾക്ക് മുമ്പിൽ അവൻ പാടുന്നത്... ഗൗരി രുദ്രൻ പാടുന്ന വരികളിൽ ലയിച്ചു കൊണ്ടിരിക്കവേ പാട്ടിന്റെ അവസാന വരികളാവുമ്പോഴേക്കും അവൻ അവളുടെയടുത്തേക്ക് വന്ന് ചുമലിൽ കൈ വച്ചു. എന്നിട്ട് അവളുടെ സരസിജ നയനങ്ങളിലേക്ക് നോട്ടമയച്ചു കൊണ്ട് ബാക്കി വരികൾ പാടുവാനാരംഭിച്ചു.... ""ഹെർ ലിപ്സ് ഹാവ് മേഡ് മീ ഹെർ പ്രിസണർ എ സ്ലേവ് ടു ഹെർ എവെരി കമാൻഡ് ഷീ ക്യാപ്ടിവേറ്റ്സ് മീ , ആൻഡ് ഇന്റോക്സിക്കേറ്റ്സ് മീ വിത്ത്‌ വൺ ലിറ്റിൽ ടച്ച്‌ ഓഫ് ഹെർ ഹാൻഡ്"" ""നന്ദിനി...."" ""സ്വീറ്റ്... നന്ദിനി... സ്വീറ്റ് സ്വീറ്റ് നന്ദിനി....."" രുദ്രൻ പാടി അവസാനിപ്പിക്കുമ്പോഴേക്കും ഗൗരിയുടെ അധരങ്ങൾ അവന്റെ മുഖമാകെ മുദ്രകൾ പതിപ്പിക്കുവാനാരംഭിച്ചു കഴിഞ്ഞിരുന്നു..... ഗൗരിയുടെ ഓഷ്ഠങ്ങൾ പകർന്ന തൂവൽസ്പർശങ്ങളെ ഏറ്റു വാങ്ങിയ രുദ്രൻ തന്റെ കൈകളിൽ അവളെ കോരിയെടുത്തു.... തന്റെ കൈകളിൽ കിടക്കുന്ന ഗൗരിയെയും കൊണ്ട് രുദ്രൻ ബെഡിന് നേരെ നടന്നു. ഒരു നറുപുഞ്ചിരിയോടെ ഗൗരിയവന്റെ പ്രവൃത്തികൾ ആസ്വദിച്ചു കൊണ്ടിരുന്നു... ബെഡിനടുത്തെത്തിയപ്പോൾ രുദ്രൻ ഗൗരിയെ ബെഡിലേക്കിട്ടു. ഗൗരിയപ്പോൾ പൊട്ടിച്ചിരിച്ചു കൊണ്ടിരുന്നു....അവനും ബെഡിലേക്ക് മലർന്നു വീണു .... ഗൗരി ബെഡിലേക്ക് മലർന്നു വീണ രുദ്രന്റെ നെഞ്ചിലേക്ക് കയറിക്കിടന്നു കൊണ്ട് അവന്റെ തലയിലും നെറ്റിയിലും കവിളിലുമൊക്കെ അരുമയായി തലോടിക്കൊണ്ടിരുന്നു.... "ദേവേട്ടാ.... ദേവേട്ടൻ എപ്പോഴെങ്കിലും ഇത് പോലെയൊരു രംഗം ആലോചിച്ചിരുന്നോ ഈ യാത്ര പുറപ്പെടുമ്പോൾ "....? രുദ്രന്റെ മിഴികളിലേക്ക് പ്രണയപുരസരമൊരു നോട്ടമയച്ചു കൊണ്ട് ഗൗരി ചോദിച്ചു.... "ഒരിക്കലുമില്ലെടോ.... തനിക്കറിയുമോ നന്ദൂ....ഈ ടൗണിൽ രാത്രി ഞാൻ സ്വബോധത്തോടെ കിടക്കുന്നത് ഈ യാത്രയിലാ. സാധാരണ കഴിവതും ഒറ്റ രാത്രി തങ്ങുവാനേ ശ്രമിക്കാറുള്ളൂ. അന്നൊക്കെ നഷ്ടബോധമതിന്റെ മൂർദ്ധന്യത്തിലായിരിക്കും.... ഇത്രയും കാലം നഷ്ടബോധത്തോടെ തള്ളി നീക്കിയ രാത്രികളെയെല്ലാം ഈയൊരു രാത്രി നിഷ്പ്രഭമാക്കി കളഞ്ഞു ".... ഗൗരിയുടെ ചൊടികളിൽ ഒരു ചുംബനമർപ്പിച്ചു കൊണ്ട് രുദ്രൻ മൊഴിഞ്ഞു.... "ദേവേട്ടാ.... നമ്മുടെ ജീവിതത്തിൽ ഇത് പോലെയുള്ള രാത്രികൾ ഇനിയുമുണ്ടാകും. ഇത് പോലെ പ്രണയഭരിതമായിരിക്കും നമ്മുടെ ജീവിതമെന്നും".... രുദ്രന്റെ മിഴികളിൽ ചുംബിച്ചു കൊണ്ടവനെ നോക്കിയൊരു പുഞ്ചിരിയോടെ മൊഴിഞ്ഞു.... "നന്ദൂ.... നാളെ ഉച്ചയോടെ നമ്മൾ പോകുവാ നമ്മുടെ അന്തിമ ലക്ഷ്യസ്ഥാനമായ പുഷ്കാറിലേക്ക് ".... രുദ്രൻ ഗൗരിയുടെ തലയിൽ തഴുകിക്കൊണ്ട് മൊഴിഞ്ഞു.... പ്രണയാർദ്രമായ ചുംബനങ്ങളായിരുന്നു ഗൗരിയുടെ മറുപടി.... പരസ്പരമുള്ള പ്രണയപരിലാളനകളുമായി ഇരുവരുടെയും മനോഹരനിമിഷങ്ങൾ കടന്നു പോയിക്കൊണ്ടിരുന്നു.... നിശീഥിനിയുടെ ഏതോ ഒരു യാമത്തിൽ ഇരുവരെയും നിദ്രാദേവി കടാക്ഷിച്ചു... 🌸🌸🌸🌸🌸🌸🌸🌸🌸🌸🌸🌸🌸🌸🌸 പിറ്റേന്ന് ഒരുപാട് വൈകിയിട്ടും രുദ്രനും ഗൗരിയും എഴുന്നേറ്റില്ലായിരുന്നു. രാവിലെ ആദിത്യൻ ഉദയവും കഴിഞ്ഞ് ഉയർന്നു നീങ്ങിയ വേളയിലെപ്പോഴോ ഗൗരി കണ്ണ് തുറന്നു. അവൾ തലയുയർത്തി നോക്കിയപ്പോൾ രുദ്രനപ്പോഴും നല്ല ഉറക്കത്തിലാണ്. ഇന്നലെ ഡിന്നറിനു കഴിക്കുമ്പോൾ ധരിച്ച വസ്ത്രങ്ങളൊന്നും മാറാതെ അതേ വസ്ത്രങ്ങളോടെ ഉറങ്ങുകയായിരുന്നു അവർ..... ഗൗരി മുഖമുയർത്തി രുദ്രനെയൊന്ന് നോക്കി. അവനുടനെ എഴുന്നേൽക്കുന്ന ലക്ഷണമൊന്നുമില്ലെന്ന് അവൾക്ക് തോന്നി. വളരെ ശാന്തനായി ഒരു മന്ദഹാസത്തോടെ മയങ്ങുന്ന രുദ്രനെ കണ്ട ഗൗരിയൊരു വാത്സല്യത്തോടെ അവന്റെ കവിളിലൊരു ചുംബനം നൽകി. ഗൗരി പതിയെ എഴുന്നേൽക്കുവാൻ ശ്രമിച്ചു.... പൊടുന്നനെ രുദ്രൻ മിഴികൾ തുറക്കാതെ തന്നെ ഗൗരിയെ തന്റെ നെഞ്ചിലേക്ക് പിടിച്ചിട്ടു. അവളൊന്ന് വേച്ചു കൊണ്ട് രുദ്രന്റെ നെഞ്ചിലേക്ക് വീണു.... "ദേവേട്ടാ... കള്ളയുറക്കമായിരുന്നല്ലേ കലിപ്പാ"... ഒരു കുസൃതിച്ചിരിയോടെ കണ്ണുകളടച്ചു കിടക്കുന്ന രുദ്രന്റെ മൂക്കിൽ പിടിച്ചുലച്ചു കൊണ്ട് ഗൗരി ചോദിച്ചു.... "നന്ദൂ.... അവിടെ കിടക്കെടാ...