#💭 എന്റെ ചിന്തകള്‍ ഭയം... നമ്മളെ എല്ലായ്‌പ്പോഴും മാനസികമായും ശരീരികമായും തകർക്കുന്ന ഒന്ന്... ബാല്യം മുതൽ തുടങ്ങുന്നു ഇരുട്ടിനോടുള്ള ഭയം... അടുത്ത വീട്ടിലെ മീശക്കാരൻ അമ്മാവനോടുള്ള ഭയം... എന്തേലും കുസൃതി ഒപ്പിച്ചതിനു ശേഷം അച്ഛന്റെ തല്ലിനോടും അമ്മയുടെ ശകാരത്തോടും ഉള്ള ഭയം... ചോദ്യം ചോദിച്ചു ഉത്തരത്തിനായി അധ്യാപിക മുഖത്തേക്ക് നോക്കി നിൽക്കുമ്പോഴുള്ള ഭയം... ഉത്തരപേപ്പർ ഒപ്പിട്ടു മേടിക്കാനുള്ള ദിവസം വീട്ടിലേക്കു നടക്കുമ്പോഴുള്ള ഭയം... വഴിയരികിൽ കാത്തു നിന്ന് ഇഷ്ടം പറഞ്ഞ ചേട്ടന്റെ കണ്ണുകളിൽ നോക്കാൻ മടിച്ച ഭയം... കോളേജിലേക്ക് പോകാനുള്ള ബസ് ഇച്ചിരി വൈകിയാൽ കൂട്ടെത്തുന്ന ഭയം... പ്രണയവും വിവാഹവും കുഞ്ഞും ഒക്കെ ഭയം നൽകി കടന്നു വന്നവർ തന്നെ... ഒടുവിൽ ബന്ധം അവസാനിപ്പിച്ച പോലീസ് സ്റ്റേഷനിലും കോടതിയിലും എനിക്ക് കൂട്ടായതും അതേ ഭയം മാത്രം.. ഇന്നിപ്പോൾ ജീവിതം എങ്ങോട്ടെന്ന ചോദ്യത്തിനു മുന്നിലും ഭയത്തോടെ തന്നെ നിൽക്കുന്നു... - ആമി