#સુરત #સુરત સમાચાર #💥 સુરત અપડેટ્સ #અમે સુરતી #📰 5 ડિસેમ્બર ના સમાચાર 🔴 અલથાણ પોલીસે સાયબર ફ્રોડ ગેંગનો પર્દાફાશ કર્યો, સુરતથી દુબઈ સુધી જોડાણનો ખુલાસો
સુરતના અલથાણ પોલીસ સ્ટેશન દ્વારા સાયબર ફ્રોડના ગુનામાં મોટી કાર્યવાહી હાથ ધરવામાં આવી છે. પોલીસને મળેલી બાતમીના આધારે સુરત અને અજમેરથી એવા ગેંગના સભ્યોને ઝડપી પાડવામાં આવ્યા છે, જે લોકોના ખોટા ડોક્યુમેન્ટ્સના આધારે બેંક એકાઉન્ટ ખોલાવી તેની કીટ, ATM કાર્ડ અને સીમકાર્ડ સાયબર ફ્રોડ માટે અજમેર તેમજ દુબઈ મોકલતા હતા.
પોલીસે મુખ્ય આરોપી ભાવિક ઉર્ફે પ્રિન્સ શ્રીવાસ્તવની ધરપકડ કરી રિમાન્ડ મેળવ્યા હતા. તેની પૂછપરછ દરમિયાન અન્ય આરોપીઓના નામ ખુલ્યા હતા. તપાસમાં જાણવા મળ્યું કે રવિ ગાબાણી અને તરુણ રાઠોડે આશરે 10 જેટલા બેંક એકાઉન્ટ ખોલાવી તેની વિગતો ભાવિકને આપી હતી.
પોલીસે તીરૂપતિ કુરિયર મારફતે ડમી પાર્સલ મોકલી અજમેર ખાતે ટ્રેપ ગોઠવ્યો હતો, જેમાં પાર્સલ લેવા આવેલા સુરેન્દ્ર ઉર્ફે બાલકિશન ગૌડ અને ગોવિંદ ઓમનાથ સિદ્ધને ઝડપી લેવામાં આવ્યા હતા. અત્યાર સુધી તપાસાયેલા 35 બેંક એકાઉન્ટમાં અંદાજે ₹11 કરોડથી વધુના શંકાસ્પદ ટ્રાન્ઝેક્શન સામે આવ્યા છે.
આ સમગ્ર કાર્યવાહી દરમિયાન પોલીસે કુલ 5 આરોપીઓની ધરપકડ કરી છે. આરોપીઓ પાસેથી 21 મોબાઈલ ફોન, 33 સીમકાર્ડ, 88 ATM કાર્ડ, 39 બેંક પાસબુક, 5 ચેકબુક, 2 WiFi રાઉટર અને અન્ય દસ્તાવેજો કબજે કરવામાં આવ્યા છે. પોલીસના જણાવ્યા મુજબ આ નેટવર્ક સુરતથી લઈને દુબઈ સુધી સક્રિય હોવાની આશંકા છે અને આગળની તપાસ ચાલુ છે.
#SuratNews #CyberCrime #AlthanPolice #SuratCrime #CyberFraud
Surat cyber crime | Althan police action | bank account fraud | cyber fraud gang | fake documents | ATM card racket | Surat to Dubai fraud | police investigation | cyber scam Gujarat | Surat breaking news
Surat Althan Police Expose Cyber Fraud Gang | ₹11 Crore Suspicious Transactions