നേരത്തേയെഴുന്നേറ്റ് എങ്ങോട്ട് പോകാനാ. പതിയെ എഴുന്നേറ്റാൽ മതി"....അവളെ തന്നിലേക്കൊന്ന് അമർത്തിപ്പിടിച്ചു കൊണ്ട് രുദ്രൻ മൊഴിഞ്ഞു... "എഴുന്നേൽക്ക് ദേവേട്ടാ.... ഇപ്പോൾ തന്നെ സമയം ഒമ്പതു കഴിഞ്ഞു. നമുക്ക് പുറത്ത് പോയി ബ്രേക്ക്‌ ഫാസ്റ്റ് കഴിക്കാനുള്ളതല്ലേ"...ഗൗരി തന്റെ വാക്കുകളിൽ അൽപം ശാസന കലർത്തിക്കൊണ്ട് മൊഴിഞ്ഞു.... "ഞാൻ പോയി ഒന്ന് കുളിക്കട്ടെ... ദേവേട്ടന് പിന്നെ അതിനെ കുറിച്ചൊരു ചിന്തയുമില്ലല്ലോ".... ഗൗരി ബലമായി രുദ്രന്റെ പിടുത്തം വിടുവിച്ചു എഴുന്നേറ്റതിനു ശേഷം മൊഴിഞ്ഞു... "നന്ദൂ.... നീയെനിക്ക് വേണ്ടി കൂടി പോയി കുളിച്ചേരെ... ഞാനുറങ്ങട്ടെ"... ഗൗരിയ്ക്ക് മറുപടി കൊടുത്ത് രുദ്രൻ തിരിഞ്ഞു കിടന്നു... "എവിടുന്ന് കിട്ടിയാവോ എന്റെ കലിപ്പൻ കുരങ്ങന് ഇത് പോലെ മടി"... രുദ്രനെ നോക്കിയൊരു ചിരിയോടെ പിറുപിറുത്തു... അല്പനേരം കഴിഞ്ഞു ഗൗരി കുളിച്ചു വസ്ത്രം മാറിയിറങ്ങി. അവൾ രുദ്രനെ വിളിച്ചെങ്കിലും അവൻ എഴുന്നേൽക്കാൻ പോകുന്ന ലക്ഷണമൊന്നും കണ്ടില്ല..... അല്പനിമിഷങ്ങൾ ആലോചിച്ചു നിന്നപ്പോൾ ഗൗരിയ്ക്കൊരു കുസൃതി തോന്നി. അവൾ വാഷ്റൂമിലേക്ക് നടന്നു. തിരിച്ചു വരുമ്പോൾ അവളുടെ കൈയിലൊരു മഗ് വെള്ളവുമുണ്ടായിരുന്നു. അവളതുമായി രുദ്രന്റെ അടുത്തേക്ക് വന്നു കുറച്ച് വെള്ളമെടുത്ത് അവന്റെ മുഖത്തേക്ക് തെളിച്ചു.... രുദ്രൻ കണ്ണ് തുറന്ന് നോക്കുമ്പോൾ വെള്ളം നിറച്ച മഗുമായി നിൽക്കുന്ന ഗൗരിയെ കണ്ടു.... "ദേവേട്ടൻ എഴുന്നേൽക്കുന്നോ അതോ ഈ വെള്ളം ഞാൻ തലയിൽ ഒഴിക്കണോ"...? ഗൗരി ചിരിച്ചു കൊണ്ട് അവന്റെ നേരെ വെള്ളമൊഴിക്കുന്ന പോലെ കാണിച്ചു ചോദിച്ചു... ഗൗരി പറഞ്ഞത് ചെയ്യാൻ മടിക്കില്ലെന്ന് കണ്ട രുദ്രൻ പൊടുന്നനെ ചാടിയെഴുന്നേറ്റു.... "എടീ യക്ഷീ.... നിനക്കെന്തിന്റെ കേടാ...