ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/6a8xA6Nd?d=n&ui=v64j8rk&e1=cമന്ത്രകോടി :പാർട്ട്‌ -6💚🌺 ✨️✨️✨️✨️✨️✨️✨️✨️✨️✨️✨️ ഓരോന്ന് ചിന്തിച്ചു കിടന്ന് ഒരുപാട് വൈകിയാണ് നന്ദൻ ഉറങ്ങിയത് ...... നേരം പുലരാറായതും വൃശ്ചിക മാസത്തിന്റെ സൂചികുത്തും തണുപ്പ് മുറിക്കുള്ളിലേക്ക് കയറി വന്നു ....... നന്ദൻ ഇന്നലെ കിടന്നിടത്തു തന്നെയാണ് കിടക്കുന്നതെങ്കിലും ...... ഇന്നുവരെ അറിയാത്ത സുഖമുള്ളൊരു ചൂടിൽ ഭാമ നന്ദനരികിലേക്ക് നീങ്ങി നീങ്ങി വന്നു ...... ഉറക്കത്തിലെപ്പോഴോ അവളുടെ വലതുകരം അവന്റെ വയറിലൂടെ ചുറ്റപ്പെടുകയും ചെയ്തു .......... ✨️✨️✨️✨️✨️✨️✨️✨️ പുലർച്ചെ ആറുമണി ആയതും അടുത്തുള്ള ക്ഷേത്രത്തിൽ നിന്ന് ദേവീസ്തുതി ഉയർന്നു... അത് കേട്ടാണ് ഉറക്കത്തിൽ നിന്ന് ഭാമ ഉണർന്നത് ...... ചെറു ഞരക്കത്തോടെ കണ്ണ് തുറക്കുമ്പോൾ മുറിയിലേക്ക് വെളിച്ചമെത്തിയിട്ടില്ല ... നേരിയൊരു വെട്ടം മാത്രം ...... അവൾ വീണ്ടും കണ്ണുകൾ പാതി ചേർത്തടക്കാൻ ഒരുങ്ങിയതും മനസ്സിലൂടെയൊരു മിന്നൽ പാഞ്ഞു ..... താൻ എവിടെയാണെന്നും ആർക്കൊപ്പമാണെന്നു മുള്ള ചിന്ത ഉള്ളിലേക്ക് വന്നതും ഞെട്ടിക്കൊണ്ടവൾ തലയുയർത്തി ....... അപ്പോഴാണ് ഒന്ന് സ്വയം ശ്രദ്ധിക്കുന്നത് . താൻ ഇന്നലെ കിടന്നിടത്തു നിന്നും നീങ്ങി നന്ദന്റടുത്തു കിടക്കുന്നു ..... കൂടാതെ വലതു കൈ അവന്റെ അരയിലൂടെ ചുറ്റിയിരിക്കുന്നു ....... ഒരു ഞെട്ടലോടെ അവൾ കൈ പിൻവലിക്കാനൊരുങ്ങിയതും അവനൊരു ഞരക്കത്തോടെ ചരിഞ്ഞു കിടന്നു ....... ഒരു നിമിഷമൊന്നു നിശ്ചലമായിപ്പോയി ..... തൊട്ടരികിൽ അത്രയുമടുത്താണ് നന്ദന്റെ മുഖം ...... ഒരു നിമിഷം ശ്വാസം പിടിച്ച് നിന്ന് അവൾ മുഖം പിന്നിലേക്കാക്കി ..... ശേഷം അവനെയുണർത്താതെ പതിയെ അവന്റെ ദേഹത്തു നിന്ന് കൈയ്യെടുത്ത് പുറകിലേക്ക് അല്പം നീങ്ങി ...... ഓരോ പ്രവർത്തിയിലും അവനുണരുന്നുണ്ടോ യെന്ന് നോക്കിയിരുന്നു ..... പതിയെ പിന്നിലേക്ക് നീങ്ങിയിരുന്ന