కొత్త కథను రాయగలవని మత్తయి‬ ‭సువార్త 9‬:‭21‬ ‭ “–నేను ఆయన పైవస్త్రము మాత్రము ముట్టితే బాగుపడుదునని తనలో తాను అనుకొని, ఆయన వెనుకకు వచ్చి ఆయన వస్త్రపు చెంగు ముట్టెను.” ‭‭ మార్కు సువార్త 5వ అధ్యాయంలో, ఒక స్త్రీ పన్నెండు సంవత్సరాలుగా వ్యాధితో బాధపడుతూ ఉంది. అనేక వైద్యుల దగ్గరకు వెళ్లి తన సర్వసంపదను ఖర్చు చేసింది, కానీ ఏదీ ఆమెకు సహాయపడలేదు. “ఈ వ్యాధి శాశ్వతం. ఇక నేను చేయగలిగింది ఏమీ లేదు.”అన్నట్లు వుంది ఆమె జీవిత కథ. కానీ ఒక రోజు యేసయ్య తన ఊరి గుండా వెళ్తున్నారని ఆమె విన్నది. ఆమె కష్టాలు , పరిస్థితులు ఎలా ఉన్నా, తనకు తాను అనుకున్న మాటల్ని పక్కన పెట్టి, ఆమె పాత కథను తొలగించి, కొత్త కథను తన మనసులో చెప్పుకోవడం ప్రారంభించింది. “నేను ఆయన వస్త్రమును మాత్రమే తాకినా, నేను స్వస్థపడతాను.”అని చెప్పుకొనటం మొదలుపెట్టింది. వెంటనే ఆమె హృదయంలో విశ్వాసం పెరగడం ప్రారంభించింది. ఆమె తనకు తానే “స్వస్థత వస్తోంది” అని చెప్పుకుంటూ వచ్చింది . అంతే ఆ జనసమూహాన్ని చీల్చుకుంటూ ముందుకు వెళ్లి, ఆయన వస్త్రాన్ని తాకిన వెంటనే ఆమె తక్షణమే స్వస్థపడింది. మనసులో ఓటమి ఆలోచనతో, “నాకు సాధ్యం కాదు”, “ఇది ఎప్పటికీ జరగదు” అనే ఆలోచనలు తిరుగుతుండడం చాలా సులభం. అలాంటి సమయంలో నీవు - “కాదు. ఆ పాత కథను నేను తొలగిస్తున్నాను. దానికి వేరుగా నిలుస్తాను. నేను స్వస్థపడతాను. నా కుటుంబం పునరుద్ధరించబడుతుంది. ఈ అలవాటును నేను విడిచిపెడతాను. నా కలను నేను సాధిస్తాను.” అని చెప్పటం ప్రారంభించు. దేవుడు నీ జీవితములో పనిచేయడానికి ఆయనకు ఈ విధమైన విశ్వాసి కావాలి. నీవు పాత కథను పట్టుకునే ఉంటే, ఆయన చేయాలనుకుంటున్న కొత్త కార్యాలను నీవు చూడలేవు. ఈ విధంగా ప్రార్థనచేద్దామా : “తండ్రీ, నన్ను ఓటమిలో బంధించి ఉంచే పాత ఆలోచనలను తొలగించే అధికారాన్ని నీవు నాకు ఇచ్చినందుకు మీకు కృతజ్ఞతాస్తుతులు చెల్లించుచున్నాను. నీవు అద్భుతమైన కార్యాలు చేయడానికి నా విశ్వాసం ద్వారా మార్గం తెరుచుకుంటుందని, నా జీవితానికి ఒక కొత్త కథను రాయగలవని మీకు వందనములు చెల్లించుతూ యేసు నామంలో ప్రార్థిస్తున్నాను తండ్రి ! ఆమేన్.” #📀యేసయ్య కీర్తనలు🎙 #💖నా యేసయ్య ప్రేమ ##యేసయ్య ఆదరణ # 💚నా యేసయ్యా కరుణ💚 #✝యేసుతో నా స్నేహం