നീയോ ഉറങ്ങില്ല. ഉറങ്ങുന്ന എന്നെ ഉണർത്തുന്നത് എന്തിനാ"...? രുദ്രൻ ഗൗരിയെ നോക്കിയൊന്ന് കെറുവിച്ചു.. "ബ്രേക്ക്‌ ഫാസ്റ്റ് കഴിച്ചു വന്നിട്ട് കിടക്കാമല്ലോ എന്റെ കലിപ്പന്.. പിന്നെന്താ"... രുദ്രനേ നോക്കിച്ചിരിച്ചു കൊണ്ട് ഗൗരി മൊഴിഞ്ഞു... "അപ്പോൾ ഈ ഫ്ലോ അങ്ങ് പോകും"...രുദ്രൻ ചൊടിച്ചു കൊണ്ട് മറുപടി നൽകി... "അത്രയ്ക്കുള്ള ഫ്ലോ മതി.... മര്യാദക്ക് പോയി കുളിച്ചേ".... ഗൗരി ശാസന കലർത്തിക്കൊണ്ട് രുദ്രനോട് പറഞ്ഞു.... "എടീ കള്ളിയങ്കാട്ടു നീലി...എന്റെ ഉറക്കം കെടുത്തുന്നതിനൊക്കെ നമ്മുടെ കല്യാണം കഴിഞ്ഞ് ഞാൻ ക്ഷ വരപ്പിക്കും നോക്കിക്കോ".... രുദ്രൻ കട്ടിലിൽ നിന്നുമെഴുന്നേറ്റ് ഗൗരിയെ നോക്കി കെറുവിച്ചു കൊണ്ട് മൊഴിഞ്ഞു... "ഞാനൊഴിക്കണോ ഈ വെള്ളം ഇപ്പോൾ"...? ഗൗരി മഗ് അവന്റെ നേർക്കോങ്ങിക്കൊണ്ട് ചോദിച്ചു രുദ്രൻ മറുപടിയായി ഗൗരിയുടെ മുഖത്തേക്ക് നോക്കി കോക്രി കാണിച്ചു കൊണ്ട് ബാത്ത് റൂമിലേക്ക് നടക്കാനൊരുങ്ങി... "ദേവേട്ടാ... ഇത് കൂടി കൊണ്ട് പോ"...ഗൗരി രുദ്രന്റെ നേരെ നോക്കിച്ചിരിച്ചു കൊണ്ട് പേസ്റ്റും ബ്രഷും നീട്ടി... "ഞാനിവിടെ ആരെക്കൊണ്ടെങ്കിലും വായ മണപ്പിക്കാൻ പോകുവല്ലേ"... രുദ്രൻ പിറുപിറുത്തു കൊണ്ട് ഗൗരിയുടെ കൈയിൽ നിന്നുമത് വാങ്ങി.... "എന്ത് നല്ല വൃത്തിയും വെടിപ്പുമുള്ള ചെറുക്കനായിരുന്നു. കുറച്ച് കൊല്ലം ഞാനടുത്തില്ലാതെ ആയപ്പോഴേക്കും കുളിയും നനയുമൊന്നുമില്ല"... ഗൗരി രുദ്രനെ നോക്കി കളിയാക്കിച്ചിരിച്ചു കൊണ്ട് പറഞ്ഞു... "പോടീ.... കരിമ്പനയക്ഷീ".... (രുദ്രൻ) "പോടാ... ഭരണീ"... പോയി കുളിച്ചേച്ചു വാ... (ഗൗരി) രുദ്രൻ ഗൗരിയെ നോക്കിയൊന്ന് കൊഞ്ഞനം കുത്തിയതിനു ശേഷം ബാത്ത് റൂമിലേക്ക് നടന്നു..... ഗൗരിയൊരു പുഞ്ചിരിയോടെ അവൻ പോകുന്നതും നോക്കി നിന്നു..... തുടരും NB : ഇടയ്ക്ക് സ്വന്തം ഇണയുമായി കപ്പിൾ ഡാൻസ് കളിയ്ക്കുന്നതും അത് നേടിത്തരുന്ന അനുഭൂതി അവാച്യവും അനിർവചനീയവുമാണ്. ഒന്ന് പരീക്ഷിച്ചു നോക്കു....... 😜🙂 കണ്ണൂർകാരൻ 😂😂😂😂 #📔 കഥ #💞 പ്രണയകഥകൾ #📚 ട്വിസ്റ്റ് കഥകൾ #📙 നോവൽ #✍ തുടർക്കഥ