ശേഷം ബെഡിൽ നിന്ന് എഴുന്നേറ്റ് നിലത്തിറങ്ങി ...... ഭാഗ്യം കൊണ്ട് മാനം പോയില്ല .... അറിയാതെ പടപടാ മിടിക്കുന്ന നെഞ്ചിൽ കൈവച്ചവൾ .... നന്ദേട്ടനാണ് ആദ്യം ഉണർന്നിരു ന്നതെങ്കിലോ.. കട്ടിലിനരുകിൽ നിന്ന് ചരിഞ്ഞുകിടന്ന് ഉറങ്ങുന്നവനെ നോക്കിയവൾ മനസ്സിലോർത്തു ..... എന്നാലും ഇന്നലെ എപ്പോഴാകും വന്നു കിടന്നത് ..... ഒന്നും ഓർമ്മയില്ല ..... കിടന്നതും കണ്ണടച്ചതും മാത്രം ഓർമ്മയുണ്ട് ....... എന്തൊരുറക്കമായിന്നു ......ശെ ...... നന്ദേട്ടൻ എന്ത് കരുതിയോ എന്തോ ..... ഇനിയിപ്പോ ചിന്തിച്ചിട്ട് കാര്യമുണ്ടോ.... ഈ ഉറക്കച്ചടവൊന്നു മാറണമെങ്കിൽ ആദ്യം ഒന്ന് കുളിക്കണം ...... ഇന്നലെ വൈകിട്ട് തന്റെ ഡ്രെസ്സും മറ്റു സാധനങ്ങളും ഇവിടേക്ക് കൊടുത്തുവിട്ടിരുന്നു ....... ഏട്ടന്റെ അലമാരക്കരക്കുള്ളിൽ അത് വച്ചിട്ടുണ്ടെന്നും പാറു പറഞ്ഞു ..... ആ ഓർമ്മയിൽ അവൾ അലമാര പതിയെ തുറന്നു ..... നന്ദന്റെ വസ്ത്രങ്ങളെല്ലാം വളരെ വൃത്തിയിൽ അടുക്കി വച്ചിട്ടുണ്ട് . താഴെ ഒരു ഭാഗത്തായി തന്റെ ബാഗും വച്ചിട്ടുണ്ട് ..... അതിൽ നിന്നും തനിക്കാവശ്യമായവയെല്ലാം എടുത്ത് പതിയെ തിരിഞ്ഞു..... നന്ദനിപ്പോഴും ഉറക്കത്തിലാണ് ...... അത് കണ്ടതും ശബ്ദമുണ്ടാക്കാതെ അലമാര ചേർത്തടച്ച് അവൾ ബാത്റൂമിലേക്ക് തിരിഞ്ഞു. 🌼🌼🌼🌼🌼🌼🌼🌼🌼🌼 കുറച്ച് നേരം കൊണ്ട് തന്നെ കുളിച്ചിറങ്ങി ...... തണുത്ത വെള്ളം ശരീരത്തിലേക്കരിച്ചിറങ്ങിയപ്പോൾ ദേഹമാകെ തണുത്തുറഞ്ഞു ....... പല്ലുകൾ തമ്മിൽ വിറയലോടെ കൂട്ടിമുട്ടി ശബ്ദമുണ്ടാക്കി ..... ബാത്‌റൂമിൽ നിന്ന് വെളിയിലേക്കിറങ്ങുമ്പോൾ മുറിയിലാകമാനം വെളിച്ചം പടർന്നിരുന്നു . മുടി തോർത്ത്‌ കൊണ്ട് ചുറ്റിവച്ച് റൂമിലെ ഇരു ജനാലകൾക്കരികിലലേക്ക് വന്ന് അവ പതിയെ തുറന്നു ..... ഉദിച്ചുയർന്ന സൂര്യകിരങ്ങൾ മെല്ലെ അകത്തേക്ക് വന്നു ...... കൂട്ടിന് പുലർച്ചയിലേ തണുപ്പും ....... ഭാമയ്ക്ക് വല്ലാത്തൊരു ഉന്മേഷം തോന്നി ... അവിടെ നിന്ന് തന്നെ അവൾ മുടിയിലെ കെട്ടഴിച്ച് മുടിയുടെ ഇരു ഭാഗവും തോർത്തി... ശേഷം ഈർപ്പം പിടിക്കുവാൻ തോർത്ത് വീണ്ടും കെട്ടിവച്ചു . കുറച്ച് നിമിഷം പുറത്തേക്കു നോക്കിയങ്ങനെ നിന്നതിനു ശേഷം അവൾ തിരിഞ്ഞ് നന്ദനെ നോക്കി ...... ഇപ്പുറത്തേക്ക് ചരിഞ്ഞാണ് ഇപ്പോ കിടക്കുന്നത് ...... മുഖം വളരെ ശാന്തമാണ് ....... ഏതോ പുലർക്കാല സ്വപ്നത്തിലാണ് .... ഇങ്ങനെ നിന്ന് നോക്കുമ്പോൾ വല്ലാത്തൊരു ഭംഗി തോന്നുന്നുണ്ട് ആൾക്ക്....... കുറച്ച് നേരം കൂടി അവിടെ നിന്നതിനു ശേഷം അവനുണരുന്നതിനു മുൻപ് താഴേക്ക് പോകാമെന്ന ചിന്തയോടെ താഴേക്കു പോകാനിറങ്ങി . 🌼🌼🌼🌼✨️✨️✨️✨️🌼🌼🌼🌼 സ്റ്റെപ് ഇറങ്ങി താഴേക്കെത്തുമ്പോൾ മുൻവശത്ത് ആരുമുണ്ടായിരുന്നില്ല ...... അടുക്കളയിൽ പത്രങ്ങളുടെയും ആരൊക്കെയോ സംസാരിക്കുന്നതിന്റെയും ശബ്ദങ്ങൾ കേൾക്കാം ....... അവൾ നേരെ അടുക്കളയിലേക്ക് ചെന്നു ..... അവിടെ ടീച്ചറമ്മയും പാറുവിന്റെ അമ്മയും നിൽപ്പുണ്ട് ..... നിരത്തിവെച്ച കപ്പുകളിലേക്ക് ചായ പകർന്നൊഴിക്കുകയാണ് ടീച്ചർ ..... എന്നെ കണ്ടതും ഒരു പുഞ്ചിരിയോടെ അകത്തേക്ക് വിളിച്ചു ...... മോള് എഴുന്നേറ്റൊ ...... നല്ല തണുപ്പായിരുന്നില്ലേ കുറച്ച് നേരം കൂടി കിടന്നൂടായിരുന്നോ ??? അവളോടായി അവർ ചോദിച്ചു ... ഏയ്യ് രാവിലെ എഴുന്നേറ്റ് ശീലമാണ് ടീച്ചറെ .... പിന്നീട് കിടന്നാലും ഉറക്കം വരില്ല ....... അവളൊരു പുഞ്ചിരിയോടെ പറഞ്ഞു ....... അതൊക്കെ എന്റെ പാറു ...... അവളുടെ ഉറക്കം തെളിയുന്നവരെ അവൾ ഉറങ്ങും ...... അതിനി എത്ര നേരമായാലും ..... ക്ലാസ്സില്ലെങ്കിൽ പറയേം വേണ്ടാ ... ചെറിയ കുട്ടിയല്ലെടി ഉറങ്ങട്ടെ ....... ദേവകിയമ്മ പാറുവിന്റെ അമ്മയോട് പറഞ്ഞു ...... മ്മ്മ് ..... ചെറിയ കുട്ടി ..... കെട്ടിക്കാറായി പെണ്ണിനെ ..... ഇരുവരുടെയും സംസാരത്തിനിടയിൽ തന്നെ രണ്ട് കപ്പ് ചായ ടീച്ചറമ്മ തനിക്ക് എടുത്ത് നൽകി. ഒന്ന് അവന് കൊടുത്തേക്ക് മോളെ ..... എഴുന്നേറ്റൽക്കുന്ന നേരമായി ...... അത് പറഞ്ഞു തീർന്നതും നന്ദൻ അടുക്കളയിലേക്ക് വന്നതും ഒരുമിച്ചായിരുന്നു ആഹ്ഹ് ..... നീ എഴുന്നേറ്റോ ..... ചായകുടിക്ക് ...... ഭാമയുടെ കൈയിലിരിക്കുന്ന ചായകപ്പ് നോക്കി പറഞ്ഞു കൊണ്ട് അവർ സ്ലാബിനടുത്തേക്ക് നടന്നു ...... നന്ദൻ മുഖമുയർത്തി ഭാമയെ നോക്കി ..... രാവിലെ കുളിച്ച് വേഷം മാറി മുടിയിലൊരു വെള്ള തോർത്തും ചുറ്റിക്കെട്ടി നിൽക്കുകയാണവൾ ...... ഒരു കറുത്ത ചുരിതാറാണ് വേഷം നെറ്റിയിലെ ഇരു ഭാഗത്തും നിന്നും കുഞ്ഞു കുഞ്ഞു കുടിയിഴകൾ സൈഡിലേക്ക് വീണുകിടപ്പുണ്ട് ...... കൂടാതെ സിന്ദൂരത്തിന്റ ചുവപ്പും ....അത് വല്ലാത്തൊരു ഭംഗി നൽകുന്നുണ്ടവൾക്ക് ... ഒരു നോട്ടമേ നോക്കിയുള്ളൂ ...... മുന്നിലേക്ക്‌ നീട്ടിയ അവളുടെ കൈയിൽ നിന്ന് കപ്പ് വാങ്ങി ...... നന്ദാ ..... ചായകുടിച്ചിട്ട് രണ്ടുപേരും അടുത്തുള്ള കൃഷ്ണന്റെ അമ്പലത്തിലേക്ക് ഒന്ന് പോയി വാ കേട്ടോ ...... എന്നിട്ട് വേണം ഭാമ മോളുടെ വീട്ടിലേക്ക് പോകാൻ ...... അടുക്കളയിൽ നിന്ന് പോകാനായ് തുടങ്ങിയ നന്ദനോട് ദേവകിയമ്മ പറഞ്ഞു ....... അതുകേട്ട് ഒരു നിമിഷം നിന്നതിനു ശേഷം ഒരു മൂളലോടെ അവൻ തിരിഞ്ഞു നടന്നു ....... മോള് ചായകുടിച്ചിട്ട് പോയി ഒരുങ്ങ് കേട്ടോ .... വൈകിക്കണ്ട .....നന്ദന്റെ അലമാരയിൽ തന്നെ നിനക്ക് വേണ്ടി ഒരു സെറ്റും മുണ്ടും എടുത്ത് വച്ചിരുന്നു . അതവന്റെ പുതിയ ഷർട്ടുകൾ ഇരിക്കുന്ന കവറുകളുടെ കൂട്ടത്തിലുണ്ട് . അതു കേട്ടതും ഒരു ചെറു ചിരിയോടെ അവൾ മുറിയിലേക്ക് നടന്നു..... 🦋🦋🦋🦋🦋 ഇരുവരും ക്ഷേത്രത്തിൽ പോകാനായി റെഡിയായി ക്കഴിഞ്ഞിരുന്നു ഭാമയാണ് ആദ്യം റെഡിയായി താഴേക്കു വന്നത് പിന്നെ നന്ദനൊരുങ്ങാൻ വേണ്ടി റൂമിൽ നിന്നും അവൾ മാറിക്കൊടുത്തു ....... കുറച്ച് നേരം കഴിഞ്ഞതും നന്ദൻ കോണിപ്പടികളിറങ്ങി താഴേക്ക് വന്നു ..... സ്വർണ്ണ നിറമുള്ള ഒരു കസവു മുണ്ടും ഒരു കരും നീല കളർ ഷർട്ടും അതായിരുന്നു അവന്റെ വേഷം ...... പൗരുഷം നിറഞ്ഞു നിൽക്കുന്ന