आज आणि उद्या प्रचाराचा शेवटचा दिवस असल्यामुळे सगळीकडे पैशांचा उघड उघड खेळ सुरू आहे. मतदारांच्या हातात पैसे, दारू, जेवण देऊन त्यांची मते विकत घेण्याचा प्रयत्न केला जात आहे. निवडणूक आली की गरीबाची आठवण येते आणि निवडणूक संपली की हाच गरीब विसरला जातो, हे वास्तव पुन्हा एकदा समोर येत आहे. पाच वर्षे ज्यांनी प्रश्न सोडवले नाहीत, जे लोकांच्या दारात कधीच आले नाहीत, तेच आज मतासाठी पैसे उधळताना दिसत आहेत. पण लक्षात ठेवा, आज घेतलेले काही हजार रुपये उद्या तुमचे घर, पाणी, रोजगार, शिक्षण आणि आरोग्याचे प्रश्न सोडवणार नाहीत. पैसा क्षणिक असतो, पण मतदानाचा निर्णय पाच वर्षांचे भविष्य ठरवतो. वंचित बहुजन आघाडी पैसे देऊन मते मागत नाही, कारण आमचा विश्वास जनतेच्या स्वाभिमानावर आणि विचारांवर आहे. मत विकायला नाही, तर व्यवस्था बदलायला आहे. म्हणूनच या शेवटच्या क्षणी एकच आवाहन — पैशाला नाही, परिवर्तनाला मत द्या; वंचित बहुजन आघाडीला मत द्या. ✊ #🇪🇺जय भिम🇪🇺 #वंचित बहुजन आघाडी