അത്രക്ക് മനസ്സും ശരീരവും കൊണ്ടു ഒട്ടി നിന്ന ഒരാളെ പറിച്ചെടുക്കുക.. എന്നിട്ട് എന്നേക്കുമായി വേണ്ടെന്നു വെക്കുക എന്നത് ആർക്കയാലും നല്ല പ്രയാസമായിരിക്കും. അവർക്കൊപ്പം ഉണ്ടായ ഓരോ ഫോട്ടോസ്.. ഓരോ ഇടങ്ങൾ.. പലവിധം ഓർമപ്പെടുത്തലുകളായി പാട്ടുകൾ പോലും നിരന്തരം അവരിലേക്ക്.. അവരുടെ ഓർമകളിലേക്ക് വിരൽ ചൂണ്ടുമ്പോൾ നമ്മൾ കഠിനമായി ശ്രെമിക്കുന്നുണ്ടാകും മറക്കുവാൻ.. പക്ഷെ.. എന്ത് മറക്കണം ഒഴിവാക്കണം എന്നാഞ്ഞു ശ്രെമിക്കുന്നുവോ അത്രക്ക് ശക്തമായി അത് നമ്മളിലേക്ക് വന്നെത്തും. അവർക്ക് മുന്നിൽ വരാതിരിക്കാൻ.. അവരോട് മിണ്ടാതിരിക്കാൻ.. അവരെ കേൾക്കാതിരിക്കാൻ.. നിരന്തരം പരിശ്രെമിക്കുമ്പോഴും ആയിരം ഇരട്ടിയായി മനസ്സ് എതിർത്തുകൊണ്ട് ഇരിക്കും.. എങ്കിലും സ്വയം നമ്മൾ നമ്മളെത്തന്നെ വിശ്വസിപ്പിക്കും നമുക്കൊരു dignity ഉണ്ടെന്നു.. നമ്മളെ വിശ്വാസമോ.. നമ്മളോട് സ്നേഹമോ ഇല്ലാത്ത ഒരാളോട് പരിഗണന നൽകി സ്വയം വിലകെട്ടവരായി മാറരുതെന്ന്. മുൻപ് അവഗണിച്ചു നമ്മളിൽ നിന്നും പലവട്ടം ഇറങ്ങിപോയപ്പോഴും അവരില്ലായ്മയിൽ ജീവിക്കാൻ ആവില്ലെന്നറിഞ്ഞു കാൽക്കൽ വീണു തിരിച്ചെടുത്തിട്ടുണ്ടാകാം. എന്നെ ഇട്ടേച്ചും പോകല്ലേ എന്ന് കരഞ്ഞു പറഞ്ഞിട്ടുണ്ടാകാം. തെറ്റ് അവരുടെ ഭാഗത്തു ആണെന്ന് അറിഞ്ഞും നമ്മൾ എല്ലാം ഏറ്റെടുത്തു മാപ്പ് പറഞ്ഞു അങ്ങോട്ട് പോയി മിണ്ടിക്കാണും. എന്നിട്ടും നമ്മളെ നിരന്തരം അയാളിൽ പിടിച്ചു നിർത്തിയ ആ ഒരൊറ്റ കാരണത്തിൽ തൂങ്ങി നമ്മൾ പിന്നെയും ജീവിച്ചിട്ടുണ്ടാകും.. അങ്ങനൊക്കെ എന്ത് സംഭവിച്ചാലും ഇവൾ/ഇവൻ എന്നെ ഇട്ടിട്ടു പോകില്ല എന്ന വിശ്വാസം അവരിൽ നമ്മളായി ഉണ്ടാക്കി വെച്ചിട്ടുണ്ടാകും. എന്നാൽ നെഞ്ചിൽ പൊള്ളൽ പോലെ വിശ്വാസ വഞ്ചന അവരുണ്ടാക്കുമ്പോൾ... അപ്പോഴെങ്കിലും നമ്മൾ മൗനമായേ പറ്റു. ജീവിക്കാൻ ഇനിയെങ്കിലും ഇതുപോലുള്ളവർ വേണമെന്നില്ല എന്ന് സ്വയം അങ്ങ് വിശ്വസിപ്പിക്കണം. നമുക്ക് വേണ്ടവരെക്കാൾ നമ്മളെ വേണ്ടവർ നമുക്ക് ചുറ്റും ഉണ്ടെന്ന് കണ്ടെത്തണം. അവർക്കൊക്കെ വേണ്ടി നമ്മളെ ആർക്കും തോൽപ്പിക്കാൻ പറ്റില്ലെന്നു ജീവിച്ചു കാണിക്കണം.. ഇനിയെങ്കിലും എല്ലാവരെയും ഇത്രമേൽ സ്നേഹിക്കരുതെന്നും വിശ്വസിക്കരുതെന്നും മനസ്സിനെ പഠിപ്പിക്കണം.. ആർക്കു വേണ്ടിയും മാറാതെ നമ്മൾ നമ്മളായി ഇരിക്കാൻ ശ്രെമിക്കണം. NB: സ്വയം അറിഞ്ഞു പിൻവാങ്ങുമ്പോൾ ആരും ആരെയും തേക്കുന്നില്ല എന്നതാ സത്യം.... #📝 ഞാൻ എഴുതിയ വരികൾ #❤ സ്നേഹം മാത്രം 🤗 #🙋‍♀️ എൻ്റെ സ്റ്റാറ്റസുകൾ #💭 എന്റെ ചിന്തകള്‍