മുഖം അതിന് മാറ്റുകൂട്ടുന്ന തരത്തിലായിരുന്നു താടിയും മുടിയും ...... കോണിപ്പടികൾ ഇറങ്ങി വന്നവൻ തന്റെ മുന്നിലേക്ക്‌ നിന്നതും ഭാമ പെട്ടന്ന് നോട്ടം മാറ്റി ...... ഇരുവരും ഇറങ്ങിയെന്നു കണ്ടതും ദേവകിയമ്മയും അടുക്കളയിൽ നിന്ന് വന്നു ...... ആഹ്ഹ് നിങ്ങള് പോകാൻ ഇറങ്ങിയോ ..... മ്മ്ഹ്ഹ് ഇറങ്ങി ..... ടേബിളിൽ നിന്ന് കാറിന്റെ കീ എടുക്കാൻ തിരിഞ്ഞു കൊണ്ടവൻ പറഞ്ഞു ..... ഭാമ അപ്പോഴേക്കും ഉമ്മറത്തേക്ക് നടന്നു . കാറിന്റെ കീ എവിടെ അമ്മേ ...... മേശമേൽ കീ കാണാത്തതും അവൻ ചോദിച്ചു . ആഹ്ഹ് അത് നിന്നോട് പറയാൻ വിട്ടു .... പാറുവും പാറുവിന്റെ അച്ഛനും കൂടി ഒന്ന് പുറത്തേക്ക് പോയി ...... അവരുടെ കാറിനെന്തോ ഒരു പ്രശ്നം ... അങ്ങനെ നനന്നാക്കാൻ ആരെയോ വിളിക്കാൻ പോയതാ ..... നീ റെഡിയാകാൻ പോയപ്പോഴാ അവര് പോയത് ...... കാറില്ലാതെ എങ്ങനെ പോകാനാണെന്നപോൽ അവൻ ദേവകിയമ്മയെ നോക്കി . ഇപ്പോ കാറില്ലെങ്കിലെന്താ നിന്റെൽ ബൈക്ക് ഇല്ലേ .... അതിൽ മോളേം കൊണ്ട് പോയി വാ ..... അമ്മ പറയുന്നത് കേട്ടതും മറുത്തൊന്നും പറയാതെ അമർത്തി മൂളികൊണ്ടവൻ പുറത്തേക്കിറങ്ങി ..... ഭാമ മുറ്റത്തായി കാത്തുനിൽക്കുകയായിരുന്നു അപ്പോഴേക്കും ബുള്ളറ്റിന്റെ താക്കോലുമായി നന്ദൻ പുറത്തേക്കിറങ്ങി വന്നു ....... ഒതുക്കി വച്ചിരിക്കുന്ന ബുള്ളറ്റ് സ്റ്റാർട്ട്‌ ചെയ്യുന്ന കണ്ടതും അവളൊന്ന് ഞെട്ടി ..... ദെയിവമേ .....ഇതിലാണോ പോകുന്നത് ..... അവൾ അറിയാതെ മനസ്സിൽ ചോദിച്ചു ..... ഇന്നുവരെ ആരുടെയും ബൈക്കിലും കയറിയിട്ടില്ല ..... എങ്ങനെ കയറണമെന്നോ എങ്ങനെ ഇരിക്കണമെന്നോ പോലും അറിയില്ല..... ഇപ്പോ ഇതിൽ കയറാൻ പറഞ്ഞാൽ ആകെ നാണക്കേടാകുമല്ലോ എന്റെ കൃഷ്‌ണാ ....... അവൾ അറിയാതെ വിളിച്ചുപോയി ...... തുടരും...💚🌺 ലൈക് ചെയ്ത് അഭിപ്രായങ്ങൾ എഴുതണേ ...... മുന്നോട്ട് എഴുതാൻ അതാണൊരു ബലം 🥰 കണ്ണൂർകാരൻ ❤️❤️❤️❤️ #📔 കഥ #📙 നോവൽ #✍ തുടർക്കഥ #💞 പ്രണയകഥകൾ #📚 ട്വിസ്റ്റ് കഥകൾ